2014年3月24日 星期一

被赦罪? 還是被定罪?

有時, 我自己很怕去唐人街, 因為必會遇上我以前那間唐人教會的教友, 就記起一些不快往事. 

實在十分不明白, 某些人去到邊度, 都會引起好大的人際衝突, 係一間教會裡係咁, 去到別一間教會裡都係咁. 

這些人最大的人生問題, 我睇呢, 只有一個, 這些人不知佢自己和別人已經被主耶穌赦罪了, 仍然以定罪的方式去推動教會, 又或推動他們心中的個人想法. 

這些人遇著我, 還好一點, 我大不了就行開, 不理會這些人. 如果再迫到埋身, 或再來屈我, 我才找個牧師談談. 如果個牧師口吻都係覺得這樣屈人是對的(如講出: Good people hurting good people for good reason), 那我就同個牧師講拜拜囉, 之後, 個牧師就唔該叫這些人出埋我份奉獻金好了.

只是, 這些人大多數都遇上一些不是省油的燈, 他們的人際衝突就不會少了. 

綜合我在這教會14年而又拍不成拖的經驗, 如遇人際衝突, 就要找這些牧師談談, 看看間教會想點, 走上些什麼方針. 唔好好似我咁戇居, 下下都以為人家誤會左我, 下下都以為可以找機會去讓人家了解自己, 其實, 有些教會的方針刻意製造人際衝突, 就不要再浪費時間, 去過另一間教會. 

我現在去不同的教會聚, 當D人叫我留下姓名和聯絡電話, 我寫個E貓俾佢地, 已經係認同佢地的做事方法, 有些教會, 我連第二次都唔會再入去. 係囉, 都話明入教會信教, 有赦罪的大能俾我, 為何又要定我雞毛蒜皮小事為罪呢? 相信如果我真係要去定人的罪, 某些教會人仕, 包括牧師, 一早就俾我轟炸到傻左.


2 則留言:

  1. 社會不斷變質,人性同樣不斷變質...教會正正是容納各種各樣不同性格背景的人群的地方,基本上只是信教理念相同,但每個人的想法、定位、價值觀都往往有異,能用時間彼此磨合固然是好事,倘若分歧大,麻煩多,自然不能令一眾教友和諧共處....

    回覆刪除
    回覆
    1. 你講的, 其實我一直是十分清楚, 如果唔係, 我都唔會忍左14年, 只是一到我離開這間教會時, 我才感受到那種釋放, 這些人自己一直逃避和推卸的責任, 再與我無關. 我想呢, 這些事情並不是因為間教會人多, 而是D人唔成熟, 但又要妝扮到好成熟, 又要好爭議. 把雞毛蒜皮小事, 來妄定善惡, 但一到大是大非的壓力議題時, 就想矇混掩飾來過關, 逃避他們自己的責任. 他們有我在中間時, 不會鬧出如此大的人際衝突, 但一到有心做事的人離開後, 無人做野, 這些人又要互相推撞對方來做野, 這些人的衝突當然白熱化, 連個這個無事時扮有型的牧師都苦埋塊面. 我在這間教會時, 個牧師無潦到可以針對D雞毛蒜皮小事來講道, 連我係咪自戀狂, 都所以變成佢講道一部份. 一到無左我這類人來為佢吸住D壓力, 佢就知道個死字點寫.

      刪除