2014年3月6日 星期四

出租物業的惡夢

好多朋友會來同我講, JJ, 你就好啦, 有份正糧咬之餘, 又走出去"秘撈", 又去投資出租物業, 又去投資這個果個. 

我心裡有苦自己知姐, 份秘撈都係因為驚份正糧唔耐咬, 有事起上來, 有多份糧咬下.... 出租物業呢, 唔通放筆錢係銀行咩? 當然係放出去投資, 唔係股票, 就係出租物業啦.

只是有誰明白我心裡不開心, 最近有租客個女打來找我, 話已經有1個星期找不到個租客, 我就去同佢入去單位內睇睇, 一睇後, 噢..... 

其實, 我自己係唔會驚這些事, 因為我係個心地善良的人, 待人正直合理, 只是見到租客個女喊到咁悽涼, 攪到我有好多日都唔開心, 人生實在太短了. 

最後一次見個租客時, 我仲同佢有講有笑, 同佢講當天會轉冷, 叫佢加衣保暖. 想不到, 一個咁強壯咁大隻的男人, 竟然會.... 唉, 人生總是意想不到, 實在令人捉不著, 把握不到. 

所以, 當朋友用這些妒忌或羡慕的語氣來形容我時, 我總會心裡不太好受, 其實應該是我妒忌他們拍拖無人阻住佢地, 能夠準時結得成婚. 

像我這般的人, 中年才來找個人在身邊, 實在不知道對方會否頂得我順? 我又會否遷就得到對方否? 而且找到的, 大多都是離婚有子女, 受盡人生折磨癲配的人, 這時才來跟著我, 生活上已經沒有什麼美夢可尋可想了.

4 則留言:

  1. 我都明白出租物業的確係好煩.....之前都身受其害....唉..

    回覆刪除
    回覆
    1. 謝謝你來安慰, 不過, 我那些出租物業的煩惱都唔係好大, 因為我有請人來做野, 已經唔洗自己落手落腳了, 而且係好近我, 10分鐘就到, 住客因為這10分鐘車程, 又不會走來煩我.

      我不開心, 因為努力了這麼多年, 現在才發現有了錢後, 並不一定保證人會無麻煩, 有時有些麻煩總是來到.

      刪除
  2. 現在好多女性都同你一樣,不要灰心,努力

    回覆刪除