2016年2月29日 星期一

大家估下, 商場裡有間咁樣的房

大家估下用來做乜, 除了女廁外, 這個也是男人禁地, 到這裡, 大家都估到了.

個名叫 allaitement, 中間個字 LAIT 係奶, 即係育嬰餵奶的地方. 

法文裡 CAFE AU LAIT 即是咖啡加奶囉!




2016年2月28日 星期日

為何我要避開以前的一些朋友?

其實, 我從來都不知道自己是否心思比其他人複雜, 想得太多. 

只是我這個人喜歡去從好的方面來思想, 喜歡用一個善意來處理人生問題.

朋友說我心思複雜, 我就由他說吧, 口生在他們頭上, 思考從他們的腦袋發出, 這個是他們自己的個人問題, 跟我無關.

只是, 有些朋友卻不單只講吧, 還有些行動, 這個就令我不太舒服了. 

其實, 大家各行各路, 就不是沒有問題吧? 但偏偏這些朋友又要把我和他們捆綁在一起, 還要我去做一些吃力不討好的事情, 這個就是大問題. 

有時, 工作上或生意上, 我都無可避免去遇到這些人, 這個原是 PART OF THE LIFE 嘛, 無問題, 食得咸魚抵得渴. 但是朋友泛泛之交, 要我去被這些問題困擾著, 那我就一定刻意去迴避這些朋友了. 

有時, 真是有些朋友好唔生锈咖, 尤其在教會裡, 可能這個出自人們一個對宗教的依賴性吧, 這些人不小心, 自以為是, 再走去做牧師, 那就會產生更多的這類人. 

我自己不是不再信"因信稱義"和"罪得赦免", 只是我這裡教會有些人卻忘記了這個, 硬是說我有這個那個虧欠.嘿, 我一個後生仔入去間教會, 做就有份, 俾錢就有份, 講虧欠, 有排都未輪到我. 請唔好再用這些令人討厭的咀臉和口氣吧! 這樣只會越來越令人不想進入教會.

2016年2月27日 星期六

人生與命運

細時, 一邊睇電視上或選美裡的靚女, 常常一邊聽到爸爸說, 出來參加選美或做明星的女孩子, 大多都不會是有錢人家的女兒. 初聽之下, 我覺得爸爸帶了有色眼鏡, 言下之意, 大有想來提醒我.

後來, 大過左之後, 我才明白到, 唔只做明星好辛苦(1個鏡頭重拍十幾次, 面部表情做到塊面梗左), 連選美都係好辛苦, 不要說彩排要企好耐, 上妝換衫更係好花時間好大壓力, 上到台一組大光燈射落來, 衣衫單薄的女孩子由全身冰冷變成被火燃燒. 做明星選美這些行業, 其實是十分傷身體的.

我明白愛美是女孩子的天性, 參加選美來得到認同, 更是任何一個女孩子的夢想, 只是每年選美比賽, 都有很多女孩子中途退出, 大多都是因為太辛苦太大壓力, 覺得不值得嘛.

大家不要以為, 選美後嫁作富人妻的女孩子, 她們是最大的勝利者, 其實, 很多中途退出的女孩子, 都已經達到這最終目的了. 對一些女孩子而言, 去參加選美上電視上銀幕, 只是達到去接觸富人的目的, 所以, 真正拿選美冠軍或三甲, 未必一定是最靚的那群.

當然, 我明白不是任何女孩子都是這般的勢利, 不過, 這般辛苦去選美去上電視上大銀幕, 就再不是普通女孩子的機心了.

其實, 不單平凡是福, 身邊朋友全是平凡人, 也是一個福氣, 由人生命運, 到思想行為, 都會沾上這些朋友的福氣. 

一直以來, 不少朋友說我思想太複雜, 但我卻發現, 說得出我思想複雜的朋友, 他們的內心世界也不顯得單純簡單. 到今天, 我常常刻意去避開一些以前的朋友, 當中原因, 離不開我希望人生可以平凡少機心, 可以心地善良地去活好每一天. 我相信, 一棵善意最能解決人生天大的困難.

憑一張美貌來改變人生命運, 不是每一個可以做得到; 但用智識和勤儉來改變人生命運, 卻是每一個人都能夠做得到. 真是要多謝我父母, 自少就灌輸了這個觀念給我, 令我人生再沒有悲衰, 命運可以走上順境順利之途了.

2016年2月26日 星期五

我這邊配眼鏡開始平了.

以前近視鏡都CAD$200-300連架, 現在漸進鏡連架可以低到CAD$300, 不過, 我有散光, 就可能要貴一點了. 可能CAD$400吧. 

不過, 香港漸進鏡+散光都係HK$2000樓下, 架方面還是名牌, 所以我覺得香港一定會平成一半架. 





2016年2月25日 星期四

我這裡的華埠小姐.

噢,...... 由幅海報就知道, 這幾年越來越唔似樣了, 這幾年都係用番同一幅海報喎, 只係係上邊改幾粒字, 如年月日咁啦. 

咁又係咖, 咁多年都無人攞過獎播, 誰都會無心機啦!

PS: 記起有一年呢, 我去理髮的髮店, 有位師父義務幫D參賽者去SET 髮和化妝. 

咁呢, 我就見到班女仔來排隊了, 之後當然係人工地修飾一番, 噢...... 乜原來經過處理後, 真係差好遠咖喎. 

不過, 個個學生妹離開時, 衣著同頭上和面上不成正比囉. 

其中有一個同我笑喎, 哈哈哈..... 我心諗佢有心食大茶飯, 當然唔會睇我上眼(當然我知道我好靚仔啦, 不過都唔會吸引到心機咁重的女人嘛), 咪玩我啦, 極其量都係想搵多幾個觀音兵係身邊, 又或找些人買佢地D選美晚會門票囉. 

嗱嗱嗱.... 大家睇睇囉, 三色台個湯記呢, 就係右下角, 而鐘麗媞呢, 就係底行中間. 湯記都無乜變, 但媞媞就變到.... 噢.... 都係果句, 不許人間到白頭, 悲傷呢...... 

其實呢, 媞媞曾經來過我以前去果間唐人教會, 真係唔講我真係忘記左, 係果幾年, 果間教會真係有好多靚女去呀. 哈哈哈.... 這個當然啦, 有D咁靚的靚仔去喎, 當然會吸引好多人去啦!

不過, 後來有屬靈人仕來同我講, 佢地好怕教會風氣唔好喎, 其實佢地係怕佢地D仔女學唔到我地咁靚, 變成極度自卑而碌爆咭. 之後, 我就著到好ER-嗚咁去間教會囉!


2016年2月24日 星期三

捉鬼敢死隊.

這套戲已經30多年了, 估唔到現在仲有人記得, 仲花咁大力氣, 整到架車咁, 真是勁呀.

2016年2月23日 星期二

今個冬天搭的雪蓬

年年11月中都要搭, 下雪後, 我們出入就會方便好多, 最少不用剷走車上和車旁路上的積雪. 

年年都找一些不太貴的, 今年我們找個貴20%的, 一分價錢一分服務, 搭的方法.... 搭得唔會太傷我地個雪蓬.

我諗, 下年都再找他們.


2016年2月22日 星期一

不老的回憶

各位BLOG友仔, 今天係中國情人節, 就同大家講下關於愛情的事情.

適憑香港無記電視台重播鄭生抽果套"豬劍恩仇錄", 就快結尾.... 就快香香公主香左, 就由這裡開始講呢!

其實睇番幅 POSTER, 就算用今日角度和水準來看, 我都覺得無解可擊, 靚仔靚女靚衫靚場景.





不過呢, 個故事的結尾(陳家洛把香香公主送回去給咸濕王帝, 最後令到香香公主自殺身亡), 放在現代人的角度和觀點來看, 又覺得有點..... 最突出的其中一個想法, 有人說劇中相送的那一幕, 好像現代的姑爺仔說服D女仔去做舞女咁喎. 





不過, 姑爺仔係唔會淨係拖手仔咁純情咖嘛..... 不過呢.... 當時有很多女性睇到喊苦喊忽咁喎, 其中幾個呢, 包括我阿媽和我D阿姨呀, 唔好講D姨丈們, 單講我阿爸, 都不比鄭生抽有任何差姐, 只係差在我阿爸唔識整喊我阿媽之嘛, 做人老老實實, 而劇中的情節, 一定係要攪到D女人喊先收手囉. 

傳聞呢, 這些武俠小說呢, 唔係全部都由金庸寫出來, 很多時候是由倪匡代筆的, 不過, 睇佢個仔點對慳妹周慧敏, 點去唱衰潛在對手劉鍚明, 就知道這些人的愛情觀念有幾假了. 

所以到最後, 愛情不在乎山崩地裂, 激情灑淚, 而是在乎做人老老實實, 誠誠懇懇吧!


2016年2月21日 星期日

新派早餐廳

這間舖原本是間賣西式傳統燒肉, 酸菜和薯條的地方.

現在變成賣新派早餐, 早餐內多果汁, 多水果, 少烟肉, 少薯條. 

成功與否, 半年後式目以待吧.




2016年2月20日 星期六

南美智利與中國西藏

唔知道點解, 我一見到, 就覺得佢地好近, 人又好近, 都係黑黑實實, 有少少胖. 音樂都是好像把人通向天上一樣. 

可能他們都是一樣, 世代住在高海拔高山上, 艱難的生存條件, 令到他們跟我們低地人有點分別. 



2016年2月19日 星期五

強項是大型機械

無可否認, 歐美的強項是大型機械, 做著很多難以完成的工作, 令到工程又快又安全又成本低. 

現在中國國內工業都開始向著大型機械方向邁進, 這個是可喜可賀的消息, 因為可以追趕人家, 令到工程又快又安全又成本低.

2016年2月18日 星期四

視覺的衝擊, 購買慾全被引出來了

大家估下這間舖賣乜野? 就算大家唔會法文, 大家看看圖中那件東西最搶眼啦嗄!

當然唔係賣蘋果, 太cheap了, 所以退而次的, 就是賣鞋了.

嘩.... 哈.... 哈..... 我覺得個 毛del 好潮, 好俾到人一個春青氣息, 一個沒法抗拒的衝擊, 衝擊著人們對美的感覺, 要征服人們來買她腳上的商品. 




2016年2月17日 星期三

一雞死, 一雞嗚

其實呢, 現在國內來的投資移民, 跟以前香港來的, 沒有什麼分別, 個個都蝕錢蝕到間餐館執笠關門. 就以下邊這家為例, 以前叫另一個名的壽司店, 每個星期六早上都見到好多中國人係門口等老闆回來, 入去開工, 我行過一聽就知道佢地講煲冬瓜. 

之前一排執左, 現在改左名, 重新裝修之後, 除了多左慶賀新張的花藍外, 都係見到店外每星期六早上, 有很多中國人等老闆回來入去打工. 

ps: 見親d較有錢的大6移民, 個個都係開豪車, bmw 已經小兒科, audi 和 rover 都唔少. 最攪笑係見一個開便利店的, 竟然開部凌志大車喎. 其實, 又唔需要咁的. 咁樣來充派頭, 都無乜用咖, 因為人人都知道佢地d生意不但無錢賺, 而且還要蝕錢, 開部豪車出街, 都不會令人相信佢地大富貴得去邊囉. 

相反, 有檔賺錢生意, 就算開部普通日本車, 人家都知道這人有貴氣啦.



2016年2月16日 星期二

樓上有人嗌交......

嘩.... 竟一個花盆飛左出窗外, 希望下邊架車係間屋裡邊d人, 只係夫妻洒下花槍. 如果唔係, 係屬於公共大廈裡的其他住客, 可能會六國大封相.


2016年2月15日 星期一

明白了, 為何星戰7個結局會咁.....

前排去戲院睇星戰七, 見到演 HAN SOLO 的老牌戲星 HARRISON FORD 行步路都拐拐下, 都想到套戲結尾時, 會安排佢死.... 果然, 套戲臨尾, 佢俾佢戲中個仔殺左喎. 

但係原來唔係因為 HARRISON FORD 老到行唔到, 才俾人炒魷, 而係因為..... 

拍片時, 出來了意外, 佢俾戲中佢架飛船 Millennium Falcon 的道具門打中左, 攪到佢小腿骨折, 當時還要立刻空降佢去左近的醫院呀. 之後要停工2星期, 又後佢就當然係片中行到拐拐下啦.

現在電影公司狄士來俾當地政府部門告上法庭, 話佢地唔依工業安全規則, 才讓成意外. 

不過, 事件不會就此停止了, 現在佢應該係等緊當地政府部門單官司的結果, 然後向電影公司索償, 相信將會係天文數字的索償, 因為佢可能從此都不會再出番來演出了. 







2016年2月14日 星期日

情人節裡, 談人們內心的恐懼

今天醒來, 才發現漏了寫情人節這天的BLOG文.

立刻重整思路, 寫一些關於情人節的事情.

多年前, 不斷有網友勸我回流回香港, 只是我雖然單身, 但回流香港也十分不容易, 要重新適應香港環境和天氣嘛.

最近, 才留意到一位前毛記當家花旦, 90年代初跟丈夫回流香港, 就好似現在 JASON 陳咁, 由英文台被挖過中文台, 變成偶像派的台柱. 

聽新聞說, 佢現在已經離了婚, 因為丈夫的債務問題, 不想影響有入息來源的前花旦和子女. 

很多時, 一對夫妻遇上困難時, 通常都是由一方先去頂起欠債, 然後申請離婚, 讓有收入的別一半去繼續維持家庭. 

不過, 很多時, 這些患難夫妻假離婚後, 很多時都變成真離婚收場. 其中大多都是因為艱難而來的恐慌.

恐慌真是會破壞和諧婚姻? 是的,大家看初一晚上的人群, 他們內心恐懼著社會發生大型的改變, 而導致他們上街作出破壞行為.

其實, 人在環境改變裡, 最容易產發恐慌. 加國天氣落差大, 由夏天30C 到冬天-30C, 環境改變, 令人產生恐慌, 令人產生抑鬱和情緒低落, 也令人婚姻出現衝突和問題. 

為何情人節要定在2月14日全年最凍的日子? 因為在這日子裡人們心情最低落, 最容易產生婚姻問題, 最多離婚事故發生, 所以要在這日子裡做做一點事出來, 沖喜一下個低落的環境.

2016年2月13日 星期六

上年在香港時, 最後一.....

上年我臨離港時, 還有幾聲咳, 香港空氣唔好嘛!

不過, 有樣野想試好耐, 就係鐵觀音雪糕了. 

臨走前一晚, 就走左去試..... 都OK, 沒有什麼大驚喜喎. 

見咁多人排隊, 初頭以為好正, 最後都有點失望, 可能我口味已經再不是香港人口味了. 唉.....

PS: 昨天跟國內來的一個行山友說起香港空氣, 原來香港和深圳的空氣已經是國內第一流質素的空氣, 這朋友更戲言, 如果我冬天去東北, 一下飛機在街上行, 就會因為污濁空氣而倒臥街頭, 有無咁誇張呀?





2016年2月12日 星期五

各位, 羡慕嗎? 我這裡連鬼子佬超市都有.....

中國人年糕賣了..... 

上年有暉春和過年擺設, 今年有年糕和糖果, 不過, 我現在少食糖了, 就只買舊細細地的年糕來擺.

希望我下星期有胃口食左佢.

今個星期日係人日, 我希望我開始有胃口食餃子和湯圓了. 


2016年2月11日 星期四

初一晚暴動的反思

真不太想在新春頭, 說這些令人煩心的事情, 但卻這事又發生在大年初一, 不能不及早想想這方面問題. 

這次跟以往時節中的騷動很不同, 以往大多都是一些烏合之眾, 以往都只是突然間失控而鬧大件事. 但今次事件, 卻是有預謀有組織, 更不涉及黑社會, 而且更懷疑有組織者在事發街道上的樓宇單位內, 監察著警方的部署, 得識警力的強弱位置, 遙距操控鬧事者往那方向衝擊+逃離+再聚集. 

我叫背後策劃的這個/群人做 MASTERMIND (MM), 相信不是黃羊撻或增KIN招這些人之流, 相信這MM必定有後續的計劃, 相信香港社會來緊這一年, 都會不太安靜. 

如果要我這個分析佬來分析這MM, 我大約估計, 他是30開外, 有高學歷(最少大學畢業, 更可能是個歷史系或系統科學的畢業生), 但現在沒有正職, 而且更是不能融入社會的一些被邊緣的人仕. 

我相信, 現在的問題不應該單單放在突區政府的管治之上; 由2005年開始, 我已經不停向人提出,香港現今問題的結晶, 是發展遇上樽頸, 和社會資源再不能無止境地增加, 來滿足港人不斷提升的需求, 之後才會湧現著現在見到的各種各樣社會矛盾.

當時ONE總 以自由行和惠港傾港的政策, 把珠三角甚至全國的資源, 傾斜地惠及港人, 希望全中國個餅越造越大, 最後惠及全中國. 只是, 現在不單只中國國內和香港遇上發展樽頸和滯後, 連全世界發展也遇到數十年一遇的低谷, 已經看到一事, 個餅已經不能再造大造強了. 

現在是港人需要作出一些抉擇的時候, 應該把我們手上的資源, 投放在什麼地方呢? 當然是最有戰略和最高效率的地方, 長久以來, 歐美和香港都奉行著, 透過消費來把經濟發展提速. 只是現在到了自然資源再無法增加來提速經濟, 歐美還好一點, 比香港地多人少.

香港現今的問題出現在土地資源, 技能人力資源, 水電資源開始缺乏. 有沒有想過, 香港電費水費還比美國內華達州沙漠城市的還貴? 水電費貴, 就代表人們要更多的勞動, 才能夠換取生活的所需日用品. 再加上土地資源+醫療資源+技能人力資源開始缺乏, 香港種種的社會矛盾將會不能避免地湧現出來. 


現在放在港人面前的抉擇是, 我們應否繼續行在這幾十年來經濟奇蹟的軌道上, 還是我們要別覓出路? 但是東莞港商的經歷告訴我們, 不斷復製以往的經濟奇蹟, 只會不斷分薄這奇蹟的果效, 最後變成失去果效. 

我自己卻一直在做著: 

1. 少消費 - 很少出外用膳, 很少出外洗無謂錢, 一年在外不上一杯咖啡. 

2. 多儲蓄 - 儲下的錢, 投放在錢生錢的用途上.

3. 投放資源在個人健康, 養老, 醫療之上 - 父母有病, 立刻帶他們去醫, 不能讓小病變大病, 到時就需要更多錢去醫. 平時, 給父母保健品, 讓父母更能享受健康的人生.

4.  自己生活簡樸, 多做運動, 自然少出去使用公共醫療資源, 少破壞生態, 少浪費,要求生活上以最少物質,得出最大的生活樂趣. 


5. 少依賴家傭 - 以我經濟能力, 就算在加國, 請家傭也可以附擔得起, 但是, 這個就令我少了那種獨立能力, 生活上也沒了那種最簡單最少浪費的原則. 可能直到我父母不能自顧生活時, 我才會請家傭回來. 

其實, 我這類人呢, 某部份女性一見到, 就會扣我分的,有些更明言, 誤以為家傭是成立家庭最低的底線, 就算我說我負責做, 家務不用她粗心. 我想, 某些人現在心態, 卻是直接通往這些社會矛盾深淵的最主要原因. 

PS: 昨天開始吃返飯了, 不再靠食粥, 而且更開始飲牛奶和食芝士YOGURT了, 只是一切都切得細和煮得軟, 才進食吧! 都係果句, 好彩我平時身子一直KEEP 得好, 一到有病時, 就容易很多. 想起以前見過的某些女性, 他們的平常生活習慣呢.... 我覺得我真係依靠唔到佢地囉, 尤其我一有病時, 佢地跟本就幫唔到我.

2016年2月10日 星期三

新年.... 來賀年.... 人月比花好

找D美女著靚衫, 來同大家賀年吧, 這樣就更有氣氛呢!

希望把初一晚上旺角騷亂的戾氣沖走, 為各位在香港的BLOG友仔, 帶來詳和的景氣.











2016年2月9日 星期二

新年.... 來賀年.... 年花要好

聽聞, 今年香港天氣又冷又無陽光, 所以水仙花到年尾都無開花, 唔怕.... 上網一找, 就找到了.

在衛星電視上見到香港人人都歡天喜地, 只是我這裡一出到街上, 人們都因為惡劣冬天天氣和聖誕節過後的低迷市道, 而面上沒有歡笑, 這個令我覺得是個天淵之別了.












2016年2月8日 星期一

祝大家新春快樂

都係摷番廿幾年前D賀年片段來播好了.

唔知道係咪我已經老餅, 我總覺得這個最有氣氛喎.









2016年2月7日 星期日

新春戰衣

過年了, 當然要令到自己感覺得好一點嘛, 所以LU 喎, 就一定要做D攪作嘛.

除了年廿七大掃除外(今年沒有年卅, 原本年廿八做的, 就調前一天囉), 年廿九擺佈置外.

大年初一, 都要著些應景的衣服呀.

今年衣著係...... 衫上邊數字係18(實發), 紅帽呢, 就係鴻運當頭. 

我在這裡, 祝各位BLOG友仔, 今年身體健康, 家肥屋潤, 閤府安康, 實發實發, 鴻運當頭.

2016年2月6日 星期六

快過年, 送D得意野俾大家....

就係瘋魔萬千少女的迷你兵團了.

咁多隻, 咁多件架生做實驗, 都係$28加仔, 稅後都係$33有找呀, 為港紙 $180元.....


2016年2月5日 星期五

嗚.... 嗚.... 嗚.... 嗚, 要食粥水呀.

好彩我本人身子一向很好, 食左咁多日粥水, 都仍然未腳軟.

不過, 計過數, 要是這樣下去, 我體力仍然可以維持到1個月左右. 

現在的米量, 是平常的60%左右, 蔬菜和肉量是平時的50%, 再加些麵包和早餐的粟米片, 應該未有咁快影響到日常的生活.

我想可能係食左唔夠新鮮的青口引起, 食後整個星期都唔舒服, 這幾天更要食粥. 

前天見家庭醫生和驗血, 昨天去照胃, 個X-RAY醫生好細心, 用左成20分鐘, 拍左好多幅. 

之後見個醫生無野同我講住, 相信不應該是大鑊野, 下個星期家庭醫會同我講了結果.

不過, 今天已經好左好多. 

PS: 粥裡頭有瘦肉, 西芹, 紅蘿白和豆莢, 全部都切碎左, 才用無火煲來煮. 

今天請了病假, 沒有上班, 但人生都係要及時行樂, 等陣間我會蛇出去行街, 哈.... 哈.... 哈.... 哈.... 

去行街時, 經過唐人超市, 入去昅下有無桄榔粉, 這個是我太婆的偏方, 十分有效, 不過, 找不到咁偏的東西, 話說係用廣西的桄榔樹磨做的. 不過, 卻俾我見到薏米喎, 就令我記起慈實+薏米+淮山來磨豬肉湯, 係可以調理好返個腸胃, 立刻買啦, 才知道現在D中藥材貴到天價咁呀. 

最後, 我出埋鬼子佬偏方, 就係用家樂氏粟米片來送暖水食, 都洗得咖, 不過, 無薏米慈實湯咁有效.