2016年10月30日 星期日

這裡街頭 "炒食"......

哈哈哈......這位阿嬸竟然用洗衫大鐵盤, 加枝拖地棍, 再加條朗衫鐵線, 就整左個樂器名堂出來. 


這個排笛, 唔洗問, 係南美音樂了. 


一班後生, 喜歡夾BAND, 真唔錯, 唱歐洲民謠. 

不過, 大街上, 佢地無得揀地方, 只能捲縮在黃色電影院門口賣技. 人們自己內心坦然, 就不用理會週圍了, 更不用理會人家惡意批評了. 可能因為我經過這些地方時, 不刻意兜路行, 就招來人家口實, 不過, 我欣賞音樂, 傍邊的地方, 實在不用多理會了.




2016年10月29日 星期六

折扣店內的超貴貨

嘩...... 原價2200加仔, 來到折扣店就變1500, 賣唔去, 就變1200

不過,我係唔會買佢,因為我唔想俾人覺得我咁大富貴, 家陣加拿大這裡經濟唔好, 好怕人打劫我.


不過好快就有人買左, 這裡D人越來越虛榮心重, 愛買奢侈品, 但D人袋裡只有
還要供的屋, 用間屋來做提款機, 間屋的按揭貸款越來越多, 可憐呢!


2016年10月28日 星期五

2016年10月27日 星期四

唐裝功夫衫值幾錢?

最近有個西人想來租我的出租物業, 佢話佢係個詠春功夫教練, 佢真人就真係好細粒好矮, 得5呎多少少. 

上佢個武館的網頁一看, 見佢著住件唐裝功夫衫喎, 係首席教頭. 不過, 件衫唐人街裡只賣$45加仔.


只不過, 佢寫我份申請表時, 竟然用佢個越南老婆來申請, 但佢老婆從未來過, 我又未見過佢老婆. 

最奇怪係, 佢老婆乜都無做, 但佢話佢由佢武館裡, 每年支9萬加仔俾佢老婆. 

嘩, 先生, 洗唔洗作到咁大呀, 佢揸部幾年舊的 MAZDA 平車, 怎會一年俾到佢老婆9萬加仔咁多?

現今D人呀, 心裡不好, 好唔誠實囉, 仲當人傻咖, 真係掩耳盜玲, 自欺欺人呀. 


2016年10月26日 星期三

絕對係自助

大家估下係自助D乜, 

答案係..... 自助 义手機電, 大佬, 好勁呀, 又可以減肥又可以义手機又唔洗俾電費, 

2016年10月25日 星期二

2016年10月24日 星期一

我愛春花好, 秋涼亦偶然

回想今年5月尾.... 人間真美, 真好

真係好靚咖, 花初開的盛放..... 雨粉飄飄.... 



2016年10月23日 星期日

2016年10月22日 星期六

生意淡薄, 不一定不離賭博.

好啦, 係屋企執D舊野出來, 攪攪星戰氣氛, 帶帶人流. 

這商場執左唔少舖位了, 現在加油啦, 希望快D有轉機吧.


2016年10月21日 星期五

D人失明左咁耐, 現在開始開番眼了.

D公司賣左又灰又黑的色衫咁多年之後, 現在開始轉轉觀感了, 開始賣番鮮色衫, 對我來說, 我在街上, 不會再鶴立雞群了.



2016年10月20日 星期四

夏天的瓜....

十分懷念加國夏天的瓜蔬生果, 天氣好, 就乜都種得到. 


但一到現在10月深秋, 就種唔到了, 要由美國運過來了. 又貴又無新鮮. 



新鮮的瓜真係好靚咖. 




這包蕃茄, 只賣$1加仔, 生活在夏天的加國, 簡直係天堂呀!




2016年10月19日 星期三

找個加燦來?

回來香港後, 我喜歡去茶餐廳, 尤其草根階層果D.

 我好喜歡樹起隻耳仔,聽下隔離D人講D乜東東,
 

哈哈......咁,有次呢,個TOPIC就講, 港加聯婚. 仲係港女嫁俾個前度港燦的加燦呀.

單CASE係一個弟弟, 勸佢家姐個女唔好咁快決定結婚生仔住, 最好用半年時間過去加拿大, 同個男仔共同生活一下先, 到知道適應到加國環境, 才好去結婚生仔.

我心裡十分讚成, 但係呢, 有邊個阿媽會同意個女無名無份咁? 俾個女跟個男仔去到咁遠, 容乜易蝕底左俾人地咖? 

聽那個弟弟講, 佢有個朋友個女, 嫁左俾一個溫哥華含住金鎖匙出世過億身家的加燦, 到最後唔適應生活, 要喊住離婚, 仲帶埋個BB女回來香港住. 其中原因, 原來就係無得落街食野, 連食公仔麵都要買回來自己煮, 唔關個男仔養唔起佢.

嘩, 我一聽佢個理由呢, 我就覺得這些人的心智有問題喎, 唔關個加燦男仔事呢, 完全都唔合適去嫁人, 去做人母親生兒育女. 唉...... 不過, 如果這些人的問題是一個普遍的香港情況, 難怪香港少左人結婚, 因為佢地真係唔應該去結婚, 更唔適合去生兒育女. 

 

2016年10月18日 星期二

魁北克法裔人的美感?

哈...... 現在有乜水仲會用洩斗來計時, 但偏偏D人石屎老筋唔想變, 仲要擺擺埋埋咁多個洩斗, 懶有型咁, 其實係跟時代脫節了.




2016年10月17日 星期一

加國路宿者.

有越來越多的趨勢, 失業或就業不足, 咭數太大, 日常消費太多, 生活指數太高, 都是把人們推向無家可歸之路. 


不過, 加國政府可以做的, 實在不太多, 人們要為自己的將來打算, 就要由年青時開始, 好好工作, 好好生活, 好好消費, 好好儲錢, 好好計劃人生.


 最近才有新聞說, 加國豪車銷量直線上升, 這個不是因為貧富懸殊, 而是人們見自己屋的屋價高企, 以為自己袋中有錢, 一有財富效應, 就走出來豪起上來, 但係這些現在豪的人, 到最後會點, 哈哈哈, 會否好像下邊這人咁?



2016年10月16日 星期日

2016年10月15日 星期六

法國人的看家本領

好有創意, 賣鞋都賣到佢咁風騷, 用鞋帶穿住對鞋來做窗櫺裝飾. 



PS: 不過我一定唔會係這間買囉, 因為太貴了, 這個叫做貴族心思, 但沒有平民價錢.


2016年10月13日 星期四

十年人事幾翻身?

最近我才收到一封我股票行的來信, 上網一查, 原來係講美國銀行的次按證券, 講話如果我以前買左這些由美國銀行這些次按證券, 今年11月29日開戈月庭喎, 叫我去登記, 成為原告之一, 告得成就可以瓜分果筆賠償金喎.

妖, 差唔多廿年前, MOTOROLA 主席係股東會上講佢地營利指引, 話果季賺得好好, 我就唔信邪, 走去買左佢隻股, 後來果季業績差到蝕錢蝕到嘔白泡, 我快快賣左佢, 都唔見左錢喎. 之後又係被投資者告上庭, 又係咁樣隔左10年才開庭, 又係咁樣罰左佢, 只是呢, 當我一收到張賠償支票, 只係我損失的1/10都無. 

嘿...... 我以前就知道一事, 告乜呢? 就算告得入, 扣埋講數的折讓, 和律師的手續費, 我都唔見好多.

所以, 從這個之後, 任何人對我唔住, 我總不會要佢地講對不起, 也不會再跟他們斤斤計較, 但我一定會遠離這些人. 

2016年10月12日 星期三

我同後生時最唔同的, 就係好容易唔開心.

我母親好喜歡睇 UTUBE 上的粵語殘片, 其中最多的戲情, 大多都係敗家仔敗哂身家, 又或D人有些奇怪的嗜好, 如嗜大煙, 嗜酒, 嗜賭, 嗜嫖.

咁, 我初頭都以為係舊時D人無乜教育, 無乜社交, 無乜娛樂所致, 但係我最近睇D心理報告, 原來染上惡習, 其實, 係因為D人有抑鬱, 而且仲係好嚴重的抑鬱, 就好容染上惡習.

這個我真係要提醒自己, 因為我唔知點解, 近年好容易唔開心, 好容易抑鬱. 

大家有無方法俾下我, 令我可以1開心一D?

2016年10月11日 星期二

同後生時最大分別.... 少左對未來的正面憧憬

近年越來越發現自己越來越容易抑鬱, 可能內裡的原因, 係自己想法再沒有咁正面了, 想法變得負面.

為何我常常想到世界不會再好似以前咁好? 為何我會想著經濟部衰退後, 就不會復員, 或之後不會更好? 

因為2010年係全球 嬰兒潮出生人仕的退休年齡, 之後, 我卻看到很多人退休生活很差, 看到很多人失業, 看到很多人在低工資邊緣爭扎著, 看到很多人生活十分艱難. 

年青時, 總覺人家比自己好, 這樣, 我就只會覺得自己只越來越好, 越來越高阩, 不過, 現在見到很多其他人都不好, 總會怕有天自己會變差, 變得好像他們一樣. 

PS: 有時, 人心理真奇怪, 見到百貨公司減價, 我反而不開心, 真係見到百多元的名牌外衣, 減到$30之後, 有個中年西人試了又試, 睇左10分鐘, 最後都唔買, 比著往時90年代, 百多元的普通牌子, 減少少20%, 都大把人買, 那時我見D野貴, 但見到其他人買, 自己沒有買, 我反而更開心, 因為我知道, 賺人家錢的機會, 十分容易有, 但現在卻不容易了. 




2016年10月10日 星期一

不確定的世事

努力去做好自己, 盡自己最大努力, 這個本是人世間最確定的方法, 來達到安穩的人生.

只是, 世事不確定, 盡自己最大努力後, 得出來的結果, 也不是人人一樣. 

我自己慶幸90年代就開始投資, 那時蘇聯瓦解, 冷戰結束, 海灣戰爭令油價長期維持在低位, 互聯網出現, 中國加入世貿, 令到財富升溫效應, 投資大多無往而不利.

只是, 今天面對將來, 見到美國兩個總統候選人都話要保護主義, 就知道來緊的時候, 跟90年代時不一樣了. 

面對這些一切, 自己同自己講, 都係應該去調校自己對自己的祈望了, 不能再祈望好像90年代咁好景了, 也不能祈望物價好像以前咁平了. 要準備將來的日子, 一切都會困難一點.

PS: 中國現在加強跟加國的關係, 就是要準備著跟美國關係轉差, 唉..... 將來的事, 我們真係要小心盤算, 多作準備.

2016年10月8日 星期六

回港, 本應好開心, 我竟然情緒低低地喎

回港後, 第一樣今人不安的感覺, 竟然係.......

我發現了..... 果間"零食最強"執左笠喎......\

依照我這些食零食長大的人來說, 這些企業就等如, JNJ, PQ 這些日常生活用品公司咁咖嘛, 點會無人幫襯佢呢? 本應屬於那些長有長做賺的生意來咖喎. 

係我最想食牛肉乾尤魚絲時, 竟然無得, 果種失落和困惑, 再加上, 開始質疑自己一向的投資眼光, 我真係好情緒低落呀.

退而不休, 上等人也!

昨天講買生化豪子股或1元股, 來預備做退休基金, 不過呢, 這個是較高風險咖吓, 如果唔係果D崩泰山於前而色不變的人, 就唔好參與, 而且, 我開始咁做時, 係我剛剛由學校畢業出來, 當時雖然賺錢能力不高, 但總係無負擔, 又無必要用錢, 除非有個女友唔生鏽, 一味要我洗錢, 咁就真係唔可以咁做了.

今天又講講, 別一類解決退休問題的方法, 不過, 大家唔好誤會我的本意. 其實, 我將來如果有天發現我已經唔洗再做, 可以退休了, 我都仍然會小小地咁做, 不會乜野都唔做, 可能跟以下的人仕, 生活方式也不會有太大唔同, 唯一不同, 可能只係那份 SENSE OF SECURITY. 我有個做醫生的親戚, 快要60歲退休了, 但佢決定, 公共醫院唔受佢玩, 佢都會去私家醫院掛名, 唔係為左錢, 而係為左服飾人群.


家陣歐洲有種為退休人仕而設的保障就業, 叫做輕型工作(Mini Job), 即是, 這工種的薪酬待遇都較兼職還低,每周工時上限12小時。每月收入約450歐元的僱員將不需納稅,亦不需向社保制度供款,僱主部分的供款亦較少. 因聘用成本低,受零售、餐飲、家居清潔等輕型工作行業的顧主歡迎.

PS: 在歐美, 退休保障制度有3條支柱系統,第1支柱是政府退休,是現時的僱員及僱主供款用作這一代長者的。第2支柱則是僱主提供的退休金,例如為他們購買額外的基金或股票等;第3支柱則是個人儲儲埋埋的養老金,依照個人籌劃的退休生活來預算。加國還好一點, 還有老人金, 為到果D係政府退休金和僱主提供的退休金唔夠洗的人, 補到佢地夠錢洗.

不過, 家陣歐美很多人長期失業或就業不足, 退休前的薪酬偏低,所以退休金也會偏少。很多人退休1時, 連最高額的一半也沒有. 而很多人也沒有前僱主提供的退休金, 更沒有自己的養老積蓄.  這類唔夠錢生活的退休人仕, 在歐美中, 越來越多.


2016年10月7日 星期五

我廿幾年前開始買生化藥股

英文係 biotech, 當時投資風險很大, 因為人們對這門新科認識不夠, 一跌就跌到四輪朝天, 我試過有次買左隻股, 由30元, 跌到1元多一點, 仲要驚住跌低過一元後, 被除牌. 

現在有好多人和基金, 瞄準那些藥仍在試驗的生化股, 我也是其中之一人, 由毫子股到一元股, 都是人們刀仔据大樹的致愛. 在10隻不同研究範疇的生化股裡, 等佢幾年到十年不等, 只有一隻到二隻的藥成功上市, 再被大藥廠或大智能公司成功收購, 大家的退休基金就有著落了. 哈哈哈..... 不要小看佢..... 大公司穩定的股息, 正是大家退休後夢寐以求的退休收入保證.

在這科技上, 全球每年投入2千億美元左右, 最近連 fb教主都放左2百億美元落去攪埋一份, 矽谷近年更是積極投身醫療科技,大數據(Big Data)及人工智能(AI)都是他們使用的工具, 從中希望有醫療突破。好簡單, 大家和我身上的智能裝置, 記錄左我地日常生活,這些公司取得大量數據,再用AI來分析和整合, 再找找市面上有乜乜藥可以配合到, 甚至用AI來分析DNA, 度身訂做多種藥物的療程 - 劑量和不同藥物. 

不過呢, 微軟,Google旗下人工智能公司DeepMind, 和IBM這些股價太高了, 而且他們還有其他正常業務來拖低股價的升幅嘛. 所以, 永遠都係刀仔据大樹, 由這些毫子股或1元生化股埋手啦.

ps: SARS時, 我係財經新聞組上同人講, SARS 隻箘對人體的影響, 有很多醫療方向的新使用方法. 因為, 原來隻箘係可以阻礙人體去吸收某些物質. 不過, 當時人人都話我發嗡風, 順口開河. 早幾年開始, 就係有生化股, 用類似D箘的抗體, 來阻礙一些夷島素過多病人, 去吸收過多的夷島素. 同樣的, 不同箘的抗體就可以醫到很多其他人, 令很多人快快樂樂, 舒舒服服的每天生活著了. 

好吧, 在我們大家退休基金有著落時, 我們也可以為全世界的病人做點好事, 何樂而不為? 希望在我們有生之年, 見到疾病被我們的科學家消滅了, 哈哈哈, 這個是我的宏願和憧憬, 一個再沒有疾病痛苦的世界, 一個更美好的將來.

2016年10月6日 星期四

佢係咪李鄉長個女婿?

這位胡介國阿生, 原來係尼日利亞,並且係非洲唯一的華人酋長。吓, 酋長? 係咖, 佢係1999年, 以佢當地公司的名義, 向銀行借左兩億多人仔(當然係中資銀行, 以後說話可以省了, 大家都明白啦!),用來係當地各個貧民區裡, 興建了4所九年制中小學,每所學校可以容納3000多人。之後, 就有當地人推舉佢做酋長。2001年,佢被委任爲酋長,而且仲係終身制。在當地,民間推舉一個外國人爲酋長, 尚屬首次.

我初時仲以為佢咁堅咁勁, 聚左個酋長個女做老婆, 睇清楚才知道佢係用錢之後, 有人有心出來俾佢做. 不過, 從相片看到, 佢這酋長的領地, 十足似貧民區喎, 慢下手, 係當地人希望佢每年出錢養當地D貧民喎. 酋長這個名堂, 看來好貴, 而且不是洗一次錢就夠, 而係年年都要洗, 噢..... 小數怕長計.



不過, 這個可以反映到很多海外華人"領袖"的模式, 就好似馬來亞的華人拿督一樣, 可能當地其他中國人都不當佢係一回事, 但當地人就希望利用佢來引進中國資金, 而中國政府又希望佢地能夠引中資走出去投資. 他當酋長後, 又當總統顧問,主管當地中小企業發展,經佢牽線搭橋, 而落戶當地的中國企業, 已有上百家。在當地上至總統,下至州長、部長無一不是他的熟人或朋友。當地華人遇到困難時,都會求助于佢。




又講番美加這裡的僑領, 初時是從同鄉會開始先, 用佢地條鄉個太公個名, 做XXX堂的名稱, 任何同鄉來到美加, 首先去某大城市的同鄉會登記, 以後寄信匯錢返鄉下呢, 就得經由同鄉會攪掂, 而由鄉下親人寄來的信, 都會寄去同鄉會, 有時同鄉會還包辦埋家鄉來的郵包寄存. 當然, 每人每年都要負些義務, 由會費到義務雜役都有.不過, 這些同鄉會, 都帶點家鄉鄉土習俗, 西人不明白, 見他們又燒黃紙又拜神又分燒豬肉, 而且對外不開放, 不受西人法律所制肘, 就以為他們是黑社會堂口.

後來, 中國局勢不好, 很多人隻身逃到美加, 也是在同鄉會先安頓, 由僑領出面為同鄉跟當地政府爭取合法居留權. 不過, 後來無得掘金和開鐵路, 很多人就做洗衣店和餐館, 在唐人街或唐人店足不出戶, 終老一生. 這樣僑領的角色, 顯得更重要.

2016年10月4日 星期二

加國華人投資太保守, 投資領域和方向也太寡了.

現在大多數這裡的華人, 大多數以"保證資産不縮水"為首要目標, 唔係投資房地產買屋, 就係買銀行出的基金和投資工具. 不過, 加國樓價咁高, 充滿風險.

事實上, 加拿大經濟過度依賴礦産能源,目前原油市場不好,加拿大經濟只剩房地産硬撐。就以溫哥華為例, 大溫地區對海外買家稅實施非居民稅, 以及中國外匯管控的進一步收緊,溫哥華房産市場將面臨一次價格的調整。而另一方面,普通華人投資者普遍認爲銀行的投資産品更保險,傾向于在銀行投資,卻忽略了銀行投資同樣存在金融風險的事實。

我這裡華人圈子相對封閉,華人缺少渠道了解和學習投資市場的主流系統,因此在看到對經濟走勢的不同預測時, 會加重不安的情緒。

我時時同D唐人朋友講,要有分擔風險的意識,不光要著眼不同題材,更應該放眼海外市場。多接觸本地文化,多參考主流媒體消息,養成理財意識並培養基礎的投資專業知識。這樣,投資者才能將僵化的目光從面臨調整的房地産市場和銀行投資産品中解放出來,在低迷的經濟環境中找到更多生機。

例如, 近年來加拿大的養老金計劃(Canada Pension Plan)表現良好,因此加拿大養老金將投資分布全球市場,其中美國占40%,加拿大占20%,歐洲占約20%,亞洲 占約10%,其他地區占10%。題材方面,股票占30%,私募投資占20%,穩定型債券占25%,房地産占20%,其他題材占5%。普通投資者應該借鑒加 拿大養老金的思路,分攤風險,廣撒網。


2016年10月3日 星期一

15年內加國經濟難複蘇 加國華人賺錢難了

這半年來, 加拿大經濟低迷, 人們每問, 何時才能重經濟復甦。不過,近排加拿大皇家銀行(RBC)總裁David MacKay的“加拿大經濟回暖仍需十五年”發表了這悲觀言論,內裡說, 加拿大目前正處在一場無可避免的經濟危機的開端,而伴隨著制造業和服務業的縮水,加拿大的經濟需要十五年來“重新啓動”(to reinvent itself)。

在近日接受彭博社訪問時,MacKay消極地表示,加拿大的重工業和服務業一敗塗地,而且沒有複蘇的迹象。“經濟需要重啓——創造新的産品和新的 市場,提供新的制造能力,並找到新的消費者,”麥凱總結道,“而這是漫長的過程,可能需要十五年。”

15年, 大佬, 好似有點似日本的迷失20年, 現在加國經濟狀況, 處于相對沈寂蕭條。有充分的證據表明,加拿大經濟發展正面臨全方位的受挫。今年年初, Alberta山火和全球原油市場的不景氣, 導致的加拿大石油産業衰弱,再加上, 加國依仗的制造業也同樣深陷困局。

制造業銷售量在本年初曾一度遭遇連續三個月的下滑,直到最近才止住頹勢。而2016年內加拿大GDP的下降,更是從2009年以來幅度最大的一次——光是五月份 Alberta山火,就讓該月的GDP直接下跌了0.6個百分點.

進出口貿易方面也沒有好消息。最新數據顯示,加拿大的貿易逆差額, 在今年達到了有史以來的最大值。六月間,加拿大的逆差額高達36億加元,使這個六月在加拿大曆史上, 貿易逆差額最高的前十個月中高居榜首, 更令人憂心的, 榜中另外五個月同樣來自2016年。目前,加國非能源物資出口額已經連續五個月下降,相比去年暴跌3.5個百分點。

加拿大皇家銀行和其他加拿大主流金融機構一樣選擇了保守的經濟戰略—避免加息以吸納貨幣。和金融機構一樣,加拿大居民也對目前的市場信心不足。“我們都在等待一個更有信心、更清晰的市場,”麥凱說。
 

經濟數據差外, 還打擊人們的心理和信心. 初先公衆對市場的信心不足, 其次是企業又信心不好, 不想用真金白銀出去投資, 沒有新投資, 就沒有新職位, 就沒有經濟復甦了.

2016年10月2日 星期日

這個對加燦來講呢, 係壞消息呢

包括中國消費者在內的亞洲食客喜歡吃活龍蝦。盛産龍蝦的加拿大, 出口亞洲的活龍蝦一直是靠昂貴的空運,但現在一項革新性的集裝箱設計, 能夠把大量鮮活龍蝦用較低的成本, 從加拿大海運到萬裏之外的亞洲國家。

新型貨櫃箱叫Aquaviva; 實驗運輸的結果顯示,活龍蝦抵達目的地後死亡率不超過1%。從明年開始,加拿大的活龍蝦將能夠用這種新型集裝箱運往世界各地。

Aquaviva活龍蝦海運集裝箱由兩部分組成,一部分是堆放一個個泡沫塑料箱的儲存室,每個泡沫塑料箱有12個錐形孔洞,每個孔洞裝一個龍蝦,這些兩頭開放的孔洞就像龍蝦在海底棲息休眠喜歡呆的狹窄空間一樣。另一部分是海水制冷和循環工作間,讓保持低溫的海水在泡沫塑料箱之間循環流動。

有了這樣的活龍蝦海運集裝箱,鮮活龍蝦就可以在漁輪靠岸後被立刻裝進泡沫塑料箱、直接裝進Aquaviva活龍蝦海運集裝箱運往集裝箱港口,然後被運往亞洲和歐洲國家市場。


ps: 現在龍蝦季節時, 平到6-7元一磅, 因為運到亞洲和美國的成本太高, 所以係本地直銷, 但下年一用這些貨櫃箱後, 我等加燦就要食貴龍蝦了. 嗚嗚..... 

2016年10月1日 星期六

我這等加燦等樓價升..... 之後, 我..... 賣.....

原來加國樓價高處未算高, 如果看到美國一間大銀行最近對投資客戶的建議,可能會更加開心。日前美銀美林(Bank of America  Merrill Lynch)這家大型金融機構認爲,在考慮到加元彙率的情況下,加拿大房屋市場仍然便宜,特別是如果不用加元買房。

班友攞住美金 人仔來 買加國樓房, 會覺得太便宜了, 尤其我這裡的滿地可.

美銀美林(Bank of America Merrill  Lynch)全球研究機構周三發表報告,針對加國按揭融資體系、政策框架和證券化渠道,得出一項足以令加燦震驚的結論。

報告寫道:“與2010年至2014年的市場相比,如果用美元或人民幣換算,目前加國的房價更便宜,考慮到加元彙率長期低迷,加拿大的樓市仍然具有吸引力。”

根據外彙網站,加元兌人民幣彙率2010年是平均1:6.57,2014年的彙率是1:5.58,目前的彙率是1:5.07。

而加仔兌美元彙率則從5年前基本等值,跌至目前的0.76:1。

報告又指出,按揭利率低企,亦是支持樓價其中一個因素。最近,5年固定按揭利率被調低,基本是低于2厘半以下,有的甚至低于2厘米。

對于有指加國不少地區的樓市過熱,出現失衡,美銀美林報告認爲目前未至于浮現泡沫。

與美國樓市泡沫前的情況相比,按人口規模來衡量,銷量仍然低于美國的峰值。

美銀美林還指出,現在要跳出框框來看樓市。

“加國各地房價的走勢並不同步。如果去除多倫多、溫哥華與周邊地區,加拿大的房價實際上已經下跌。”

美銀美林金融機構最新的一份報告指出,加元匯率疲弱,縱使加拿大樓房升值不少,就算有最近出台的15%海外買家增值稅,對于部分土豪買家來說,加拿大的房價仍然很便宜。

就以多倫多的豪宅市場爲例,當地的高薪工作者不能完全支撐起當地的豪宅市場。目前多倫多豪宅的基本價位至少在三四百萬加幣以上,能夠負擔起這一價位的買家一般只有兩種:一種是當地的豪宅持有者以房換房。比如在多年前就購入了價值100萬元的房屋,隨著不動産的增值,屋主也自然而然變成了豪宅的持有者,于是可以更換價格更高的物業;另一種就是來自海外的富豪或者投資移民者。

加拿大地産參考稱,縱觀多倫多的經濟發展,僅僅依靠薪金和當地生産總值(GDP)的增長很難負擔得起昂貴的豪宅。因爲多倫多並沒有和美國矽谷相類似的高新技術區域,所以也沒有新富階層,明星大腕也是少之又少。

相反地價和房價的資産增值,遠遠超過GDP和工資的漲幅,所以豪宅擁有者還必須靠投資或者買賣房屋來負擔更高價位的房屋。因此能夠承擔得起昂貴的豪宅的,基本都是海外買家。而在這一群人中,又以中國的土豪爲首。

溫西格雷岬區(Vancouver-Point  Grey)是大溫地區很受歡迎的豪宅投資區。一位華人學生竟然在2015年4月在該區購入了一幢豪宅,2016年5月再以835萬的高價售出,13個月獲利116萬元。卑詩省新民主黨溫哥華格雷岬選區省議員兼房屋政策評論員尹大衛(David  Eby)表示,在該地區,另外還有9間總值5,700萬元的豪宅,買家身份都是學生。