2017年7月24日 星期一

加國每況愈下, 不能怪人吧!

昨天講加國零售有幾差, 網友小T提議可能人們都轉去網購. 

其實, 是有可能, 但很多東西是不能網購的, 如衣服, 鞋襪等等....

其中一種是理髮, 一定要親身去嘛, 不過, 我每次星期六去理髮, 都發現現在不用等, 因為小左好多人喎. 

咁,...... D人去哂邊度? 主要原因, 當然係D人一係自己飛, 一係耐D先至飛囉.

以前, 唐人街有很多理髮店, 用膳還可以去西人度, 但理髮就一定要找中國人, 髮質, 髮型和頭型, 西人飛唔慣中國人嘛. 

PS: 講個令人傷心的故事, 以前係教會裡, 有個讀博士的朋友, 當時他想鼓勵別人去追求高學歷, 就對人說他將來會在藥廠上班做研究, 年薪最少6-7萬. 不過後來我有次在唐人街再遇上他時, 見到他頭髮蓬鬆長及膊頭, 面容焦緒, 一幅落魄不得志的樣子, 他一見到我, 就行開了, 我當然識做, 唔會走埋去關心佢, 被他誤會我走去問長問短. 

不過, 可以看出, 加國這裡, 就算人有心有力去做好, 但結果都可以事與願違, 不能一概而論高學歷就一定得. 所以, 街上這般多舖頭關門, 很多人在街上乞錢, 都不能怪他們做事做人沒有盡力; 表面所見, 不一定就是事實.


2017年7月23日 星期日

歐美零售生意好難做

上個星期我買左件減價30加仔的上班雨褸果間百貨公司, 前日間野話因為蝕錢蝕到見血, 宣布要摺埋幾百間舖, 加國就有幾十間, 每間都請幾百人. 

唉..... 前幾年我見這公司D地下爛左都唔整, 就知道佢地蝕錢. 

其實, 加國零售市道好差, 消費好差, 度度都關門, 我都未見過D 商場可以有咁多間吉舖係度吉緊.

就以唐人街個新起商場, 由大6新移民資金起, 見D舖開時, 已經好似大6國內D商場咁款, 我就知道班人聽打柴, 再加上現在零售咁差,  就更多舖陸續摺埋了. 連間新開的髮型屋, 都要搬走, 去別一個商場裡, 同一間開業多年的髮型屋合併, 可以睇到生意有幾難做了. 相信這唐人街新商場, 唔會捱到幾耐就要找新股東來再融資了. 






優良家族傳統

昨天, 聽我老豆講, 我係美國個侄仔, 話計劃轉工, 目的係為左搬番近D我阿哥住哥度, 等我侄仔可以多D返去睇住我阿哥, 話我阿哥進入退休年齡. 其實, 我侄仔現在份工極之唔錯, 人工好高, 高到畢業後5年就供完間屋了, 間公司又俾佢一路做一路讀碩士

嗱..... 講真, 我侄仔咁乖的後生仔, 在這個世代裡又真係好罕有. 

可能因為我侄仔上次來探我和我父母時, 我同佢講, 襯著他父母後生, 多D出去玩下, 見識世界. 

佢一見我唔舍得丟底我父母去玩, 佢心裡又有同感, 覺得要為我阿哥做D野咁啦.

其實, 人與人之間, 好的習慣是可以互相影響的, 尤其是那心地善良, 又肯負責任的人. 

有時, 我實在奇怪教會班人, 為何佢地人生有咁多問題(成日吐苦水話自己為口奔馳, 照顧唔到父母)? 仲要手指指指咁話別人這裡那裡做得唔好? 唔夠屬靈唔夠愛心? 沒有老人服務幫佢地喎! 

我自己做好自己本份, 管好自己的事, 照顧好自己家人, 唔去煩住別人, 這個就做得不夠好? 難道這些人做得好嗎? 這些人眾多兄弟姊妹, 照顧父母都話咁難, 我一個人睇住我父母, 咁就唔好講我做得唔夠好了, 這些人口是心非, 見人講人話, 見鬼講鬼話. 我離開那教會, 讓佢地實行佢地話要做的事, 但多年過後, 一睇佢地會友直線下跌到咁慘, 就知道佢地做左D乜出來了. 




2017年7月22日 星期六

超市D菜, 甚至有機菜, 都係少纖維咖.

大家唔好以為買番來的菜, 同自己種的菜係一樣, 原來內裡的纖維相差很遠. 

我老豆係後園種, 種得好瘦好柴, 但係纖維多過外邊買的, D葉係唔會咁易爛, 莖也十分有咬口, 唔會水汪汪咖.

原來, 超市買的, 係用科學方法種, 快大, 少水, 少地方, 所以纖維少好多咖. 

2017年7月21日 星期五

色盲唔會好似我咁叻咖.

嗱嗱嗱..... 各位有無試過自己油牆呢嗄? 我就請人回來油自己出租物業, 但係呢, 物業單位之間的公用通道, 人來人往, 必定好快有黑點, 但係我又唔想成塊牆油過, 咁, 我唔係用同色同光澤的油點上去. 

有度地方, 油左2年左右, 現在要點番D油上去, 才發現上次請果個人, 用左差不多色但不太一樣色來油牆喎, 咁我真係唔知係邊隻油邊隻色嘛, 點左一向用開的油上去, 才知道大鑊, 之後就想成幅牆油過, 但邊邊的地方好難油. 

咁..... 我就去舖頭, 搵左D 顏色樣版紙回來對比下牆上D色, 哈哈..... 唔知道我係咪呼碌撞棍死夠運, 還是我隻眼對顏色好堅會得分開. 攞左3張, 就已經俾我搵到岩色返來, 我覺得我好很堅呀. 總之, 我就一定唔會係色盲了, 呵呵呵.....

2017年7月19日 星期三

各位加記的朋友, 有件正野同大家講.

剛剛才知道, 原來加記很多省, 有條稅收規例, 就係...... 如果某人單靠收股息過日子呢, 頭5萬加元的股息收入, 就不用俾稅喎......

嘩哈哈...... 嗱嗱嗱..... 如果有人一出來打工, 就俾老闆老屈做合約工, 從來都無供過退休金呢..... 即是將來無退休金, 又或退休金好少好少呢, 這類頭5萬股息收入就可以免稅了.

又或呢...... 一向都係唐人街打現金出糧的工, 現在銀行息咁低, 就將銀行D存款全部去買收息股(3-4%),  之後收回來, 就不用打稅了. 更不用好似 TFSA 退休免稅戶口咁, 攞出攞入不方便, 被人問長問短了. 


這裡魁省這樣立法, 不知道是德政還是劣政?

上年魁省通過法案, 任何年長70歲而又低收入, 凡在某出租物業住滿10年, 業主就不能收回自住. 除非業主也是長者, 又或長者業主住在同一, 需要收回來讓其兒女搬進來照顧自己. 

其實, 對我係沒有影響的, 因為我不會收回已出租的物業來自住.不過, 對很多其他業主, 就係問題囉. 

 


2017年7月18日 星期二

有錢就任性, 係點樣的咀臉?

最近係多倫多, 有個由中國來留學的戇居佬, 沒去上學, 加記政府唔再續佢學生簽證, 佢竟然係網上買個中國假身份, 並成功伸請加國工簽, 再入境加國.

只是心中有鬼的人, 永遠都有個鬼, 飲酒或吸毒來麻醉自己, 就是這些人的普遍毛病. 有次這人醉駕, 開部重型越野車, 在50KM/H制速的道路上, 開足188KM/H, 把人家房車撞飛90米, 對方立刻死亡. 

最後, 醉駕罪判得最重 - 6年, 過期居留罪 - 1年, 使用假證件罪 - 1年. 通常, 加國政府唔會白花納稅人錢, 來監禁D無謂人, 通常唔會判過期居留/假證件罪去坐監, 而是立刻解出境. 今次係特別招呼這戇居佬. 

這些人上代係農民工, 今世這樣的德行, 當然永世都脫離不了農民工的惡咒. 並不是因為身上名牌, 口中唅著名貴雪茄, 開著名牌越野車, 就可以脫離農民的魔咒, 主要是由心存善含開始, 其他的一切中產思維/價值/福址, 才可以慢慢慮積下來. 

 

2017年7月17日 星期一

班友真係食濕米...... 咁都可以寫出來.

嘩, 唔好講話係加記啦, 連美國都唔得咁做喎, 竟然講明只請中國人呀. 班人傻左去邊呀.

不過, 如果我行過這個牌呢, 我會好心幫佢加"SPEAKING" 個字上去, 咁就政治正確了, 呵呵呵.....


2017年7月16日 星期日

愛情每多在這種位置出來 2

哈哈哈, 我JJ係咪好八掛公呢嗄? 好奇心驅動下, 我今天又同那位朋友係唐人街食個午飯了. 

佢就不時係度昅野, 猛問我覺得那些出現係餐館裡D女性點樣, 靚唔靚, 我一概咁講麻麻喎, 但佢就講呢, 這個好年青但配個白頭佬, 這個好窈窕配個肥仔喎, 這個好靚女倍佢老爸喎. 我一睇, 就發現佢睇唔清楚, 要換換眼鏡.

最後, 佢好頂我唔順, 就話我要求太高, 所以還未結婚, 車..... 佢只問我D女性靚不靚, 又唔係問我岩唔岩來做老婆, 而且我又只是照實回答D女性係唔靚嘛(咁..... 我自細到大, 圍繞在我身邊的女性, 又真係靚過哂這女性嘛),

我發現一事, 原來愛情要發生呢嗄, 必須要係一方或雙方都係睇唔清楚下發生囉. 

好吧, 等我今晚祈下禱, 要佢喜歡果個都睇唔清楚先得.

PS:  我後來講笑同佢講, 如果我有好多錢錢, 我會幫佢娶得成佢喜歡果個, 但佢話喎, 錢並不能夠買到幸福, 哈, 我無叫佢買喎, 錢只是讓他有個安樂窩來娶老婆之嘛!

 


2017年7月15日 星期六

加燦政府真係低B呀!

最近有個中東裔的加燦, 加國政賠俾佢一千多萬, 但如果任何人知道實情, 都會感到有點過份. 

這位叫 OMAR KHADR 的人, 在加記多鱗多出生, 父母把回教的宗教狂熱傳埋俾佢, 佢十幾歲就跟著父兄參加阿富汗聖戰組織, 做童子軍. 

到佢15歲那年, 有次遇上美軍, 可能美兵認為他們是個兒童, 沒有戒心, 被他用手榴彈炸到一死一永久雙目失明. 之後, 佢就被美軍俘虜左, 就俾人的左佢去美軍在古巴的關塔那麼基地, 做監躉了....

因為那裡不是美國本土或任何國家, 就不受美國或任何國家人權法約束, 而古巴那裡因為卡胡子共產政權, 又沒有人權嘛, 咁, 就可以在那裡審班中東友, 要有乜資料就有乜資料. 

但係當時加國政府做錯了, 沒有保護其國民, 而且多次以戰犯來偵訊佢. 老美政府更用戰犯來告佢坐監(主要因為佢係加藉, 不是阿富汗藉, 加國沒有向美國宣戰, 就不能用俘虜來對待.

好啦, 老美薯頭以為從此把這些人鎖起佢, 就太平無事. 點知道老美2008年選左民主黑仔出來做總統喎, 並要關閉在古巴這個不用理會監躉人權的基地. 咁, 老美就要放KHADR嘛, 咁佢係加藉, 而且佢係阿富汗唔係當兵, 加國政府就唔可以唔俾佢回加記.

噢..... 佢一返到來, 就大鑊了, 佢告加國政府喎, 並獅子開大口要2千萬, 當時人人都當佢坐監坐到SHORT SHORT地. 不過, 可能因為幫佢打官司的那大狀十分熟識加國人權法, 竟然告入左加國政府喎.

加燦政府睏低左一舖, 賠左1千零50萬俾佢. 不過, 事情還未了結, 因為佢唔係軍人, 而係平民, 俾佢弄到死傷的美軍家屬, 入紙告佢賠償1億3千萬美金, 並且能夠在加國執行, 即係佢盞攪囉. 

2017年7月14日 星期五

我這裡鬼佬加細碼有幾平?

ADDIDAS 運動 CLIMACOOL 那種的有領T恤, 原價沒$50加仔都唔得, 現在少人身材岩個碼, 減價後只售 $15加仔, 即係1舊港紙多DD, 嘩哈哈, 一舊水宜家係香港買到D乜? 一扎咸水草, 一疊草紙(練書法果D), 一隻洋橙糊大閘蟹加多隻蟹蚶....... 

我正想買下之際, 有個身材無比健碩的西人, 走來問我拿來看, 我很有禮貌咁俾佢睇, 佢睇左好耐, 當然係度計緊要上幾多健身班才可以著得上我手中的加細碼T恤. 我心想, 老兄, 你算把啦, 件衫都係慳得果幾十元, 你無必要為咁去上N堂, 每堂幾十元的健身班嘛. 


2017年7月13日 星期四

愛情每多在這種位置出來.

我個朋友, 佢係加記這裡一個進修課程中, 結識了鄰班, 由中國大陸過來學習職業訓練班一年的女仕. 

他不富有, 可以說是有點窮, 這女仕又係有點窮, 可能出於經濟環境不好, 這女仕搬到我朋友父母出租的地庫住. 可能只是收取象徵性的租金.

前幾天, 我朋友叫我幫這女仕留意一下工作. 嘩, 咁.... 我又即本同佢留意一下, 不過, 我從未見過這朋友咁在意其他人唄, 仲話擔心這女仕會搬去其他城市.

我就同佢講笑, 想人家唔好搬走, 好容易姐, 娶鬼左佢, 唔係得囉!

之後, 佢就十分慶合合咁來罵我, 我就知道當中...... 哈哈哈, 我JJ好挑通眼眉咖喎. 

PS: 是的,  人窮就會更容易感受到愛情出來, 相反人越富有, 女方就更難到看出男方的愛意. 好簡單, 個男方袋中有10元, 能為女方付出$10, 這個肯定愛了, 但男方有千元, 付出$10, 女方就只會嚏以鼻息了. 

結果如何? 等我再八完番來, 下回分解吧! 哈哈哈..... 可能會大派苦茶咖嗄, VIEWER'S DISCRETION IS ADVISED.

2017年7月12日 星期三

FACEBOOK 其實都幾危險

有人係FACEBOOK上, 可能出於鼓勵別人, 說她幾年前一無所有, 後來因為勤力工作, 現在就有六位數字的收入了. 

其實, 這人是好心, 希望其他人走出困擾的人生, 努力向上.

只是好心沒有好報, 在她發原FACEBOOK 文後2小時, 就有賊人拿槍脅持她, 並在她2個幾歲大的女兒面前, 槍殺了她. 

FACEBOOK 要寫自己真名上去, 係美國, 好多人姓名, 電話號碼和地址, 一查就查到.... 美國玩 FACEBOOK, 真係危險咖.

PS: 試過有人在 FACEBOOK上分享佢全家去旅行, 點知一返到來, 全家裡的物品被劫一空.

2017年7月11日 星期二

加國會加息嗎?

上2個星期, 加國央行話擺明車馬要加息, 上星期五加國就業數劇更上一層樓, 不過美國就業數劇也一樣咁堅挺. 人人都估加國和美國都會加息.

加幣會升, 但不會對美金或港紙升得太勁, 因為美國經濟都係好強勁. 

我估計, 1美元對1.27-8就差唔多了, 之後會回落番去吧.

我出美金糧, 兌返加紙, 當然我會等到美金兌加紙高時才換, 所以我自己會等多1-2個月才換囉.

2017年7月10日 星期一

不能次次都靠衝鋒陷陣的勇氣.

睇番好多福音劇, 都係講D人墮落到盡頭, 因為信耶穌而轉身. 

我相信這些劇對很多人很有幫助, 尤其當這些人到了絕望的境地.

只是, 很多人如我一般, 人生一向都沒有絕望, 只是明白到自己死在罪惡過犯裡, 知道自己需要耶穌赦罪的大能. 這些劇就不一定對我有幫助了, 而且反而成為反效果, 因為這些人原本就是跟我格格不入.

其實, 在教會裡, 我真是遇見太多人跟我格格不入, 可能我是個喜歡長遠計劃的人, 而不是一個臨陣格鬥的人. 

最簡單一事, 廿五年前在未有大6移民時, 我已經跟他們說一定要學烋冬瓜, 可惜我是唯一個走去學煲冬瓜的人; 廿年前互聯網剛開始, 我是唯一一個每天用30分鐘, 傻著去學練習倉頡輸入法的人, 傻著去記番起那些久已忘紀的中文; 15年前, 那華人教會要網頁, 只是大多數的人只會說著 JAVA 或 X-SCRIPT, 但沒有人會寫, 更沒有人心裡想著寫下自己的得救見證, 這個令我最傷心, 最看清楚這些人心裡想法, 實在跟我有著天淵之別.

到今天, 我不能肯定, 是否是這些福音劇, 令到這教會缺少像我一樣想法的人, 不過, 我可以肯定, 人無遠慮必有近憂, 不能樣樣都好似打爛仔交咁, 臨陣才衝鋒陷陣. 我想孫子兵法裡, "未戰先勝"是恒久真理.




2017年7月9日 星期日

好心做壞事

今日我又買左件正野, 係一件上班著的雨褸, 只是30元加仔, 嘩..... 嘩..... 嘩..... 我開心到爆呀, 去邊度買呀? $30加仔喎? 

我見旁邊有對唔識的煲冬瓜夫婦, 又係係度鴆袜嘛, 我就好心用煲冬瓜, 招呼旁邊這對大6夫婦, 來揀$30加仔D正野啦.

之後, 我攞左件去試著, 一照塊鏡, 我嘩左一聲出來喎. 

果位太太係我旁邊話我好帥, 這個我就開始唔想再多講了, 始終人家有老公在旁, 就不能令人家老公心裡不開心. 

有時, 我的第一身感覺真係好準, 之後佢老公放番低所有試過的, 表示自己太肥了.

我那時心想, 這次大大劑了, 怎能在人家老婆面前, 把人家老公比下去呢, 我就立刻鬆人了, 唔敢再多講.

我當時心裡有個印象, 就是今天晚上, 個老婆會對佢老公進行密集地獄式特訓, 令到佢老公可以著到同我一樣的衣服..... 噢..... 大劑呀, 都是我JJ 好心做左壞事了. 

PS: 以前, 我有個女網友, 有次佢一定要我著起我買件衫, 影張相俾佢睇. 之後呢, 這女網友, 不時登出佢地2夫婦進行密集地獄式體能特訓, 再加上每餐只食水果素菜. 哈哈哈...... 希望唔係我JJ做左件壞事啦, 如果係, 我就真係會折福了, 嗚嗚...... 




2017年7月7日 星期五

中國政府向美國政府施壓.

昨天講, 中國年青女學者, 訪問美國期間, 在美國失蹤. 中方政府向美方施壓, 令到案件受到中美雙方高度重視.

其實, 在美國白人婦女之間, 已經聽過不少傳言, 美國執法界在處理強姦罪時, 會偏坦白人男性, 甚至有說, 很多美國婦女為到避免日後遭到報復, 在性侵後, 啞氣吞聲. 

今次事件, 中國政府高調向美方施壓, 這個是好事, 最少這班人知道, 再不能把中國人當作目標, 中國人已經不是一個容易犯案的目標. 

神乎其技

最近有個學術訪問美國的中國年青女學者失蹤左好耐, 中國政府基於這女學者的優秀學術成就, 就向美國施壓. 只是美國政府只一個線索, 就是女學者被美國街頭保安攝影機所拍下的相片, 相片中見到女學者上左一部某形號的汽車. 

這個當然十分清楚係熟人所為, 找出女學者在當地接觸過的熟人, 再加上這人擁有這形號的車子, 就最大嫌疑了. 美國警察真係找到這人, 在佢電腦和手機上, 查到佢成日去一個叫綁架的網站, 之後就查問佢D朋友, 發現佢曾經向朋友承認車左女學者回去佢屋企. 

在美國警察拘捕這條友仔前, 已經有中國公安, 透過美國FBI提供的街頭模糊相片, 來摸擬咁畫左個犯個樣出來, 真係神乎奇技.

不過, 這模擬容貌不能用來上庭做證據, 現在連個女學者條屍都搵唔到, 現在D證據不太有力, 而且個犯死口唔認, 就真係要找找新證供了. 可能真係要睇睇個犯屋企有無搵到女學者的衣物纖纖, 甚至血跡, 如果係佢屋企發現女學者大面積的血跡殘留物, 佢就真係會斷正.



2017年7月6日 星期四

影子銀行

這個...... 即是, 不是銀行的個人或機構,  地下並非法地進行跟銀行相同的業務. 

通常, 影子銀行為到賺取比銀行或股票息口更高的回報, 甘願做一些受監管銀行不能做的業務, 籠統咁講, 即是生意上, 做那些承受比受監管銀行更高風險的業務. 

影子銀行對金融系統最危險的地方, 能掩藏一些個人或機構的不良信貸紀錄, 和其相關的信貸風險, 例如: 某人根本連首期都沒有錢, 但透過影子銀行就有了首期, 但這筆貸款並不會顯示在受監管銀行批貸款時的評級上, 銀行無從評估借款人在俾完影子銀行息後的還款能力, 這樣就直接影響到整個金融系統的穩定.

前排中國政府話要整頓影子銀行, 聽說上邊真係有好多影子銀行, 不但個人有錢無地方放, 而且很多企業和政府單位有其小金庫, 本來是用來作 PETTY CASH用, 又或用作員工圍內人的福利, 沒有上報, 但久而久之, 越滾越大, 就要想辦法處理, 放貸出去, 就是一個好出路. 這些個人或單位, 行使著銀行的業務, 但避過金融監管, 扭曲了金融系統的安全性.

2017年7月5日 星期三

幽靈抵押品

這個名詞, 可能已經有一段時間, 甚至可能出現在1908年或1930年美國金融危機那時. 

意思即是指一些抵押品已經有一按或二按, 甚至不存在, 但冒充著優質抵押品, 被評為低風險債務, 享受著低息的優惠. 

怎可能會發生? 因為銀行接受了可疑或甚至帶有欺詐性的證明文件, 即是銀行水浸, 為到做成生意, 把款借出, 隻眼開隻眼閉.

最近有西人傳媒指出, 很多加國在國外的抵押品, 存在誤導性, 例如, 中國國內抵押貸款中, 有60%是用商品房來抵押, 但國內的樓價已經升到一個令人難以負擔的水平, 無以為繼了. 

更令人擔心的, 加國政府原來已經容易BC省銀行按揭, 接受來自中國國內的抵押品. 

情況有點像98年金融風暴時, 香港銀行借錢給國內一些窗口公司, 接受國內抵押品一樣.

2017年7月4日 星期二

噢, 各款西施, 應有盡有!!

大家快埋來睇, 快埋來揀呀..... 各款西施, 應有盡有!!

第一款係...... 冰糖葫蘆西施, 講真, 我見到, 我一定會買來試下, 我真係未食過咖喎.




第二款係...... 燒鴨西施, 噓.... 姐姐, 隻鴨燒到好燶呀, 多致癌物呀, 唔健康喎!




第三款係...... 肉飽西施, 真係好了, 這個笑面迎人, 跟我JJ一樣, 係福相來咖, 好有福氣呀.....




呢款係...... 賣菜西施..... 嘩哈哈, 好似林熙蕾唄,


呢款係...... 巴士西施, 我真係驚住我被她美貌吸引了, 入了張100元人仔都唔知.



呢款係...... 燒豬腳西施, 姐姐, 你賣D野, 真係有咬口咖喎!




呢款係...... 凍飲西施 (好似以前李賽鳳, 好有懷舊 FEEL)




呢款係...... 咖啡西施, 一埋檯就拒人千里, 所以, 這個被封西施呢, 有點 MUNK水喎.....




呢款係...... 豆腐西施, 嘩, 好高雅呀, 姐姐, 一於封妳做仙子.




呢款係...... 豬肉西施, 由一舊豬肉切到變成一塊齊齊整整的肉塊, 好刀功呀,



這款.....係炒飯西施, 姐姐妳咁靚咁瘦, 無謂賣D食肥人的炒飯呀, 個個男仔為左一睹你美貌, 餐餐來食妳的炒飯,半年後個個都變洒豬八戒了, 呵呵呵.....


 最後呢款係..... 傳統的蔗汁西施, 嘩..... 佢已經網紅左好多年了.






還有, 那個奶茶西施, 已經嫁左有錢人, 現在做左少奶奶了. 

PS: 有一年, 我父親話要追個女喎, 我母親立刻反對, 理由是..... "生男仔已經煩到震, 驚住佢俾人拐左去, 現在生個女出來, 唔該你請個工人來做家務, 等我可以日跟夜跟住個女好了."

2017年7月3日 星期一

滿地可邊度最多中國人住?

幅圖可以睇哂了, 紅色果3撻, 就係啦, 證明中國人喜歡住埋一堆, 我住滿地可西北上的小島, 係黑色的, 即是這裡D人全講法蘭西話或英格尼薯話. 不過, 我咁耐都未知道西邊紅色那一撻, 有咁多中國人住. 直到我早排聽人講, 在那間私校旁有很多中國大6家庭住, 貪果處近學校. 

唉..... 這個最無謂了, 成班講中文的小朋友,聚係學校裡, 跟在中國有什麼分別, 而且這些人心態是, 兒女在大6讀不上, 個個來到這裡又聚埋一堆, 阿蘭嫁阿瑞囉...... 炒埋一碟好過穩咁.


2017年7月2日 星期日

當世上等貴族?

我有個大陸來的網友, 她真是很勁的, 差不多世界各地都去過打過工, 而且不是二打六的普通工作, 只是, 佢成日怕俾人叫佢做大6妹或燦妹, 佢好勞氣咁同我講, 佢在星加坡的同事, 無人的時候才跟她說煲冬瓜, 一出到外邊, 就要講英語.

我就好言安慰佢, 世界上任何人, 一見到我和她這種人, 又英語又煲冬瓜又法文, 就會覺得我地係上等貴族. 她那星加坡同事傻姐, 係都要去中國化, 傻得不可想像.

是的, 在英語世界裡, 最有錢的那群人, 全都是英法雙語的. 我由細到大, 一直講英文, 但一學左法文後, 英文真係進步左好多好多, 因為法文解釋了很多英文字的字根和由來, 就知道當中是有某些含意了, 用英文字時就得心應手.

在中國人世界裡, 在生活應用語文上, 香港人是最能承傳了中國傳統文化, 因為煲冬瓜是滿洲大人的官話, 是外來發音, 用來朗頌唐詩宋詞, 就會失了一切歌詠的唱腔, 只有廣東話承傳了大部份由春秋, 秦漢到唐宋官腔的發音. 還有我們寫繁體字, 掌握字裡的文化根, 寫簡體字的人, 全都沒有了文化根的思維.

其實, 香港人是中國人中的天之驕子, 因為我遺傳著承傳中華文化的使命, 再用我們所熟識英語, 把我們的中華文化介紹給別人知道. 這個就當世上等貴族了, 所以我作為香港人, 作為過氣港燦, 我去到什麼地方旅遊, 雖然用著加國護照, 但我仍然跟人說, 我是由香港來的, 我要...... 在世人面前, 驕傲地展示著我作為香港中國人, 作為中華文化的承傳者, 作為最深層次龍的傳人, 作為當世上等貴族. 

所以, 大家不要氣餒, 就跟我一樣, 作為香港中國人而驕傲. 

PS: 今天加拿大日, 很多商店不開門, 但滿地可商店上的關門牌, 全是法文, 我行過商店門口, 見2個鬼妹係度等開門, 就知道佢地唔識睇法文, 我就走埋去同佢地講, 哈哈哈, 所以, 中國人並不一定永遠處於弱勢的, 也不一定是弱勢社群吧!

2017年7月1日 星期六

我想去大6自由行喎, 要來問大家了.

大家, 我正打算去國內自由行喎, 就好似大家咁呢......

嗱嗱嗱嗱嗱..... 不過, 有很多事我JJ攪唔清楚喎, 想來問問大家呀!

1. 上網和手機 - 在國內上網或電話戶口是實名制, 照邏輯, 就應該係買咭時, 留下自己的回鄉咭號碼嗎? 大家不擔心自己的資料被盜用嗎? 還是有其他途徑留下個人資料?

2. 支付寶 - 大家是否在國內已經有銀行戶口, 可以用大6戶口來過數去支付寶? 還是可以用香港戶口來過數去支付寶? 唔知道我外國銀行咭是否一定要"銀聯"通用, 還是可以 CIRRUS / INTERAC / THE EXCHANGE 都得? 過數時, 是否預先過數一定數目? 還是每用一次支付寶, 就在銀行戶口內轉一次錢?

3. 打的網 - 是否有全國統一打的網嗎? 還是地區性的?


2017年6月30日 星期五

指模對比 與 圖像辨識

昨天講完果班有國外國藉的表叔表嬸, 將會被大6剝奪去他們未報消的國內戶藉. 

今天講佢地今天大鑊的原因 - 指模對比, 其實就係圖像辨識囉! 

圖像辨識其實用左係好多不同的地方, 例如: 大6每個路口, 地鐵入口, 都有攝影機, 最初的只係用來找某特定車牌, 後來卻可以用來找特定樣貌的目標. 

原來這種圖像辨識科技, 是一位外國定居的唐山大兄帶回大6, 聽說這大兄現在仍被花旗政府全球通輯, 被控偷運高科技出美國喎. 

不過, 現在大6的技術, 已經比數年前引入時, 不可同日而喻了, 由單一目標, 變成同時數十個目標, 甚至數百目標, 真係好堅咖. 

大6現在有著全球最快的超級電腦, 而且無論是設計, 到應用技術, 可能真係唔輸俾花旗. 

PS: 一件已經是2年前發生的案件了,  有犯在重慶某車站旁, 假冒召換私車, 把個女仔騙走並姦殺, 當時公安只憑車站旁的攝錄機, 辨識到車牌號碼, 再對比各個路段經過車輛的車牌號碼, 就知道個女仔條屍大約埋左係那一個高速出口的地區, 之後, 再在千里外的雲南緬甸邊境, 捉到個犯, 並押回埋屍地區, 旁拷側擊來在荒野地方, 找到女仔條屍. 以前大陸用人眼去找, 現在有了圖像辨識, 連百萬個指摸都對比到, 真係好堅咖.

2017年6月28日 星期三

原來大6係咁封死雙重國藉

除左港澳人仕外, 大6係唔容許國內同胞有雙重國藉的. 

不過, 以前執行上有點難度, 因為就算打洒外國護照入境班友D指模, 都攪唔清入境果個乜水, 就係某省某市某縣某鎮某村那個乜水嘛.

但係...... 現在佢地一定用超級電腦來做對比指模了,  就可以係乜水入境時, 打左佢指模後, 係佢出境之前, 就把佢外國護照號碼, 同佢國內戶藉聯上, 令阿乜水出境時, 被認出係某省某市某縣某鎮某村果個乜水, 就可以禁止佢出中國國境了, 就可以要佢先取消國內戶藉, 才俾佢出境了. 

嗱..... 我JJ估大6係咁做的, 先把那長時間沒有活動的戶藉集中在一起, 因為這些人一係死左, 一係人間蒸發左, 一係去左外國, 再揀出那些有出境紀錄的, 那就可以由14億人檔案, 減到千幾萬或幾百萬, 再在這些人中, 先分開指模的不同特徵, 分成好幾十種, 之後, 就把入境外國人的指模, 跟這些在檔案的指模對比......

不過,每天咁多人出出入入, 就算用超級電腦, 都不定有全部對比到, 一定有漏網之魚. 

已經有人講笑, 大家約埋一齊係某年某月某日, 一湧而入境大6, 看看大6的超級電腦有幾堅. 

PS: 其實, 這種指模對比手法,  對那些現在仍然在國內, 離開國內時, 扮成鴆袜同胞, 用港澳通行證的人, 入到香港才用外國護照的人, 是沒有用的. 不過, 就嚴重限制了這些人每次停留在香港,大6和外國的時間, 對這些人十分不利.


家陣真係唔豬道香港會有乜反應.

嘩哈哈, 聽講大6過多幾日有新政, 就係...... 任何國內D人有左外國國藉後, 又如果唔坦白從寬呢嗄, 佢地回中國再離開中國時, 如果被查出, 就會抗拒從嚴, 就會被禁止離境, 直到這位仁兄仁姐回去佢鄉下的派出所, 取消佢地戶藉和國藉為止. 

家陣我這裡大6人都人心惶惶, 因為有好多人真係有外國國藉, 而無坦白報俾中國政府知道, 其實不是為到就業, 因為外國人係中國申請工簽是很容易, 每半年離開中國再入境, 咁就得. 最主要係這班人 係大6仲有樓有股票有公司有房產, 就要用戶藉登紀嘛.

不過, 佢地可以攞張港澳通行紙嘛, 每次來回外國移民國時, 經香港出入中國, 就用張通行紙往來香港同大6, 香港來回外國果程, 就用外國護照囉. 

只是唔可以同日進出香港嘛, 咁會好易穿煲, 所以要係香港留幾日, 扮到好似其他來港"鴆袜"的同胞咁, 咁就神不豬鬼不覺了, 每日咁多來鴆袜同胞, 邊有人得閒一個個咁查呀. 

所以, 香港班舖佬店佬和生意做就開心, 但係反鴆袜大亂盟班人就可能頭頂冒煙了.


2017年6月27日 星期二

為何某些人只能是泛泛之交呢?

最近認識了一位在我這裡滿地可的女網友, 因為她由中國領館裡, 拿到些免費門票, 類似國內春晚的一些民餘表演, 就來找我去一起看. 

之後, 我當然不會咁衰仔, 請了她兩次食飯, 當然不會讓人家不快或不滿, 客客氣氣的跟人談天說地. 

男性如我, 人到我這個年紀, 就不太想同人拍拖, 但我真不知道女性了. 當她一知道我是半個上海人半個香港人, 就開始點批和標籤這2種人. 

其實, 這2種人都十分要面, 要爭做中國人中的第一嘛, 可能係咁, 就攪到其他中國人對這2種人不滿了. 

通常女性對男性有這種批評態度, 而不是遠離, 只有2種可能性, 一是可能那男極度樣衰, 又偏要係女性身邊累累貢, 博大霧, 二是可能那女性對那男性有特別感覺吧! 

對我來說, 可能更像第二個可能吧! 其實一直由年青到現在, 我交友, 不太看重對方的外貌, 主要看看對方能否跟我相處得好, 能否不用太大動作就能理解我的想法, 並且不會來誤會我. 

可惜, 這女網友一埋檯, 就好像同我唔妥咁, 第一說香港人現實, 第二說上海人會計算, 我心想, 就憑她的德性, 我仍然同她食左2餐飯, 不斷回佢短訊, 好言相向, 就已經說明她心中實在充滿偏見和誤解. 

前幾天, 佢終於俾番個安慰獎我, 她說, 這裡滿地可的中國男性很多心思不好, 不是追尋著數就是一夜情, 我是她在這裡少有遇見的好男人. 

不過, 怎樣也好, 她一開始就點評香港人上海人, 做個朋友已經是極限了, 不能再逾越這個層面, 一逾越朋友層面, 當她接觸我家人和我親戚, 又係咁樣點批香港人上海人, 那就不好了.

2017年6月26日 星期一

廉價大陸團風, 吹遍北美華人圈子.

有個朋友前幾天打電話來, 話佢報左660元加仔包機票包食包玩包"鴆沒"的7天北京遊行團. 佢可能上年去完華東7天團未夠皮了, 今年回去再嘆過. 

其實, 以前我係香港報團上去, 我都唔知幾唔鐘意俾人帶去"鴆沒", 真金白銀俾足團費後, 都仲係唔買野就唔放出來去景點; 我都唔知道點解我這朋友咁喜歡去, 可能佢要求低, 有玩有食有人帶住, 佢就開心. 

這朋友來同我咁講, 當然想找我陪佢一齊去, 貪我會煲煲冬瓜識體中文字, 佢仲想完左團之後, 自己四圍走勻大江南北. 嘩, 這樣咁高難度的事情, 我真係攪唔掂咖喎, 就算我係美加自己一個人能夠揸車去玩上一個月, 我咁樣的應變能力, 都唔敢係國內自己走來走去. 

最後, 我提議佢, 係深圳自己一個人四圍走下, 那裡的地鐵和公交都很安全, 這朋友立刻唔講收線, 你話佢幾現實呢? 

講真呀, 現在大6 用現錢都都未必打到的呀, 地鐵巴士的公交全都用儲值咭咖喎, 而且很多時一處鄉村一處例. 

不過, 又係真的, 660元加仔玩7天仲包埋機票, 我落去美國南部暖D的任何城市, 張機票都要600 加仔, 去夏威夷就更貴, 每天租車入油住宿, 點慳都要百5美金一天. 但我覺得, 咁樣爽過跟團去大陸喎, 這樣的大陸廉價團, 實在令人十分不舒服. 只但係, 買難受囉, 浪費寶貴時間之餘, 又達不到增廣見聞的作用.

2017年6月25日 星期日

人在下跌軌道中.

前幾日, 網友小T公子問了一個十分好的問題, 怎樣才知道來租我屋的人在上升軌道呢? P嗱嗱嗱, 老實講, 咁容易睇, 就唔洗咁多女仔揀錯老公啦! 

哈哈哈, 不過呢, 就..... 睇一個人是否在下跌軌道裡, 這個就十分容易了. 

實在太容易了 - 入不乎支! 入不乎支! 

舉個例, 有人來租我屋, 聲稱一邊打工一邊讀書, 做BARTENDER每天7小時, 底薪千六一個月(小費唔穩定, 唔計), 但稅後得番千二左右, 租+電+入油+食物+學費就無洒了. 只是佢欠債2萬(車按和咭數), 每月最低還款$550, 即是佢每月小費一定要有$550. P如果無每月$550小費, 佢一係無錢俾租, 一係自行扎砲捱飢抵餓, 一係佢斷供欠債等債主燒佢帳薄, 一係佢除左BARTENDER之外, 佢有個不可告人的收入來源, 事但一樣, 佢都可以成為問題租客, 就一定係係下跌軌道了. 

其實呢, 這個概念呀, 同女仔揀老公十分相似, 明明知道個男仔如果唔改改佢做人的觀念和態度, 就一定會沉下去嘛, 個女仔就唔好跟住個男仔癲埋一堆了.

嗱嗱嗱, 我JJ唔係講, 如果個男仔唔係咁, 就一定在上升軌道裡, 就一定嫁得過. 其實, 女仔決定嫁俾邊Q個, 男人決定娶乜水做老婆, 其實都係一項人生最大風險的事情, 比起我JJ投資買股票, 或走去買出租屋來收租, 風險就更大了. 

所以, 任何女仔如果聽完我咁講後, 都仲係婚姻不如意的話呢嗄, 咪來打我喎, 因為只能講到誰是在下跌軌道裡, 不能講到誰在上升軌道中嘛. 

PS: 所以呢, 真係唔明白點解D人結完婚後, 去投資時會咁細膽, 婚姻這家咁高風險的野, 佢地都兩脇插刀照上, 投資風險不比婚姻高呀, 佢地就懼首戄尾, 驚死蝕錢. 

有些人更寧願將D錢去買豪宅豪車, 一買入就唔見20%, 都唔肯去投資來錢生錢. 

哈哈哈, 我真係見到有人娶左大頭佛返來, 成日要佢買豪宅豪車, 就算佢點聰明有頭腦, 佢一生人就咁就蝕左了. 無法, 做人的態度和觀念, 決定了人的一生, D人唔改改佢錯誤的觀念和態度, 點叻都好, 都注定佢和佢身邊的人一世都.......

2017年6月24日 星期六

老董, 洗鬼你講咩?

最近老董又出來講野, 今次佢話, 2003年23條立唔到法, 阿爺開始對港燦起戒心. 

其實, 仲洗佢講咩, 任何一個有點頭腦的人, 由果時起, 都要開始醒目D啦. 

2004年後, 紅仔股票大舉來港上市, 當時大把人話D紅仔股票平, 一定起, 係咖, 又無講錯喎; 不過, 無情情咁大隻甲乸隨街跳, 就要知道人家咁做係有目的. 

當時, 我已經講左, 背後策畫這些事的人, 係高人, 唔好得罪這些人, 我地一眾港燦玩唔起咖. 

大家現在睇番返轉頭, 人家印D公仔紙出來, 換港幣, 來拼購港燦D企業, 直接參與港燦的經濟活動. 

人無遠慮必有近憂, 現在D港燦要港獨, 就要自己理好自己的事, 唔好又食又攞人著數, 咁多年來, 攞左咁多著數了, 上左癮咁, 戒都戒唔甩, 就唔該唔好口嗡嗡叫港獨啦, 就算人地唔抵制港燦閂水喉, 都俾人笑死啦. 

不過, 令到港燦攞著數, 攞到上左癮戒唔甩的人, 就係老董了, 佢任內的政策若果不是傾向溶合, 就係傾向靠阿爺, 當然普通港燦人人都哈哈咀笑, 唔洗捱生捱死就生活有著落, 但係聰明的港燦如我, 我已經估到佢乜乜葫蘆賣乜乜藥了. 家陣佢出來咁講野, 我反而覺得佢唔係咁講, 先至出奇呀!

2017年6月23日 星期五

係啦係啦, 一於同佢開拖.

嘿..... 當奴友一上台做總統, 就話要同我地D加燦講話, 以前簽落D自由貿易條款唔算數, 要再傾過喎, 頂佢個X呀. 我地一眾加燦多年來調節經濟和工業模式, 都只係為左遷就自由貿易條款姐, 現在又話要重頭再傾過, 即係玩野姐, 以後就唔可以再相信乜乜條款了, 話改就改, 我地D加燦唔係好無保障. 

身為加燦的我呢, 我一定支持我地靚仔總理同隻當奴友開拖咖喎. 係啦, 就快埋檯傾了, 一於先俾D下馬威佢地睇下, 唔好當地D加燦流咖喎. 首先, 企硬係乳製品產品, 一於唔俾佢地入口, 睇下佢地北方的大型農場可以頂到幾耐, 之後, 就係減少賣電賣水, 哈哈哈, 之後就係縮減我地D加燦落美國購物的免稅額, 再之後, 我仲未諗到, 遲D再講...... 

PS: 大家睇當奴友笑都衰衰格格咁, 十足似隻當奴鴨咁. 




2017年6月22日 星期四

租客苦瓜乾, 我就情緒低落了.

我JJ副業係做出租物業, 見盡人生百態, 也見盡人們的浮與沉. 

其實, 我自己十分希望見到D租客搬走時, 是滿滿的搬走, 可以升呢去買自己的物業, 有自己的一塊天地嘛. 

只是, 我見到的, 大多都是沉多, 浮起的反而少之又少. 

為到免了我繼續傷感下去, 我JJ決定在租客未搬入前, 要查家宅咁查佢地, 要佢地係有上升軌道的人, 才租俾佢地, 咁我就唔洗見到D租客苦埋塊面, 又唔洗令我情緒低落了. 

我情緒低落最大的原因, 並不是我父母開始年老, 而是見到D租客苦瓜乾咁樣的面口. 呵呵呵..... 

PS: 其實, 我JJ話將來開慈善廚房, 供應免費糊口食物俾人, 不過, 我情商真係可能會頂唔順咖喎, 日日見住D人咁慘慘, 我可能到時無哂我D創意和天份咖喎. 這個都係要諗清楚先好做呀.

2017年6月21日 星期三

才華天份值幾銀呢?

大家不要誤以為加國社會制度很公平, 誤以為有才華有天份就會有發圍機會. 其實係不一定的. 現在懷才不遇, 就打算走來加記碰機會, 這個不一定係好事.

我JJ副業做出租物業, 不單見到平常人見不到的人群, 而且更見到平常人見不到的深度, 因為人們來租我單位, 就要留下財政和信用資料.

不要以為做運動員係靠自己才華和天份, 其實一大部份係靠自己老豆和老母, 我有幾個租客係運動員, 年紀輕輕16/17歲, 原來一年教練費就2萬5加仔, 之後就係食宿和租金1萬5, 之後就係一年的輔助教育費5千(因為不能上學, 就要自己讀書來完成中學和預科) , 再加耐唔時回家的交通費, 又去左幾千, 一年無5萬開支都唔得咖. 這些人係由父母來簽租約的, 所以我知道佢地父母個個都年薪十幾萬, 才頂得順咁供個仔女來玩運動員這些人生方向咖. 

最梅的那個過氣冰球員租客, 初時以為佢以前做冰球員好好搵, 後來才發現佢只係打左2季正選, 而且仲只係一隊二流波隊樹打. 佢做教練本來有$150~250一個鐘咖, 只是佢中年發福後, 就無人搵佢做教練了. 唉..... 真陰公呢, 人到中年連教練都無人請佢了. 所以, 有個有錢父母, 好過自己有才華了.

2017年6月20日 星期二

失去未來的憧憬, 失去幸福感

上星期, 在我這裡同一城市的女筆友, 她同我講, 我們這些年紀的人, 還有將來嗎?

這個實在令我莫名其妙了, 為何人會沒有將來? 就算70-80歲如我父母, 他們都有將來呀, 我這年紀的人, 不應因為每天工作太攰, 就沒有將來, 因為將來就是今天的動力嘛, 人到了沒有將來的感覺, 可能就有點問題了.  

我這筆友的母親剛去世,她老公失業多時, 現在留在國內, 來辦她母親的遺產, 只是母親留下的一環樓, 卻在母親臨過世前, 改寫給了她姐姐的名下, 相信她現在面對不少問題了. 

人失去了將來的幸福感, 在我這裡的中國人中間, 是十分常見的.


2017年6月19日 星期一

我這裡中國人圈子- 較貧窮的原因.

很多人不知道, 中國國內D移民, 移民去的地方, 都很有地域性的, 上海/廣州/深圳較富裕的人, 就大多會去較暖和的地方, 如溫哥華/加州等地; 而我這裡因為天氣冷, 冬天日子較長, 就吸引不到富裕國內移民來, 所以我這裡有很多中國人都是東北來的. 

講些關於東北的大數據: 
1. 在這幾年, 中國GDP增長需不高, 但也有6-7%, 但是東北卻是年年負數; 
2. 東北是國內這般多地區中, 最遲改革開放的那一批地區, 最遲放棄計劃經濟的; 
3. 東北現在連連勞動人口和年青人口下跌. 
4. 我這裡的貧窮區原本沒有中國人住的, 但現在卻多了很多中國人住, 

其實, 一方水土養一方人, 鄧小平改革開放時, 阻力最大的就是這些最遲推行改革開放的地區. 1945年後國共內戰, 共軍由東北開始打, 打低國民黨, 打下天下江山, 靠的就是東北兵源, 當時這班人很勇猛的, 唔識死. 

跟這些東北人相處, 男的大多都很有義氣, 女的大多都很大氣, 如果喜歡我, 可以跟我稱兄道弟了, 無話不談. 只是, 我不喝酒, 每次跟東北人相處時, 每遇到他們飲酒, 我飲酒好像飲藥水咁, 要拿個茶匙出來度度佢先嘛. 

他們洗錢也是很豪氣的, 但不是來到加國後可以繼續錢生錢, 有些人一到經濟枯竭時, 就算香港人, 人生和想法都不會不向壞方向去傾嘛. 這些人在加國住上10年20年後, 人心靈裡的想法, 就會變得很負面, 人的質素就會變得沒有將來似的. 

我自己從不會看不起別人, 大家都是平等的, 只是在加國這般冷的地方, 長期生活在貧窮線下, 人又真是會變得很負面. 大家看看我JJ, 生活比別人隱定, 生活在平均線上, 但冬天都有抑鬱症, 而其他人生活在貧窮線下, 抑鬱再加憂慮將來的人生, 人生和性情變得負面, 這個是常事呀.

2017年6月18日 星期日

不開心的原因.

前幾日, 講開個中醫師用拔罐和針炙, 來治療我膝蓋不暢順, 之後他說我肝火太盛. 其中使我傷心的原因, 並不單單是..... 我一向都好注重身體, 而我這生人仍有這些肝毛病; 還有, 個醫師問我, 夜晚做乜唔睏覺? 都唔知你攪D乜? 言下之意, 即是, 我係一個唔多撿點的人, 又或係一個濫交的人. 

其實我一向都好守規舉的, 做人唔會亂來, 更不會有夜生活, 去酒吧或娛樂場所, 更加唔係我的習慣了. 個醫師最後都講, 可能我係果種十分特別人的, 天生出來就肝火大盛, 但會影響日後健康和壽命. 

這個令我想起教會裡的一些人, 真不明白一見到我, 又係咁諗我. 乜原來我個樣似那種交的人咩? 其實, 除了那醫師見到我拔罐後的鮮紅色印外, 其他人一見到我個樣子, 怎會認為我係個交的人呢? 其中最大的可能, 卻是這些人曾經接觸過某些交的人囉, 更可能這些人心裡一直在意這類交的人吧! 

我自己卻不是那種交的人, 心思裡沒有這樣想, 就不會那樣去做, 就不會明白這類人之間譗訕的關節, 之後就不會作出相應的表態和動作.

PS: 其實, 我一直相信, 人天生下來, 一切都是中性, 沒有善或惡之分, 只是人的傲慢與偏見, 製造出人世間一切禍患和悲劇. 是人的原罪, 是人妄要無知地去分正與對吧!

有時, 我在想著, 如果我不是一世人單身著, 我會否現在肝會有這種問題發生? 又或, 如果我不是自細去教會信耶穌, 我長大後, 會否是一個濫交的人吧!

2017年6月17日 星期六

我這裡中國人圈子...... 好多人離異.....

以前還未有大6移民時, 香港移民圈子中, 離異是很平常, 很多夫妻分開了居住後一段時間, 就再找不到對方了, 之後, 就收到對方的離婚協議書. 

為何這些夫妻要分開居住? 工作啦, 在不同城市工作嘛, 這個就是逐水草而居, 跟住份工去打工嘛, 夫妻兩份唔同的工作, 分開兩地太耐了, 就感情生變, 又或自己一個人住得太耐, 習慣左一個人, 就唔想再多個人係自己身邊. 更有些人係因為家庭經濟差了, 夫妻對開支和使用得不到共識, 就攪離婚了. 

現在大6移民的家底比以前香港移民薄, 所以, 移民之後的家庭問題就更多, 離異的比率就更大. 

其實, 人家的家事, 我JJ理來做乜呀? 人家夫妻唔關我事嘛! 只是這些離婚的人, 卻引起這裡中國人圈子很大問題. 

首先這些人離婚後生活更不容易, 又有子女要照顧, 就想再結婚, 但那會找到比前度更好的? 只有更差, 甚至是最差! 

久而久之, 這些人的在這些氛圍下, 人生和性情就會更差, 做人處事就更差下去! 

我以前還有心情去識新朋友, 但一見到這些人的質素, 就不會再想了. 如果不是來為子女找便宜老豆, 就是來騙飲騙食, 貪人家小便宜. 

不過, 這個衍生更大問題, 就是這些人會為到小小便宜或一時性起而來濫交, 當然在這情況下, 這些人的精神創傷更大更嚴重, 而我已經不是第一次被人誤會為濫交的人了. 所以, 我現在每有朋友搬離這裡, 我就少一個朋友了, 很傷心呢!

2017年6月16日 星期五

我這裡中國人圈子...... 將來不堪設想.....

其實, 以前在未有中國移民時, 中國人圈子中, 大多都係香港移民時, 我都唔覺得那時中國人圈子有乜咁好境, 那時大部份香港移民做的生意, 都係蝕錢的生意, 而又好辛苦咁守住盤生意, 每天開舖收舖, 困身到死, 因而無得轉型或進修. 

之後一到97後, 很多香港移民個個都回流返去了, 剩下的人都唔再做生意, 個個賣左盤生意, 留在家中等65歲, 食加記政府的老人金. 

現在來的大6移民, 資本比以前香港移民更少, 做的生意比以前香港移民的更細, 但一樣係蝕錢, 而且就更困身, 更沒有進修和轉型的機會. 

但是, 現在來的大6移民, 入左加記藉後, 就再沒有了大6個戶藉和國藉, 就再不能像香港移民咁, 回流原居地. 

真不敢想像, 將來我這裡的中國人圈子會變成點樣? 以前香港移民都已經唔多好, 大把人欠債走佬, 大把人移民來時身有剩錢而回流時2手空空, 不過, 都還可以回流回香港食綜援, 到65歲再回來食加國老人金; 但現在大6移民錢更少, 家底更薄, 語言技巧更低, 但又不能回流, 這樣下去, 情況就比以前香港移民更差, 更令人不堪設想. 

PS: 我最壞的打算, 我將來退休和父母不在後, 聯同其他義工開間慈善廚房, 每天供應糊口熱湯麵包, 給一些有需要的同胞們, 唉...... 我真不知道將來我可以做些什麼了, 好似好灰咁呀.

2017年6月15日 星期四

噢..... 今天美國加息了

雖然不多, 1/4厘之嘛, 小事一件呀, 但係呢, 風向轉左了, 唔再講明俾人聽, 低息低到你唔信嘛! 現在係話明俾你聽, 息口會慢慢升番到合理的水位. 嗱,...... 問題就係呢度啦, 乜野係息口合理水位先? 同埋用乜速度升去合理水位先? 照現在人人借下滿手欠單來看, 息口合理水位就應該係0%嘛! 不過, 理在已經講明息口唔會係零, 因為現在個講法係美國聯儲局欠下大筆錢, 不能長久擔起息口0%這個水位嘛, 所以現在的合理水位, 係睇聯儲局再頂唔頂得順來講喎. 

如果無大鑊事發生, 例如朝鮮肥仔恩同美國開火, 又或南海擦槍走火, 美國聯儲局係唔需要急於太快升番D息佢咖. 所以美國升息個速度係可以好慢好慢咖. 最緊要美國經濟增長理想, 就唔會有人問佢還錢而要快快加息了. 

所以, 現在我地要問的問題, 聯儲局要加到幾多息才可以用新債來蓋舊債, 還可以中間濕濕隻腳, 賺番D行政費, 來出糧俾班經理學大爺和佢地班靚. 咁..... 這個又唔係要好多錢姐, 每年廿卅億都夠LU掛. 這個又唔係好難姐. 

我JJ認為呢, 美國加息只是形態做勢, 不是有心加到全世界都愁雲苦面嘛. 美國班大爺其實同老鄧好似, 而同毛主席就岩岩相反, 美國大爺要做個勢出來係歌舞昇平, 馬照跑舞照跳, 唔會好似毛主席咁, 連人地著件靚D的衫出街, 都被指為資本主義自由化. 

所以, 佢地加完今日這次後, 可能佢地會試試水位先再諗加唔加, 對大家而言囉喎, 都係我一直講開果句, 有錢要留個多餘錢, 唔好借到盡, 又唔好攞間屋的按揭來加, 來做提款機, 盡量快快還清欠款, 那就天天睏得安樂了......

2017年6月14日 星期三

人生都係隨緣吧!

唉..... 我身子一向都好好, 頂多都係好似其他中年人咁, 有時有背痛和頸痛囉. 我就每年這個春夏交替的時候, 去做一次拔罐和針炙, 可以清走D濕氣佢. 

今年係第三年去, 個老醫師又記得我, 佢今次就同我講, 我次次來, 拔完罐後都好深色, 比平常人深色好多, 而且不是一次係咁. 我都知道的, 因為深色到好深色, 所以我十分注意小心身體. 今次個醫師見少人無咁忙, 就同我診斷一下, 問我是否夜生活多, 少飲水, 少食菜. 

大家都知道啦, 我JJ唔夜生活咖喎, 又係無菜不歡, 每天飲7-8杯水, 而且我仲係少糖少鹽少炸少煎不煙不酒的人仕.

最後個醫師話, 我這樣長久火旺下去, 必定會燒傷到我的肝. 

嗚嗚嗚, 我聽到醫師咁講之後, 我好傷心, 因為我細時是十分容易發燒, 十分容易過敏, 我一直好努力地生活在一個健康的生活習慣裡, 而且更是清心寡慾, 但是到頭來, 我仍然都係有咁樣的人生問題. 

真係羡慕其他人, 又煙又酒又啤啤佢, 又走去有好多好多女朋友, 夜夜笙歌. 

哈.... 做人都係算了, 我也不會再改變自己的人生軌道了, 仍然過著少糖少鹽少炸少煎不煙不酒的生活, 仍然清心寡慾算了.

可能我能健康地去生活了這般多年, 已經賺了很多年了, 上天其實都對我不薄的, 最少, 我要憂柴憂米的日子, 可能頂多1-2年, 其他的時候, 我人生都十分暢順無險阻的.

2017年6月13日 星期二

走甜與味覺

我發現一事呢, 現代人食得太多糖了, 令到味覺退化了. 

簡單的一事, 我去唐人街茶餐廳, 飲檸茶一向都走糖, 而且我還督督督督到幾塊檸檬爛哂咖, 慌死佢地唔出味, 之後果碟叉燒燒肉飯就會感到好好好咸喎. 

咁..... 昨天我去問同是食叉燒燒肉飯的人, 佢地話唔係好咸, 味道適中, 我終於理解到一件事, 飲完甜味的飲品, 就會令到味覺退化, 就要食到好濃味的東西, 才感到好味道; 相反, 飲完無糖檸檬茶後, 味覺敏銳左, 就算食條清水煮的清菜, 都會感到甜味.

PS: 上星期六, 我又入去唐人街茶餐廳, 飲走甜檸茶和食瘦叉燒燒肉飯, 跟住就有對西人老夫婦入來, 之後佢地又係叫左2碟叉燒燒肉飯. 哈哈哈, 希望佢地唔好失望啦, 我JJ不時去唐人街食叉燒燒肉飯, 主要係因為, 我耐唔時要食些唐人街的食物, 如果唔係, 一返到香港第一餐就會唔適應, 有點好似水土不服.

2017年6月12日 星期一

甜與苦

我讀大學時, 住的宿舍有廚房煮食, 為到省時間, 就跟幾個宿友夾食, 大家夾錢來買食物, 之後就輪流煮食. 

只是, 我一向食得十分清淡, 當然就落了很多青菜. 奇怪事就發生在青菜上, 有夾食宿友說我煮的青菜味道苦而難入口, 但我明明食到是甜的. 

哈哈哈, 人生就是這樣, 味覺決定了飲食習慣, 而觀念和態度就決定了人生取向. 

我食到甜的, 而那人食到苦, 注定那人是個食肉獸, 注定我身體健康一直好下去. 

而觀念...... 和做人態度..... 不覺得現實際遇是個苦厄, 反覺得是美好, 那就注定我天天笑口常開了. 

所以, 苦厄來時, 要問問自己, 是否錯在自己身上? 還是, 自己天天在抱怨, 而忽視了身邊一切美好事物?

PS: 有時, 我在想, 我冬天時情低落, 可能比起很多人, 都已經是十分輕微. 如果我像其他人般食青菜食到苦味, 而不是現在食到甜味,  可能我情緒低落會是十分嚴重. 冬天時, 只需一粒糖, 就可以令我的情緒低落唔見哂了.

2017年6月11日 星期日

心存善念, 神必祝福著.

我有個特點, 就係.... 我入去唐人街D舖頭後, 就會有西人跟住入去. 其中原因, 大多都是這些西人唔知道店裡頭岩唔岩佢地, 但見到我這些跟西人沒有分別的中國人, 仲係駟駟正正的那種人入去, 他們才有信心入去試下.

上星期, 我轉去唐人街一間有D笠UP的飛髮舖度飛髮, 笠UP的意思, 不單裝修笠UP, 國內同胞開, 仲同大多數國內街市裡的飛髮舖一樣咁款, 我十足回到國內做NOW鬆佬咁, 哈哈哈..... 

無他的, 我喜歡這些國內飛髮佬淳樸厚道, 做事實際無花巧, 用心飛好個頭, 跟人和氣相處, 我覺得很舒服, 咁就得啦. 

今次跟住我入去的西人, 係個好年青年青的鬼妹, 哈哈哈, 個飛髮佬初時好愕然, 因為平時只有唐人阿伯去佢度飛髮, 現在不單我成個西人咁款入去, 仲有個好後生的鬼妹跟住我入去. 

個飛髮佬可能以為我同個鬼妹同埋一齊, 見到我有好多白頭髮, 而個鬼妹咁後生, 就同我推廣佢地D染髮, 等我看上去年輕一點,
襯個鬼妹多一D.


就算我還係30歲時, 我都唔會同D十幾廿歲女仔拍拖, 現在過了多年, 就更加不會了. 我就笑著回答佢: "人就是這樣的, 總要順其自然". 

其實, 染髮係呃人又呃自己囉, 令我想起, 以前香港D中年男人上去大6娶個後生女咁, 辜負人家下半世人, 到頭來這些大6 女性來香港後, 這些中年男人和大6女人, 他們的人生都不快樂.

所以, 人生呢, 第一, 不要強求; 第二, 順其自然; 第三, 原諒已過去的一切人事, 現在不要找借口來作惡; 第四, 心存善念而天使必護佑著.  


2017年6月10日 星期六

加記銀行大賺的原因

加記經濟雖然不差, 但又唔講得係好好, 而且現在銀行業務競爭大, 服務收費唔可以太高, 利潤就不會高了. 

但加記銀行現在大賺錢喎, 真係有點攪笑, 但睇睇佢地個年報, 原來大部份係投資服務賺錢. 

諗下乜野係投資服務, 當然唔係我每次買賣股票俾果10皮手續費啦! 佢地係賺唔到我這等客戶的錢咖, 

咁.... 乜水俾佢擋來割肉食呢? 我最後諗到了, 成用有銀行職員打來叫我買基金, 一睇佢地D細字, 原來每年2%行政費喎. 

車, 我JJ由十歲就開始買股票啦, 我D道行比佢地D基金經理還高, 洗鬼叫人來同我管錢咩! 所以, 這個世界呢, 就好似以前一個聰明人同佢子孫講: "銀紙揸係手, 千祈咪跣手!"


PS: 所以, 我現在係唔會買加記銀行股, 因為一到政府修改法例, 立法禁止銀行佬出賣客戶利益, 佢地到時D利潤就會打柴, 當然股價也會來個插水. 我現在頂多都係買加記保險公司股票好了, 慢慢來, 山大斬埋有柴呢!


 唔知道香港D銀行佬又係咪咁呢嗄? 大家小心D, 將來銀行股雖不致於夕陽工業, 但也不會好似90年代咁好景了.

2017年6月9日 星期五

人在生老病死之外, 還可以做什麼?

很多人, 尤其係教會裡, 認同一切都是在定命論之下, 他們觀點不離開"既然人跳不出生老病死, 即是人已經被定命了, 那何須苦苦去煩惱?" 

只是, 這類人在應該用心時, 不去做他們認為"煩惱"的事情, 到最後, 他們的煩惱原來比別人還多呢. 

沒錯, 人是不能控制自己生老病死, 但仍可以控制今天和明天的生活比昨天生活好嘛, 這個就是人的選擇了. 

其實, 我不是否定定命論, 又或貶低定命論的的人, 而是這些人既然認同定命論, 已經先不去批評天和自己, 就更不應在他們自己陷入深度煩惱時, 去批評別人缺乏同情心了.

PS: 很多人用結婚作借口, 就不再顧念自己父母了. 這個是十分不對的, 再用定命論來自我理性化, 就更不對了, 最後, 定命論成為他們自己的陷阱, 逃離對父母的責任, 但逃不離開自己的負面人生. 

我這2個月帶母親去做2次眼角膜手術, 先後把她雙眼換成人造眼角膜. 在母親身體仍然好時, 先做好了, 這樣將來我母親身體健康開始走下坡時, 她仍有較好的視力, 生活質素會好過現在不做手術. 當然, 手術是有麻煩的, 手術前後1星期, 都要小心看管好母親. 不過, 這個沒問題, 我做著這些事, 心裡是開心快樂的.

2017年6月8日 星期四

神一般的賭法

哈哈哈.... 我這裡的博彩局現在有個賭法, 就係賭當奴友明年5月1日後, 仲會係咪總統喎..... 

現在賠率係3.5比1, 如果買佢下台, 1元就賠$3.5, 但如果買佢留任, 1元就只賠$1.1. 

呵呵呵, 其實咁賭法唔夠刺激嘛, 都估到佢明年5月1日之前, 佢都仲未變拐腳鴨總統. 如果我來開賭呢, 哈哈哈, 不如賭佢後年2019年2月1日之後, 仲係咪做總統, 這個比較變數大呢!


2017年6月7日 星期三

如果一國兩制瓜左柴.

前兩個月, 上邊大6那位基本法專家, 係基本法研討會上講, 如果香港兩制威脅一國, 兩制會失去存在價值喎,  佢還講得中肯和客氣一點, 大6上邊某些人和媒體, 就講得更令人擔憂.

一國兩制到了現在, 都只是執行了廿年也不夠. 真想像不到, 老鄧40年前, 竟然可以俾個50年的保用證書. 

大家可能會認為, 我JJ移左民啦, 洗乜理會香港現制度會否繼續執行? 其實我係好關心香港的事, 不單只我青梅竹馬阿豬女仲係香港住, 而且香港是我的後路, 加記有乜事(好似60年代東南亞排華咁), 我還可以"了"番來香港嘛! 

一國兩制如果無左, 有乜會影響到我?

1. 失去中加雙重國藉, 只有加藉 - 只有港澳人仕因為兩制, 移民外國後, 才仍有雙重國藉, 國內同胞就會自動喪失中國國藉. 

2. 不能再自由進出香港或深圳. 

3. 我本香港護照自動交效, 我會更難進入某些西方制裁的國家, 如伊朗和委內瑞拉. 

4. 我在外國出生的親戚和我, 將會更不想回香港探親, 跟中國的聯系將會更疏遠. 

5. 不會再視香港作為我第二的資金停留地, 也不會視香港為我第二居留地 - 既然一國兩制原本保用50年, 現在20年未夠就玩蛋, 即是大6對香港再沒有任何保證, 甚至大6任何保證都不能盡信.


2017年6月6日 星期二

咁悶, 不如老屈當奴友係凶兆套戲裡......

我係信徒, 當然不會信 OMEN 凶兆套戲裡這些低級劇情.... 不過見咁悶, 不如開個玩笑

這套1976年的電影, 講述一名美國駐外大使, 在1966年6月6日, 在羅馬教會醫院領養了一個孩子,用來冒充妻子剛生下來就夭折的孩子, 從此怪事開始圍繞在他們身邊, 其養子身邊的人相繼意外死亡, 更有來自羅馬的神父警告他,其養子其實是由狼生出來的撒旦兒子 - 敵基督,他會想方設法來繼他的一切,以便將來可以統治世界. 後來更在其養子頭髮遮蓋的頭皮上發現666敵基督的印記. 

不過, 既然今年64咁悶, 香港又無乜好攪, 不如就襯當奴友咁少頭髮, 去CHECK CHECK 佢頭皮上是否有666的標記, 哈哈哈...... 唔知道佢夠唔夠班做敵基督, 還是佢只是個行先死先的咖呢啡? 

 

2017年6月5日 星期一

大6嚴格執行外匯管制, 加國樓市就.....

加記政府常常都話, 佢地推出15%海外買家轉讓稅見效, 多倫多和溫哥華樓市交投量跌. 其實, 這個不是單一的原因, 其實, 自從今年1月大6政府嚴格執行外匯管制後, 水源少了, 樓又被炒到咁高, 再加15%稅, 無力食之下, 那有人來炒. 

不過, 就算大6匯管嚴左, 都有好多不同地方樓市仍然被人炒高. 

多倫多和溫哥華炒樓現在未甩貨的大6人, 就可能會幾大鑊, 無左新來的大6人來接佢地D盤, 佢地就只能守, 等政策改變後才能甩貨, 好彩, 現在加國息好低, 仍然可以守.

只是, 這班人炒到多倫多和溫哥華樓市咁高, 佢地蝕錢都唔抵可憐.

2017年6月4日 星期日

現代男女平權下

我美國親戚個仔, 早排係美國搭內陸機回家, 坐在座位旁的鬼妹, 就不斷找他說話, 並主動給了他聯絡方法. 我親戚就同我老豆講, 我老豆就覺得好大件事咁. 

其實, 我在男女平權這議題上, 我是十分開放的, 因為就算女性眼都唔暫咁BA實男性, 都唔可以講係D乜野咖, 頂多係話女方對男方有好感囉. 如果男方喜歡, 當然可以去溝通一下, 攪清楚女方心裡想著什麼.
 

現在男女平權, 男女的關係早己不再是男 "男"(動詞) 女 "女"(動詞) 了, 還可以是很多其他的性質, 當然, 這個世界就變得複雜左, 很多時, 是要男女雙方大方地去清楚表示吧. 千祈咪收收埋埋, 又或去玩猜啞謎遊戲. 我自己是個做正事實事的人, 從不玩某些傻瓜遊戲, 淳厚人總是做著淳厚的事, 明確表示不攪一夜情和男女平等. 之後, 我希望一切事情都會好辦, 如果仲係麻麻煩煩, 即是問題不在我自己身上, 那就要安心地去不理會這些人了.
 

講起俾人BA住, 尤其在教會裡, 我其實十分冤枉, 都唔關我事咖嘛. 我都唔知道係咪, 崇拜時有些女仕無乜野好做, 又或存心想整古我, 就成日擰轉個頭, 望住坐到好後的我(都已經刻意坐係大堂最後邊, 等D人唔好注意到我), 中間係無人, 乜水都會亂想一通..... 最慘, 對方唔係固定會友, 但我係, 教會內D屬靈人仕就第一個來找我談"心事", 當然第一句就要求我咪影響佢地年幼子女, 第二就說我招惹埋D麻煩人入教會, 大佬呀, 我又無叫這些人來教會, 這些人喜歡入來教會, 我都無佢符.
 

咁耐, 我試過去約過一個成日係教會裡 BA 住和跟住我的女性, 始終都要知道這些女性想緊D乜咖. 不過, 可能我黑仔吧, 我體面去約佢, 佢不單不應我, 之後竟然又係咁來BA住我, 最後更去牧師個老婆度, 投訴我騷擾佢, 最頂癮係, 這牧師老婆又信佢講, 仲當眾來數落我, 攪到我之後, 都唔敢俾果D跟牧師和佢老婆有計傾的女教友, 走得太近我. 其實, 係這些牧師和佢地老婆唔識做, 唔係我對佢地D女教友無行動, 要怪就怪那些製造麻煩的人.

 其實, 當這些事發生後, 我就不應再去這教會了, 我做錯的地方, 是浪費了我最適合拍拖結婚的14年, 跟這無厘頭教會+牧師+自以為屬靈的人來磨菇磨菇. 看來, 有些麻煩製造者是不配享有男女平權, 一定要用枷鎖來壓著這些人, 天下才會太平的.

2017年6月3日 星期六

香港戾氣重, 64就.....

我家裡下一代的親戚分散不同地方, 大家都差不多的智商和能力, 由細到大, 差不多都是唔洗俾錢讀書果種人. 

美國有一個, 畢業後做工程師, 一邊做, 公司一邊送佢去讀碩士, 今年攞埋碩士, 不過, 佢最開心的, 就係佢做工程師後第二年才買的屋, 今年供完了. 

相比香港的那個, 拔尖入醫科, 遲美國那個2年畢業, 但佢份醫生人工, 儲到現在, 當然可以俾到一層樓個首期, 但係想買層豪一點的樓, 或要好似美國那個咁, 出來做事後5年, 就供完自住物業, 相信都不太可能了. 

我這些親戚同埋一個亞爺亞嫲生, 能力和智商應該差不太遠, 但看著他們的首次置業藍圖, 一個5年就供完, 另一個在香港天之驕子做醫生, 要多一倍時間以上才供完, 可以講明白一件事, 香港生活壓力重, 導至港人戾氣重. 

明天又係64了, 不過, 在咁重戾氣下, 64一切都變了質. 聰明能幹的人, 都要花咁大氣力才有立錐之地, 之後才有餘閒去想通64; 其他無咁叻的人, 一係不聞不問, 一係無能力用正途維生, 要靠攪政治來開飯, 對64就一定有扭曲了, 所以, 我現在不看好D人攪64了. 

華叔一死, 大樹飄零, 沒有人運籌帷幄, 決勝千里了, 留下這些游兵散勇, 必定遲早被阿爺收編入建制之內, 又或現在這些人已經..... 唉...... 

2017年6月2日 星期五

北美治安越來越差了.

這事應該發生係美國威斯康辛州的Milwaukee市, 事發時, 白色車女車主到油站下車加油, 卻把車匙和手袋留在車上, 賊人乘坐灰色大房車, 停在女車主車旁, 趁女車主下車, 就跳上車, 原想偷走汽車. 

只是大膽的女車主, 不顧自身安全, 跳上自己的車蓋上,阻止賊人開走汽車, 賊人也不想有傷亡, 加重刑責, 就棄車逃竄.

大家可以想到, 北美洲已經不是大家借日心中所想的安全國度了, 人們越來越不彼此信任, 犯案的手法, 越來越容易傷害到其他人. 

最恐怖的, 有個男人行1去想幫女車主停下架車, 賊車上的賊人以為有人想來捉他們, 第一個反應不是開車走, 而是下車想去威嚇那男人, 這個卻是最恐怖的事情, 捉到這些人, 一定要審極刑. 


2017年6月1日 星期四

國內土豪買加記物業?

很多人以為土豪們用現金, 又一次過俾清買樓錢, 就以為他們很有錢. 只是背地裡, 這些土豪卻是用私募的方式, 用高息借錢到手來買物業, 買了後就要用物業錢生錢來還高息, 這樣, 就會無所不用其極了, 為到錢, 這些土豪可以飲鴆止渴, 把物業在 AIRBNB 上短租出去, 收取更高的租金. 

只是短租AIRBNB的人良莠不齊, 遇上好時, 還可以, 但有些不好的, 專租這些AIRBNB來開派對, 所以噪音酒精, 甚至毒品, 就這樣出現在這些土豪買下的高尚物業之內.

再加上這些土豪大多都不是生活在加國, 人買下物業就回國內, 交下給物業管理, 當然這些物業管理只是一心做靚現在盤數佢, 不會擔心著將來的物業被攪到一塌糊塗, 又或一文不值. 

現在那些買下土豪們物業的鄰居, 就苦不堪言了, 很多西人找到這裡華人社交網站, 來大吐苦水. 

唉, 這樣真係大鑊了, 這些土豪人在國內, 加國本地人厭惡中國人, 這些土豪不會受影響.

PS: 同一道理, 我出租物業旁的幾幢物業被一個國內同胞買下後, 每次人們來看我的物業, 都話我的真漂亮, 只是很多人不相信我這中國人有操守, 大多都誤為我隱藏下D問題, 唉.... 攪到越來越難租出去.

2017年5月31日 星期三

係加國唐人街開餐館, 有幾無癮?

如果我現在有任何朋友想移民來加記, 我真係要同佢講, 唔好諗住過到來開餐館或從事餐館行業, 因為會係十分痛苦的, 這個痛苦階段而且唔係一兩年, 仲係一生人往後都咁痛苦. 

89年64後, 一大波香港人湧來加記, 當時有幾家人有親戚關係, 就在這裡唐人街開了間餐館, 幾家人合資, 資本本來應算雄厚吧, 只是從事餐館行業, 開店時間長, 就算請人回來, 自己也要睇實D人做野, 所以, 他們就沒有機會進修, 或轉型了. 

他們一做就做到現在, 因為不斷有食客回流, 或搬到其他地方, 又或住得耐了, 口味轉變了, 客流就越來越少. 由以前要等位, 變成現在連星期六本應最旺場時, 都唔到一半枱有人坐, 更不用想著要搭檯了; 也由請人回來, 變成現在幾家人的第二代子女要自己落手落腳. 

當然,我自己從不輕看別人, 話哂他們用勞力來過生活, 只是, 如果有朋友計劃來加國開餐館或做餐館工, 我真係要同佢地講這個故事了, 實在沒有必要這樣一家人咁辛苦來過日子嘛!

2017年5月30日 星期二

好天斬埋落雨柴.

其實, 人袋中有餘錢, 就唔好身痕, 洗錢都要去買一D將來必定要用的東西回來. 

大家可能會問, 我JJ現在襯減價時, 會買定D乜回來呢嗄? 衣服啦, 鞋襪啦, 電器啦, 還有一樣, 就係防毒軟件..... 

上年原價一舊水加仔的軟件, 可以用係10部電腦或手機上,我襯佢減價減到$40財加仔, 再用埋張"Q旁"減10蚊加仔, 來買3套, 就每套卅十幾財就可以拿回家, 每套可以用一年, 我可以連續用3年了.

這些東西, 其實跟買股票一樣, 無人要時就爛平爛賤, 現在全世界都驚病毒時, 就無價減了.

哈哈哈, 人人都只會講上海人精明, 其實, 我JJ只是懂得生活而己, 明知D野遲早用到, 買定係度, 總好過身痕亂洗埋哂D無謂錢. 

除非我JJ香左, 這些東西都對我仍舊有用.

2017年5月28日 星期日

當人的收入去到最高時.

很多人不留意一事, 人到40歲左右, 就是他們一生人中, 搵到最多錢的時候, 人年紀再大時, 因為體力力不從心, 或年邁父母的需要, 原有的工作變得困難時, 再轉工作, 收入就會大不如前了. 

我留意很多人的奇怪做事方法, 連教會裡一些人也不例外, 就是.....廿多歲時追女仔洗錢如流水, 咭數來舉債, 只還咭息, 用咭蓋咭; 到卅多歲時, 才來改變洗錢習慣, 才來慢慢還咭數; 到四十多歲最搵錢時, 才來得及還清咭數; 到50多歲人生和父母開始走下坡時, 又漠視現實的環境, 才來首次置業, 有些人更是到這年紀才來買豪宅豪車; 不過, 莫說樓按令這些人為供款而忙得團團轉, 就無餘力來看護好父母, 無餘力來教好子女, 有些人更在這時攪唔掂, 供不上車按房按, 債台高築, 就要去破產或走佬.

我自己從不欠咭數, 廿幾歲大學畢業後就置業, 卅歲未到就買下出租物業, 當時見到其他同年人都在享受人生, 我就為自己職業和投資而忙得團團轉, 在自己認為搵到最多錢的時候, 就把一切按揭還了, 現在父母開始需要我時, 我就有充足時間了, 留在父母身邊. 

PS: 教會內D人, 常常話要有照顧老年人的服務, 其實, 是他們自己無力照顧好自己的父母吧, 又從沒有想過如何去為自己和家人做好計劃. 我不是在揶揄別人, 而在批評這些人把教會原本的功能都改變了, 令到別人不能在教會敬拜神, 也把別人都弄得團團轉.




2017年5月27日 星期六

電腦病毒與黑莓.

大家都知道最近網上沸騰騰係講緊"哭哭病毒", 一中招, 電腦裡的重要 FILE, 就會上鎖, 要俾錢錢班大帝才可以解鎖. 本來只有微軟標叔叔D視窗才容易中招, 現在連 GOOGLE ANDROID 和CHROME 上網軟件都領野播.

每當眾人認為係一件壞事時, 有時對我來說, 也不一定是壞事, 大家咪誤會我從事病毒破壞, 相反地, 我係投資左係藍莓手機間公司上, 這公司被譽為最難俾病毒入侵的手機, 手機防禦功能最好的手機, 家陣全世界除左蘋果教主部 埃瘋和黑莓外, 部部都有可能奶野.

哈哈, 我都係1-2年前買的黑莓股票, 那時黑莓手機俾 GOOGLE ANDROID手機打到殘咁際, 現在我有錢錢賺了, 唔多呢, 但夠我山大斬埋有柴咖喎.

2017年5月26日 星期五

快速叉電巴士

我這裡開始用了, 不過都係試驗階段, 部巴士叉次電行到15-25KM, 適宜係市區或短程路線.


2017年5月25日 星期四

木偶遊城記

上個週末, 滿地可慶祝建城375週年, 就有大型遊行, D法語人仕玩左個好過隱的花臣, 就係用大木偶遊行, 大到有3-4層樓高, 高到要用起重機吊起, 要幾十個人控制個木偶的動作, D人誇張到要跳上跳落7-8呎才可以控制腳步行路. 





2017年5月24日 星期三

ALIEN COVENANT, 十分失望!

套戲個 DIRECTOR RIDLEY SCOTT 拍完上一套 PROMETHEUS 後, 佢竟然話拍到咁宗教性, 是個大錯誤喎. 正當人人都祈待佢推出下一集, 主角 ELIZABETH SHAW(ES) 會點去質問 班 ENGINEERS, 為何又要製造人類, 又要烕絕人類? 

現在套續集卻拍到咁樣的4款, 簡直回到 第一套 ALIEN的年代, 不如就讓觀眾同 RIDLEY SCOTT講, 你今次做左幾個大錯誤.... 

1. 怎可以俾ES死咖, 佢一死, 就無好戲好做了.

2.怎可以淋息左"被創造和創造"這些熱議題咖? 

3. 怎可以拍到人類咁低能咖? 咁都睇唔出 DAVID 假扮 WALTER, 又氹 DANIELS 和 TENNESEE 回去冬眠, 

4. 怎可以拍到 ENGINEER個星球上D人咁低B, 咁不設防?

所以, 我入戲院睇時, 小貓冷清, 連10%位都坐唔滿, RIDLEY SCOTT, 你真失敗呀

2017年5月23日 星期二

名牌乞兒兜

嘿, 加國社會制度真係同香港好唔同, 大佬呀, 真係咪用香港人心態去想, 誤解左就事少, 令到自己心理不平衡, 兼夾情緒低落就大件事了. 

上星期六我出市區行下啦, 我以前都同大家講過, 我這裡越來越多人揸兜係街上乞錢, 其實, 我都當左佢係這裡一個特式了. 只是我突然間前邊有個好身光頸靚的男人, 係我面前反轉頂名牌(ADDIDAS)帽, 向我伸過來, 我初時都無為意佢意思, 直到佢開口問我乞錢, 我才知道佢係又係這裡的街頭特式了. 

嘩哈哈, 我立刻摸摸我頭上頂 PUMA 帽, 吚, ADDIDAS 和 PUMA 原本係兄弟公司後分家嘛, 人人都睇佢地係同一檔次嘛, 死啦, 人地一睇我頂 PUMA 帽, 會唔會又認為我係...... ? 最少, 都唔會好似在香港載 PUMA帽, 人家睇我咁型仔啦. 

對我來講這個絕對係會令我情緒低落啦, 所以話呢, 加國階級十分平等, 無錢人咁款, 我這些中慘階級都係咁款, 唯有安慰自己, 這男人係處男下海, 剛剛加入丐幫行列, 還係淨衣派, 仲未進化到污衣派的階段. 

2017年5月22日 星期一

睇下當奴友再捱到幾耐呀嗱?

最新消息, 美國福特汽車廠, 將會在今個夏天抄10%員工出來, 嘿..... 其實真係唔係因為廠房外遷,又或把工序外判, 而是因為生產工序電腦自動化和機械人自動操作. 

還記起當奴友競選時講過D乜, 佢話要D公司把在國外的生產工序, 搬回美國, 哈哈哈, 天真的美國勞工階層選民, 等佢兌現承諾呀, 望到頸都長埋, 等到的, 就係現在這種壞極的消息了. 

天真的美國勞工階層選民, 請你們把你們的憤怒對準當奴友吧, 不要再十下十下咁, 錯誤咁再次對著外國廉價勞工, 尤其中國勞工, 因為中國勞工已經不再廉價了. 

當奴友未來一年, 會面對佢手下共和黨人在參眾兩院選戰(2018年中選)的壓力, 當奴友兌現不到2016年的競選承諾, 選民罵佢手下的參眾兩院議員, 威脅話唔再選佢手下的共和黨人做議員. 

可以想像, 由今年夏天開始, 當奴友俾佢手下參眾兩院議員煩死, 下年選完後, 共和黨失去參眾兩院大多數議席後, 佢由2018年到2020年, 都會做個俾笑死的拐腳鴨政府總統了. 看看佢個樣到時有幾滑稽?



2017年5月21日 星期日

食野唔俾錢得唔得?

嘿, 世上奇聞奇事天天有, 今日見報, 英國有位奇芭法官, 個犯在酒精和毒品影響下, 用麵包刀插傷男友, 再用玻璃杯同JAM 醬罐砸向男友, 個法官竟然因為個犯係"牛精"大醫心臟外科醫學生, IQ爆柵, 又係醫學 JOURNAL 上發表過佢的偉論, 所以唔判佢坐監喎.

嘩哈哈, 各位, 唔知係咪佢讀牛精大學, 所以火遮眼得來都係咁牛精咖喎, 不過呢, 撈醫生這一行, 最忌就係牛精果喎, 而且仲係衰係酒精和毒品上, 大佬呀, 病人條命仔放係佢手上, 唔係凍過水嗎? 

哈哈, 如果我JJ上完茶樓, 食完蝦餃燒賣後, 唔俾錢之餘, 仲講我有天才IQ, 日日係BLOG上豬嗡我D偉論, 仲係某某領域上的天才, 叫茶樓伙記唔好拉我去坐監, 咁又得唔得?  

其實, 個犯唔坐監唔留案底都得, 但個犯要做足同等時間的社會服務, 而且還要在未來10年內, 每月自費去驗血, 證明佢再沒有嗜酒和吸毒. 如果做唔到, 就立刻拉佢去坐監. 

有時, 原諒別人, 總要有個普, 明知佢有前科, 總要令到這些人不能再重犯先得咖, 如果唔係, 原諒這個名詞, 就沒有意思了. 我以前去的那唐人教會, 一看他們低迷的會友人數, 就知道他們以前的錯, 沒有根本性的改過, 人們根本就不能在這教會裡敬拜神. 如果唔係, 神又怎會不讓信徒去這教會. 現在係神唔妥佢地. 

PS:唔知道,大家會否想要有個這樣的女友嗎? 噢, 可能要鐵金鋼, 打極都唔死的人, 才配做佢男友了.
 



2017年5月20日 星期六

今次講BILL 叔叔個女

哈哈哈, 係咪幾靚女呢嘎? 大家知道我講邊個 BILL 叔叔啦, 就係大家每天開機上網時見果個公司 LOGO, 果個老闆唔係佢囉, 呵呵呵..... 好啦, 佢都唔算係為富不仁, 相比好多有錢人, 佢都唔算有錢就係度串串頁, 而且佢仲成立慈善基金去助有需要的人. 

其實, 這種人的兒女, 在這些人潛移默化成長下, 人品都不應該太差的. 報導上講, 佢女兒自身的行為也不要過於張揚個性,不喜歡向他人炫耀自己擁有的財富, 行為也相當低調,出行沒有豪車飛機,完全看不出富二代的架子,在日常生活中,對人親切隨和, 為人處世得體,表現出她良好的家庭教育素質.



PS: 以前, 我常常以自己家庭教育去看別人, 見到有些人成日那埋塊面, 成日係度對人串串頁, 我初時就誤以為佢地身體健康有問題, 後來才發現, 原來很多人家裡, 跟我家十分不一樣的, 很多人的父母也跟我父母相差太遠, 原來不是身體健康有問題, 而是在家裡長久慮積的心理健康出了問題. 

 我父母把我養成對人有禮熱心, 獨立, 求生能力強, 克服困難的能力強, 生活簡單, 所以, 面上總是常常有笑容, 心裡不用想著如何去壓下別人.


2017年5月19日 星期五

大家可曾想過三國演義, 西遊記?

昨天講完金庸小說, 哈里波特和電影 Prometheus, 跟讀者觀眾的互動方式, 大家有沒有想過三國演義和西遊記當時在創作時, 都有跟讀者有著密不可疏的互動關係?

這個就要講番起當時的歷史背境, 中國4大名著, 除了紅樓夢在清朝成書外, 其他3部都是在明朝初期, 尤其西遊記和三國演義, 是在元末明初的時間成書. 

這個就要講起番元朝蒙古人統治漢人, 把漢人分為10等, 竟把前朝第一等的讀書人儒生, 眨成第9等, 比娼妓還低一等, 卻高於乞兒. 這樣大家都估到, 當時儒生讀書人就再沒有官做了, 但世襲的讀書人沒有田地(被蒙古人霸了), 又沒有前朝政府的俸祿, 飯仍然繼續要開嘛, 所以當時有些讀書人, 就拿了陳壽的三國志, 和陳玄奘的大唐西域紀, 去最多人的地方處朗讀, 本意是想教會其他人讀書識字之餘, 賺些零錢糊口.

大家都估到, 最初個個聽眾都悶到抽筋覺覺豬了, 又或給這些讀書人拋爛菜臭雞蛋之類的東西. 誰知道後來給人罵得多了, 就開始投聽眾的所好, 就開始加入些民間神怪和通俗的原素了, 到後來更移師到茶樓去講故. 

經過元朝統治中原90年後, 民間裡這些故事都已經發展到十分成熟和通俗了, 當元朝一亡後, 由漢人建立的明朝, 立刻解禁漢字書藉的出版和印刷, 就立刻有人把民間這些由歷史書而來的通俗故事, 收集起來, 並編輯成一套完整的小說. 

最後, 讓我結論一下,任何名著都要投聽眾讀者所好之餘, 還要在創作時, 跟讀者有著密不可疏的互動. 沒有這些互動,就沒有百年千錘百鍊的動人內容. 

PS: 哈哈, 我講到這裡, 大家都可能都會估到, 我JJ呢, 係個業餘歷史愛好者, 當 Prometheus 套戲裡, 講那個考古學家 Elizabeth Shaw 指著個星體地圖, 說著那是一個外星人給地球人的邀請,我就哈哈大笑了, 有乜可能連這個係某個文明或某種族的圖騰都唔知?


前年無記那部蒲松齡, 就係寫佢成日蒲茶樓, 好似哈利波特作者羅琳咁, 係茶樓同人講故, 最後就寫出了聊齋夜話了(聊齋即是一間給人聊天吹水的屋仔囉).

2017年5月18日 星期四

為何有些電影或小說, 擁有大量擁躉?

大家有無想過, 為何有些電影和小說內的情節, 永遠讓人充滿幻想和祈待? 

大家可能會講,因為這些作家或編劇太好野了. 不過, 如果我話俾大家聽, 這些作者和編劇都有個共同點, 唔知道大家會否相信?

共通點就係, 他們不是一次過把小說或電影情節寫出來, 而是他們寫一些後又出去聽聽讀者的回應.

小時候看明報金庸專柵, 佢D武俠小說係每天在明報上刋出一段, 而讀者常常看完當日的那段小說, 就打電話或寫信入明報報館問明天的情節, 又或猜著明天的情節, 所以, 金庸因為咁, 十分清楚讀者心裡想看到些什麼. 

而寫哈利波特的羅琳也是一樣, 常常在咖啡店裡跟朋友討論寫作中的故事情節, 讓朋友說出心中想要看到的情節. 現在套Prometheus也是一樣, 在網上和YOUTUBE上, 有很多人討論和猜想戲中的情節. 

所以,讀者在創作中的互動是十分重要的, 我好喜歡看某些網友在BLOG上發表觀感, 其至舒發一些情緒, 因為這樣我就知道人們喜歡些什麼, 在想些什麼.

PS:其實, 香港那兩位名編劇王晶和蕭若元, 是別類一種的了解觀眾心理, 他們用的, 不是跟觀眾互動, 而是透過他們在大學裡的歷史學位, 來了解人性.

2017年5月17日 星期三

Prometheus 犯駁的地方

其實, Prometheus在5年前一上映時, 已經被人批評為犯駁多多了, 可能中國人比較厚道, 少去批評, 但西人社會中, 就有很多了, 西人叫電影情節犯駁處為 POTHOLES, 無錯這個也可以解作路面上的坑氹.

1. 主角 ELIZABETH SHAW (ES)身為考古學家, 當在不同古代文明遺址裡見到相同星體地圖, 專業訓練上, 佢唔應該認為那是外星人留下的邀請書, 而是應該知道這些全都是"圖騰" - 讓後人知道這些文明的出處;

2. 當拿到ENGINEER的頭顱來考究時, 本應該先在不同部位上收集樣本, 不應該在頭顱爆成一灘漳液後才收集. 

3. 片中生化人DAVID 面上表情太多了, 就算這些全是為到讓身旁的人類舒服一點, 但也沒有必要真正喜怒形於面上, 明顯地, DAVID這生化人有著人類的情感, 但刻意地被隱瞞著; 

4. 為何不先讓片中的生化人去探究一切, 才讓人類去冒這些危險?

2017年5月16日 星期二

宗教性科幻片

其實科幻片本應該係無神論主義嘛, 但現今有些科幻片竟然變成宗教性, 就真係令人嘆為觀止, 頂佢唔順了.

可能大家都會估到我係講果套 Prometheus,中文名叫"普羅米修斯",昨天睇網友小T講, 這套片有續集快上畫.

這些都只是抄襲宗教思想的偽宗教題材, 因為真正的宗教裡, 神是自有永有, 而電影裡卻從沒有提及創造人類的外星人, 又是由那裡而來.

不過, 看到這些電影大行其道, 就可以反映到現今世代人們不再嚮往無神論了, 不再傾向達爾文的進化論, 偏向相信人是被創造.

 Prometheus 片中講述考古學家 ELIZABETH SHAW(ES), 在地球不同文明遺址裡, 發現了同一星體地圖, ES主觀地認為, 是外星人來地球, 為人類創造文明後, 向地球人留下的邀請書. 後來他們在銀河系裡找到相同星體, 並找到億萬富豪來出資建造太空船, 去尋找這些外星人. 最後, 卻發現那裡不是外星人的家, 而是用來製大殺傷武器, 並打算送到地球去, 要滅絕一切人類. 

片中最有趣的地方, 是外星人創造了人類, 而人類也製造了人造人synthetics - DAVID, 人類怎樣用自己的樣息去打造 DAVID, 投映著外星人怎樣來打造人類; 人類怎樣要求 DAVID, 外星人也同樣地要求人類. 最後, 打造 DAVID 的人, 當了自己是神, 也看外星人是神, 這個十分反映到人性 - "以為自己與神同等, 而強奪和凌駕別人福祉". 

作為一個信徒, 我從來不相信這些宗教性科幻片, 不過, 在看這些"神片"時, 卻可以了解到現今人們心裡的思想和傾向. 

PS:現今加記的華人牧師和屬靈人物, 真是要打醒12分精神了, 因為世道變到人們相信人被創造, 社會土壤裡容許宗教的發展, 再不是進化論矇閉著人們的眼睛了. 

最頂癮的, 就是片中的行星被定名為 LV223, 有觀眾竟然認為, 片中編劇是指著聖經利未記22章3節: "你要對他們說:你們世世代代的後裔,凡身上有污穢、親近以色列人所分別為聖、歸耶和華聖物的,那人必在我面前剪除。我是耶和華。" 哈哈, 這個可以看出人們的宗教情緒高漲, 但卻是走錯了路.

2017年5月15日 星期一

人生何所為?

我有個做醫生的親戚, 他有次說: "做醫生最主要是讓病人過著有意義的生活, 過上最適服的健康狀態, 生命長短, 本身可能沒有多大的意義." 

所以, 我們做人, 還是希望自己活在世上時, 快樂又健康! 當盡了力後, 就不要再埋怨上天或其他人 這個那個, 就應該釋懷, 就不應再讓自己情緒低落了. 






2017年5月14日 星期日

怒氣有幾咁累事?

香港竟然發生單咁樣的姦劫案, 事主零晨做完兼職後回家路上, 被搶手機和2張銀行咭, 事主可能因為血汗錢被搶而心有不甘, 竟追趕賊人到更僻靜草叢, 被賊人捉著並綁起, 在拒絕賊人威迫說出咭密碼後, 被激怒的賊人把事主強姦了, 最後賊人在差館上吊自殺, 不治了.

這個故事說出一個字"氣", 以氣用事的人, 火遮眼囉, 大多不會理性地思考, 事主單獨女性一名, 怎會大膽到零晨裡去追趕賊人? 甚至追到僻靜草叢? 這個十分不理性, 零晨不會有人來幫手, 俾著係我, 零晨見到咁樣劫案, 真係唔會幫手追, 最多好心幫佢打999.

另一方面, 賊人被女事主來追趕, 不單男性尊嚴受損, 還被迫入窮巷, 竟然忘記了搶劫案和姦劫案的判刑相差巨大, 氣怒之下, 竟強姦了女事主.

大多數人都有一個觀念, 寧容下搶劫犯, 也不容下強姦犯, 聽說入到差館和監獄, 待遇也相差很遠. 今次單野, 差館裡頭可能會有人有事了, 當然大家都唔想有人會有事, 但一定會被查.  

由是觀之, 人一切錯誤決定, 皆由一個氣字引起, 不單自己有氣, 還激起別人的氣, 更把第三者差人的氣也激了出來. 

PS: 多年前, 我去的那唐人教會裡, 有些人做事不理性之餘, 又喜歡拖其他人落水, 令到人人都以氣用事, 我見到這樣情況, 都不再理會這些人了, 就算我之前捐了不少的錢, 都算跌左落咸水海算了, 之後我專注去搵真銀, 去找個女朋友拍拖, 去照顧好自己父母. 

做人就係咁, 過好自己每天的日子, 不要以氣用事,  不要為難自己, 也不要麻煩自己.


2017年5月13日 星期六

魁北克水災實況 4

魁北克浸得最勁的城市, 就係這個 叫 RIGAUD 的鎮, 70%的屋被浸, 很多屋被浸到1樓, 就要拆了重建. 其實, 捐錢是最好的方法, 我自己唔會游水, 就唔好行近水邊去幫人了, 免得反而要拖累別人分身來救我.



2017年5月12日 星期五

魁北克水災實況 3

滿地可市原本是個島, 我家在滿地可島外的一個島, 而我這島外, 又有別一個小島, 我這島有高地, 所以, 就只浸水邊的地方, 但別外的小島就全浸了. 大家看VIDEO, 那時4月21日還可以行在橋上, 橋面離河水還有4呎, 到5月4日, 水已經淹過橋面, 島上所房屋都浸在水中, 再到5月8日時, 如果人在橋上行, 水深到腰了, 十分危險. 好彩, 政府在前一天, 已經強制疏散了居民了.


2017年5月11日 星期四

魁北克水災實況 2

我家在高地, 唔會浸到, 不過出入道路, 都要經過低地, 所以現在出入麻煩很多. 唐人大多唔住河邊, 大多都係西人住, 所以受影響的中國人中, 大多都是國內來的, 首次置業, 唔知道那裡會有數十年或百年一遇的水浸. 

PS: 昨天, 有個國內來的網友, 因為價錢比其他地區平, 就在不知情下, 買了泛濫區裡的房屋, 今次水浸, 好彩只浸地庫, 沒有浸一樓, 就不用重建, 但要抽乾地庫D水來乾, 避免發霉, 但過程也是十分漫長和痛苦的. 

怎樣查將會買的房屋是否在 FLOOD ZONE? 先去找個保險經紀查價, 指明要回流水保和水浸保, 如果沒有保險公司承保, 大約那裡就是FLOOD ZONE了.


2017年5月10日 星期三

魁北克水災實況 1

這個路口是在我平時出入的大街上, 全浸了, 兩旁的商業店舖全關了. 路上偶而有車死火在水中. 今次有排攪了,上游水壩放水排洪嘛, D積水就有排都唔會退了.聽說這個是百年一遇的水災. 

PS: 我這裡水最多, 五湖和我這邊的出口河流, 有著世界上25-30% 的淡水, 可以說係水頭充足, 包唔會制水, 但係水太多時, 都係有辣有唔辣.


2017年5月9日 星期二

花花公子

前幾天, 有女性朋友來跟我說, 第一眼見我時, 就認定了我是個花花公子.

哈哈哈.... 這個, 我一早就知道啦, 大部份女性第一眼見到我時(除了那些年齡跟我相差很遠的女性), 都會覺得我係這種人吧.

我小學1-2年班時, D女同學喜歡來跟著我, 到5-6年班時, D男同學刻意來排斥我. 上幾個星期, 在唐人街排隊買野, 前邊有個幾歲的小女孩, 老是來叮著我, 給他們父母見到, 就來怒釘著我了. 

我知道, 我是個上天賜恩賜福的人, 有著一切其他人夢寐以求的特點, 如果說得難聽一點, 用世人的觀點來看, 我外表上是個不折不扣的花花公子; 只是, 我心裡卻沒有任何做花花公子的心思和意念. 一直都是打算結婚生子, 做一般人會做的事, 花花公子的生活和人生, 對我來說, 太麻煩了.

人其實好簡單咖咋, 做個好人, 自然有天使安營在左近來護衛著. 

PS: 大多數吸睛的人, 都是對人十分冷漠的, 誤以為全世界人都欠了他們. 不過, 我卻是剛剛相反, 我對人十分熱心有禮, 主要因為我知道一事, 就算不相識, 吸睛的人最能傷害剌透別人的心. 一個冷漠的表情, 出自不吸睛的人面上, 人家的感受還沒有什麼, 但出在一個吸睛的人面上時, 卻使別人有個萬箭穿心的感覺. 

當然, 在這些麻煩上, 男性比女性容易得多, 遇上喜歡的就主動約對方出來了解一下, 不喜歡就唔好有行動, 又或講清楚. 出來約會後,了解清楚我的為人, 就不會再望著我了. 其實, 我就算吸引了對方的眼睛, 就算你情我願走在一起拍拖, 兩人要走到結婚也不容易呀! 所以我唔喜歡把初次約會變得複雜麻煩, 因為往後的拍拖路, 更麻煩更不容易. 只是以前去約會的那些正經女性誤以為, 我約她們, 是個花花公子的遊戲吧!

2017年5月8日 星期一

鬼佬臭狐

大家咪以為鬼佬好乾淨, 實情呢, 好多人都係超污糟, 成鬼日都唔沖涼咖喎. 

昨天, 係 WAKMART 買野等俾錢, 前邊個鬼佬一邊禁機用咭俾錢, 一邊雞啄唔斷咁講手機, 但我聞到一陣臭孤味, 我望望個收銀, 見佢面有難色, 就知道唔係佢, 佢好似心裡講緊: "死靚仔, 俾錢就快快手俾錢啦, 係度講手機阻慢哂, 要我聞你D臭孤味.

最後, 阿尼陀佛了, 個鬼佬走開左之後, 我同個收銀都得到最大的解放.

有時,D人都無自知之明, 明知自己身上有咁勁的臭孤味, 就唔該係公眾場所快手D, 唔好留係別人身邊咁耐, 佢已經講手機慢吞吞俾錢, 實在已經超黑人憎, 加上佢身上的臭味, 實在令人更討厭佢.

不過呢, 鬼佬身上有臭味, 這個不是單一事情, 我租屋出去, 真係超怕租著D租客身上有臭味, 因為條友入住之後, 單位之外的公眾地方都會有臭味, 我要係佢門口, 放大量香氣劑. 最慘就係, 當佢搬走後, 佢身上D臭味好似陰魂咁, 唔會散咖喎, 要我油最少2層油才可以封左佢D臭味. 真係 *&$%^^&$$#$%^$%&&$#^%4&4*(^%^^ 

PS: 最近我果個欠租搬走的租客, 就係咁了, 正一麻煩友, 我發現佢係食肉獸, 又成鬼日飲到 PAI PAI 呼喎, 仲要食埋D包裝食物, 佢原本係冰球員, 不過壞生活習慣之下, 佢現在不單無得撈同冰球有關的工作, 連教練都無得撈, 仲加埋個大肚腩同埋個光頭, 十分超樣衰呀. 所以呢, 奉勸大家, 飲食和生活習慣是十分重要, 不單命可以長多好多, 而且儀容會好好多.

2017年5月7日 星期日

被人來問婚姻背境

前日, 有個女性朋友來問我的婚姻背景, 其實, 這個是超越一般普通朋友應該問的話題, 大有要同我對親家的企圖.

我覺得有點討壓, 這人見我唔答佢, 就作了很多假設, 就說很多名詞: 花花公子, 上海人要面子, 曾被傷害, 離過婚, 獨孤求敗.

我現在學精了, 在這些情況下, 我會任由人家作假設, 之後就遠離這些人, 無他的, 因為這些人心裡, 對我不再是個忠誠的朋友, 無論他們心中想什麼, 大多都會把我出賣, 甚至要我違返我意願.

不要以為對方是男性朋友, 來問這些問題, 就不會有問題, 相反, 問題也不會比女性朋友做出來的少.

試過一次, 有男教友來問我拍拖之事, 初時我都說私隱唔答佢, 點知佢話我心中有陰影, 說到我好似有心理病咁, 當時佢扮到一派教會領袖咁款, 我真係驚佢用佢教會領袖身份, 同其他女教友咁講, 我就同佢講我拍拖的計劃, 點知更大鑊事情就由此開始了, 變成我在這教會內未拍過任何一次拖.

多年過後, 我也不再嬲這男教友, 但是我做人總要負責任, 明知人性是這樣, 就不能不提防, 就算我唔怕再遇上人生麻煩, 也要盡辦法來免得對方又一次做錯事. 因為我相信, 人怎樣壞都好, 他晚上睡覺時或獨自一個人時, 做過的虧心事總會回來剌痛他們的心靈, 使他們做人無法再安心下來, 心不靜則會做出更大的麻煩.

PS: 教會內常聽到D人責難和批評, 有時, 是十分無厘頭的, 其中竟然批評別人不再接受他們, 不再和他們同工, 不再和他們說內心感受, 其實, 問題可能是出在這些人自己身上, 人家只是避免去再有問題發生而已. 

當這些人一個人獨處, 又或夜半睡眠醒來, 虧心事纏繞著他們心靈, 令到他們心裡剌痛出來, 他們誤以為, 令到他們自己很忙, 很多事情要做, 每天晚上攰到一覺入睡, 就不再心裡不安. 但是, 心病還須心藥醫, 沒有基督的贖罪大能, 就不會有安寧的片刻, 總是夜半醒來後, 心裡痛著.

2017年5月6日 星期六

我這裡變成....澤國江山

噢...... 大鑊了, 我這裡因為溶雪泥土滿有水份, 加上大量春雨, 泥土吸不到水, 所有溶雪水和春雨水, 都湧落河裡, 沿河的地區就泛濫了...... 嗚嗚嗚...... 幸好我家不在河邊, 也不近河邊, 地處高地.

移民來時, 見到這裡三河匯聚,就算唔睇風水, 一睇我家個地勢, 就知道係冬天較其他地方乾爽和溫暖, 夏天較其他地方濕潤和清涼, 如果用中國傳統風水來講, 我家座落在陽地. 好了, 當然係浸唔到我家, 但係呢, D路浸左少少, 交通受影響了, 而且今年夏天蚊虫一定多了. 

中國風水裡, 一陰一陽, 有陽地, 就有陰地, 好彩D西人唔識, 如果唔係, 我家移民時, 點會買到現在的地段呢? 在陰地裡, 大多都是西人住的. 不過, 有一家香港來的, 昨天我經過, 本來想去碰門留下電話, 好讓他們有需要時打來給我; 只是, 我一見他們門前一部BMW, 但住的屋一般以下, 就知道這些人做人不貼地面, 不老實做人, 這些人大多都不會領人家的情之餘, 還會用盡機心來拿盡人家的著數, 所以, 我就沒有拍佢門了.







2017年5月5日 星期五

想唔開心都難啦, 加國兩華裔男女, 中百萬大獎

 BC省一男一女兩華裔最近分別買中Lotto Max特別號碼(Extra),每人中獎50萬加幣,買房、准備婚禮是他們最想做的事。

據BC彩票公司(BCLC)公布的消息,4月7日和4月14日開彩的Lotto Max特別號碼中獎彩票,分別由兩個華裔幸運兒獲得,各自贏取50萬元獎金。

 獲得4月7日開彩的至多彩特別號碼獎金的華裔女子鮑玉英(Yuk Ying Pau,音譯),在溫哥華市一家百貨公司任職零售部經理。



鮑玉英在獲獎後接受采訪時說,利用午飯時間到一間便利店核對彩票,赫然發現自己中獎。幸福來得太突然,“我極力忍住不讓自己尖叫或狂笑,因爲我不想讓我的同事知道。但是你知道,在這種時候想控制自己不笑真的是很難!”

鮑玉英說第一件事就是買一個夢寐以求的公寓,然後獎勵一下自己,因爲她看上一雙1000元的名牌鞋已經心癢了很久了,盡管花錢從不大手大腳,但這個時候放縱一下是應該的,她准備再犒勞自己一個名牌包包。




另一位獲獎者是Howard Lin,他是一名建築工人,中獎後他先與父母及其他家人一起吃了一頓大餐慶祝一下。他打算用獎金先給未婚妻買一只戒指,其他的錢會存起來留作結婚之用。

2017年5月4日 星期四

情緒病有得傳染嗎?

其實, 我一向都相信人最少每天要一笑, 要常常說些好聽又正面的說話, 因為咁樣, 身邊的人會幸福一些, 會舒服一些. 

最近得知道, 著名苦情悲劇作家瓊瑤, 他老公生病記憶退化症, 竟然記不起她來. 

我就不知道記憶衰退, 跟情緒有無關係, 但我有一次遇上我人生很不開心的人和事, 我就求神給我忘記了這些人事, 只是之後我記憶就沒有再好似以前咁好了. 

不過, 瓊瑤的小說, 卻使到很多他的讀者, 情緒不好, 心情差了. 他的讀者怪怪地, 偏要折磨自己的情緒和心情. 

如果情緒病真係有得傳染, 我會叫佢做"瓊瑤病毒".

PS: 我為人心地善良, 希望身旁的人感覺良好, 說話得體令人開心, 只是很多時, 大部份人想野偏要向壞方向想, 偏要把我打成問題人物, 把他們自己慣性負面思想, 編織成正常, 就好像瓊瑤小說那樣, 跟本就是無中生有, 跟本就是對人生和世事的斷章取義, 跟本就是一個傻瓜作家加上他的傻瓜讀者.

2017年5月3日 星期三

有無攪錯, 揸BENZ去送餐.

以前見到有中東移民, 揸BENZ去開雞伯店,  現在卻有大6留學生開BENZ去送餐.

現今加國政府容許留學生打工了, 只是工作時間有點不好, 從5PM到10PM的5小時,一周4天總共20小時。在溫哥華就有很多打工的留學生, 但跟以前唔同的,現在國內來的打工留學生, 有小部份著名牌開BENZ去送餐、做待應, 真係跟以前留學生的心態很不同, 不再為到養家或生存了. 

更有當地開BENZ的打工留學生宣稱, 她打工的這家店有35個人打工送餐,家境參差, 有人的車可是她一雙鞋的價錢, 而且她不是唯一開BENZ送餐的人. 這些人的心思有點得意, 況況有詞地說, 要從送餐經驗中, 優化這個行業, 從而變成自己的生意. 都好的, 年青人有雄心壯志. 如果理由是豐富經曆、擴大交友圈、無聊, 甚至以這為藉口, 讓自己的奢侈消費變得合理,
這些也無可口非的.

這個令我想起, 賈樟柯電影"山河故人", 內裡主角的丈夫, 原本是山西礦主, 後來因為被查"官商勾結", 遠走到澳洲, 而他兒子在當地長大, 成長中, 失去了對前路的方向感, 就在當地當上送餐了.

有時, 錢並不是人生存的唯一原因, 錢只是達成
人生目標的其中一個工具(其他的工具, 就是當事人自己的能力/視野/人際關係), 自由社會賦與人自由去達成自己的目標. 只是, 當人把錢看作人生目標時, 一到搵到錢, 一到有自由去選擇時, 他們竟然不知所措. 

2017年5月2日 星期二

在他們眼中, 我是個孤寒種....

哈哈哈, 各位, 我JJ算唔算孤寒呢嗄? 

我每次出唐人街都係叫D碟頭飯, 其實無他的, 我自己一丁友, 實在沒有興趣叫餸, 尤其係海鮮, 因為我從來都唔相信外邊整海鮮會洗得好乾淨. 

就以龍蝦或皇帝蟹為例, 如果間餐館唔洗洗外殼, 我食完後可能會有過敏. 所以, 我食這些海鮮, 大多都係會自己買回家中, 自己擦乾淨個外殼, 還清走D內臟才去煮. 

最近我這裡所有餐館的生意都唔好, 個個做餐館, 個個都唉聲嘆氣, 好似世界末日咁. 

係的, 我有經濟, 應該叫D貴價餸, 只是我一丁友, 就唔多想叫咁多野, 一來一丁友食, 無咁好胃口, 二來我唔習慣一個人叫到成枱都係餸.

今天俾我見到, 好多人一家大細, 都係叫幾個碟頭咋, 就算我係佢地救星, 我都不一定要叫到成枱野食咖嘛!

 PS: 以前我食完兩球雪糕, 再去食加底三絲炒麵, 之後晚上回家再食三碗飯都無問題, 現在連一碟普通份量的三絲炒麵都食唔哂, 回家後到晚飯, 都要就住就住食一碗..... 嗚嗚....


2017年5月1日 星期一

溫哥華有乜好呀?

 國際性租房平台網站Nestpick近日發布, “最適合千禧世代(18-24歲)居住的都市”排名,其中,溫哥華市在排名所考量的全球100所大都市中位列第十,在全加則超過多倫多和渥太華等城市而位列第一。

“千禧世代”( millennials )通常指出生年份在上世紀90年代初至本世紀初的年輕群體一代。本次排名規定了主要適用于該群體的16條城市優劣衡量標准,包括就業、網速、美食甚至蘋果(Apple)商店等生活要素,爲各大城市打分,再根據總分進行排名。

根據排名,溫哥華在“移民難易度”和“節日”等數項中得分近于滿分,而在“住房”和“夜生活”等方面則表現欠佳。

排名顯示,全球範圍內最適合千禧一代居住的大城市爲荷蘭首都阿姆斯特丹(Amsterdam),而入圍最榜尾的城市, 則爲秘魯首都利馬(Lima)。跟據網友小T去完後的小報告呢, 查實果度都OK咖, 買紀念品最靚最平喎, 比起波利維亞和阿根庭, 生活上, 有過之而不及.


致於我這裡滿地可呢..... 排第15, 在加國來講, 算係排第二, 多倫多24, 渥太華36, 北京80, 香港95,上海96

滿地可成績單呢.... 總分98.5, 移民寬容度9.25. 友善8.7, 夜生活8.7(多倫多,溫哥華各1分, 咁低, 夜鬼就咪移民去了), 啤酒4.3(北京10分,嘩, 唔怪得香港演藝界班酒鬼, 個個返哂上邊搵食, 吖, 唔係, 係搵酒飲), 房屋6.9(多倫多2.8, 溫華哥1.6, D樓咁貴, 都估到啦), 公共交通5.7(多5.1, 溫7.9, 挪威奧斯陸最勁10), 居民健康4.25(咁低, 皆因為食埋POUTINE這些肥死的野), 事後避孕方便8(北京, 上海香港都係10), 就業3.7(係咖這裡D人失業是常事, 溫哥華多中國人, 所以6.3, 曼谷10), 開展新生活7.7(多8.8, 溫9.5, SF10), 網速4.3(係啦咁慢, 溫4.1, 渥太華6.2, 多6.1).



不過呢, 如果話俾.... 憐選委員會知道, 上邊幅相係係滿地可影的, 唔知道又會唔會加D分呢? 這些情況, 溫哥華係無咖喎.... 哈哈哈.....


2017年4月30日 星期日

現今世代, 有乜野會令到人..... "我空虛,我寂寞,我凍"

噢..... 這個嘛, 就係無得"上網"了, 現在大部份人類都係網民了. 

無得上網, 買唔到心頭好; 無得上網,無得同人爹幾句; 無得上網, 連今晚同D FRIEND去邊度食飯睇戲, 都無哂厘頭; 無得上網,上邊大6打唔到的. 家陣上網, 去到邊都要手機, 無手機就要個流動路由器. 

大家有無諗過, 我地這世代人, 見得太多, 聽得太多了, 痛苦了. 

前幾天, 同班人一齊讀孔子儒家的中庸, 開頭就講, "天命之謂性, 率性之謂道!" 

嗱.... 嗱.... 嗱....大家咪話我JJ食古不化, 同現代網民講這些2千5百年前的東西. 只是自然賦與天生出來的, 就是人的本性, 順著這個本性去做事, 就是道了, 無用上網來添加, 人自然本身就已經有著成功必要的因素了, 只是人出生後, 給外物來漂染了,複雜化了.

為何人不能順著本性來做事? 為何人最困難的, 卻是單獨一個人時來面對自己的時候? 因為人始祖犯了罪, 我們每個人出生時, 都有著原罪, 就不能順著自然賦與的本性去做事. 

我如果沒有這由基督而來的赦罪大能, 我真是不能夠清清靜靜地來面對自己, 非要把自己每時每刻都忙著顧著, 才能不致發瘋發亂.

2017年4月29日 星期六

長城上, 籐樹相纏綿

這兩天講無記83年版的射雕英雄主題歌"鐵血丹心", 歌詞裡有句"籐樹兩纏綿", 我心裡在想, 大漠風沙, 塞外荒郊, 那會有籐樹?

照我查找歷史, 原來呢, 原本的長城, 因為五代十六國時, 北晋的石敬塘把燕雲十六州割了給契丹耶律氏, 連帶長城也給割了出去, 長城在外族人手中, 失去其防衛的本來意義, 變成荒蕪, 雜草和蔓籐叢生. 

歌詞內"籐樹兩相纏", 就是講述當時南宋, 大漠邊上的長城, 在金國手中, 荒蕪著的情形. 蒙古成吉思汁當時還未崛起, 還取代佔領中國北方的金國元顏氏.

一邊欣賞不同年代的長城, 一邊聽原先羅文欣妮的"鐵血丹心", 又真係幾有FEEL.