2014年11月30日 星期日

咪單單話佔中青年人麻煩呀.....

報章上看到幾側報導...... 

有一個14歲少年去參加佔旺, 被警察拉了, 警方可能認為對父母沒有好好看管兒女,  竟然向法庭申請接手少年的監護權.

又有一側講, 有15歲少年, 在網上叫人, 一齊攜帶尖銳工具, 用來打破立法會門窗, 及搶奪警方盾牌,事後被控以一項「有犯罪意圖而取用電腦」

最後一側, 卻是講突手震英哥個女兒, 見到有人隻價值萬八的老虎狗被搶, 佢又出來講佢有隻, 叫人唔好來搶佢隻狗. 

其實, 小朋友腦筍未生埋, 做父母就要從旁多加誘導, 唔好俾佢地在外邊招惹麻煩. 這些不能怪任何人, 上致突手, 下致一般平民, 人人都有這些頭痛事. 

2014年11月29日 星期六

都係..... 佔中之過

以前常常聽老人家講, 唔好食街邊的野食, 唔衛生. 

其實, 在現今的香港, 尤其市區旺角, 人流咁多, 一天銷量咁大, 東西剛由供應商冰車送來, 不到1-2小時, 就已經賣完, 跟本就不會有可能食到人肚疴吧!

只是我今次真係食到肚疴, 疴左我半天咁啦. 

事緣起因, 大約是因為旺角在佔領運動下, 巴士唔停旺角, 人流大減一半, 這些小食舖平時1-2小時賣清的野食, 佔中期間, 就要4-5小時, 咁樣.... 就真係有問題了. 

所以, 佔領運動未見動遙政策的方向, 但已經擾亂左很多小商戶的營商活動, 這些小商戶原本唔需要冰櫃的.

2014年11月28日 星期五

震英哥, 誰之過?

震英哥去到韓國, 仍然不忘港事, 開咪講: "如果市民不繼續佔領街道,「我們就毋須要考慮用禁制令,毋須要考慮用執達主任,毋須要考慮用警察,亦毋須要考慮現時有人傳說的『宵禁』,或類似的措施來回復社會秩序」。"

不過, 震英哥, 現在攪出個大頭佛出來, 根本就係你莫視民意喎, 明明知道上邊唔會俾普選提名權給港人, 就唔該你好聲好氣跟港人解釋. 

還有, 你未講野之前, 唔該好好地坐低, 同你自己個新聞官想清楚點講, 唔好自以為是, 懶醒唔得醒咁, 一出來講野, 就立刻惹火到令更多人上街. 

仲有, 你最好要分清楚庄閒, 你只是個政治代理人咋, 現在唔係你話乜就乜咖, 即是, 你係政治夾心餅呀. 

坐這些風向位, 原則就一定係越少惹起社會矛盾, 你係你主子心中, 就越得分; 而唔係, 你把你主子心中的烏氣怨氣說出來, 為你主子順順氣, 就會有分加呀. 你主子若要說出心中怨氣, 自然有大把渠道為你主子順番氣, 唔需要你爭住去做. 

你份工唔係做D咁野咖, 你自己最好認清楚你自己份工要做D乜, 唔好再攪出大頭佛出來了. 

PS: 其實, 講句唔好聽, 突手份工, 某部份範圍, 係幫阿爺擋住D投訴和咒罵聲, 由突手去做衰人, 讓阿爺去做好人. 現在你要阿爺走出面來做衰人, 暗地裡, 你已經令到你主子心中十分不快了.

2014年11月27日 星期四

單身.... 又有多個藉口抵賴了

今年回港, 舊同學又一番好意,  想來介紹佢太太的同事給我. 

只是我這已經年紀不少了, 性格大定, 改變不到去遷就別人, 現在才找多個人在自己身邊, 真恐怕雙方都不會生活得太舒服. 其實, 人年青時, 還容易改變來遷對方. 

只是以前香港有D人想法, 有點不切實際, 看婚姻看得太一面倒, 才令到很多人不婚遲婚, 也令到北上的人多了, 令到現在香港男女失衡了. 

__________________________________________________________

研究:單身或是「單身基因」作祟  

街上愛人一對對,但自己仍是單身?北京有研究發現「單身基因」,擁有這類基因的人單身的機率較普通人高20%,因為單身基因會降低大腦血清素的濃度,使人對親密關係不自在。

北京大學的科研人員收集及分析了600名中國大學生的頭髮,研究內裏的「5-HTA1」。這種基因有兩種不同的類型,擁有G型基因的人比擁有C型的人單身的 機率較高。原因是,這種基因會降低大腦中掌管情感化學物質血清素的濃度,使人對親密關係感到不自在,亦可能導致人在建構關係上出現困難,或不能維持一段長 久的關係,一再分手。

研究的關鍵在於「5-HTA1」基因在大腦中的作用,擁有G型基因的人大腦中的血清素濃度較低,而血清素與情緒和幸福感有關,科研人員發現,擁有G型基因的人,感覺較難與他人有親密的關係,這類人亦更容易神經質,或出現抑鬱。

科研人員在《科學報告》中撰文表示,悲觀情緒與神經質都對於戀愛關係的構建、品質與穩定性有影響,所以擁有G型基因的人在心理障礙的影響下,可能導致約會機會減少,或者戀情失敗。

2014年11月26日 星期三

從一開始, 佔中就打錯算盤了.

其實, 如果我沒有理解錯誤, 原本的想法, 他們只是打算去佔領中環和金鐘, 迫政府短期內, 用嚴厲手段來清場和拘捕佢地, 攪個好似64般的悲情結局, 用來激起市民走出來作長期的抗爭. 

只是, 香港政府一用催淚彈, 就激起幾萬人出來. 之後, 香港政府就變得老謀深算, 把整件佔領事件拉長來處理, 不再武力清場, 令佔領運動變成擾民的熱手山芋巾, 讓佔領運動自然地衰竭.

還有, 他們不去佔中環, 反而去佔旺角和銅鑼彎, 這樣香港政府更有利, 根本不用盡快武力清場, 可以灘凍佔中的人氣來打. 

其實, 就算他們去佔中環, 他們都失盡民心, 反而整個運動立刻瓦解. 

任何人在香港這樣地少人多的地方, 攪個佔領運動來迫政府, 都是未贏己輸民心, 就算去佔領維園或花墟公園, 都會令到晨運伯伯嬸嬸不方便嘛. 






2014年11月25日 星期二

港人最好都係練定好D英文

我一向都不太看好"佔中", 一向都認為個策略十分差, 損害了那些明明要去爭取的階層和人仕.

現在, 在一片民意逆轉之下, 有報章報導, 在某大學選舉學生會過程中, 候選人竟然被人恐嚇,要其退選. 

當然, 我不反對如果有人說, 佔中人仕首先破壞了法治, 鼓動其他人都去做違法之事.

只是在這個社會風氣之下, 令我有點毛骨悚然吧!

尤其, 現在上邊動不動就注消一些人的回鄉證, 又或佔中義工北上被拒.

其實, 港人與其龜縮於彈丸的香港或珠三角, 何不放眼整個世界呢? 可能, 行這條路不容易, 比留港艱難很多, 但是卻增加港人暢所欲言的資本.

2014年11月24日 星期一

香港好多人講法文.

我自己少去中環, 而中環街頭太嘈了, 聽不到人們講些什麼. 

但一去行山, 因為環境清靜, 就聽到D西人講乜, 尤其港島那邊的行山徑, 見到勁多西人, 除了英文外, 就聽到法文了, 只係有一次, 聽到有人講德文. 

不過, 大多數人講的法文, 都是跟我這邊的法文相近, 大多都是諾曼第口音, 即是英國隔住英倫海峽的那邊法國, 相當之近. 英國很多人一到週末, 就過去諾曼第那邊渡假, 所以這些英國人會說法文. 

為何這些英國人係香港講法文呢? 大約, 可能他們不想我們香港人聽到佢地講乜吧! 

嘿.... 他們黑仔了, 遇上我...... 哈哈哈......


2014年11月23日 星期日

滿地可街頭 - 殭屍遊行.

這個不是我拍的, 而是人家拍了, 我見到, 覺得攪野, 我就轉載一部份. 

為到尊重人家原作者, 我只轉載一兩幅, 還有其他的, 請到這條 LINK, 自己慢慢睇. http://www.sinoquebec.com/forum.php?mod=viewthread&tid=1042299&extra=page%3D1









2014年11月22日 星期六

一方水土養一方人

今次回港, 最大的不適應, 就是街上一些人的目光. 

其中一些原因, 可能我的衣著和外貌有點不像香港人了, 因為在加國住了30年的我, 在北方寒冷天氣下居住久了, 樣子就不再像南方人了.

有次在香港大檸樂吃晏仔, 隔離座位的小朋友來問我, 係咪韓國人, 我答他, 既然用得廣東話答你, 我就不應該是韓國人. 

可能韓劇韓潮深入香港人的心, 更有男神這些名字出現, 只是我衣著十分普通, 可能在香港被人誤以為名牌, 但實際裡, 只是一些加國人的普通衣著. 

怎樣也好, 回港小住一個月, 我身體裡的香港人基因, 又因為天氣的緣固, 慢慢再浮現出來了, 呵呵呵.

2014年11月21日 星期五

終於返到加記了

哈哈哈, 大家唔好話我神出鬼沒喎, 我真係10月初返左香港, 仲係香港好快活咁放左一個月, 勁開心, 勁舒服咁著住短褲週圍行街街. 

原本都想去其他地方行下, 但係佔中令到我住親戚果頭, 一落街就少左人, 空氣好左, 車又少左. 因為我平時唔係香港住, 個感覺就好似, 自己買張機票去星加坡或曼谷或吉隆坡, 係街上慢慢行街街咁, 當然香港在佔中下, 空氣和溫度和環境, 比這些城市好很多很多. 

我每日都週圍去, 有時, 每天行2-3個鐘頭街街, 就打道回府睏覺仔, 十分舒服. 

唔知係咪年紀大左, 唔再習慣每天趕頭趕命咁四圍去十幾個鐘了, 靜靜地, 每天行2-3個鐘, 食下野, 睏下, 係公園坐下, 搭下巴士四圍去下, 咁就好開心了. 

2014年11月20日 星期四

哎呀呀..... 我有邊忽似佔中人仕.

回到香港小住, 有點不知所糟, 頭幾天都因為時差而暈陀陀, 出到街, 又要就要適應文化差異.

去理髮, 去按腳, 去見中醫師, 都被人問我又無去參加佔中. 

後來, 有人告訴我, 我個樣有點似某位佔中人仕, 嘩哈哈...... 這個真係嚇左我一跳, 因為我要去續回鄉證, 又可能上去大陸行下吧. 總不想被人截住唔俾過關. 

最後, 都無事情發生, 而且, 佔中後的市區, 人流車流少了, 空氣好了, 行在街上舒服了, 舒服到我唔想外遊, 連上陸都懶得去了. 




2014年11月19日 星期三

惻隱之心, 人皆有之

不要以為西人思想十分理性, 就缺少感性的一面.... 

前幾天去雞伯食野, 有個鬼妹都幾靚女, 只是現在時勢唔好, 以前靚女容易搵到辦工室工作, 現在就只得來快餐店打工. 工資低, 工作環境差, 仲要一腳踢, 又要收錢, 又要做打掃, 差在唔洗佢做埋處理食物. 

我一邊食一邊見佢用掃把頭, 騷騷地下睏低左隻烏蠅, 佢見隻烏蠅會沃未死, 就讓隻烏蠅留係地上繼續再癱著, 無掃走隻烏蠅.

其實, 佢係犯左規的, 因為佢掃地, 就係要掃走隻烏蠅嘛, 我見佢咁, 我就同佢講: 隻烏蠅都唔再飛得起! 我見佢有少少不忍心, 我就加多句: 你心地真係好了. 

有時, 我實在要感謝神, 俾我見到人間善的一面, 多於見到惡的一面, 因為這個就決定了我人生是否快樂, 這個是多多錢或讀多多書都買唔到的東西. 

一個笑口常開的人, 必定比一個古埋面口的人, 更美更健康更惹人們的好感.


2014年11月18日 星期二

2014年11月17日 星期一

滿市街頭音樂

放個舊鋼琴, 就有人來彈了, 真好, 我又可以免費聽音樂. 


還有街頭BAND




2014年11月16日 星期日

我這裡的蘭州拉麵店....

有次佢地攪新卓頭, 竟然全店D人都戴清宮帽, 只是我地自己中國人見到, 就不太開心了. 

從廚師和行人面上的表情, 我猜他們在咒罵著個老闆. 哈哈哈...... 




2014年11月15日 星期六

好貴的窗櫥模特兒公仔

大家唔好話我咸濕, 事實這些公仔整得好逼真, 不單眼睫毛有齊, 連模特兒乳房受地心吸力下的形態, 都反映了出來, 做得一絲不苟, 真係好好野, 不過一定好貴. 



2014年11月14日 星期五

貓貓可以有幾可愛

睇睇, 係寵物店玻璃窗櫥和貓家具中間的空隙, 貓貓竟然可以睡著了. 



再看看這幅, 一隻的下巴疊著另隻的頭來睡覺, 極得意好看. 



2014年11月13日 星期四

為何要鎖住個車軚?

有天我見到咁, 我停下腳步來想了很久..... 




不過, 一行到車後, 才發現了原因, 原來是一部流動提款機的車.

2014年11月12日 星期三

D人排隊做乜?

原來係攞教會的免費午餐..... 

唉..... 我這裡現在社會兩極化, 貧富懸殊.... 好多街頭流浪者



2014年11月11日 星期二

特色車

滿地可都有好多, 不單美國人喜歡吧..... 法裔人都喜歡.






這部 MUM水左少少, 不過, 可以看出一部如此的低級車, 竟有人花錢來大變身, 可以看出人們實在喜愛汽車.






2014年11月10日 星期一

同性戀街

我自己雖然不應同這些人的取向, 但總要給大家理解一下這邊的實況. 

夏天時, 這些人擺通街, 而且係度派避孕套, 唉..... 




連加國政黨和美國領事館都係度擺街檔.... 來參與一份. 







連街都粉飾一番.... 



最攪笑, 係有個唔係中國人的東方人和一個西人, 係度擺檔, 聲稱佢地係"LONG YANG CLUB " , 我諗左好耐, 原來係講中國古人"龍陽君", 佢有斷袖之癖. 噢..... 哎吔吔.....



最後唔少得警察吧


2014年11月8日 星期六

秋的感覺

這是在我這裡9月初影的, 只是在香港的各位, 要到現在才感受到秋的感覺, 所以現在才出.


2014年11月7日 星期五

商場佈景, 整到有如本雜誌

真係幾好睇喎, 只是如果留意佈景後, 卻是丟空已久的舖位.... 

唉..... 原來這個是沒有辦法中的辦法呀. 




















2014年11月6日 星期四

酒吧招牌如此, 盡在不言之中.....

竟然我這裡有酒吧, 放個粉紅色的咀唇係招牌上, 令我想起細時在香港上海街見到的招牌, 

哈..... 唔知道現在香港D古惑仔用D乜招牌來代替.


2014年11月5日 星期三

又係買衫

今期買到袋鼠國計設, 祖國生產的風褸, 其實真係幾型仔.... 下邊D野, 無一件貴過$30 加仔咖....






2014年11月4日 星期二

2014年11月3日 星期一

滿市街頭行人休息處

用2-3個街邊停車位, 放兩個貨櫃, 再改組成為休憩屋, 讓行人坐一坐....


2014年11月2日 星期日

他鄉遇故知, 好味道呀, 哈哈哈

砵仔糕.... 

當然, 貴就貴少少, 不過, 我買些回去, 能夠氹氹父母親, 又真係唔貴呢.....



2014年11月1日 星期六

唐人街開了新雪糕屋呀

哈..... 大家可能覺得我怪, 我係秋冬天才來食雪糕, 夏天唔食, 因為咁食法, 係唔會飲肥我的..... 為何?

因為身體一飲凍野, 就會產生體溫來抗冷, 就把食入去的雪糕裡的能量用盡了, 哈哈哈....