2018年12月30日 星期日

如果2019年是困難的年頭..... 4

如果我們港人行了幾十年的歐美貿易之路, 今天行到快要盡頭時, 大家會想些什麼? 找其他新地方去走位?

我提議, 大家唔好淨係聽香港政府講乜乜大灣區. 大家唔好誤會, 我其實唔反對大家著眼大灣區, 只是大灣區太細了, 有點氹仔浸蛟龍的感覺, 大灣區只可以是其中一個著眼的地方吧!

尤其, 如果大家仲係後生, 未到中年, 就可以看得進取一點, 機動移動一點, 游走於不同地方, 機會就會比較大.

很多年前, 我係新聞組上, 已經跟人說"國際視野", 因為只有擁有國際視野, 觀念才會很快轉換, 看到那時那刻, 看到那地, 看到那些人群中, 需要做些什麼, 自己怎樣去轉形, 去學些什麼新知識, 去找些什麼人來合作, 去向些什麼的未來來招手, 就會知道得一清二楚了.

我JJ移民來加記, 就是帶給我了一個異國的視野, 加記滿地可這裡地方很細, 人口也少, 如果不是我父母需要我, 我一早已經遊走不同國家, 尋找不同的機遇了. 

不過, 在滿地可, 我接觸到來自世界不同地方的人, 這個是十分難得的機會, 來日方長, 我一定有機會的.

所以, 大家去旅行時, 唔好淨係掛住飲飲食食, 應該好似中學D遊學團咁, 作深度的探知.

最後, 越是多變的年頭, 越是賦與人更多的機遇, 始終困難後面, 就是機遇了. 大家不要想得灰, 只要準備充足, 機會永遠都會留給我們港人的. 

最後, 祝願大家有一個發圍的2019年, 因為困難是用來提昇我們, 讓我們更進取, 更自信, 更完全.






2018年12月29日 星期六

如果2019年是困難的年頭..... 3

大家有沒有想過? 一到困難的年頭, 原來太平的社會, 會變得比較動蘯, 比較不安全...... 

大家有沒有想過? 為何我JJ住係加記滿地可, 會越住越無隱? 越住越情緒低落? 因為我出到市區大街, 就見到路上大把人係度乞錢, 我當然就唔可以著到滿身名牌出去啦, 免得令到這些乞錢人有比較之心. 有時我見D人有禮貌, 相貌好一D(唔似TAKE野)的乞錢人, 我真係走埋去笑笑口, 同佢地講"願神幫助", 再給他們一點零錢, 有時, 如果容許, 我會買些東西給他們食.

是的, 向別人傳遞善意的訊息, 常常笑笑口, 是十分重要, 尤其在困難的年頭. 

大家不要忽視去把善意傳遞出去, 雖然不能影響其他人, 但總能在公眾地方保持自己的安全呀. 

有一年, 滿地可這裡發生一宗案, 凶手肢解了一個國內留學生, 並拍成視頻, 放上網上媒體, 又把殘肢寄到總理和國會. 後來凶手在歐洲俾當地差佬捉左, 押回加記, 被判臨身監禁. 受害人是個同性戀者, 而凶手是個同性戀性工作者, 我自己猜測, 可能受害人存心不好, 想欺壓凶手等錢買毒品的心理, 所以, 激起凶手怒氣, 先禁錮受害人迫出銀行咭資訊, 再把受害人肢解, 逃去遠方. 

這凶手在案發前數個月, 曾經2次在街上, 來問我乞錢, 有次還在唐人街, 我一見佢年青力壯, 容易靠體力糊口, 就笑笑口走開, 沒有俾零錢佢. 

有時, 善意或和氣一點, 就可以免避禍患了.

PS: 我有個親戚, 都唔明點解, 佢老豆又會招惹到咁多女人, 成日都有女人上佢地屋企要生要死. 到佢自己本人, 本來佢媽同外婆管得佢好嚴, 一班親戚都以為, 佢唔會好似佢老豆的人生咁麻煩. 

有一年, 佢同我講, 要來我屋企住一排, 我見親戚一場, 就俾佢來, 點知佢帶埋個女友來. 其實, 令我同我父母都好唔方便, 佢女友又成日對佢態度好親暱, 旁若無人, 真係好眼冤咖嘛. 後來, 佢女友見我隔離間屋賣, 竟然價都唔講, 就一筆過買左間屋返來, 真有米.  

本來相安無事, 點知有一日, 有幾個女人來到我屋企, 話要搵我親戚, 我當然唔會講佢就係隔離住, 就話佢唔係度, 想叫班女人留個電話, 叫我親戚自己回佢. 點知班女人衝哂入來我屋企, 話要等到佢返來. 噢...... 我地當時就已經諗番起, 佢老豆D"戰跡"係有幾咁彪炳. 不過, 班女人凶蠻起上, 真係好似想係我屋企等請食宵野咁...... 

我本來已經打電話去叫佢留係屋內, 咪行出來, 點知佢個女友唔生性, 走出來八掛, 就俾果幾個女人見到, 以後的故事, 我地都已經好熟悉了, 因為佢老豆當年的往事都係咁. 後來, 住係我地對面屋個西人報左警.... 唉.... 真係好麻煩.

所以, 人們傳遞給別人一個怎樣的訊息, 其本人就會有個怎樣的人生和命運, 咪以為佢好過癮, 時時俾班米女D家人追打佢.

當然, 我這親戚成日係度笑我一枝公, 只是.... 那又如何? 好似佢的人生, 我倒不如清清靜靜好了.




2018年12月27日 星期四

如果2019年是困難的年頭..... 2

正如我JJ由一開始玩LINE開始, 我都係咁同人講咖喎...... 人生開心又一日, 唔開心又一日, 緊係揀每天開心咁去做人啦, 就算有天大困難, 都要笑住咁來面對呀.

我一直發現呢, 基督教是超越現世界的宗教, 教人在現世界裡因信稱義, 罪得赦免可以超越到死後..... 但佛教卻是一個不哲不扣的現世界宗教, 教人怎樣去面對現世界上的一切苦厄, 教人去校正其觀念和思考方式, 因為一切苦厄皆因為世界變了,  而人的觀念和恩維卻仍舊停留不變, 未能適應這世界新的環境.

香港現在的各位, 大多都是戰後出生,  很多人由懂事開始, 只見到美國給香港最優惠國的地位, 香港經濟起飛, 再加上中國改革開放, 香港搭上2大經濟順風車. 

98年前, 香港人是滿滿的自信心, 只是98年後, 港人受到嚴峻的發展局限, 信心大跌, 但很多人的心態, 仍舊活在80年代經濟起飛的舊年代. 這個就是港人痛苦的根源. 

2019年來臨之際, 美國這10年來的量寬和大印銀紙, 滿街都係平錢咁可以來借的局面, 終於曲終人散, 所以, 來年的投資和退休準備, 都不可以用過往這10年的慣常方法, 需要順著新時勢中的機遇, 來運轉乾坤, 一切都不可以祈望過高, 也要避免借高息的貴錢來槓桿發展. 

順道整番首老餅電視送飯歌, 但十分有發人深省的義意, 劇中的阿祥在屢次時代轉角中, 均能夠成功轉型, 但最後一次卻......












2018年12月25日 星期二

如果2019年是困難的年頭..... 世事混亂, 似靜未靜 1

UM....... 大家咪怪我JJ掃大家節日的興呀, 不過呢, 大家睇完我這SERIES D 文後, 可能會幫助到大家, 明年會開心D呢......

24日平安夜當天, 只開半天市, 但DOWDOW就跌左近3%. 其實在普通的交易日, 都唔會有乜大問題, 但係平安夜半日市, 人人都係HOLIDAY MOOD, 人人都已經走左去放假, 都可以跌成咁, 而且交投量又同平時差唔多. 還有, 咖仔25日(佢地無耶誕)又跌左5%.

希望可能係......

1. 真係希望..... 係班大孖沙專登唔去玩, 留係度清倉, 才跌成咁啦..... (因為通常所有大孖沙係12月呢, 係唔會做野的, 走哂去玩.)

2. 如果唔係, 大孖沙真係去左玩, 即係現在的跌市, 係由果班游兵散勇做出來, 即是話, 大部人對市況好悲觀了.

3. 不過, 如果唔係以上2個可能, 就一定係有外部力量來做野了, 有乜情況下? 老美財神會係臨放大假前, 搵哂老美幾間大銀行行長, 要佢地實牙實齒咁證實, 老美銀行體系能夠應付沖擊, 而當奴友又無去放假, 留守大本營. 

如果係這個可能性呢, 噢..... 大劑大了. 嗱..... 大家咪咁快諗到去"金融恐襲"先, 照我JJ一貫思路, 絕大可能係有資金由歐美外逃, 趁住歐美所有大孖沙放假, 搬錢走呀..... 大家睇睇我12月8日寫過D乜野(老美與其驚被引爆金融核彈, 不如擔心.....), 大家個心可能會定返一D. 二代資金外逃之嘛, 無事咖. 

可能大家會諗, 到下年一月頭, 市場上D人齊齊放完假返到來, 齊齊開始做野, 個市會點?

如果大孖沙認為超賣, 就會抽上一陣囉,

如果唔係, 就會再插再勵, 也可以是資金外逃, 再接再勵, 嗚嗚嗚, 沒有最低, 只有更低了. 

PS: 還有, 如果真係歐美有資金外逃, 大家在香港呢, 就可能會見到有資金湧入, 因為二代D資金, 唔泊係歐美, 就只有香港最安全, 當中一定有同集大大講掂數, 團結一致, 槍口對外的勢態. 

我對大家的提議, 趁機平倉, 跳船上岸好了, 因為資金泊在香港, 並不會是永遠性質, 會一點一點咁回歸祖國救火, 保住老家的形勢穩定. 而再之後, 前路..... 就說不定是鱷魚潭, 或是龍潭虎穴了, 我地只是小人物, 與虎謀皮難了.

2018年12月24日 星期一

大家聖誕開心, 合皮扭耳.....


PS: 噢...... 今年個股市樓市債市都唔好, 人人都驚佢"快樂快樂快樂", 個音唔多老泥呀, 所我JJ就用"開心" 這些字眼好了, 往常用開果個字眼呢, 等到大家準備個市"摸底未抽上"時, 我才攞番出來用呀, 哈哈合......

2018年12月22日 星期六

迎接那變幻, 明天憧憬更美好


係我邊加記, 最近D名牌子 POWER BANK(充電寶) 大減價, 我買左幾個, 用來做乜?

就係為到下邊這類發熱背心, 係用 充電寶來發熱, 一個5000的, 可以用到3-4小時, 我果D係10000到15000, 應該可以好耐用.

係咖, 現在開始有智能衣服, 不過, 我會等佢地做得更好時, 才會買. 

還有, 我真係唔知道, 乜原來寒命人, 個身會比其他人冷一D? 係咩? 噢...... 咁我JJ唔係要著多D衫..... 不過, 好似我比較其他人著得衫少喎.



2018年12月21日 星期五

人玩航拍, 佢玩航拍, 佢玩到要俾警察登報紙刮佢出來.

呵..... 呵..... 呵..... 我這邊報紙上登出這位馬蘭奴的玉照, 因為我這裡D警察想知道..... 佢係乜水? 點解佢部航拍機會跌左係人地屋頂? 點解佢開部航拍咁近民居? 係咪想做金魚佬? 

哈哈哈......都唔知道, 佢個樣係本地西人的印象中, 係咪屬於金魚佬果一類呢嗄..... ?

啊....... 這張相點得來? 之唔係..... 就係係佢自己部航拍機裡頭囉! 佢自己玩自拍囉! 

咁.... 之後..... 警察係航拍機裡頭發現.... 佢拍果D內容呢.....  當然係..... 令到成班警察都好想刮條馬蘭奴出來...... 所以, 佢真係好彩了, 上左報紙做頭條封面呀.




2018年12月19日 星期三

來緊的歲月, 大家要心理強大起來.

剛剛新聞講, GOOGLE 自從退出國內後, 一直都想重返這個世界1/6人口的龐大消費市場, 只是一直都在嚐試, 但剛剛宣佈佢地終止GOOGLE 搜尋器國內版本"DRAGONFLY"的開發工作.

這個意味著D乜? 咁, 我JJ又唔可以咁武斷講, 中美貿易談判凍過水, 但我總覺得, 現在就算當奴友想去明私人醒阿集大大, 佢都唔夠支持者企係佢果邊, 何況, 當奴友話佢同集大大好老友, 其實都係得過吹字之嘛. 

所以呢, 大家這幾個月, 真係要多留意新聞, 一切事情的發生, 總會有先兆, 不會無緣無故, 突然殺出個程巧金咖喎.

還有, 大家要多留意下自己的情緒, 在這樣的昏眩的大環境之下, 人好容易情緒低落的, 需要做好情緒管理, 有時間時, 多出外到青草綠葉, 新鮮空氣的地方散散心, 透透氣呀. 

記著, 這個是持久戰來咖, 唔單只.... 手上要有足夠資金捱過嚴冬, 還要有強大的心理質素, 只有頑強精神和信念的人, 才能堅持走出黑暗幽谷.





2018年12月17日 星期一

加國華人發聲

溫哥華華人圈子現在出現兩種現像. 

第一種係係審太子女法庭外, 有人要求釋放太子女. 這個可以理解, 我自己唔係大陸人, 又唔係同國企有關, 我都希望太子女佢可以得到公平公正的審訊.

第二種係係中國駐加領使館外, 有人要求釋放在國內被拘留的兩個加拿大人. 這個就更能理解, 唇亡齒寒嘛, 我地一眾加燦揸加記護照, 竟然有機會會被拘留喎, 點都要出去發聲啦!

有些人講, 那兩個在國內遭拘留的加拿大人, 打埋D擦邊球, 有一個仲係受僱於炒王素羅茲的基金, 仲係國內活動, 所以, 係佢地令到加國政府頭痕了, 被國內指為影響國內國家安全. 

不過, 怎樣也好, 我都係要求有公平公正的審訊呢, 盡快有結果, 盡快釋放當事人, 不要讓當事人受到不利其個人身心的拘留.






2018年12月16日 星期日

如果加記唔公平唔公正......

前幾日我講, 加記拘捕太子女單野, 如果加記法庭唔司法獨立, 唔公平/公正/公開咁審訊, 即係代表加記環境開始變得麻煩, 我就要考慮搬去別外一處了.

其實,  大家有無諗過, 我係加記咁高稅率的地方搵食, 都可以咁快手, 咁早就退休了, 即係我返香港或去世界任何地方, 搵餐晏仔都唔會太難啦, 根本就不需要留係加記一個咁凍/咁令人情緒低落/咁高稅率的地方, 尤其這幾年一出街就見到滿街都有人係度乞錢, 令我情緒更低落.

主要是因為, 我一直認為我係加記, 可以受到較公平公正的對待, 可以更自由地去自主自己, 唔洗怕突然有人來迫害, 唔洗怕突然資產被人凍結. 

雖然我跟國內國企無關係, 也跟X二代沒有瓜葛, 但我總希望果個太子女得到.... 公平/公正/公開透明的審判, 不會因為當奴友走出來講可以政治交貿, 就可以冤枉無辜的人, 又或讓人逍遙法外. 

如果正如當奴友講到咁政治黑暗, 我一定會快快搬走, 實在有太多地方比加國更好住, 更過癮了.

所以當美加高級官員齊齊走出來, 重伸他們司法體制不受政治干預, 我先至安心少少.

PS: D人如果諗住回流回記, 攞加記D福利, 這個就真係錯得很慘了, 加記福利只是一個假像, 一跌入福利網羅之中, 就永不超生, 因為走出福利網羅裡, 就不能靠打工, 試想咁高稅率, 打工搵得果雞粹咁多, 仲要交稅, 那有餘錢來發圍? 除非十分例外的人材和機遇了, 不過, 這樣就要靠一個公平公正公義的社會制度, 來俾這些人發圍的機會.


2018年12月14日 星期五

貿戰現在拖D乜? 拖到幾時? 等D乜呀?

其實, 中美貿戰談判呢, 我個人感覺呀, 就唔多似可以傾得埋欄咁喎...... 

首先, 佢地分歧好大, 其次, 大家想D野又天南地北, 第三, 體制好唔同, 第四, 雙方都對未來充滿不安和焦慮, 第五, 雙方都面對各自國內的巨大壓力. 

所以, 現在係用緊個拖字訣, 咁, 拖..... 都有日要面對現實咖!

即係.... 佢地等緊合適的時機來發爛渣囉..... 為何現在唔係適當時機呢? 因為任何一方一發爛渣, 就會被世人痛罵弄垮自由貿易, 名留青史後人來痛罵嘛! 

嘩, 大佬, 俾著我JJ就一定唔會坐佢地D位, 又辛苦又忙又攰死, 不如坐中間D位搵水仲好啦. 所以, 佢地現在坐高位果D人, 無非想撈個"名留青史後人閱"嘛!

講返正題, 咁, 佢地現在等乜呢嗄? 就係等緊代罪羔羊囉!

咁..... 邊個係最理想最有可能的代罪羔羊呢? 哈哈哈, 大家有無聽新聞呢? 最近老英果個梅姨, 由佢傾成果單脫歐條款, 過唔到自己國會, 仲俾自己黨內D黨友, 投不信任票要佢落台..... 嘩哈哈..... 突然令我想起三個字.... "硬脫歐"..... 噢...... 真係超硬野呀, 好難唔會有大龍鳳發生呀. 

再加上, 一早公眾預左的下年環球破產潮, 大家咪話下年個大龍鳳唔係小野呀. 到時加埋現在拖住拖住果D炸彈一齊爆, 中美一齊出來博大霧, 一齊出來發爛渣, 咁就唔會俾後人大罵佢地攪垮自由貿易和經濟了.

所以, 現在什麼的"大市靠穩"呀, 什麼的"市道回暖"呀, 全都係托市托出來咖咋, 即係, 我JJ仍然提議大家, 老逢回市呢, 就要立即散貨呀, 呵呵呵, 契弟走魔呀.

好啦, 我JJ一向有情緒低落呀, 我真係希望我講到咁好笑, 下年個大龍鳳唔會令我更加情緒低落啦, 我最怕係加記一出街, 就見到D人個個愁眉苦面, 攪到我都情緒低落.


2018年12月13日 星期四

當奴友又做倒米壽星.

前日老美當奴友講, 佢話佢可以介入華胃太子女單官司, 只要係對老美貿戰談判中有利.

其實, 佢咁講...... 有4個可能性: 1. 美加真係唔係司法獨立, 受政治干預; 2. 佢係專制國家派入老美的二五仔, 專攪破壞; 3. 佢係忠於老美, 只係佢一直都沒司法獨立的意識, 由佢係老美做地產商開始, 一直都係度玩金權政治遊戲, 現在係世人面前出洋相; 4. 佢同集大大有枱底交易, 專登咁做, 令太子女可以用司法受政治干預的借口, 來打甩老美的引渡要求, 最後可以來放生太子女.  

我個人一直好BUY佢同集太太關係良好, 而集大大在貿戰下, 背後受到自己那方的強大壓力, 現在如果成功爭取太子女重獲自由, 佢可以有更大回轉的空間. 

不過, 太子女離重獲自由呢, 在加國司法制度下, 沒有一年半載都不會有結果, 所以, 貿戰談判必定膠著一年半載, 不會短時間內有結果. 

只是, 我一直都唔多BUY佢地可以傾掂數咖, 所以, 我想, 到最後, 加國會引用獨立司法精神, 放太子女走, 來個左右奉迎, 不會得失任何人. 

其實, 身為加燦的我, 我都感到身份開始尷尬起來, 以前落美國玩或公幹, 週圍同人交談, 一向都要好小心, 一定唔可以用大6人或香港人果一套, 現在中美關係緊張, 相信我唔會再同人講我係係香港來, 只能講自己係加燦了, 不過仍然都要好小心. 

將來如果加記都變得麻煩起來, 我真係要考慮一下回流香港了, 因為發展空間一定受到嚴重限制, 只是我已經退休了, 就會好D囉, 不過, 如果真係好差, 我就真係會回流香港了.

PS: 見到現在回流回來加記果班人, 我想, 佢地的想法, 同我一定十分相反了, 可能大家睇D野係南轅北轍吧! 怎樣也好, 人各有志, 有人辭官歸故里, 有人漏夜趕科場, 不過, 人到中年才來趕, 就真係好難說了.

2018年12月12日 星期三

大劉與希慎美少女


前幾排, 我講過那位假扮"田園"的某樂壇人仕, 在休閒的美食嘉年華場內, 大罵前邊D人慢, 阻住佢. 

咁.... 佢可能係見到大劉 同 果個希慎美少女 開拖互串後, 忽發奇想, 想效發有錢人去罵窮人, 或大6人.

有很多人讚成大劉的講法 - 睇手機會撞親細佬. 

不過, 我自己有個親歷其中的想法, 香港街上睇手機D人, 大多都係行得好慢, 而且佢地係睇到佢地前邊3-4呎範圍內D野喎, 老實講, 撞到人的機會唔應該好大喎.

相反地, 我成日都好驚, 我會撞到前邊突然減慢或停步, 果D睇手機人仕呀! 我成日都要急剎步來繞過佢地. 

其實, 睇手機人仕最危險的地方, 係好容易俾人從後撞到佢地跌在地上囉. 

其實呢, 係人多商場或場所裡, 父母記緊避免讓兒女快步走. 甚至, 那些推著嬰兒車的人仕, 為到自己兒女安全計, 也應該減漫速度呀! 這個是安全守則來咖. 而且, 都無人會做"帶子雄郎"咖, 帶埋兒女去趕時間上班? 都只係會帶兒女休閒地出來HEA下, 享受親子之樂呀.

PS: 還有, 大劉在年幼兒女面前, 這樣發火與人開拖, 不單對其健康好大損害, 而且會造成佢年幼兒女好大的 PSYCHOLOGICAL TRAUMA咖, 贏就贏個勢, 輸就輸兒女長大後的心理質素.

所以呀, 以我JJ這個加燦話齋呢嗄, 一眾港人要習慣一下慢落來, 人多地方, 無論有無睇手機, 都唔好咁急, 急就會危險加大咖.  

2018年12月10日 星期一

世界已陷入螺旋式的漸變中.

首先要解解乜野係"螺旋式", 即係一件事的發生, 會影響別一些其他事, 又而這些事之後會回來影其他事, 之後, 第二波被影響的事, 又再回來影響第一波被影響的事, 又或影響其他更多的事, 一同加起上來, 往後累積的效應是數十倍於原本開頭的那件事.

首先, 20年前, 人們預計, 北美車用電油價格, 會向上升1-2倍, 當然就有出來評論說, 油價在物價或通漲裡, 所佔的比重已經沒有70年代油荒時的嚴重了, 油價上升1-2倍都只會令通漲升0.2-0.5%.

咁, 之後, 就有人提出油價上升的螺旋效應, 因為油是工業民生的必須品, 油價升會令生產/工資/運輸成本慢慢各自彈升, 之後就會令整體通漲比原先計出來0.2%高很多, 只是不會一時三刻內完成調整.

最後, 這兩批經濟學人都岩咖, 初時並沒有太大通漲, 但後來引發連年都0.2-0.4% 螺旋式通漲.

現在老美加關稅, 唔單只加製成品稅, 半製成品或原材料都在被加關稅之列, 這個就會引發類似油價上升的螺旋連鎖效應.

當中國加入WTO時, 歐美民生用品價格都不是1-2年內降下, 而是下降了十幾年呀. 

所以, 現在將會發生的一切, 都不會在幾個月內見到個影響, 而係幾年到十幾年. 

當然, 老美現在係中美飯局上, 讚成押後加關稅, 都只是延後或援減螺旋效應所帶來的破壞, 著眼於自身的利益, 多於手下留情. 

大家要理解其中的利弊, 不要被表面所蒙蔽眼睛. 

最後, 環球銀根如果真是在螺旋式收縮, 注定世界總財富量也在螺旋式作幾何幅式地下跌, 而世界上各國人民也是在螺旋式下, 受著"去財富"效應, 即是國內俗語說的"返貧", 只是老美有著主導全球經濟領導地位, 手中有很多方法, 來減輕老美國內人民返貧的壓力, 甚至把壓力轉嫁俾別國人民囉.


2018年12月8日 星期六

老美與其驚被引爆金融核彈, 不如擔心.....

其實, 老美這半年來的所作所為, 根本上就同自己倒米, 真係好想知道佢地邊個倒米壽星, 諗出D咁樣的屎橋.

由一開始加關稅都唔係乜問題, 但關稅個方針用來針對人家的民企和外企, 本想斷對方財路, 只是人家民企和外企D財路受阻, 到最後都係返過來, 阻住老美自己財路不單只, 仲要強化對手國營企業的力量, 強化自己最大競爭對手手上的籌碼.

好啦, 12月1日講暫緩執行加關稅, 同埋大量賣糧俾人家, 都好的, 佢地果時開始知道, 之前果條友諗D屎橋, 最終會令老美自己受番自己的"七傷拳", 令到自己將來更頭痕.

但換左人之後, 諗橋果條友係針對人家國企, 就命令加記, 拉左對方個太子女了......

之不過呢, 條橋仍然都係屎橋一條來咖, 因為現在大量在歐美澳紐的存款和資金, 都是掌握在類似的太子和太子女手上, 現在這班人開始發現, 資金泊在老美果度, 都唔一定安全喎.

嗱..... 咁.... 之後, 班太子和太子女會做D乜? 當然係.... 人和錢都要轉場囉....

如果, 泊係中東唔理想, 咁..... 香港果個勁爭對手..... 新加坡都一樣唔會理想咖, 所以, 到最後, 會同阿爺講掂數, 將D資金泊來香港, 之後, 人都會轉來香港吧!

網上有聰明人講, 班太子和太子女單係老美度, 應不少於3-4萬億美元存款呀, 嘩哈哈, 多過熊貓國政府手中持有老美的國債呀. 噢..... 如果這班太子和太子女一撤走資金, 咁..... 威力就不會少於老美成日擔心果個 - 俾人家賣佢地國債來引爆金融核彈了.

所以, 現在老美D橋呢, 大多都係諗得唔夠深遠, 就算贏左對手, 但都最終都會玩番自己, 離開上世紀佢地果班橋王諗D橋, 真係差天拱地 - 聯中抗蘇, 拖垮前蘇聯國計民生, 利用中方過剩的勞動力, 令其國力蒸蒸日上, 簡直係國士無雙, 成為國策論的典範.

2018年12月6日 星期四

華胃手機事件的啟思

在集大大和當奴友飯局時, 同場加映華胃手機店個太子女, 係加記被捕短片.

按老美講話, 個太子女涉嫌偷偷將老美要禁運D野, 靜靜雞過左俾波斯地毯舖個老細喎!

嗱...... 我就一早講左, 加記係老美面前..... 簡直係, 在人屋簷下, 不得不低頭, 係談判美加墨貿易新協議時, 都見到加記俾老美來渣頸就命, 差唔多無哂自主權. 

現在, 老美又不得不拉華胃個太子女了. 大家都知道華胃背境啦, 一直都係軍方背境呀, 太子女就係軍二代, 同紅二代或官二代, 都係同一班人. 其實, 老美好驚這班人係自己國土和友邦國裡, 用這班人伯爺亞嫲刮埋刮埋D錢, 用公民身份, 來督老美背脊呀.

不過, 就唔知道, 個太子女係來加記公幹? 還是一直都好似一眾二代咁, 住係加記? 甚至入左藉? 成為加燦一員.

這單野呢, 現在係這班二代中, 牽起一個不少的波灡呢, 人人警惕起來, 擔心歐美到澳紐, 開始清佢地場了, 凍結佢地D一切資金, 甚至拘捕佢地, 話哂佢地資金來源係國內, 希望佢地解到話俾人聽啦!

嗱..... 如果老美殺到來老港, 話要要求協助拉人封艇呢, 到時真係唔知道鵝姐會點樣頭痕了?

對加記本地華人有乜影響? 如果這班人一撤資離開加記, 這裡D同胊們中間就無哂最上層D有錢人了. 剩底落來果班, 戇居的繼續係度戇居, 博大霧的繼續係度博大霧.

就以現在老港前高官 - 肥佬何咁, 俾老美告到入罪, 下年三月判刑, 再加上華胃太子女現在係加記被拉, 當中傳達的訊息已經十分清楚, 這班二代們若要留在歐美, 就要清清靜靜過日子了, 唔好再係人地地球裡頭做野了. 

PS: 最新消息,  官方出來擗謠喎, 話阿太子女, 其實係係機場轉機時, 俾加記週左, 而且向加記傳媒發埋 MEDIA BAN, 無得報料出來. 如果轉機係熟實呢, 即係佢要去南美或中美囉, 即係為到華胃D生意去傾或簽約, 咁即係老美已經有心阻住佢地同南美中美D生意.

不過, 佢地下次唔經加記, 都可以經中東過去囉, 不過, 政治風險也不會少, 但總比經加記好.


2018年12月4日 星期二

如果中國人真的會返貧?

對於中美元首世紀飯局的利好因素, 相比美港兩邊股票的反應, 我自己覺得完全合理.

美股彈了5%, 今天跌返回頭, 港股彈10%, 今天收市小升, 都只是因為港股前排跌得多, 現在彈得比美股多, 都是合情合理, 只是...... 

美市有人行出來, 批評當奴友同中方的協議, 是一種給股民的幻覺式訊息, 並沒有多大的利好因素.

當中, 係可以看到美方的股民投資者, 是比較成熟的, 比較願意花時間去思考股壇訊息.

我自己一直在想, 正如很多西方股壇口水佬說 - 如果中國人真的會返貧, 我想, 主要因為人家看著中國股民投資者太天真, 把這些中國股民, 聯想到20年代尾的美國股民一般. 

我自己對中國未來呢, 一直持緊慎樂觀的態度, 雖然沒有多大直接買港股陸股, 但一直有間接買基金來投資, 也一直在KEEP住自己的中文, 一直在了解中國國情和動態, 當然希望有天, 國內同胞們生活好起來, 甚至大富大貴起來. 只是前路還有很多陷阱, 很多陰雨月缺, 同胞們太天真, 就不會是好事了.


2018年12月1日 星期六

世紀飯局的背後?

集大大和當奴友今晚會共進晚餐, 其實短短1粒鐘都唔到的飯局, 點會傾到D乜出來? 係傾都係之前已經傾左, 所以, 一切都係一早已經定左.

我自己估計, 出來的協議會係短期政策, 以來應對將會來的全球金融危機(因為老美一收水, 全球任何國家都要縮水.) 但對中美之間長期的戰略競爭, 可能著墨不會太多.

與其說集大大和當奴友係"政策制定者", 不如講佢地係"政策執行者", 甚至係出來為國家政策公開認頭的象徵性人物吧!

不過, 元首飯局除了公關和象徵性的意義外, 還有一個最大的作用, 就係向對方摸底和作政治交貿囉! 因為只有集大大和當奴友係最清楚自己那邊的長期戰略意圖嘛!

當奴友會想摸D乜底.....? 又想達成D乜野口頭協議?

1. 中方對台海的取態 - 如果2020年四眼英菇連任, 中方會否接受現狀?

2. 中方有多少意願, 繼續維持其"開放"的承諾? 還是一心想著走回頭路? 不過, 我自己個人認為, 中方走回頭路的先決環境和條件, 比繼續開放的先決環境和條件, 更強更大. 尤其這幾個月, 老美亂打亂撞, 已經開了一條大道給中方走回頭路了.

3. 美方除了禁運/封鎖/制裁外, 還應否增加其他阻慢中方對外擴張速度的策略? 當然, 這是七傷拳, 美方也會受累. 美方意會到, 現在已做了的這些一切, 只會令中方更快地走回頭路.

集大大會想摸D乜底.....? 又想達成D乜野口頭協議?

1. 美方對台海的取態, 是否能夠接受中方更多的介入? 如果可以, 是那一種的介入? 能否好像收回香港主權..... 那樣的介入?

2. 美方對中方向外擴張的底牌, 能否接受"世界大到能夠容納中美雙方利益的共存"?

3. 中方有什麼私人FAVOR可以做, 來換取..... 老美暫時對中方放慢手腳? 

4. 中方可以怎樣拖下去, 等到有利自己的條件出現, 尤其等到環球金融危機爆煲, 就會對中方更有利.






2018年11月26日 星期一

千億填海背後?

上篇文說起大嶼山填海, 勾引出選戰氣氛緊張起來..... 

當然, 因為單單填海費用, 都已經是2-3千億了..... 

最近網上聽到有聰明人說, 千億填海工程, 是用來以地換地, 換取分散在香港各個人煙稠密地段中的軍事用地, 解封來, 由軍用變民用. 

這個說法, 令我想起沖繩美軍普天間基地, 是一個面積巨大但又比較遠離居民的軍用設施, 就以現在分散在香港各個處的軍事用地來說, 這些軍用地, 當然起不到任何軍事的作用. 

可能大家會問, 為何香港軍用地的位置會這樣奇怪和不合常理? 其實, 這些規劃是百多年前英國殖民地的規劃, 以一個外來佔領軍的角度來看, 這個完全合乎道理. 只是百年後今天的香港和世界起了巨變, 所以在解放軍接收英軍在香港的軍事用地後, 他們感到這些只是一些英軍的爛攤子, 但是在體現主權下, 又不能白白把這些軍用地移交給香港政府, 或在港的中資機構, 所以, 就一直擱置到現在. 

最主要, 中港交通變得更發達了, 由西面(港珠澳大橋)或北面(深圳灣大橋), 都能夠快速部署軍力來到香港, 來應付突發的問題, 尤其現在回歸多年, 建制派慢慢得到選舉支持, 就可以慢慢讓在港軍事用地民用化了. 當年漆咸道南, 現尖東的舊英軍用地, 轉成今天的商業地, 都是因為紅隧開通, 香港金鐘守軍, 可以快速機動到九龍.

還有一點, 香港是珠江口的大門, 西邊珠江口有珠海那邊軍用防衛, 但東邊最南只有深圳的軍事防衛, 香港明顯是在最佳防衛線之外, 而且深圳那邊受到香港這邊的高山阻隔, 對香港以南海域的監控, 比較力不從心. 所以, 最佳選址, 必定是在大嶼山南岸的位置, 一幅巨大土地, 可以容納戰機升降和綜合海陸空軍事設施. 大嶼山填海的最終目的變成軍事, 就比建大型住宅區和商業區來得更合理了.

大家不要以為, 香港政府會蝕水, 如果大家去看看香港軍用地的位置, https://zh.wikipedia.org/wiki/香港軍營列表, 其中有3幅極大的土地, 都是每幅超過千億市值, 第一幅在九龍漆咸道南, 在尖東對面的槍會山, 第二幅是九龍塘窩打佬道旁, 第三幅是石崗, 尤其第三幅, 再加上旁邊的綜地, 就可以發展成另一個衛星新城市, 面積可以直追天水圍咁大, 而且, 鄰近均有已建的基建設施, 不用再投下千億的新基建, 就可以立刻換來數千億到萬億的經濟效益. 

只是, 我地一眾普通港燦, 最後能分到多少利益呢? 這個是我們一眾港燦, 應該去思考的題目呀, 選個人入去為大家謀福利, 比推倒重來, 更重要和合理啊! 

泛民...... 請你們思考一下, 往後何去何從吧! 要麽推倒重來? 還是為港人謀取最大福址?


2018年11月25日 星期日

噢..... 在香港街頭上的選戰

呵呵呵, 現在九西投標已經結束了,  又係JJ出來發嗡風了.....

我回港期間, 遇上九西補選街頭拉票活動, 我行過時, 長毛遞左份野俾我, 內容係講, 要阻止大嶼山填海, 所以要某人入到議會, 去阻止鵝姐做野.

不過, 唔知點解, 當時我就感到街上那種拉緊的氣氛, 現今看香港新聞, 佢地係黃埔和美孚, 都同人有衝突. 

其實, 我當時見佢地的口號和中心思想, 都只係係度講"港人儲備會被用光", 我心想, 這個是一個專對中下層的策略, 但大多數中產的人不會被打動, 因為用儲備做基建, 中產和富人都會有利. 

我當時原本想去同長毛講, 不如轉個策略.... "填海令地價樓價直線上升, 只肥了現在有大量土地儲備的財團(中資佔不少), 或較有利那些有投資物業的人們, 但香港中產以下95%的港人只能分得極少量好處."

但我一見到當時街上氣氛咁啦緊張, 我都係唔想講了, 驚俾人誤以為, 我去"攪局"或攪串個PARTY.

最後, 我見到小麗老師係度幫手打氣站場, 原來小麗老師真人係好細粒, 係這種氣氛咁緊張的街上, 一個女仔又真係有些危險咖. 

香港現在街頭選戰越趨拉緊和不安下, 尤其在DQ左5個民選議員後的補選, 真係擔心有天會有事發生, 唉, 希望唔好變成.... 老美用來將"香港政策法"制旗的借口.

2018年11月24日 星期六

為何我對加國華人前景咁悲觀?

上篇提及, 我在香港, 見到有人猛係度自言自語, 話香港人應該有乜特點. 

其實, 我唔係第一次見到這種人, 係我初移民來加國時, 都遇過這種人. 

當時仲係十分近距離接觸, 因為係係教會...... 

我這種人移民來到, 入鄉隨俗, 唔係太理會香港人這個稱號, 這些人就睇我唔順眼.

那時候, 中港距離很大, 香港人的身份讓一些人自以為有優越感, 牢牢執住香港人的外表空殼, 覺得"加燦"這身份好OUT.

當然, 這些人不想入鄉隨俗, 到一讀完書後, 就不會係加記, 落到地, 生到根了, 全部回流香港.

都好的, 既然這些人在加記, 撈得唔順暢, 回港撈世界, 都係好事.

只是, 今天再係唐人街, 見到這些人中的其中一個, 一眼就知道佢回流回來了; 我心想, 這個不是好訊息.

為何不是好訊息? 這些人原本係加記讀完書畢業後, 係加記撈唔掂, 返到香港10多年後, 人到中年, 再回流回來加記, 即是佢係香港的情況, 都可能係撈唔掂, 佢係香港撈唔掂的程度, 可能比佢係加記撈唔掂的程度更甚, 所以, 人到中年, 才再來回流回加記, 當中帶出一些實況.....

第一, 即是, 香港近來越來越難撈, 就業或營商環境越來越差, 佢認為比加國還差, 在港生活越來越難撐下去.

第二, 這些人青少年時, 都已經跟人家加記文化和思想格格不入, 現在中年, 就更難入鄉隨俗, 就更加需要依附在華人社群, 甚至華人教會裡, 尋求協助, 成班人要一齊為為謂. 華人社區的服務, 或華人教會所謂的外展, 可能更吃緊了.

第三, 華人教會裡一向鼓吹攪社會福利的人, 現在就真係要考驗佢地的初心了, 佢地是否一直係度借東風? 還是一直係用心去服務有需要的人? 其實, 如果這些人一向都是服務人群的話, 就一早應該係D人初移民時, 鼓勵佢地入鄉隨俗.

今年3-4月時, 唐人街有店主已經說, 營商十分困難, 更有餐館少東穿件單吊西做收銀, 除左件單吊西時, 就係廚房做埋火頭. 我有見唐人街景況咁不景, 就發起人群, 齊齊係唐人街入口的座椅上, 著得型仔一D, 來揸住杯珍珠奶茶, 用來幫唐人街做生招牌, 提醒經過D西人, 入去唐人街消費一下; 又或自己入去唐人街找些東西來買, 買完就揸住D野係唐人街入口行來行去, 用來做生招牌.

只是, 面對原本已經存在的問題, 我對華人社區原本已經十分悲觀的, 今天再見番那人回流回來, 就更加悲觀了.  

PS: 廿多前的加記, 剛剛開始美加自由貿易, 一切都是向上, 這些人果時回流香港, 他們印象中的加記, 應該是一個不錯的景氣. 不過, 現在美加自由貿易問題多多, 加記再不是向上, 而且更受到美國多方面來競爭和鉗制, 加國景氣就大不如前了, 這些人用廿年前加記仍然不錯的景況, 來決定由香港回流回來, 真是要為到他們擔心了.










2018年11月21日 星期三

為何某部份港人..... 唔會係天之驕子?

在香港的繁忙街道上, 有時有些人忘記了身後還有很多行人, 突然放慢步伐來翻看手機. 其實, 這些行為是人之常情, 初時回港不太習慣, 心裡還有點不快, 但慢慢想通了, 我仍可以繞行過去, 就心裡不會有問題了, 尤其不是在上下班時段, 和工商業地段, 街上行人又不是趕時間, 就算了.

只是有時, 見到有人過馬路時看手機, 就不得不輕聲去提醒對方注意安全了.

今天講的那種人, 不是上述的人. 因為都是小事一些.

有次我去葵興的美食嘉年華, 大家都知道那裡人頭湧湧, 人們又行得很慢很休閒嘛, 跟本就不是上班那種節拍嘛. 偏偏身後有人推著嬰兒車, 在大罵前邊的人阻住他的時間. 

這個也不令人太反感, 這人竟然把慢步的人群, 比作大陸人, 係度講話香港人係會怎樣怎樣, 這個就令人好反感. 

大佬呀, 香港人係咪時時都要咁快先? 你要快時, 怎樣能推擠別人要快呢? 尤其在一個休閒的地方和場合上, 而且, 根本沒有人阻著他, 只是他推著嬰兒車, 佔用比別人更多的空間, 本應該是他自己要求別人來合作, 讓他快快行過嘛, 怎能夠推委於人呢? 

其實, 我覺得D人講香港人應該定位怎樣怎樣...... 都只是一班失敗的人, 經不起時代的洗禮和挑戰, 用香港人應該點點點的定位, 來開脫他們自己不能融入世界新潮流當中.

 當時, 已經感到這人很面熟, 就算我唔係係香港住, 我都記得佢係某個假裝"田園"的樂隊一員, 佢咁趕時來罵人阻佢時間, 必定跟他自己所扮野的田園, 相距甚遠, 太沒有說服力了, 難怪他那樂隊又少人又撈唔起. 

近幾天, 我都無特意留意佢D新聞, 一打開香港01, 就見到報導佢失去做司儀的工作了, 其實, 娛樂記者大多都唔會咁唔俾面, 除非D人一向都串慣左囉, 現在俾人一沉百踩了. 

捧紅一個明星, 其實, 背後老闆和經理人係要用好多錢和心機的, 這位人兄的公眾形象和人緣咁差, 有誰個老闆和經理人肯願意去博這壇咁大的風險呀? 

這些人撈唔起, 又或越撈越霉, 都已經係注定的事. 當時, 看著這人在眾人讓路下, 快步行過, 我都已經恥笑在心中, 而眾人也許會喜歡看到, 娛樂記者報導這人的幸災樂禍娛樂新聞. 

佢老婆嫁左俾佢, 仲同佢生左個仔, 仲要跟佢係眾人面前出咁樣的尷尬狀況, 又在娛樂新聞上受盡娛記的謑落, 真係可憐了, 希望佢可以改變一下, 如果唔係佢老婆真係好慘!






2018年11月18日 星期日

當奴友講: 重創國內經濟..... 究竟係邊方面先?

嗱....... 照現在情況來睇, 真係有理由懷疑當奴友係專權國家, 派入老美的25仔..... 

為何我咁講? 當奴友這些取悅老美一般平民伯姓的技倆, 逃不過聰明人的眼睛..... 大家看看, 現在國內係乜野人大鑊先? 民企囉! 老百姓囉! 

我們現在可以看到的, 是國企經濟不斷擴張, 不斷壯大, 不斷增大掌控國內每一個範疇, 這個是令人最擔憂的地方.

首先, 當現在民企所僱用數以億計的勞動力, 一切轉成大鑊飯時, 這億計的勞動力, 一切由國家支薪養住先時, 即是軍工國企, 甚至是軍隊, 都有源源不絕的新血補給, 如果把這些力量向外放出時, 到時老美唔頭痕, 真係無天理呀!

第二, 民企先幾年在國外買了資產, 其中有些是戰略資產, 或接近戰略資產, 一句民企崩潰, 阿爺接手時, 這些民主國家的戰略資產或近戰略資產, 其操縱都會落入背後更具全盤戰略的國企手中, 就算到時民主國家齊齊剪纜, 都會令到民主國家內的經濟出現波幅不少的震盪.

第三, 現在當奴友所做的一切, 是跟老美長期戰略開倒車, 什麼是老美長期戰略? 跟以前共產國家一樣, 輸出革命, 而老美是輸出美式民主價值觀, 但當國內民企和老百姓連生存都要仗賴阿公阿爺, 當國內民企和老百姓認定是老美的貿易戰使他們生活倒退時, 誰個國內民眾會再堅執普世民主人權價值觀呢?

當我們聽到老美前第一夫人/國務卿, 在取悅老美智庫時, 預言國內會在20年內, 變成貧窮和落後時, 我們不祈然會毛骨悚然, 何時老美的聰明人會變得如此短視和無聊? 患有歷史短視症..... 忘記了半世紀前, 被人輸出到世界上的貧窮/飢荒/革命? 老美那時是怎樣的狼狽? 四面楚歌而惶惶不可終日, 最後要跟老鄧作城下之盟, 共同抗蘇, 才換來今天40年的安樂日子.




2018年11月17日 星期六

為何某部份港燦..... 會係天之驕子?

昨天講完元朗個拖喼姐姐, 因為我把佢同企X姐姐同等看待, 佢覺得被輕視, 就走去大罵企X姐姐.

其實, 大家有無想過, 為何國內有些同胞咁努力? 因為佢地唔想被人看不起, 咁辛苦做人, 只為爭一口氣嘛, 唔想世世代代被人看不起.

有次, 我係灣仔紫荊廣場睇海景(無錯, 果度真係有著全港最無敵的海景, 80年代末選址係果度建回歸會展中心的人, 真係好有眼光, 竟然可以看到當時仍然是茫茫海上某點, 在時空10年之後, 會有無敵海景), 有個國內小媽抱著年幼兒子, 在注視著我這個港燦. 

其實我時時都被人望住, 最攪笑係我初搬來現在滿地可這新屋時, 街對面個法語女人成日望住我, 之後, 佢就走左去北京, 收養左個BB返來, 哈哈哈.

咁, 其實, 手中抱著幼兒的女性, 注視著一個男人時, 心中必定不會有性的念頭, 我就禮貌地點點頭, 原想行開就算了. 點知對方卻說, 多謝我剛才在地鐵上讓座給她, 讓她不用狼狽著抱著小兒. 

佢注視著我咁耐的原因, 可能佢心大心細, 唔知我會否明白佢D煲冬瓜, 又或者, 見我衣著唔似一般港燦. 

個小媽跟著卻說, 你們香港人之中, 有些人真是不錯, 希望我兒將來都可以像你們這樣活著. 

我立刻意會到, 原來她憧憬佢和佢下一代的未來, 把香港和某些香港人, 變成她心中的目標. 來香港逛逛, 無非是想預知道, 將來她會生活怎樣, 所住的地方會發展成一個怎樣的地方.

所以, 為何部份港人係天之驕子? 因為人家在憧憬著將來會好像這些港人一樣. 不要輕看人家心中這份憧憬, 不知為到我們香港人帶來多少機會和優勢, 尤其是香港D藝人, 前排還見到有香港藝人上大6, 為當地人的喜事做FUNCTION 節目, 當中少不了不錯的報酬吧!




2018年11月15日 星期四

真/假遊客

有網友叫我講下在香港的見聞喎, 咁, 其實都無乜好講, 大家都對香港咁熟嘛.

只是我JJ呢, 身份有D唔同, 前度港燦, 現任加燦嘛, 所以身份有D唔係好同, 而觀點與角度可能會給大家個清新不同的感覺, 大家試下睇下, 如果講得唔岩聽, 同我講下, 我可以講其他或再改角度.

大家都知道我雖然有加燦個樣, 但D普通話好好咖, 而且我仲識聽一些口音或方言.

咁呢, 香港北區一直都係上邊自由行人仕的主要活動範圍嘛, 不過, 元朗就好例外, 好多女人企街搵食啊, 成日招惹D過路男人.

其實, 我JJ一早就知道我將會被D女人來...... , 不過元朗有好多野食嘛, 而且有D仲係老廣東人口味, 係旺角灣仔等市區咁貴租的地方, 已經絕左跡了.

咁, 我行過掂過就算, 都不會理會街上D大陸女人. 不過, 我隻耳仔都唔係兜風姐, 點解聽到D人嗡乜呢嗄? 

元朗街上有2種大6女人, 一種拖喼, 一種企X..... 2種我都唔多理會, 

有位拖喼姐姐來問我路, 我笑笑口有禮貌咁用煲冬瓜講過路, 掂行掂過入去舖裡邊食野, 因為我坐係最出係街邊果D位, 所以聽到佢地過癮講D乜野, 拖喼姐姐就走去用鄉音同企X姐姐講野, 大致係講影衰左佢地D真正遊客喎, 最過癮係, 企X姐姐講, 佢自己都係遊客呀.

哈哈哈, 聽到咁, 我真係好辛苦先忍到唔笑出來咋...... 嘩哈哈.....  遊客和黑工的雙重身份啊...... 可能係..... 佢突然發現係香港唔夠錢買齊佢想要的野, 就來一招江湖救急, 又或者, 佢原本都係做拖喼, 但見拖喼越來越難搵多D水, 就改做.......

個拖喼姐姐點解咁激氣呢? 係都要去罵企X姐姐? 其實, 拖喼姐姐好介意人地點睇佢嘛! 可能佢來向一個唔多似港燦的男人問路, 而這個加燦LOOK的男人原來一口純正香港廣東話, 又當佢同企X姐姐為一丘之貉, 所以自尊心受到打擊, 身價被降低了.

其實, 元朗D企X姐姐, 唔只令到D拖喼姐姐自尊心受打擊, 仲連累埋D 街坊姐姐和開舖姐姐. 

老實講, 女人第一唔好露, 第二唔好望住男人, 就唔會有問題囉! 偏偏連個拖喼姐姐個眼神都唔多正路, 就算我JJ點熱心幫人, 都唔會停下腳步囉. 

不過, 嚴格上來講, 拖喼姐姐都係屬於黑工果類喎, 走水貨上去搵銀, 分別只係收錢的地方, 改左係大陸, 而唔係香港之嘛!

所以, 拖喼姐姐和企X姐姐都係假遊客啊!





2018年11月12日 星期一

嗱..... 個市咁, 大家咪亂左心情呀.

其實, 今日美股都係下調左3%都無, 相比港股和國內股下調左咁多, 美股調整可能只是開始. 

我個人認為呢, 今日港股開市會好講D人心情囉, 波幅大左少少都唔出奇咖, 只是現在港股唔一定跟美股咁下調法囉, 美股才開始下調嘛!

點解我覺得美股現在才開始下調? 因為老美大選過左, 應聲來個塵埃落地, 阿當奴友之前都話明, 唔好俾民主黨贏, 就算只係贏眾議院, 佢話美股都會跌喎.(哈, 佢如果唔係先知, 就係同美股壯家打籠通, 事但一樣.)

好啦, 美股壯家家陣交足功課俾當奴友, 選前唔跌, 民主黨一贏少少, 就開始跌. 

講開壯家, 其實係領正牌來維持市場秩序, 有時幫執政黨做市場清道夫, 不過, 唔知幾時開始, 美股的壯家, 要幫執政黨來托市, 今次就係咁了.

上一次壯家托市, 唔洗我多講, 果鑊雷曼幫執政黨托市托到自己歸西執笠啊!

其實, 次按係雷曼食死貓, 係殊頭去打老伊九菜因, 用左好多錢, 要隻眼開隻閉咁用次按來頂市, 最後壯家瓜左.

嗱, 唔好話呀, 今次當奴友玩野去到咁盡, 好容易又有壯家死呀! 又或老美D企業債會爆. 

所以呢, 如果今日港股波幅大左少少, 大家唔好心灰意冷, 我地要為長期拉据而做好心理準備呀, 少少咁少波幅, 咪俾佢嚇窒呀!

好啦, 大家心情好D, 擔定凳仔睇好戲, 當奴友D戲越做越有娛樂成份, 大家有啖笑下, 就會好易過左D風風雨雨的日子了.

2018年11月11日 星期日

相由心生?

哈哈哈...... 大家好, 我返左來加國了, 我去左四圍玩, 大家有無想住我先? 

我途經香港, 原本諗住留2-3 星期, 但最後留多一星期.

這次返來, 除左自己親戚外, 很多網友和舊朋友同學, 都話我個樣唔同左, 最誇張係, 上年回港見過面的朋友, 今年約佢係某處等, 竟然唔認得我, 係我面前, 橫過掂過, 呵呵呵..... 

其實, 係相由心生姐. 唔洗係辦公室扮馬騮俾人舞, 唔洗管住D出租物業俾租客煩, 少煩就會多歡顏啦. 

現在才發現到, 努力搵錢回來, 都不及安閒的心態好. 因為, 很多時, 錢是花了去個LOOK 上面, 搵埋搵埋, 又洗番係個LOOK上邊, 就真係盞攪. 

今次回港, 我更發現, 人的心態決定個LOOK, 也決定人生命運, 更決定人生的選擇.

今次見舊同學朋友, 他們都為家庭子女煩得很, 我的結論不是說, 不是人人都適宜結婚, 而是說, 找不到合適的人, 就不要結婚. 

我不是從來都決定不結婚, 而是不強求結婚, 因為如果結婚係人生的成就, 我相信這是一個雙方的成就, 而不是單單男方的成就, 

如果配偶互相合作不來, 生出來子女, 人生大多矛盾重重, 甚至健康狀況都比較差, 長大後難於獨立, 更反過來成為年老父母的負累. 



2018年9月24日 星期一

生如柳飄隨風擺, 落花飛絮無了賴

世事如棋, 人生若夢, 沒有一成不變的定律, 已有的定律會在我們不經不覺間改變了.

由1990年代提倡的開放經貿年代, 到現在大致開始逆轉了.

一直習慣的致富定律, 現在又要重新再學過別一套新定律, 新思維方法, 新思想方向, 這個才是最困難的地方. 

讀歷史, 讀4書五經的人有個好處, 比別人容易適應新環境, 不過仍是十分困難.

萬變不離其中, 到最後都要回歸到人的本性, 主宰世間世事的, 原是人性. 

美國有他的本性, 中國也有他的本性, 不過, 一想到這裡, 我JJ開始不敢再輕易預言了, 因為一講出來, 唔只我JJ一個人會情緒低落, 連聽的人, 都會, 唉.

在一個令人情緒低落的時勢裡, 我JJ決定去遊玩, 在一個仍開放的世界裡, 錢仍然可以買開心的時候, 去花下錢, 去開心下.

可能會停寫一個半月啊, 大家見諒.








2018年9月22日 星期六

就算馬雲講和我JJ講的一樣, 我也不會開心

前幾日, 馬雲係佢股東大會上講, 在中美爭一哥下, 中美貿易戰將會開打20年, 影響出乎任何人意料之內, 全球很多本來受益於開放貿易的人, 將會受到打擊.

其實, 這個並不證明到我JJ比這些叻人更有先見之明, 只是人家一早已經預計到, 只是人家因為是公眾知名人物, 不能一語道破, 而我JJ只是路邊社一眾傻瓜, 講出來也無妨..

不過使人不安的, 陸續有叻人都係咁講, 這個就令人更心裡不踏實.

馬雲只是在商言商, 只用貿易戰來形容, 真不知道軍事家和戰略專家會怎樣形容事態發展?

如何在動盪世代中安身立命, 這個將是一個重大議題.

所以, 我JJ要學習外物動而心不動, 要有強大的心理質素, 除了做好自己本份, 應對將要來臨的困難, 還要學會一切交託給神, 因為做好本份後, 克盡己身之後, 人再沒有什麼可以做時, 人就可以無愧地去仰望神的眷顧了.  

2018年9月12日 星期三

吖, 幾時我可以唔洗諗咁多呢嗄?

以上這句, 係我JJ成日自言自語的順口溜, 真係好想有一天, 唔洗諗咁多野, 靜靜地, 再去以前去過的名山大川, 再行下, 再影下相.

不過呢, 人活在世上每一天呢, 就要去諗野囉, 因為最少都要明辦是非真理了.

就算好似我JJ咁夠運的人, 咁後生就可以做自己喜歡的事, 但是腦海內, 仍然不是自由想什麼就想什麼, 腦海裡記起人們在金融風暴/金融海嘯中的慘況, 腦海裡就自動地浮現出, 將來可能會發生的一幅幅圖畫. 

我每日出街搭巴士地鐵, 都遇上路人們來問人要散紙, 有男有女, 有老有少, 種種人都有, 久而久之, 就會想起人們的苦況.

當然, 解鈴還須繫鈴人, 俾錢是沒有用的, 最終都係要讓人們明白, 世界艱難, 沒有免費午餐, 沒有不勞而獲, 沒有共產大同世界, 只有人們自己親手牽著自己的人生和福祉, 自己盡好自己本份.

PS: 其實, 共產/奴當友的美國優先保護主義/宗教信仰, 如果人們不了解透徹, 不知其中的能, 又不知其中的不能, 人們的人生只會越來越糟糕, 只會被人愚弄於股掌之中, 成為別人的牽線公仔, 變成不折不扣的傀儡, 受人操縱, 沒有自由思想, 沒有自主判斷能力, 十分可憐!


2018年9月11日 星期二

香港傳謀人

我媽媽好鐘意睇瓊瑤, 但成日見佢越睇越唔開心, 我都成日忍唔住同佢講, 唔好虐待自己, 睇D開心D野仲好. 

其實, 傳媒人有個特性, 就是觀眾喜歡乜, 就係果度掘材料, 開始工作, 這個我JJ十分敬重的, 敬業樂業的精神嘛. 

不過, 有時傳媒人改做時事評論呢, 我覺得佢地搜集資料的功夫是一流的,  簡直係無械可擊呀, 只是呢, 我自己個人會比較喜歡..... 跟他們不一樣的結論囉. 

也可能係我JJ這個壞鬼書生包頂頸, 不過, 聽完別人的說法, 之後得出自己不同的想法, 這個是成熟的表現, 當然, 當中並沒有不敬之處. 只是傳媒人習慣左, 由年青時就開始那種做事方式, 一到時事評論時, 少不了有些偏差.

坊間有好多舊時傳媒人出來做評論, 這個是百花齊放, 通常都在時勢大轉角時, 就會出現呀; 即是, 未來這幾年變數大, 但機會也會很大. 

大家今後要多聽多想, 聽後不要不想呀, 這個比不聽還更差呀.  其實, 聽了後, 一覺得對方講大眾意見, 用搜集的資料來印證大眾觀點時, 這個可能是傳統傳媒人的傳統一貫做法. 

我JJ想要聽的, 不是大眾意見, 因為我已經知道大眾心裡想乜要聽D乜. 我想要聽的, 是大部份人未想過, 或會忽略的話題, 這個才是最有價值花時間去聽去想. 

最後, 香港一代傳媒人應該受到尊敬, 因為他們在歷史的舞台上, 已經做了他們能力所能做的事情, 啟思了香港無數下一代人. 當然, 人無完美, 香港下一代人要來突破上一代人思維上的限制, 才是今天香港新一代人的責任.

我JJ得出跟人家不一樣的結論, 才不會辜負人家不斷去做傳媒工作的一番苦心, 如果要我JJ倒模咁一模一樣的結論, 看來人家才會心灰意冷嘛.


 


2018年9月10日 星期一

當蛤乸隨街都係時......

講真一句, 世事都係供和求啦, 當供求失衡時, 一定其中有些問題.....

最近我去開果間遊樂場, 套票大優惠喎, 現在買下年套票, 現在開始就可以入場用了, 今年入場套票$62, 下年$55, 餐票今年$103, 下年$92. 

連我去唐人街飛髮, 都被告知這個優惠. 嗱, 好野到最後, 係咪都仲係好野呢嗄?

我朋友昨天同我講, 排隊等攞餐食, 排左好耐...... 主要因為少左人做野, 驚間遊樂場下年更加請唔夠人來做野.

哈...... 我就同佢講, 唔洗怕, 下年經濟會好差, 家陣經濟好, D人才放膽洗錢, 下年就唔會有咁多人買套票了, 而且, 經濟一差, 洗怕請唔到人? 可能連現在買套票果D人, 下都要加入遊樂場做工呀.

重點不是排隊玩遊戲和攞餐耐, 而是間遊樂場可能預計唔夠現金流週轉呀, 才推出優惠價, 即是, 間遊樂場有機會關門大吉呀. 好啦, 我JJ都買左下年的套票, 都係朋友來找我一齊買, 因為要最少2個人一齊買才平. 

我同佢一齊買時, 我都有同佢講, 希望間遊樂場唔會執笠啦! 看來現在有好大程度上可能成為事實呀. 我只單單睇間遊樂場D設施開始老舊, 很多時去到, 都係度修理緊. 其實, 這些遊戲機, 安全是十分重要的, 維修唔好, 就會危險D了. 

好啦, 我JJ跌極錢都係果百幾蚊, 算啦, 我豪得起, 唔怕o既. 不過, 我就看到一件世上真理, 當街上蛤乸多時, 當街上太多平deal時, 可能蛤乸非蛤乸, 平deal非平deal, 好事非好事, 壞事到頭來也非壞事, 一切隨緣不變, 但又要不變隨緣. 

今天碌咭買了下年平宜入場套票的人, 碌咭買街上減價貨的人, 可能下年同一蚊雞的錢, 下年可以買更多野, 即係, 這些現在狂碌咭的人, 下年要做得更辛苦來賺番佢今天洗左的一蚊呀. 

好了, 在經濟不景快到之前, 我JJ已經講得好多了, 各位要自己好好想想, 不要單看今日, 因為不計劃明天的人, 今天當然不會好過, 明天可能會更慘.

2018年9月6日 星期四

十年空許約, 此刻卻無言.

哈哈哈, 我JJ以前係唔識影相咖喎, 只不過, 我這邊美加, 要去睇靚風景, 總比你們在香港容易好多.

相信我, 國內都有靚風景, 只是去睇就好麻煩, 無得自己揸車去, 又或揸車去會好煩好塞車, 唔似美加咁容易和方便, 同埋咁密集囉.

我係2005年時, 諗到條屎橋來找人教我影相, 就係 NEWSGROUP上, 登我果D風景相, 但因為影得好樣衰嘛, 咁就有好多大佬走出來, 指正我囉.... 其實, 人心肉造姐, 我俾D靚靚風景相人地睇, 人地就自然會教番我點影靚, 或執靚D相佢.

當時我就承諾, 我會用佢地教我的攝影技術, 再去果度影過D相, 點知..... 我咁耐都無機會再返番去影過, 真係對唔住當時班大佬了. 

唉...... 家陣市道唔好, 日子不好過, 為到同大家打氣, 我決定再執過我D相, 不定期登出來.

我JJ 都係果句, 人生滿希望, 不要氣餒, 一切在明天, 市可以跌可以升, 但人生總要步步高升.

好啦, 出住一張當上期先.... 慢慢放出來.


2018年9月4日 星期二

家陣人人都患上"迷信QE永續綜合候群症", 而我JJ都係果句啦, 最緊要包玩包食!

哈哈哈, 今年4月, 我JJ開始退休了, 但係我退而不休喎, 咁呢, 我就買左張我這裡遊樂場(好似香港海洋公園咁, 有機動遊戲, 但無海獅睇)套票, 係5月尾到10月底天氣宜人的日子, 係佢開門的日子裡, 可以無限入去玩40幾個-2個, 咁多的機動遊戲. 

今年我5月買時, 係71元加仔, 再加103元加仔的餐票(每次入內, 佢包我2餐+1小食), 呵呵呵, 咁就即係我俾174元加仔佢, 佢變相一個夏天裡頭, 都係度包我食包我玩. 好開心咖, 佢地有7-8種過山車呀, 最高果個係10層樓用75度落坡. 不過, 我都係最鐘意玩跳樓機, 10層高, 垂直跌落來, 嘩哈哈....... YEAH...... 

唔知係咪我年紀大, 血氣運行得無咁好, 俾佢D機動遊戲係咁轉轉下發發下, 發到我D血氣運行得好好多喎, 我JJ開始上左癮, 簡直係行氣活血, 好使過..... 去叫人同我揼骨按摩呀. 

今年..... 都未完, 遊樂場就破天荒, 開始做下年PROMO了, 仲係超低價, 破天荒咁低價來吸客呀...... 現在買下年套票, 就算今年無買套票, 都可以係今年剩下D時間內入去, 而且係超低價, 張入場套票~$55, 比今年平左$16, 餐套票~$93, 比今年平左$10, 夾埋就平左$26. 仲有, 佢現在開始包埋飲品呀, 無限量免費供應汽水/菓汁呀.  開心死我了, 不過呢, 我都係要就住咁泥飲了, 唔好飲咁多, 好多糖呀.

嘩哈哈, 我JJ見到咁, 就知道...... 這次加息收水縮表, 唔係小野, D公司趁現在仲未來料發作之前, 就已經係度箍客, 穩定客源, 擴大現金流, 驚死下年經濟一縮, D人再唔想洗錢入遊樂場消費呀. 

好啦, 其實, 我去左今個夏天, 都好喜歡間遊樂場的服務, 就算佢唔減價, 我下年一樣會照買套票入去. 不過, 這樣破天荒來吸客吸現金流, 我真係好意外, 好彩間遊樂場財務上都好穩建, 應該唔會執笠掛掛. 不過, 可能下年唔會有新遊戲玩了, 希望佢地維持到今年D機動遊戲, 我就心滿意足了.

PS: 好啦, 大家都睇到啦, 加記D公司現在係加息收水縮表威力仲未發作前, 就開始做準備功夫, 這些公司才會生存到. 任何人或個体, 如果對今次的加息收水縮表置若罔聞, 啊...., 實在不敢想像了, 唯有叫佢地到時臨急抱佛啦. 沒有可以打救到佢地了. 

現在加記D人習慣左放水+水浸的日子, 仲有人起屋, 新公司開張. 

我有位朋友, 佢間屋今年年初賣唔到佢理想個價, 哈哈哈, 點知佢現在落重本去整靚間屋, 佢仲話, 間屋賣唔到佢理想價+整屋D錢, 佢一定唔會賣喎! 唉...... 算啦, 我JJ見到咁, 這個叫做"迷信QE永續綜合候群症", 我這位朋友簡直係上腦上到SHORT左. 

我都無法啦, 我都係少講野好了, 佢賺錢時, 又無多謝我JJ金石良言, 佢蝕少左錢時, 又無多謝我苦口婆心, 而且現在佢虛榮心發作, 見人人都粉飾到咁"高大上", 佢就用左佢放水發大的資本去充生哂, 到資本一收水縮細時, 希望佢仲剩番夠錢來退休啦.





2018年8月29日 星期三

世界貨幣會否..... 重回黃金本位?

黃金本位, 即是發鈔的數量, 要與黃金金價掛勾囉! 即係...... 如果一個國家的黃金儲存量是50萬安士, 而發鈔總量是5億, 即是金價用這國家貨幣一計, 就會係每安士一千元. 

咁, 如果有國家大量發行貨幣, 而沒有調高金價呢, 咁, 一有人用大量這個貨幣去換黃金時, 這國貨幣就會被衝擊, 就會被迫宣佈調高黃金價, 要多D錢才可以換到一安士黃金了.

嗱..... 美國係70年代, 已經講明唔可以再用美金來換黃金了, 改由..... 令全球用美元來交易石油, 當然, 美國那會有咁多石油, 來掛勾咁多印左出來的美金呢? 不過, 全世界的石油和糧食生產, 都掌握在美國手中, 所以, 人人要揸美金來買石油和糧食嘛!

即係呢, 黃金本位一早已經被時代所淘汰了, 因為咁少黃金, 點可以 BACKUP 一個咁大咁多貿易咁多人口咁多交收的世界呢?

如果有天再用黃金本位來 BACKUP 貨幣和環球貿易, 環球貿易那時必定縮水縮到七零八落了. 哈哈哈, 所以, 各位, 黃金本位已經成為歷史書的名字, 不會再拿出來再用了. 

PS: 還有, 黃金這10年升到阿媽都唔認得, 主要因為世界大印銀紙, D錢去唔到實體經濟裡, 就去買金囉, 所以, 現在黃金再不是資源商品, 而是消費商品. 嗄.....  唔信呀? 大家記番起幾年前的中國大媽來香港買金的情況, 黃金一早已經係面子/人面/場面上的高級消費品了. 呵呵呵......

2018年8月26日 星期日

有主見之後, 就是執行能力.

上篇野講漏左, 我叫人, 埋堆都唔緊要, 但要有主見, 別人個個都叫自己跟佢, 聽佢, 就一定要自己諗下先, 而且, 唔好有依賴的心態, 很多人利用人們依賴, 來利用別人, 來推趕別人做這樣果樣.

不過, 有主見而沒有行動, 是沒有用的. 一定要有行動, 可能每個人年青時, 行動是比較粗心大意少少, 不緊要啦, 慢慢做, 做得幾次就會完善. 我後生時買股票, 一想起就去買, 買多幾次後, 就會睇耐D, 但不會忘記, 不會放棄, 不會轉軚, 咁就會, 越買股票越識買. 

咁..... 有時處身的環境也是十分重要的, 例如: 每個男性後生時, 都要追個女朋友回來, 這樣, 人類才可以生存下去, 又或基督教教會中的信徒才可以一代一代承傳下去嘛! 只是, 如果身處的境環裡, D人攪串哂, 做壞規舉, 把明明是好事的事, 硬要說成壞事, 那麼, 就要轉轉環境佢.  我唔去那唐人教會, 立刻找到女朋友了, 當然, 我是那些不用去教會扮屬靈才追到女友的人. 

回想, 我是十分後悔, 在那唐人教會屈死自己咁耐, 咁大個人唯一的女友, 果次跟佢分手後, 我才發現, 原來, 我獨自一個人行人生路咁多年, 樣樣都上左軌道, 再沒有能力改變自己, 去遷就到女朋友的不同生活方式. 我想, 我廿幾歲時, 樣樣都未上軌道, 人生樣樣都可以是變數, 去遷就女友, 一定比現在容易好多.

所以, 有主見, 有執行能力, 轉到去一個對自己有利的環境, 是十分重要的. 

收水縮表的日子來臨了, 世道會變得更不容易, 實在會有更多人走出來老點別人, 想去利用別人, 謀取一己私利, 現在這時勢裡, 一定要有主見, 有執行能力, 身處有利自己的環境, 才是一個王道.

PS: 我有個朋友, 就係那位廿幾年前, 炒外匯損手10萬美元的那位, 多年後, 他仍然想著從FOREX中賺回損手的錢, 仍然想著OPTION 槓桿. 其實, 我都有勸佢去從錯誤中修正方向, 他常常都說我沒膽. 

大約2年前, 他跟我說去買金來買保險, 可惜到現在, 他仍然沒有做, 而我在半年前金價1350時, 已經決定去買金, 我不斷耐心地去睇去了解, 直到一個月前左右, 才慢慢來買入現貨金. 

唉..... 這朋友十分可惜的, 可能是他處身的環境吧, 他常常喜歡去某教會, 吃中午飯, 貪些小便宜, 喜歡眼前的小利, 喜歡埋堆, 羊群心態.





2018年8月25日 星期六

埋堆的人, 日子從來不會太好過, 點解?

係我這裡加記的唐人(講廣東話)社區裡頭, 人們因為生在異國, 就比較喜歡埋堆, 以前台山人有好多同鄉會和堂口, 其實都無乜野的, 這些人聚下打下麻雀仔, 不過, 有時生活實在太悶了, 就走埋一齊賭錢, 食煙, 飲酒, 聽人講, 有時更齊齊去風月場所.

後來, 開左幾間廣東話教會, 都好的, 最少活動性質會健康好多. 當中很多人一邊參加教會, 一邊也希望別人來幫幫忙.

其實. 大家中國人又係講廣東話的唐人, 如果在路上遇上有人需要幫忙, 我一定會義不容辭. 我自己跟本就不會理會對方是否去教會. 

我最反感的, 把"幫人"寫入教會教條裡, 甚至有些人入來教會存心混吉, 指意別人財和力, 來成就他們一己私利, 尤其, 當教會大部份人心裡都是想著埋堆, 越令那些一心入教會慕道的真信徒, 其日子越困難了. 

不過, 沒有問題的, 一心信神的人, 心裡有主見, 做事一定會有個方向, 心裡一定有個底, 不會好似埋堆的羊群咁, 這兩種人的人生結果, 係好容易分得出來的. 

就睇股市裡, 埋堆羊群和有主見走自己路的人, 一個風浪打埋來, 羊群個個損手壞腳, 叫天叫地...... 有主見的人, 走自己路, 每一個風浪過後, 越來越有信心, 越來越知道怎樣駕馭風險和人生.

我信神, 又去投資, 自己走自己路, 心裡有神, 內心力量強大, 底氣十足. 我現在能夠咁早退休, 不是我工作出色, 也不是我投資回報過人, 我一生人都是自己慢慢一步步咁行出來. 

當然, 路上遇到不少貴人來相助. 貴人的意思, 不是俾錢我, 俾份工我, 俾股票我, 俾個女友給我(如果咁樣, 這些不是貴人, 而是另一個埋堆的羊群); 而是, 這些貴人擴闊我的視野, 校正我的人生價值, 改變我人生的方位和格局. 

好了, 講到這裡, 一定有很多教會人仕走出來邀功, 不過, 讓我提醒一事, 如果這些人自己入教會一心想著埋堆, 對不起, 這些人對我發揮不了作用, 都只會令我係教會裡邊, 越是受到不公平的對待和批評, 對我人生從來都沒有益處. 

事實上, 我離開了那間唐人教會後, 去不同本地人教會打遊擊, 這麼多年來, 是我人生發展得最快, 最順暢, 最搵錢, 最少受氣, 最唔需要去諸多解釋自己, 別人對我最少誤會和閒言閒語. 

埋堆羊群, 在人群裡盲目跟從著, 在茫茫然人生裡浮沉著, 這個才是最悲慘的人生, 所以, 信神唔好信錯; 所以做牧師D人, 咪做錯, 如果一心想用埋堆羊群, 來壓一心慕道信神的真信徒, 其後果結, 只會是劣幣驅逐良幣, 最後就一定要搬出其他老牧師的名字出來撐場了. 

PS: 好簡單咖咋, 一間自稱是唐人教會的教會, 內裡沒有人肯去學中文輸入法, 個個都假稱"入鄉隨俗"來推卸, 但叫這些人用英文法文, 就更無人做野, 就知道這些人是埋堆性質的會友, 這些人的人生進境, 當然比一心慕道的人, 相差離天萬丈遠了. 

我自己, 曾經有2年時間, 每天一小時坐在電腦前, 慢慢熟習某中文輸入法, 一切都不是突然而來, 都是慢慢一步步咁走, 正如我這般早退休, 也是以前後生時, 一步步咁走. 

當然, 汗水淚水背後, 對我來說, 必定是神的看顧和祝福吧! 大把人, 比我叻, 比我勤力, 比我家庭培育更好, 我自己怎可以沾沾自喜? 看不起別人呢? 

我說以上這些一切,  算是一個警世良言, 無論去教會或不去教會, 參不參加任何團體, 投不投資股票金融產品, 一定要有自己主見, 一定要肯放時間下去, 一定要對自己真誠, 神蹟不是由外致內, 而是由內致外, 先改變自己對事對人的心態

不要自欺欺人, 這個只會是一切人生悲劇的開端, 不會見到最慘, 只會見到不斷的更慘.

2018年8月23日 星期四

乜野話? 當奴友, 你發燒SHORT 左呀?

前日, 當奴友果個競選經理, 被法庭告入左一項逃稅罪, 一項詐騙銀行罪, 都係同佢競選項目有關連.... 又有當奴友私人律師, 係法庭上認左8項罪, 包括違法選舉捐款喎.

昨日, 當奴友佢自己爆嚮口講, 如果佢被人正式彈劾, 個股市會大冧喎..... 因為只有佢先致可以令個市起喎! 無其他人攪得掂個市喎!

嘿, 佢係咪係度講緊, 老美個市一直都被權貴和有錢佬來左右大局呢嗄? 佢係咪係度暗示, 叫人快D拋貨著草走佬呢嗄? 

唔怕, 我JJ一早已經甩貨甩到咁上下, 真係希望當奴友你被彈劾成功, 大市冧番咁上下, 資金抽緊, 到時我又可以買多少少平貨金仔.

PS: 點解當奴友現在驚到鼻哥隆都無肉, 鬼拍後尾寢, 講錯說話, 全因為佢現在用緊總統行政權, 去委派佢D親信擔位要職, 去阻住班友去查佢以前D..... 地產生意, 通俄門, 競選舞弊, 班友現在只係搵緊任何一個突破點, 只需要係單一一件事情上, 彈劾到佢之後, 佢一唔能夠運用佢D總統行政權之後, 佢就無左佢D親信來阻住班友去查佢, 就一齊俾人多罪俱告, 連佢70-80年代D地產舊帳, 都會俾人攞埋出來告佢.

睇落, 佢可能會步突區某突手後塵, 成為老美第一個鎯鐺入獄的總統.


與其猜想中國經濟幾時崩潰, 不如猜......

其實, 講句老實話, 上次中國經濟臨近崩潰時, 是上世紀70年代未, 離開日本侵華戰爭完結卅幾年(把中國打了個稀巴爛的日本軍國主義, 最令人仇恨不共戴天), 離開國共內戰又近卅年(又係打到中國爛溶溶), 離開韓戰後美國對中國全面禁運廿幾年(這次美國估不到沒有了中國巨大市場的世界經濟, 要佢自己一個人獨舞, 原來係少左人在佢經濟衰退時帶動經濟), 離開三年飢荒和文革10年浩劫十幾年(俾著任何一個國家, 一早已經大Q鑊了)...... 

大家可想而知, 中國一個咁大體積的國家, 係幾咁難, 幾咁耐, 才走到經濟崩潰的地步. 

對於美國來說, 中國封國閉關不跟美國做貿易, 其損害跟美國同任何一個國家打一次地區性衝突, 唔會差得好遠. 上次美國反恐, 打伊拉克阿富汗, 用左幾多錢? 用左差唔多美國克林頓政府時美企帶回國的錢, 再加之後佢地地產和金融市場泡沫, 到2008年金融海嘯, 之後, 美國要求歐盟和中國咖仔齊齊大印銀紙來填氹.

其實, 作為華人, 我真係唔想見到中國同美國反枱, 之後就閉關唔再理會美國佬, 這個對世界上任何一個人都無好處, 點解?

當美國用關稅來築起貿易圍牆,  當中國唔再理會美國佬, 自己做自己事之後...... 最先經濟崩潰的, 是一些中小型國家的經濟, 如.... 先前的土耳其, 之後會可能有, 阿根庭, 巴西, 智利, 墨西哥, 南非, 埃及, 尼日利亞, 印度, 巴勒斯坦, 之後, 就到接近中國的菲律賓, 印尼, 馬來西亞, 越南, 泰國, 緬甸, 澳洲.

再講件驚人事件俾大家知道, 當以上這些事情發生時, 會夾雜著不斷有不同國家在脫歐, 直到一個地步, 歐元和歐盟崩潰, 之後, 再產生, 歐洲國家再築起璧壘, 再發生地區性磨擦.

如果以上事情發生時, 世界將會是一個不再一樣的世界了, 不一樣到一個什麼地步? 例如....... 子女想買條新褲, 或家裡想換過部新家電, 都已經不再是輕而易舉的事, 可能講緊係家庭裡一個相當大比重的開支了.


2018年8月22日 星期三

搭經濟順風車真係咁重要?

我JJ可以斬釘截鐵同大家講, 就係咁重要囉.

有網友好奇來問我, 我JJ咁早就可以退休?

係咖, 大把人叻過我, 又勤力過我, 又父母輩積落底子好過我, 我係乎碌撞棍一個呀, 靠住順勢而為, 之唔係....... 道家裡的御風而行的哲學囉, 千祈咪去逆天而為呀, 用人自己的主觀意願, 去妄加在天地萬物的定理之中.

再其次, 必然係我死夠運(換句基督教裡的用語, 就係有上帝看顧住我囉).

大家可能會問我JJ, 來緊這些年的經濟順風車又係D乜? 只有個4字, 收水縮表..... 呵呵呵, 任何人在這未來幾年裡唔好跌錢, 其資產淨值唔好收縮, 咁就算係贏了, 因為在這幾年裡, 一切資產價格走勢, 沒有最低, 只有更低. 

直到幾時? 噢...... 這個易答囉, 直到好似當奴友這種反貿易+反國際合作+以一已自私來踐踏其他人的人, 全部摺埋一邊, 給人用最惡毒的咒語來詛咒得永不翻身, 之後, 才會是你我再出來執錢的大好時機.

係咖, 這幾年內, 除左唔好跌錢之外, 仲要保持健康和精神, 哈哈哈, 如果唔係, 到時點走出來再過執錢呀?

PS: 其實, 大多D教會女教友呢, 都係喜歡一個言出必行, 言行一致的男友, 不過, 我JJ不是不能言行一致, 而是我跟本到今天, 我都唔知點去講出, 我將要去做的事情, 甚至我不知道應該點講我的理念, 有可能, 由一開始, 我心裡想D野, 係複雜左少少, 比較難用三言兩語說得清楚. 

我D阿哥一向都講: "JJ 如果你唔係咁諗野,  成日都話順勢, 你可能學術上有很大成就." 噢, 算啦, 我咁鬼懶惰, 你地班大佬都係咪攪我了, 好似你地咁, 每日工作十幾粒鐘, 我JJ身子無你地咁好, 需要多多休養, 才不會乾水到好似個老人精咁樣. 

我JJ跟大部份人唔同的地方, 我係一個好有自知之明的人, 所以一切順勢而為,  不會不正常的盼望, 不會逆天而行, 更不會隻手補青天.




2018年8月20日 星期一

現在才來移民加記, 小心要同人咩債呀!

我JJ以前一向都無反對人家移民來加記...... 其實, 我就係最近這1年才叫人唔好來加記, 之前, 我都仲係好中性, 十年之前, 我那時在財經版常常都叫人移民來加記, 因為資源多之外, 又有自由貿易, 大把人來買加國的資源, 那時, 活在加國, 實在不愁兩餐.

只是大約係十年前開始, 加國經濟唔係唔好,  已係貧富越來越不均, 人們好似我JJ這些人, 當然不會差, 但換轉很多以前的老華僑來移民做餐館咁, 就一定無運行不特只, 下一代仲會不容易向1上爬, 因為稅好重嘛. 果時, 我都係好中性, 無刻意叫人唔好來, 或鼓勵人們來加記. 

但現在呢, 美加自由貿易凍過水之下, 全球貿易量又出現快速收縮, 如果我JJ現在才移民來, 我好肯定, 我一定唔會咁快就退到休, 仲係度同人齋嗡豬嗡, 呵呵呵..... 

當然, 我又唔係別人, 我JJ只是個小嘍囉, 無乜料到, 咁其實, 人家移民來, 在加記的發展一定比我JJ好啦. 不過呢, 人家在香港或國內, 相比現在加國, 一定發展得更好. 咁, 現在加國已經無順風車搭, 有本事的人, 根本就不用來加國. 再因為加國稅好重, 無必要來加國俾重稅, 將來退休時加國又未必有福利.

講真果句, 如果將來我JJ離開加國, 不是因為住唔慣, 而係如果加記稅率對我這種人加起上來, 我就會走人去第二度生活了. 又無順風車搭, 又要我咩埋佢地果條數. 我JJ一向都無攞佢地福利嘛, 我移民來時, 都無福利攞啦. 我起步時加國政府無扶我, 入藉後我又一直無需佢地扶, 現在我就不會有義務來咩起佢了.

PS: 這幾排, 我時時搭巴士地鐵週圍摃下, 差唔多日日都有幾個人來問我施舍零錢, 好多時, 係好後生的人, 一時之間無錢就走出來, 係公交上問人攞錢應急. 好啦, 遲到下年, 我諗仲多人問人要錢呀, 到時我再諗諗好唔好再搭巴士地鐵了, 因為大家搭係同一部地鐵巴士上, D人生活環境越差, 衛生狀況就更差.




2018年8月17日 星期五

我睇..... 投資金仔呢嗄!

哈哈...... 講句真話, 我JJ仍然等機會, 再入多D金仔, 用來對沖將來的貨幣和物價高漲的風險. 

其實係今年年初金價仲係1350美元時, 我都已經開始立定決心買金來壓倉, 我等左好耐, 十分有耐性, 因為我知道, 收水縮表下的息口會高, 美元會轉強, 一部份資金會由金市抽出, 金價就會向下.

我第一次入係1210個位左右, 現在只是初試牛刀, 因為息口再加時, 美元更短缺, D人就會由金市裡再走資出來..... 

我預計到左1130那個位再買, 不過可能同樣要等6-9個月, 之後, 睇情況啦, 如果加息後, 金價再向下, 咁可能會去到1060, 甚至1000這些位, 咁到時就再入囉!

咁, 大家可能會問, JJ 你買咁多金來做乜呀? 係咖, 我用來溝低個成本價佢丫嘛! 

如果真係到個價到1,000, 再買時, 全部的成本價就當然不會1210啦, 但係金仔一到資金不再由金市抽出時, 金價就會喘定再抽上, 到時金價回到1350-1400果D位, 實在係好平常咖咋!

如果金價返到1350-1400後, 我就減持金仔囉, 直減到我目標的那個數目呀!  這樣, 我不單可以減低我個成本價, 更可以賺一筆回袋裡.

PS: 當然, 這種策略性行動, 是十分需要耐性和紀律呀, 還要D錢係未來2-3年內, 唔急住用囉. 還記起朋友仔講..... 財不入急門呀.


實在太多人工呼吸了, 暫時未能宣佈牛市已死.

前幾日, 才醒起我D加國退休基金RRSP(好似香港強積金咁, 買投資基金, 但自願性質, 可以用來扣稅), 放係投資基金上, 雖然我已經係年初, 由最高級別第五級風險, 降到第二級, 但我仍然唔放心, 打電話去改到保本定息.

電話果邊D銀行投資顧問同我講, 定息低過通漲喎, 佢還想叫我升高一級風險, 但被我堅持要保本定息. 佢就來問我: "你做乜咁驚? " 我就答佢, 風頭火勢, D錢這幾年唔蒸發少左, 唔跌錢, 就係贏咖啦. 

聽個投資顧問氣定神閒咁係度講, 我這樣會被通漲浸蝕左我D錢, 不過, 我心裡卻想著, 我就唔信資產價值再會澎漲下去. 我最多係蝕零點2個百份點. 唔怕, 我做慣投資, 我唔怕蝕這些小數目.

之後, 我再打去投資行, 又係轉我D退休金 - TFSA(所有退休金以外, 又一種免稅退休戶口), 放左係小公司的基金上, 雖然都係有政府擔保, 不過, 我聽過香港投資行以前推雷曼迷債果D野, 我決定由小公司基金, 轉去大公司保本存款. 電話果邊個職員梗係唔想我轉, 聽佢口氣, 就知道間投資行收左間基金公司豐厚佣金. 都係..... 堅持之下, 才做得成.

所以, 大家決定了投資方向後, 就要堅持到底, 唔好俾人說說下而改變初衷. 

不過, 聽現在D人講得多後, 看來量寛10年令人對現在收水縮表麻木了, 人人都仲係度憧憬今後仍會有過去量寛10年的回報和市場上升軌, 這個是十分危險的, 不斷有人憧憬繼續升, 就不斷去托住個市, 好似地震海嘯咁, 一下就會崩潰落來, 那個衝擊力是十分恐怖的.

PS: 一睇今日升左咁多,  就知道又係當奴友係度上下其手, 做洒手腳. 邊個敢唔聽佢指, 係佢中期選舉前, 出來救市, 將來一定會無運行. 佢心狠手辣, 當然唔會有人想以後都要摺埋一邊無得撈啦.




2018年8月15日 星期三

貿戰裡的誤點.

在人人都談及貿易戰的時勢之下, 我JJ自覺要出來, 解解話, 好讓大家思考時, 心中有個底啊! 嗱, 大家咪話我長氣侵氣呀.

1. 在熊貓國現在是沒有太多底氣, 同老美開打貿易戰情形下, 有人會問, 為何集大大唔蹈光養晦? 係都要走出去同人爭? 現在攪到人家要來找晦氣. 

其實, 老美家陣加關稅, 如果熊貓國乜都唔做, 只會慢慢跌入老美包圍的圈套裡, 老美只會慢慢咁加上去, 跟現在熊貓國反擊, 最後結果係無分別, 唯一分別係, 老美當奴友現在有個借口來加, 不過, 借口這家野, 口在佢身上, 佢要講乜, 都好容易找到.

一切都都是老美處心積累, 打到埋來, 唔通唔應戰咩? 所以這次熊貓國是被迫走出來應戰的, 就算老美最後贏, 都要增加佢今次貿易戰的成本和風險, 等佢下一次唔敢好似今次咁輕易來撩事生非. 

2. 在貿易戰之下, 熊貓國高層裡頭, 不斷傳出不和同內訌, 其實, 這些只是外界的主觀假想. 

對老美發動貿易戰來個反擊, 令其貿易戰成本高昂和風險巨大, 這個必定是熊貓國高層內的共識, 只是當中一些做法和時間表, 一定不會人盡相同嘛! 

所以, 貿易戰後的世界大勢, 必定不會是蘇聯解體後的世界融合大格局, 將會是...... 各國自顧自的國家發展和經貿佈局, 不再是互動, 不再用加大產能來推低物價.

3. 2008年時, 熊貓國4萬億經濟振興方案, 配合老美QE大印銀紙, 現在有人說, 這個是一個很壞的政策, 讓中國今時今日的經濟出現問題. 其實有一點, 這些人不會想到, 如果沒有老美首肯, 再加上歐佬和咖仔一齊咁做, 熊貓國這樣單方面印銀紙, 一定會俾人來衝擊. 

就係因為老美俾熊貓國咁樣大印銀紙, 再加上原本熊貓國的豐厚儲蓄, 正是熊貓國快速發展的千戴難逢機會. 任何一個對國家有抱負的政治人, 都不會錯過這個為國家做正事實事的大好機會. 當然快速發展的背後, 就是刀山火海, 騎虎難下的政治艱題和生態了. 全都是那一個"我為天下人, 拋頭顱洒熱血"的豪傑情懷. 也是那句: "江山如此多嬌, 引得英雄也折腰."

4. 最後, 講回去老美, 老美決策者一向都不用"發動貿易戰"來形容是次的一切, 他們口裡, 大多喊著...... 爭取應得的公平和無璧疊的自由貿易, 所以, 他們用關稅來做開啟門鎖, 之後的一切, 就可以用其他方法來打了, 可以無所不用其極了. 

所以, 如今貿戰只是頭盤菜, 還未到金融戰, 匯率戰, 貨幣戰, 資源戰, 消耗戰, 到最後可能的地區性衝突, 現在可能已經揀定, 係土耳其開始打起...... 

PS: 希望只係我JJ烏鴉咀, 我一定唔會講岩咖, 世界太平無事. 好吧, 就這樣去想吧, 可以今晚有覺好睏了.




2018年8月14日 星期二

當奴友的單邊美國優先下, 量寛是否成了絕唱?

一直以來, 都有人講, 量化寛鬆是日後經濟政策的主軸線, 就算現今停了量寛, 去槓桿去過剩產能, 日後仍要靠量寛來帶動新一波的經濟發展.

我JJ聽到時, 都係半信半疑咁啦, 但一見到當奴友家陣實行的單邊主義美國優先政策, 我JJ就開始想著, 美國還可以自攪自家的量寛, 但如果要攪番好似2008年時的.... 由美國, 中國, 歐盟,日本齊齊同事量寛, 就可能是絕唱了.

就看看現在美國收水縮表的情況下, 環球貿易量還未能一時三刻跟得上去收縮, 就出現美元短缺的情況了. 即係, 現在老美自己急尿急屎, 唔理其他人未夠時間除褲踎低, 佢就已經舒服哂了, 留下一大灘蘇州屎了, 其他人要聞佢D..... 哈哈哈.....

係咖, 2008年時, 個個國家都有傾有講, 同一時間一齊去做同一的量寛, 只係咖仔遲左DD. 當時, 各國都唔洗驚對方會出古惑, 過自己一幢啦. 相反現在, 美國當奴友單邊主義美國優先下, 成日都有人覺得, 俾別人過左唔只一幢. 

其實, 老美2008年時量寛, 如意算盤...... 係其他國家一齊量寛來買佢地過剩產能, 點知其他國家加大印銀紙後, 有意無意之間變成了..... 其他國家也加大產能, 令到老美產能過剩, 唔單只得不到解決, 而且, 老美產能過剩越來越厲害呀.

嗱, 就咁樣, 現在情況係..... 下次老美再敢量寛去解決產能過剩時, 不單不能指望其他國家會來買佢地D過剩產能, 其他國家都會跟住量寛,  來擴大產能, 跟美國爭天下第一嘛!

所以, 老美如果下次真有量寛, 都唔會好似2008-2012年果個量寛咁大咁廣泛, 而且仲要係皮杷半遮面咁去做, 慌死人知道咁...... 現在我JJ最希望的, 係世界唔會回到80年代末時的全球情況, 滯漲驚人. 不過, 都要做好準備, 因為世事絕有可能變得逆境逼人.

PS: 老美象黨和驢仔黨呢, 現在的外交政策是有左共識的, 不過, 這個並不代表他們兩黨的執行方法係一樣, 象黨由阻住殊頭開始, 都係一直以美國優先來做招來, 而驢仔黨大多都是給人一個全球互動的型象. 現今當奴友攪到咁串之下, 日後就算驢仔黨當選, 其全球互動理念將來受到很大的質疑和不信任了. 一切量寛都不會好似以前咁有效了, 世界經濟若想再好似2008-2017年咁, 可能在我們這輩人有生之年, 都不會見到.



2018年8月13日 星期一

人生的陷阱

最近台灣有人做民調, 叫人用單字來形容2017年, 結果...... 八大字上榜: 茫, 勞, 憂, 亂, 虛, 盪, 滯, 厭...... 

嗄! 乜話, 2017年喎? 已經係唔錯的一年了, 乜台灣人們都仲係睇得咁負面...... 

如果2018年真是有金融風暴來臨, 我JJ真係好奇, 想知道佢地到左下年, 會用D乜字來形容2019年了.

大家可能會問我JJ, 你那邊滿地可D人又點呀? 咁, 法裔人仕囉, 睇野樂觀D, 正面D囉. 嗱, 這裡有20-30%的人, 生活在貧窮線之下, 即是得不到全面的溫飽咖, 可能我這邊溫飽水平比香港高一點, 不過始終都係貧富相比之下的差距. 但我這邊有50% 以上的人, 幸福指數達到世界高位, 即是我這裡是個充滿幸福感覺的地方囉.

不過, 這裡西人幸福指數高, 並不代表唐人會樂觀一點, 相反, 我發現, 我這裡的唐人, 不會比港台人們更樂觀, 尤其是唐人第二代, 就算他們在這邊出生長大啊!

我去左唐人教會咁多年, 就以我最頂佢地唔順的2001-2002年為例, 經濟不差呀, 人人都有份工, 搵到啖食咖, 不過, 以上這八個大字 - "茫, 勞, 憂, 亂, 虛, 盪, 滯, 厭", 正好十分適合地形容佢地D心思. 

其實, 別人諗野負面, 也跟不關我事, 但這些人一見我JJ笑口常開, 就同我好唔妥咁, 好似我欠左佢地十萬8千七咁. 我明白, 教會有好多人係靠人幫, 包括埋這些人自己, 人們幫了這些人, 這些人卻生怕人家要求佢地回報, 所以就係我面前多多聲氣, 驚死我會有天開口咁.

最慘就是, 這些人唔知道佢地諗野負面, 正好阻礙佢地人生的境界, 反而以為佢地負面得來, 係人人都應該咁諗野,  但又唔知道佢地自己已經攞哂著數, 更說我JJ這個不是, 那個不好. 

好啦, 其實我行開一D, 我自己都無講佢地任何不是, 只是我唔理佢地, 就有更多的指責了. 

我JJ十分明白, 這些人有個人生大陷阱, 我幫唔到佢地了, 就算這些人話佢地自己係基督徒, 都脫唔到胎, 換唔到骨. 

金融風暴如果今年到來, 我JJ十分有興趣想去知道這些教會人仕怎樣去面對, 是否仍舊愁眉苦臉? 一肚愁腸來互相責難? 繼而來個教會內訌分裂? 還是, 越發有信心? 最少都要好似我JJ咁, 笑口常開吖..... 係嘛?

最近網上見到一位以前的教會人仕, 2002年那時, 正好用那8大字來形容佢, "茫, 勞, 憂, 亂, 虛, 盪, 滯, 厭", 過了這10年的全球放水印銀紙, 加國政府大洒公帑來支持他工作的企業, 佢現在打出來的頭衍是 SENIOR ANALYST, 其實, 我也為到他開心的, 只是當加國政府赤字加債台高築, 息口高企時, 這位教會人仕將會最受影響, 希望他的想法一早已經不再像以前般的"茫, 勞, 憂, 亂, 虛, 盪, 滯, 厭"了, 咁樣, 他才可以自救, 才可以安然渡過可能發生的困境.

我JJ講左咁耐, 大家明唔明我講乜呀? 實在想同大家講, 今年明年就算點差都好, 都要樂觀D,  可能一切機會都在逆境背後呢.








2018年8月10日 星期五

移民加記, 真要想清楚, 加記已經唔係幾十年前的加記了.

昨天揸緊車, 聽電台節目, 主播問D人會否不再跟父母同住, 搬去別一個城市生活.

就有人打上去講, 佢準備搬去多倫多, 點知個主播問個聽眾, 是否準備了一天工作18小時來應付多倫多高昂的生活費?

噢...... 講到這裡, 乜話? 一天工作18小時? 這個不是新奴隸世代嗎? 天然資源優厚的國家如加拿大, 現在竟然變成"艱難大"的國度嗎?

YOP........ 我就走去計計數啦, 數口咁精細的人如我JJ呢, 就得出..... 個主播係指, 如果要係多倫多想在應付生活費之外, 再加上儲錢俾首期買樓, 再加日後俾錢供樓, 以現在多倫多樓價, 一個手作仔, 就要一天工作18小時. 

大家可以思考如果大家移民來加記, 又想係最多唐人的多倫多落腳生活, 就要考慮一下, 加國本土長大的人, 在現時多倫多生活指數下, 就係咁樣去爭扎買樓, 以祈有個安身之所. 

幾廿年前, D老華僑過來加記, 開餐館或做餐館, 那年代雖然留係餐館時段長, 10點開始, 留到晚上9點打垟, 但中間下午2點到5點, 基本上都係可以休息, 實質都係做8粒鐘咁上下. 

就算係小鎮開咖啡店, 都係早上6點開來賣咖啡甜餅, 去到9點, 等班FARM 佬去左開田, 就無乜野做到11點多D, 再開午市賣雜碎炒飯同MEAT BALL, 到左2點又透透佢, 再到5點又係賣雜碎炒飯同雞脾, 再加啤酒D小酒水. 鎮仔細埠D西人早睡早起, 差唔多7點多D, 就返歸了, 8點可以打垟, 臨睏前煲煲電視帶佢, 就好開心咁去睏覺覺豬了. 連揸車上落班都唔洗, 因為係前舖後居.

以上D老華僑咁樣, 就已經可以有錢買屋供子女讀完大學, 到搵夠錢, 就賣盤賣俾下手老華僑來接手, 搬去大埠度買屋退休生活了. 

不過, 我八幾年時來到加記果陣, 就已經有唐人社工叫人唔好做餐館, 實在太多人做唔掂, 蝕錢執笠去搵社工來幫忙. 

到今時今日咁樣的時勢, 土生土長西人係多倫多都要做18小時, 才有能力置業安身, 更不要說沒有語言優勢的中國人了...... 

由現在開始, 加國又再無左同美國的自由貿易, 又或個條款會改到對加國不十分有利, 可以想像係加記搵食, 將會變得更困難.

我不是嚇大家, 加記現在有很多人已經係白忙族, 可能講緊25%左右,  我估在將來, 會增加到50-60%左右. 對很多由外移民來的人, 這種社會狀況是十分不利的. 

PS: 係91年果陣, 我去多倫多食飯, 入去士嘉堡間餐館, 當時個生意環境差到, 投資移民的太子女, 都要行出來做侍應了. 當時我JJ點D餸平左D, 都被個太子女來白眼一番. 咁樣的環境之下, 一大柵香港人真係無乜好做了, 連消費都俾人白眼, 就不好去消費了, 由得個太子女和佢屋企人慢慢陰乾落去. 

當中有好多人, 未到97, 都已經要回流回港再搵過D銀了, 當然, 他們一遇就金融風暴. 

大約到左95-96年, 士嘉堡D餐館服務又好左好多, 那時, D人才認識到, 加拿大實際上是叫"艱難大"..... 哈哈哈.








2018年8月3日 星期五

貿戰因果背後, 是否..... 去槓桿=去產能=滯漲嗎?

近來, 我心裡一直在問, 金融市場上, 人們成日講"去槓桿", 相信這10年裡, "去槓桿"都是世界大趨勢的主軸, 但一到工業巨頭中間, 他們會否說, 這個根本就是"去產能"? 又或去到經濟學人中間, 他們會否說, 這個是不折不扣的"滯漲"?

問完這個問題之後, 又到我JJ出來講故了, 嗱, 我又係講中美貿戰前因後果啦..... 欲知今世果, 須知前世因啊, 呵呵呵......

老美以前90年代, 佢地打乜乜算盤呢? 當然係指意中國幫佢地應對人口老化所產生的問題, 初時容許中國賣野低廉貨品去美國, 壓低美國人的日常生活開支, 最後可以壓低美國通漲.

之後可能到98金融風暴後, 老美專心發展重工業的後果, 就係開始產能過剩, 佢就諗到中國可以幫佢吸收果D過剩重工業品, 就幫中國加入WTO, 咁..... 大家有眼見, 老美工業股自從果時開始, 升得唔錯, 當然無科技股咁升法啦.

初時, 中國真係做到, 幫美國吸收佢地D產能, 只是歐美加埋起來, 產能又過剩之餘, 而且越來越厲害, 到左2008年金融海嘯後, 中國都仲係度配合緊美國, 也加入大印銀紙的行列, 加大力度來買美國過剩的產能.

只是, 中國自己本土, 要求發展本土重工業的呼聲日益高漲, 而且, "紅乜代"不時想起, 以前中國大買蘇俄的烏克蘭大花布, 後來變成東北大花布了, 情況跟現在跟美國略有相似, 之後中蘇反目的後果, 令到他們不能安寢.

大約到左2010年開始, 中國開始大力發展自己的重工業和高科技產品, 2014年更開始加大出口, 跟歐美競爭市場份額, 產能過剩問題就越演越烈, 而美國本身不單沒能解決產能過剩,  美國本土工業產能過剩和就業, 根本沒有起色, 美國雖然繼續QE下去, 前後玩了3次, 都無補於事..... 2013年開始, 美國知道無止境的QE下去, 跟本解決不到工業產能過剩這個全球性問題.

所以, 就開始計劃縮水縮表之餘, 更向全球重工業持份國, 如歐洲和中國,  要求彼此協議減產, 當然, 我們見到的, 中國還好一點, 陽奉陰違, 但歐洲就從沒有聽佢地支笛.

之後....... 大家就見到現在的貿易戰了....

如果有人說, 歐美聯手經貿圍堵中國, 現在實情......, 只是老大老二壓老三, 壓完之後, 看看還要再壓多幾多, 歐美才會正面交烽的.

如何令到老大轉軚去壓老二, 這個才是現在老三的智慧所在, 蹈光養晦....... 不是不出去跟人爭, 而不是跟人爭第一, 最傻係....., 點解現在老三去找老二, 聯手壓老大? 除非老三一直誤以為自己係老二吧!

 嗱, 大家要睇清楚...... 現在世界出了衝突, 大家要去分清楚, 這個衝突本質, 是否可以妥協? 是否可以避免?

就算...... 一切都可以妥協和避免, 沒有1到2年, 曙光都不會出現. 

但...... 如果全都是不能妥協和避免, 那就無番最少10年8載, 都不會再回復返到新的平衡點. 大家如果好似我JJ咁, 係投資人來咖, 就要諗清楚何時才是重新入市良機. 大家如果想加入短炒大軍, 這10年裡, 都係風高浪急, 沒有最低, 只有更低, 當然會有人會說"時勢造英雄", 但我JJ大吉利事講句, 有可能係英雄塚呀.

大家應該要時不時來問問自己, 過了今年明年的狂潮, 未來10年, 世事的主軸線是否仍是......, 去槓桿..... , 去產能, 滯漲...... 嗎? 千禧世代中人裡, 可能在他們有生之年, 會看到我輩中人裡, 任何人都未曾見過的嚴重危機和紛亂.















2018年8月1日 星期三

當全球股票指數, 再不能反映實體經濟活動時......

嗱..... 大家, 這個就係現在的實況了, 唔好講話當奴友是否上台, 就算佢未上台前, 我JJ係2008年開始, 就不再相信 股票指數, 能夠反映實體經濟的活動了. 

老美兜兜指數由2008年量寛開始, 我就已經不再睇住指數來投資, 只會睇住股票公司的營利和未來業績. 

尤其在加息週期的關鍵時刻裡, 營利和未來業績走勢, 將會決定未來回報, 和自己個人的財務健康. 

我JJ一向叫人投資於他們自己的退休, 買左隻股票, 放埋一邊咪理佢, 有股息收股息, 無股息就睇住佢生意越做越大, 不要太短視, 只單看今天明天股價升跌. 

投資係舊磚頭都係一樣, 回報有幾多, 才是最終決定那舊磚頭到底值幾多錢. 當然, 單一單位的物業, 其價值十分容易睇, 但一到多單位的一幢物業, 管理是十分重要, 管理好, 維修成本低, 物業本身的價值就會高.

一切都是學問和技巧來咖, 總之, 人一天活在世上, 就要不斷適應新的社會環境. 不過, 慶幸的, 我年青人生起步時, 社會競爭少, 世情一切簡單好多, 容易起步, 今天的年青人就沒有我以前般的容易.

PS: 大家可能會問, 為何全球股票指數, 不能反映實體經濟活動?

其實, 量寬放水後, 很多錢並不是走入實體經濟裡, 來發展和壯大生產力, 而是走入金融衍生市場裡, 主要因為回報較高, 也因為人們習慣了金靡摩粉的紙醉金迷生活, 不像我JJ咁去看重實業, 看重社會之本源, 人之本, 人與人之間的本位. 衍生市場現在扭曲了整個市場和指數, 讓人沉醉於一片歌舞昇平之中, 而察看不到將要來的艱苦日子, 實在令人想起伊索寓言了, 食人的妖精, 總是讓人忘記一切危機的, 只管玩樂.

其實, 如果我照常理咁去結婚生子, 就不會可以這樣早退休了, 有時, 我真不知道, 我要多得以前那唐人教會那班混人, 還是要罵佢地好了. 不過, 又唔好對結婚生子太悲觀啦, 以我JJ的做人做事態度, 就算結婚生子, 都一定會有個十分舒適的退休生活. 

當然有些人拍拖時已經一身咭數, 結婚時更要向父母家人開刀,之後買屋又要作了父母一大筆, 到供養子女和去遊埠時, 又要當間屋係提款機, 這些人就算一生裡遇不到經濟衰退, 他們父母和夫妻和兒女, 生活都不會有好過的日子. 這點, 我可以筆定包單, 這種世事絕沒有例外.

2018年7月31日 星期二

當奴友 將會成為被咒詛的代語詞!

今天 老美著名重工機械 CATERPILLAR (好似三菱重工, 或國內的三一重工咁)宣佈破紀錄的營利, 並派發破錄紀的股息, 原本係好消息, 點知個CEO 披露, 因為貿易戰, 今後佢地生意額將會萎縮, 噢..... 晴天霹靂呀, 咁就股價下跌左2%, 嗱, 真係要拜那個可惡的當奴友所賜, 明明好有錢途咖嘛, 現在提早收爐了.

除左這些工業股外, 還有糧食股, 肉類股, 熊貓國一話唔買佢地D野, 股價齊齊插水30%...... 

好了, 今天係  CATERPILLAR 未派成績表之前, 我JJ襯住市場還好有氣氛, 已經放哂我D老美工業股了, 揸左12年, 回報都不俗啦.

為左令我JJ日後的退休生活更安穩, 我決定日後侯準時機, 買入肉類股, 糧食股, 農業肥料股, 能源股........ 這些股票就算金融崩潰, 都係基本的衣食住行相關行業, 一定會有錢途, 藥可以食少D, 但糧食不可以缺少.

看來科技股在金融困難時期, 會比較困難去酬集新資金, 股價會受壓, 什麼的FANG 或 FAANG, 大家要留意下了. 


2018年7月30日 星期一

如果世界金融崩潰......?

其實, "金融崩潰", 跟"經濟崩潰"係兩回事, 經濟崩潰是經濟活動停頓, 一切生產和商業活動告吹, 而金融崩潰是集資出了問題, 借貸出了問題, 妨礙了正常的工業生產和商業活動, 但兩個個體之間仍然可以SIDE-DEAL. 

如果說世界經濟會崩潰, 我想, 除非爆發世界大戰, 回到18世紀, 火炭工業年代囉, 實際上, 不會發生啊; 不過, 我們應該去思考, 如果有一天世界金融會有可能崩潰.

不過, 金融崩潰是否代表..... 或引發......, 一切法律/合約失效? 股權/擁有權失效? 如果不是..... 我們還可以有得救, 如果唔係, 那就真係世界大崩潰了.

金融制度可以再重建, 但法律/合約/股權/擁有權, 就不能推倒重來. 

不過, 金融制度如果真是崩潰, 重建之後的世界, 一定不會比現在更美好, 就算之後, 中國能成為世界經濟大國, 中國人再次成為天朝大國, 都不會是普遍任何一個中國人的美夢啊! 大家要記緊, 今天的中國仍是共產主義, 尚未有擁有權制度, 只有使用權的觀念, 推倒重來的世界金融, 就算中國能夠脫穎而出, 都只會是大多數人的財富集中在幾個人的手上, 何必想要咁呢?

講回金融崩潰, 如果真是有天來臨, 如果之後真是要重建的話, 都一定是以實體生產力為基礎, 誰能生產最多最好的糧食? 誰能生產最好最有成本效應的工業製品? 誰能提供最好的商業服務? 

這幾個問題的答案, 可能大家唔洗諗太耐, 都已經心裡有個底了. 最終的得益者, 大多不會是我們中國人了.

維持現金融制度不致崩潰, 可能是最合乎我們中國人的利益.

我每次見到老美當奴友, 係電視上裝癲詐瘋的樣子, 我就心裡意會到, 原來現在最想現有金融制度崩潰的人, 和最後得到最大利益的人, 原來係當奴友那一伙的人, 又或幕後那些支持當奴友的大老闆. 

所以, 咪BUY D人講金融崩潰, 因為最後失去最多的人, 是我們這些小資產階級, 只有幾個爛鬼銅錢, 但又無牙力又無話語權的小人物. 我JJ呢嗄, 都係留係加記好了, 因為還可以西瓜靠邊大, 企係最多人果一邊來維護自己的權利.

講到這方面, 我JJ最有自知之明, 我是人間騎呢啡, 襯住明星撈配角, 一切都要分清莊閒啊, 我無咁把炮, 我就唔好咁大想頭啊! 什麼的亂世出真英雄, 什麼的英雄做時勢, 都係小說成書背後的一班窮鬼書生, 在窮途潦倒時, 係茶樓講故仔, 希望聽眾俾多幾個錢打賞的絕活而已. 

其實, 世界已經有大老闆係度打骰, 而且仲係度不斷放出煙幕假象, 我們一眾小人物唯一可以不中計的方法, 就是心存一個善良的心, 不斷希望現今世界向好, 不斷為現今世界而努力. 當然, 我們也要防備一下這世界的金融會崩潰, 做下準備工夫囉.




2018年7月29日 星期日

就如天要下雨., 再不能逆天了, 中國人口要老化, 老美要加息, 不再是零利率了

其實, 由90年代初, 我常常同朋友講, 小心2010年, 因為美國踏入退休潮, 通漲會高, 息會加.

只是由2000年中國入世開始, 中國貿易, 不單為中國創造發展機會, 更幫助美國大大壓低通漲, 最終, 令到老美可以減息減到接近零息口. 

2008年, 老美金融風暴後, 量化寬鬆, 中國跟隨4萬億振興經濟方案, 令到美國量寬得心應手. 當時如果中國唔跟住量寛,  中國就會衝著美國的量寬了. 當時, 中國國策, 仍然沒有跟美國對著幹的意圖.

只是到了2009-11年左右開始, 中國基本國策來了個大轉變, 首先, 對長期跟老美配合起了厭倦之心, 其次是, 中國4萬億揼水的後遺症, 開始浮現, 開始不滿美國救了自己國內經濟, 而中國社會卻問題日益加深. 

其實, 如果中國不改變國策, 美國這個零利率遊戲, 是可以繼續玩下去, 直到中國再沒有餘力, 或再不想, 為美國壓低通漲. 

現在, 客觀環境表明, 中國不想再去為美國, 又或中國或許已經再無能力, 為美國壓低通脹了. 

所以, 就開始了老美的收水收表和加息了, 美國經濟政策和衰退背後, 其實是夾雜著中美兩國相互政策的大改變. 什麼什麼的貿戰, 什麼什麼的技術制裁, 什麼什麼來緊的金融風暴或金融戰, 再到貨幣戰....., 經濟圍堵中國, 都是中美兩國國策改變的必然外表表徵. 

我JJ一眼看穿問題的中心點, 但實在無力補青天呀, 希望中美還有數講, 還可以傾掂佢, 拆掂佢. 如果唔係, 就要等到一方知道自己唔掂時, 才有轉變的餘地了. 

PS: 正如我昨日同大家講, 有自住物業以外的物業, 就要鬆鬆佢, 再唔係, 就要賣其他資產來令自己的物業負債降低. 減債或增持現金, 是對抗風暴的良方.

最後, 最大一個問題是, 人們習慣左10年來的零利率, 洗錢係咁習慣左, 投資又係咁習慣左, 預計投資回報又係咁習慣左去預期, 好易奶野的, 尤其在經濟恐慌之中, 好多人都會好似鬼上身咁, 做錯更多的事情來. 對但求三餐一宿的人, 他們對生活容易滿足, 不用開豪車, 不用過富豪生活, 清茶淡飯就開心了, 這種人在世事重大逆轉中, 將會較少做錯判斷.

其實, 我離開果間唐人教會時, 仲係2002年, 那年經濟唔算差, 但都不會好像來緊下年或後年咁差, 佢地都可以因為佢地自己仔女, 來谷到我咁慘, 有心要攪串哂. 看來一到下年後年, 這些人如果還未覺悟前非, 沒有悔改, 以這種經濟環境下的恐慌來估計, 佢地一定會互相之間, 發生大型衝突. 到時, 這些人不單笑不出口, 而且見到我JJ生活不錯, 一定會更加怨天尤人, 又來壓我大我一番, 不過, 佢地現在都再無機會來攪串我了, 這個是唯一可以安慰的地方.


2018年7月28日 星期六

中資班水回家?

大家睇完我上一篇, 講國內同胞開的旅社, 虧欠了1千1百萬加元.

其實, 內裡的故仔係點, 可能大家心裡都有個底了. 正如很多國內企業文化咁, 最初搶灘搶市場份額. 

不過, 發展到最近, 內裡的故仔呢, 我JJ估呢, 係關最近國內發生的事有關, 大約有可能係很多同胞企業, 要班水返去國內, 現在見到的, 只是棄車保帥的做法. 

有報導稱, 中國買家在美國加州某地地產上投放的資金, 錄得負數, 一個月內買入1億多, 但賣出卻是十幾億.

嗱, 這個有可能是海外的同胞, 班水回去的先兆. 當中原因...... 真不知道是怕老美會凍結中資, 還是真正有需要班水回去救了.

致於, 在香港的同胞資金, 我想, 將不會是最先調回去的那些, 將來會否調返去, 我實在不知道.

不過, 好似我JJ咁, 自住物業, 就無所謂啦, 但自住物業以外的物業, 在有錢賺情況下, 就不如鬆鬆自己的心理負擔了, 唔好摸底摸頂來試圖賺盡佢, 安樂自在最重要. 

PS: 我會清出我那些低股息的工業股出來, 而留下醫藥股/食品股/油管股/金仔, 作出策略性的瘦身行動. 

我自己就不會做到"一股不留", 太極端了, 因為我留下這些股, 不單股息好(保證到我的退休生活質素), 而且更是多年前買入, 感情是其次, 最主要是我現在賣出, 要俾很多稅, 不像香港唔洗俾稅.

回想番起, 90年代初, 我朋友同我分道揚鑣, 佢去炒外匯, 我去買藍籌股, 佢無左10萬美元, 那時是很多錢, 如果我果時有這10萬美元去買藍籌股, 我JJ可能在2009年時, 就己經可以退休唔洗做了.

2018年7月27日 星期五

我這裡華人旅行社發生左一些問題.

我這裡有間華景假期(Sinorama Inc.), 報紙報導後, 才知道係加拿大最大的由華人經營的旅行社,該公司的中國旅遊團因其價格便宜(真係平到1-2百美金),在當地非常受歡迎。

前日, 魁北克省消費者保護辦公室(OPC)宣布華景假期被托管時,令不少人感到意外。該辦公室說,做出這個決定是因爲“華景假期在對客戶付款的管理上沒有遵守相關法律”。(即係, 用現在未成行顧客的訂金, 去維持現在出發顧客的行程.)

OPC的公告說,托管者的職責是保護華景公司顧客,讓正在途中的人順利完成旅行,行期在即的人按原定條件准時出發,然後按動身日期的遠近逐一處理余下的卷宗。

今年五月曾有報道說,華景假期出現了將近1100萬加元的財務虧空。但華景假期否認,宣稱自己財務狀況良好,並指責記者歪曲解讀數據。


PS: 嗱, 我就希望這些事情, 不會在外國的華人企業圈子中, 造成太大的壞影響, 希望他們一切平安渡過, 唔會有資金鏈問題.  因為, 佢地有上游和下游公司, 大多數都是華人自己人, 就好似連橫船咁.

2018年7月25日 星期三

係咖, 我JJ服務和頁獻社會, 係可以找人代我做咖!

今天行左半粒鐘之後, 立刻坐低, 來度的血壓.


真係唔錯喎, 現今很多廿零歲的朋友, 都可能係咁上下咋. 

其實, 如果健康係財富, 那麼, 這個財富就是可以帶來帶去, 能夠收埋係自己身上, 而且係別人不能偷, 不能搶, 不能呃走, 只能一拍兩散, 一槍打過來, 或一枝毒針打過來, 令其灰飛煙滅. 

還有, 健康這財富, 入到教會, 又真係唔可以好似錢咁, 被人分左去做我自己唔知道的事情.

咁, 今日我就立刻傳幅相俾我D阿哥, 同佢地講, 我身體健康應該有排肴, 應該可以一路咁睇住我父母, 就叫佢地唔洗分心來理會父母了, 叫佢地係醫院專心去救死扶傷, 叫佢地係大學專心教多D叻人出來.

我咁來睇住自己父母, 我D阿哥在服務和貢獻社會時, 我就當佢地做埋我果份, 就當佢地為我去服務和貢獻社會了. 我就穩妥咁睇住父母, 咁就得了, 這個就係一家人彼此分工合作.

這樣的效果, 一定比係教會好, 尤其如果仲要我對著以前間教會班混人, 一定效果很差. 我照顧好我父母, 我班阿哥咁醒, 服務和貢獻出來的一切, 比那班教會混人胡混出來的, 果效一定大百倍千倍. 我係講緊大學裡每年十幾個研究生, 醫院裡每年幾百個係鬼門關兜了一轉的病人.




2018年7月23日 星期一

我係隻"無腳雀仔"

噢, 大家咪以為我係度吹水唔抹咀, 咪以為我係一個文人, 就用香港文壇上D男人身型來估量我呀....... 

哈哈哈, 有次回港跟團上大6, 團中大部份都係跟我差唔多年紀的中佬中嫂, 當然還有中女呀! 咁我單身一人, 個團群體活動後, 我就策動佢地去我攪D個人活動, 其實都無乜野姐, 去行下土特產店, 去行下文化公園, 去行下本地人街市, 買新鮮貨仔帶返香港.

最後, 我見班友咁攰, 所以, 我策動最後的一個活動, 我就自己去行山了, 行上那裡最高的1千米山, 同獅子山咁上下啦. 落來後, 我都係好心咖, 見佢地無力行上去, 我就俾D相佢地睇, 等佢地知道由上面望番落來係點樣. 

咁, 就有一位中嫂牙恨恨咁講我係"無腳雀仔, 一直在飛!" 

其實, 就算我真係一直咁飛, 我仍然覺得好悶喎, 如果要我好似佢地咁悶, 我不如死左佢無咁嬲呀.....

我都覺得, 用"無腳雀仔"來形容我, 十分貼切的.  我一直覺得, 身邊多左個人, 如果又好似我以前係教會遇上的女教友咁, 我真係覺得, 一個人比較合適我了.

大家可能會問, 香港文壇上D男人會係點樣款? 哈哈哈哈哈...... 前幾日, 我係個女網友BLOG上見到這幅野, 名為"玉樹臨風", 大家看看圖中個公仔, 是否入型入格呢嗄?



PS: 提議大家, 我JJ係著30吋褲頭咖喎, 著鬼佬細碼衫, 即係大家見到14-17歲鬼仔果種身型呀.

2018年7月19日 星期四

加燦買加股的策略

加國公民居住在加國, 買加股收息, 比買非加國股收息, 個稅率會低好多..... 因為有 CANADIAN DIVIDEND TAX CREDIT, 就以 魁省居民為例, 65歲以下, 免稅額是1萬左右, 如果只有單單股息收入, 因為CANADIAN DIVIDEND TAX CREDIT, 變成初頭的3萬9千股息收入, 就不用付稅了, 如果是65歲以上, 免稅額是1萬5千, 那免稅的股息收入就更高了. 

嗱,  各位, 加股公司的業務和市場份額, 無美股公司咁大, 尤其美國藥廠股, 真係可以買左之後, 慢慢收股息來做長糧, 而加股任何股票公司, 都不具備這個特點.

所以, 身為加燦的我JJ呢, 就會叫人, 先買美國藥廠股做壓倉大石, 股價和股息, 相比其他股票, 會穩定好多, 到左覺得美股藥廠股息收入, 能夠維持基本生活開支, 之後, 就可以轉軚去睇加股, 因為加股股息D稅低好多, 但股息收入, 無咁穩定呀! 

面對股息收入波動, 當然後生仔無問題, 但一到40歲中年之後, 穩定和安定呢, 壓倒高回報啊! 

 我JJ, 希望大家富貴, 就無閉嗌, 每日一起身就開開心心, 哈哈哈, 嗱, 大家一定要話, 承我貴言咖!

2018年7月16日 星期一

從自己內心世界裡, 勾起出來的影子和漣漪 - 笛子姑娘.

記起以前在小鎮仔讀大學時, 因為人口好少, 晚上做完功課回家, 一到9-10點左右, 就會好靜,  尤其每次落雪時, 靜到可以聽到雪落在自己外褸上的聲音, 也靜到聽到幾條街外, 人家掛在屋前門廊上的風玲, 噔..... 噔...... 噔..... 噔...... 

我自己係個老實人, 心裡誠實無偽, 唔怕靜和孤單一人, 聽到風玲聲, 就不會好似一些朋友咁, 要找我同行, 尤其一些大學裡的女同學. 

不過, 我每次就會記起那首"笛子姑娘", 而忘記了身邊的女同學. 

哈..... 其實, 我當時係想著首歌裡的無言女子, 無畏冰冷和孤靜, 一個人走自己的路, 吹自己的笛子, 就好像我自己一樣..... "霜雪下仍覺自豪!" 

我係咪有點自戀狂呢? 忘記了身邊要求我保護同行的女同學, 可能我心裡看不起她們沒有膽量吧!

算了吧, 都過左咁多年, 就算我今天見番果班女同學, 我諗我都不會理佢地, 因為她們沒有首歌裡那女子的那種神韻..... 

最近才知道, 原來作詞人, 是以這曲來掉念佢早逝的妹妹, 如果我早知歌裡的女子是這樣這樣, 我想我也不會為首歌著迷, 因為...... 原來不是真有其人, 原來只是自己內心世界裡, 勾起出來的影子, 原來本來就是自己而已.

可能我真係有少少自戀吧!



2018年7月15日 星期日

地產! 地產! 地產! 一切都係地產呀!

98年香港金融風暴時, 好多企業原本唔係做地產, 但到左後來, 因為見到地產價升得咁勁, 比起做正業, 又真係賺錢得快靚正喎, 所以, 到後來, 很多企業變成不務"正業"了. 

其實日光之下無新事, 多年前, 我有位朋友整天來游說我去投資入佢的高科技生意上, 只是我覺得佢D生意好初形, 就算將來成功有錢賺, 但初期投資一定唔少野, 尤其我當時D$責死左係出租物業, 就算有錢回籠返來袋中, 都會快D去付清按揭. 最後, 我同佢各走各路. 

多年不見, 有次見佢開豪車, 我也為到佢開心了, 佢做到成績出來. 

後來我同另一個朋友行過佢間公司, 個朋友指俾我睇, 地鐵站旁就係佢間公司. 我心裡好奇怪, 一間獨立屋喎..... 因為獨立屋唔係自住咩? 用來做辦公室, 好麻煩, 好多維修嘛. 

我想一想, 終於明白了, 間獨立屋係佢個投資者擁有的, 佢個投資者係投資移民, 需要一些投資名目來滿足移民局的投資移民協定, 所以, 投資入佢檔生意上, 跟多年前佢來游說我的方法, 如同一軾. 而且佢間公司極可能只佔獨立屋一部份, 其他部份係佢個投資者自住.

前排, 我改搭地鐵嘛, 唔再一定揸車出門了, 我一出地鐵站, 又行過佢公司, 見佢個公司牌無左, 放左個賣屋經紀牌喎. 當然, 一定係佢個投資者唔再玩了, 又或已經滿足了移民局的投資移民協定, 不用再投資係佢檔生意上邊了.

大家都知道啦, 我JJ好八掛咖嘛, 就上網查查佢間公司搬左去邊, 原來佢搬左去間細辦公室裡. 咁..... 即係佢D生意咁多年來, 都係咁上下囉. 最賺錢的, 當然係佢個投資者那個地鐵站旁的物業囉..... 又係靠地產囉.....! 呵呵呵..... 

PS: 其實, 佢又幾醒幾勤力的, 這方面我自愧不如佢了, 只是我有2個強項, 1. 自知之明, 不會亂來揸豪車, 也不需要處處充生哂來搵人集資, 我會好實際咁, 留番D寶貴資金去做真正的投資; 2. 做事乘勢而為, 不單靠自己一已之力, 來妄想逆天而為. 

加記滿地可地產雖然不濟, 回報率低, 但總比細公司攪實業好. 如果大家移民來投資地產, 只要順勢入市, 順勢退市, 唔好磨爛蓆, 唔好下下都要摸底/摸頂來賺盡, 唔好錯過入市或退市良機, 咁就生活一定唔會太差了.






2018年7月14日 星期六

當下時勢, 留D現金啦喂, 老友們!

昨天我賣左我隻 康寧了. 

嗱, 大家可能會以為我攪笑, 康寧餐具這些低端野, 你JJ竟然買佢, 現在又賣左佢. 

康寧好很多年前, 由餐具轉做光纖, 因為都係同玻璃纖維有關, 咁..... 果時我小朋友, 袋裡D錢全部去哂出租物業度, 無錢去買...... 咁, 後來很多地方都造到光纖, 咁佢股價又跌了. 

前幾年, 佢又轉形去做手機顯示屏, 當然又係同玻璃有關, 仲係超清的...... 這次我JJ搭到順風車了. 

現在才賣, 錯過了1年前的高位, 因為果時我忙於賣我的出租物業(真係好煩下咖, 尤其係好多個單位, 買方銀行要求來驗屋驗左4-5次, 驗之前, 我當然要叫人來清潔好.) 我JJ估算, 就算無新競爭對手同佢爭, 但整個手機市場飽和了, 佢股價都唔會點大升, 頂多升回一年前的頂點.

不過, 我揸美股, 就算2-3%股息, 同加股都係2-3%, 但稅率高很多. 所以, 我現在賣美股, 儲備多D現金, 等機會買加股. 加股缺點係, 市場細好多, 業務安穩的公司沒有美股咁多, 能夠俾我JJ揀得上手的公司, 少好多. 

我前排買左間油管公司股票, 不過, 最近俾人告上法庭, 話佢D油管破壞美國原住民保留地, 相信股價會有波動, 未來又係我買入的時機了.

有人提議, 留多D現金係手, 股價將會在近排整固之後, 會繼續向下調整, 可能會有半年到1 年的向下勢頭.

好了, 祝大家路路暢通, 股股略水, 息息生銀, 家肥屋潤.

2018年7月12日 星期四

大家如果問我, 現在好唔好移民加記?

其實, 以我過來人身份, 如果現在仲係90年代初: 1. 美加開始自由貿易; 2. 打完海灣戰後油價超低; 3. 蘇聯解體後釋放大量勞動力, 這些全都是經濟向好的先兆, 移民來加國, 前途會光明啊!

不過, 97前, 都有好多香港人回流喎, 即係這些人搭不上加記90年代這班經濟順風車呀! 

咁, 現在呢, 嗱! 講真呢, 我自己就見唔到加記有乜經濟順流了.剛剛加記才和美國開打關稅戰; 油價不斷狂升, 現在有人估計, 75元一桶油係超低價, 往後油價會大升; 中美大打貿易戰, 大量勞動力將會投閒置散, 但生產成本狂升. 

現在才移民來加記, 生活不會容易呀! 各位!

除非大家有任何過人之處, 又或生活上能忍人之不能忍, 如果唔係, 可見的這幾年, 移民來加國, 都不會是好時機.

如果香港仍然維持一國兩制, 仍然用普通法, 仍然不因為國安理由而取消自由港, 香港仍是個好居住的地方. 

就算香港人認為自己怎樣的不像中國人, 似西方人, 不過, 坦白說, 大家如果移民來到加記, 大家才會發現香港人價值觀仍然跟西方人的價值觀 - 南轅北轍.

PS: 移民來加國後, 好多香港人管埋/理埋/做埋D無聊野, 尤其香港人圈子, 唔係飲飲食食, 就係玩玩玩, 再唔係講埋哂人家的非短流長. 嗱, 我JJ出錢去遊玩, 一定要學到野回來, 才能安心, 才算洗錢值得其所. 一切都要做好自己本份, 更不會自私到, 去打擾別人的安寧. 

不過, 我人生發展得最順暢的時候, 是...... 不去實體接觸中國人的時候, 只在網上吹下水, 無人來攪到我, 無人來胡混我的人生方向. 

當然, 我沒有再去唐人教會了, 對他們來說, 是個壞消息, 我賺到我人生最多錢的時候, 但我因為不再是他們的會友, 我的十一奉獻不再會放在這班混帳人的手中. 

就讓這些人繼續籠裡雞胡混下去, 繼續把唐人教會當成他們家庭會所, 繼續讓這些人有天生活攪唔掂就去回流吧! 或週身唔掂自動接埋! 我提出來, 希望這些人的人生, 來戒律自己和別人, 經濟順流逆流是控制不到的, 但自己的人生, 就一定控制到, 唔好去賴人.

2018年7月8日 星期日

老美對熊貓國沖突機會大增下. 好唔好移民?

好了, 這幾年, 我一向都同朋友講, 老美對熊貓國政策已經發生起根本上的變化, 由拉攏對象, 變成競爭對手, 再變成現在的戰略對手. 

其實, 無野的, 熊貓國仍人口大國, 熊貓國唔好行出去跟人家唔妥, 再過番若干年後, 人家又遇上新勁敵, 人家自然又會把熊貓國變番做拉攏對象. 

嗱.....嗱....嗱..... 聽完蕭公子係度嗡完後, 就更相信自己的想法, 只是大家係香港, 可能會問我這個加燦, 好唔好移民?

移民呢? 要落地生根先好, 好似我JJ咁, 如果預計到移民後會成為不婚人仕, 就要諗清楚了, 就算係遲婚, 都要諗諗呀! 因為大部份97前移民來滿地可的香港移民, 大多數回流左, 或搬左走, 即是我人生同這些人有很大的分別, 甚至內心想法, 也同樣有分別. 

可能我果種落地生根的想法, 跟很多香港移民唔同, 跟很多人格格不入. 他們有很多人指責我不是個中國人, 甚至他們不會感到我也是個香港移民. 其實, 如果人家看我跟任何加燦沒分別, 那我不是已經成功了嗎?

好了, 講番轉頭今天個話題, 好唔好移民? 如果大家預計移民後做不到落也生根, 就唔好移民, 因為盞攪! 遲早會回流. 

尤其, 現在老美對熊貓國矛盾大增, 香港一向都是熊貓國對外的窗口, 而老美極之需要跟熊貓國維持一個援衝區, 香港一向都在這方面做得很好. 熊貓國越係鎖國, 越係左傾, 越係攪國家主義, 只要他們還有一點人之物質需要, 需要外界的物質/技術/人才, 熊貓國越要倚重香港. 關鍵在於, 老美會否把香港看成跟熊貓國有分別, 就要看看熊貓國高層如何去落實一國兩制, 如何維持香港的獨立性了. 

到最後, 真係打起上來, 無人會去北上廣深去打, 更何況香港? 所以, 大家如果預計移民後不能落地生根, 咁就應該考慮留在香港, 因為香港將會被重新拿出來, 再成為熊貓國對外的窗口. 留在香港, 可以享受著中國人的生活, 而基本生活又會得到很大程度的保障.