2018年8月17日 星期五

我睇..... 投資金仔呢嗄!

哈哈...... 講句真話, 我JJ仍然等機會, 再入多D金仔, 用來對沖將來的貨幣和物價高漲的風險. 

其實係今年年初金價仲係1350美元時, 我都已經開始立定決心買金來壓倉, 我等左好耐, 十分有耐性, 因為我知道, 收水縮表下的息口會高, 美元會轉強, 一部份資金會由金市抽出, 金價就會向下.

我第一次入係1210個位左右, 現在只是初試牛刀, 因為息口再加時, 美元更短缺, D人就會由金市裡再走資出來..... 

我預計到左1130那個位再買, 不過可能同樣要等6-9個月, 之後, 睇情況啦, 如果加息後, 金價再向下, 咁可能會去到1060, 甚至1000這些位, 咁到時就再入囉!

咁, 大家可能會問, JJ 你買咁多金來做乜呀? 係咖, 我用來溝低個成本價佢丫嘛! 

如果真係到個價到1,000, 再買時, 全部的成本價就當然不會1210啦, 但係金仔一到資金不再由金市抽出時, 金價就會喘定再抽上, 到時金價回到1350-1400果D位, 實在係好平常咖咋!

如果金價返到1350-1400後, 我就減持金仔囉, 直減到我目標的那個數目呀!  這樣, 我不單可以減低我個成本價, 更可以賺一筆回袋裡.

PS: 當然, 這種策略性行動, 是十分需要耐性和紀律呀, 還要D錢係未來2-3年內, 唔急住用囉. 還記起朋友仔講..... 財不入急門呀.


16 則留言:

  1. Mr JJ,
    在加拿大怎麼樣買金呢?
    買楓葉金?

    回覆刪除
    回覆
    1. 去買 GOLD CERTIFICATE, 好似係每次佣金=25皮底金+每安士6毫子, 佣金最低43皮, 例如每次買30安士, 就$43佣, 再加每日每安士倉租 0.03仙, 大約每年每士俾1毫子多少少, 但最少要俾5元,

      刪除
    2. 嗱, 買實金好啦, 唔好去炒呀, 好易死人,

      刪除
    3. 差D唔記得左, 係用美金買的, 唔受加紙玩. 如果你唔想換美金咁煩,又或唔想將來要計匯率呢, 就要考慮一下, 買同實金掛勾的加元ETF, 不過, 我無跟開, 所以唔多清楚, 你自己GOOGLE一下 GOLD BULLION ETF.

      刪除
    4. 買 ETF呢, 就要買 ISHARE, TEMPLETON 或 VANGUARD 這些大公司, 唔好買細公司

      刪除
    5. 忘記了, ETF 要俾管理費, 一年由0.3-0.8%不等, 視乎不同公司和ETF 基金.

      刪除
    6. Thank you so much, Mr JJ.
      細投資, 好似買實金好D! 是嗎?

      刪除
    7. 我地散戶仔, 散水又遲過人, 消息又無人咁靈通, 實金係用來保值嘛!

      刪除
  2. 作者已經移除這則留言。

    回覆刪除
  3. 你覺得金價仲會再跌幾多?

    回覆刪除
    回覆
    1. 我唔識估市價, 只是自己有需要買金來壓倉避險, 而有些其他人也需要的話, 我就提議人家, 見金價低就入D, 再低再入D, 都唔會知道會跌幾多咖, 又或明天就升到千3-4 也不定, 總之, 現在千2左右入D, 再低就再入D, 當然這些係閒錢, 2-3年都唔會需要用到,.

      刪除
  4. 回覆
    1. 一千, 都唔係咁容易了, 如果真係到一千, 到時大部份人都會嚇到不一定會買.

      刪除