2016年7月31日 星期日

中國地方政府財政不穩健

原來, 在國內, 賣地對地方政府來說, 是一況不可或缺的收入, 沒有賣地的收入, 很多地方政府都會唔得掂, 為何? 大家看看地圖, 只有廣東, 福建, 浙江, 江蘇, 上海和北京天津, 稅收和國企收入才達到支出的80%以上, 只有這些地方才不太依靠賣地來維持政府開支. 

沿海其他黃色地區, 只有60%-80%, 而一入內陸粉綠色地區, 下降到40-60%., 一入到更內陸的深綠色窮省, 連40%都沒有, 即是超過60%開支靠非常規收入(如賣地).

中國房地產市場對中國地方政府尤為重要, 只是不可能無止境的起樓吧, 尤其很多人已經擁有超過二套三套四套, 甚至五套房子了.


2016年7月30日 星期六

日元成為避險貨幣下......

什麼是日元成為避險貨幣? 即是日本國外的銀行, 機構或有錢佬, 預計他們本國的貨幣有下跌風險, 而預計日元不會大跌或下跌, 就買入日元, 來做定海神針. 

咁..... 人人都來買日元做避險貨幣, 日元當然不會跌, 只是日本首相卻很想日元跌多D, 可以間接令到抑制日本國內進口, 和令到日本自己的出口貨品更價廉物美, 這樣就可以催谷經濟, 製造就業, 這個就是人們用日本首相"安倍"命名的經濟學. 

只是, 現算盤打唔嚮, 再加上英國脫歐, 英國和歐洲央行, 要加碼買日元做避險貨幣, 日元想跌, 就真係難了.

所以, 日本國債總數係咁升, 但日元係咁起, 而國內經濟和就業, 均未能依照原定計劃來上升, 安倍本人和他的經濟計劃, 將不會依照原定計劃般的成功. 

今年是安倍最後一年當政, 他將留下一個更大更爛的灘子給他下任繼任人, 真是要看清楚日本下屆政府會有什麼良策了. 但我們港人一定仍可以繼續去日本血拼了.

2016年7月29日 星期五

歐洲又多事之秋了

繼英國脫離歐盟後, 大量中東難民潮, 就只能局縮在歐洲大陸, 而連串中東裔人在歐洲發動的恐襲和暴力事件, 把整個歐洲大陸都震驚了. 

位處歐洲和中東中間的土耳其, 更是遙控中東難民潮的橋頭堡, 但不幸地, 土耳其最近發生失敗的軍人政變, 而歐美卻被懷疑幕後策畫是次政變. 使到土耳其現政府不再在調控中東難民潮上, 跟歐美合作. 

歐洲大陸會變得更動盪, 更多事? 我想, 作為一個投資者, 一向不看好歐洲整合, 不看好歐洲能有共同經濟體, 現在所發生的一切, 都只是必然發生的事情中, 其中最初的一小部份, 跟著將會陸續有來. 

PS: 那麼, 人們在歐洲撤資, 會否惠及東亞香港中國? 我想, 投資者心目中的資金避風港, 可能是在半個地球外的美國吧, 中國香港日本, 不大跌已經很好了, 談何大上呢? 不過, 資金走進美國股市, 並不一定令美市升, 相反, 可能因為資金湧入, 讓美國政府停止貨幣寬鬆政策.



2016年7月28日 星期四

歐美有幾好境?

大家可以看出, 歐美經濟有幾好, 連東歐D慣匪, 都選擇離開西歐, 山長水遠, 來到香港搵食.

_____________________________________________________

有報導, 沉寂一時「茄汁黨」重現!三名外籍匪,近日先後兩次在荃灣,分別向兩女子潑污水,再扮好心替其清抹,乘機盜走她們錢財,警方昨晚發出「天眼」拍到的三名疑匪照片,通緝他們歸案。
  本月八日下午,一名女子在荃灣路德圍一家銀行提取八萬元現金後,途至大河道一至十三號慶興樓對開,兩名歐洲裔男子走近,當中一人借故將不明液體 淋在女事主肩膊上,聲稱不小心,另一男子隨即上前道歉,並協助女事主抹走液體污迹,隨即離去。未幾,女事主發現手袋內八萬元現盡失,相信是被該兩名歐洲裔 男子盜走。
  至上周六(本月十六日)下午,相信是同一幫匪徒男子再犯案,當日一名女子行經大河道九十九號對開,發現頭髮濺上一些液體,三名年約四十至五十歲的歐洲裔男子上前幫她清理後離去,她隨即發覺手袋四萬元現金被盜走,相信是該三人所為立即報警。

2016年7月27日 星期三

價格戰下.... 打瘋了, 亂了方吋

ADIDAS 一向都只是出運動服和用品, 現在市場份額萎縮了, 邊際毛利又跌, 竟然學人出牛仔褲, LEVIS 都咁艱苦經營了, 佢仲差隻腳落去, 簡直傻左定了.



2016年7月26日 星期二

女性擇偶, 會抽起那類男人?

TOP1 好女色(46.6%) 很多女生不接受另一半出軌. 只是男人濫交和好色, 可能不是同一回事. 男女能夠行在一起, 不多不少都需要有些肉體上的互相吸引. 如果男人不喜歡女人, 為何要結婚呢? 又如果, 女性總是嚇怕了男性, 男性也不會想到去結婚嘛!

我想, 愛清潔的男人, 大多都不會濫交, 怎會輕易地讓其他人來親密地接觸自己呢? 除非是一個自己十分認識十分信任的女性, 才會讓她來接觸自己.

TOP2、動手打女人(46.5%)這個說明, 某些男仕不會用非暴力方法解決問題和爭端, 某些女仕不會用非壓迫方法解決問題和爭端, 原本男女己經大不同, 男女雙方如果仍然想著 ME.... ME.... ME.... ME.... ME...., 那就只有離婚一途的選擇了.


TOP3、欠債(46.3%) 欠少許債務是可以理解的,但如果不斷重覆借錢,這種男人會讓家計每況愈下. 只是, 女性若果想著從結婚中不勞而獲, 那麼, 被騙的機會, 只會大大提升, 越是容易遇上些不踏實的男性. 做人不踏實, 長久下去, 就容易變成嗜賭或欠債.

TOP4、個人衛生惡劣(46.2%)如果對方極度不重視個人衛生,未來要如何相處? 兩人的價值觀不能相去太遠,否則相處上會很辛苦! 個人衛生差, 夫妻一定多爭執, 漸漸缺少共同話題.


TOP5、賭博(41.0%)
男人若會將薪水放在賭博的娛樂上,不僅難維持家計,還可能欠下巨款。賭博原是人想不勞而獲, 不負責任, 逃避現實. 不論男女, 都有可能發生.





2016年7月25日 星期一

加國雖然木多..... 但

現在D人越來越環保, 越來越少用木..... 所以.... 木都大多用來做傢俬和地板. 

 原來到1996年, 我這裡魁北克仍然將D木浮係河上來運出去大城市外的工廠, 然後据成市場需要的大細和形狀.
 



 



2016年7月24日 星期日

大家估下..... 這個幾銀.....?

行賣二手的夜冷舖, 有時都會發現些正野, 

就好似這個手袋咁, 只賣6皮加仔, 十分堅正..... 

如果我係女人, 又係有少少大媽果種, 我一定買下佢. 不過, 我唔係啦..... 

PS: 後來, 我走入格離個國內移民開的便利店, 同個大姨講發現正野, 佢好似以為我睇佢唔起咁, 立刻話佢一向都唔買二手貨, 算了吧, 我解釋完正野唔怕二手, 佢都唔肯聽, 我都費事攞幅相出來俾佢睇了.


2016年7月23日 星期六

大家仲唔快d 升級去 windows 10

在7月29日前, 都仲係免費咖..... 

windows 7或以上, 都可以升呢咖. 

我已經升級哂我家中的電腦了. 

我相信, 好快好快微軟會宣佈, 唔再支援 windows 7 了, 因為減省成本, 只支援 windows 10 或 8.1. 甚至, 好快會連 windows 8.1都殺埋. 

不過, 升級係會遇到些問題, 尤其手提電腦, 我大多都係網上找到答案, 因為之前已經有很多人成功升級, 我地現在來升級, 可以跟住前人的腳步來行, 容易好多呀.

還有, BILL 叔叔講, 任何人部手提電腦升唔到級, 佢地會送過一部手提電腦俾這人喎, 真係可以看得出佢地有幾大決心, 也可以看得出, 佢地之前版本的 WINDOWS令到佢地提供支援時, 水浸眼眉, 現在讓大家免費升級, 來解決麻煩了. 

現在 WINDOWS 10 呢, 需要的硬件速度就唔洗咁快, 我好多舊機都行得好快, 用舊 雙頻 PENTIUM 2.4GHZ+4GB RAM + 500GB 舊 SEAGATE SATA HD 都OK喎. 無行WINDOWS 7時咁慢了.

PS: 講起微軟叫人升級, 就想起我認識的一位唔生唔熟朋友, 佢開科技顧問公司, 但十分奇怪的, 佢每隔幾年就將佢間公司轉名, 或關閉一間, 再開一間. 當然微軟唔得因為產品出問題時, 關一間再開一間, 但細公司可以做到, 唔會免費提供升呢版本.

2016年7月22日 星期五

美國總統的智商

做美國總統當然不需要經過智商測試, 因為經過咁漫長的人生遊戲, 到最後能夠走入總統白宮墮圓型辦公室裡的人, 智商也不會很低. 

以下是一些歷任美國總統的智商....

1992-2000 克林頓 - 156 (美國起飛期)

1976-1980 卡達 - 153 (美國衰敗期)

1901-1904 Theodore Roosevelt - 149 (美國轉型期)

現任 奧巴馬 - 145

1861-1865 林肯 -140 (解放黑奴, 南北內戰期)

1933-1945 羅斯福 -139 (美國二戰時)

1953-1961 艾森豪 -132 (美國二戰後經濟國力起飛期)

1968-1973 尼克遜-130 (水門事件的主角而下台)

1988-1992 老布珠-130 (海灣戰爭期)

2001-2008 小布珠-124 (被稱為最蠢的總統)

PS: 我自己就不相信高智商就一定會高人一等, 因為天才協會 MENSA裡的會員(入會條件, 最低140), 都係一些十分平凡普通的人.

2016年7月21日 星期四

越係緊張, 越多這類事發生.

係香港地, 其實真係無人會認真看這些人和事. 得啖笑, 笑扮鬼扮馬的那些人, 就係咁多囉!

自從香港銅鑼灣書店後, D人就知道這些行徑原來可以困擾到某些人仕, 從而變成出位爭曝光率的大好方法. 

其實, 如果唔係上邊對銅鑼灣書店咁大反應, 就不會顯生到今天咁多人出來搏出位, 爭見報了. 

噓, 老實講, 香港人最緊要係搵銀, 之後就係享受人生, 這些街頭扮鬼扮馬的人, 只是他們缺少搵銀機會, 唯有用其他方法去搵錢囉. 




2016年7月20日 星期三

我這類人......

有網友來問我..... 我在網上說自己IQ又高又靚仔, 咁.... 唔係俾我玩哂?

其實, 我這種人是一種小富則安的人, 吃得飽, 著得暖, 就不會有太多牢騷, 更不會又要凌志又要豪宅又要美女. 

我相信我是一個對人最少攻擊性的人, 最少怨天尤人, 最少妒忌別人, 最少歪曲事情來踩低人的人. 

靚仔得來而又能夠自己管好自己生活, 何須去騙人呢?

2016年7月19日 星期二

公眾對靚仔的誤解.....

其實, 任何人, 包括男或女,美或醜, 都會有機會來呃人, 呃人.... 從來都不是靚仔的專利. 

前排在網上炒得火熱的元朗美少女姊妹花, 被大陸男騙錢案, 原來個大陸男是個有大肚腩又滿頭白髮的"佬".... 而且家住在跟她們同區的元朗. 

真是好野了, "美少女"被騙了3百幾萬, 仲係被個肥佬騙, 當事人就真係要自己反醒一下了. 公眾就更不應該把靚仔和騙子看齊了.


PS: 如果有人問我, 為何我要犯眾人的懷疑, 衣著得如此. 我只能跟他們說, 我的衣服全是現成買回來, 我買到之餘, 人家也可以買到來著. 只是人家穿起來, 沒有我的好看, 要檢討的人, 應該是那些生活習慣唔好的人, 而不是我自己. 還有, 我花錢買衣服, 只佔我收入的零頭, 人家可以洗光個袋來買凌志豪車, 為何我不能花零錢買衣著? 人家袋中無錢, 都去裝扮得衣冠楚楚, 出入豪車, 為何我有能力也不能如此? 騙人的人, 大多都是先天有缺憾而喜歡踩低人的人, 被騙的人, 大多都是想不勞而獲的人, 跟靚仔不靚仔, 絕沒有必然的關係.


2016年7月18日 星期一

我阿哥來摟我上去12000呎

其實, 我都無野的, 曾經上過14000呎, 仲係自己一個人揸車上去, 只係行得快時, 有D頭暈, 就係咁多咋. 那次沒有在山上過夜, 日頭上去, 晚黑落返來7000呎 覺覺豬.

不過, 這次特別的係..... 睏覺的地方係11000呎......一直留係這個高度4-5日, 我就有少少怕, 正如網友小T係萬呎高時, 睏睏下佢老友毛記叫醒佢, 話佢成塊面變左紫色. 

又令我記起許冠傑以前又係係酒店睏睏下覺, 有高山反應, 之後就有牌都要休息, 養番好個身子嘛. 

白天都話有人睇住我, 或者自己感覺得到, 但一到夜晚黑, 一下我有高山反應, 而又我自己一個人睏, 無人睇到我..... 唔係大鑊? 

PS: 不過, 我見到呢, 有隻 心跳警報的手帶, 心跳一低過或高過乜乜水平, 個手機就會嚮來叫醒我..... 哈, 我又可以諗諗o既.

2016年7月17日 星期日

這個唔係講笑.....

美加D競爭力真係勁, D人一肯用下個腦, 生產出來D設計, 真係好勁, 相信將來中國生產工業, 會遇到勁敵. 香港的各位, 請一定要打醒12分精神, 世界上的競爭只會越來越大.

前幾排去麥當當, 在廁所洗完手, 找來找去, 都找不到乾手機, 誰知留意一看, 才發現原來個洗手喉上, 不單有自動滴肥皂液, 還已經有埋個乾手機, 個設計意念真係好勁下..... 




2016年7月16日 星期六

印度人和唐人, 習性差唔多.....

哈..... 講起印度人, 大家都唔相信, 原來當中有很多生活習性跟我們中國人, 尤其係廣東人一樣....

我細時, 時時係街上見到, D大嬸幫D馬姐用條線來去面毛, 現在香港已經無人咁做, 但係原來印度人現在仍然咁做. 仲當係時興的手藝咁, 佢地D美容院大事登個咁樣的廣告出來, 招來一番.


還有我地以前台山人開的雜貨店, 佢地印度人開的, 又真係差唔多, 可能真係.... 大家的習性和想法很相近, 又係比較污糟一D, 又係門口有紙皮板放係度. 最頂癮的係, 佢地都係有賣蔗汁, 仲係好似香港街邊D咁, 即搾即飲, 十分過癮. 



PS: 公元七世紀, 印度佛教大師菩提達摩, 東來中國釋法, 就是在今天的廣東南海登陸, 原來當時中國廣東地區跟南亞印度大陸交通頻繁, 在廣東一帶, 住有大量南亞來的移民. 又真係喎, 現今很多廣東人, 跟中東人和印度人有點相似呀.


2016年7月15日 星期五

商店倒閉潮又來了.

我上次講果間賣"小龍女古墓派遺物"的中藝品店, 終於摺埋左了..... 唉..... 商店摺一間又一間呀, 大把人飯碗不保呀.....



又睇睇大商店點生存, 無錯啦, 節流呀, 不過咁節流, 又真係好得人驚呀, 商場屋頂在落雨時入水, 商場管理層無錢修, 就用咁樣來收集雨水, 可以算得上用心良苦了. 





最後, 我用一個比較極端的方法, 讓大家了解一下我這裡滿地可的銷費力有幾差. 好多教會屬靈人仕一定來罵我, 不過, 唔用咁方法, 就講極都唔清. 向來黃賭毒都是最賺錢的生意, 當.... 連脫衣舞場所都笠埋摺埋, 大家可以知道, 這裡是何等的世界.


PS: 我咁講, 我是想讓大家知道, 不單美加, 世界各地, 來緊的日子, 都會不容易過, 大家要開始未雨綢繆, 不可以臨渴才掘井了. 

可能大家會問, 我JJ日後生活會點? 都OK咖, 年青時搵埋搵埋, 儲起佢, 年紀開始大了, 就不用愁咁多啦.

2016年7月14日 星期四

什麼是天份?

以前, 我教會個牧師常常說D男教友唔夠醒, 叫D女教友去俾多D提示佢地. 

其實, 婚嫁呢, 男女雙方你情我願啦, 男女雙方當然不會百份百滿意對方, 咁.... 俾著我, 對方唔係太差, 我都會因為對方有包容過我, 我都會包容對方. 俾著好似個牧師同佢老婆咁講, 叫男女雙方互相提示對方不足之處, 我就一定不會再理會這些女教友了. 

人無十全十美嘛, 而且, 人在某情況下不足之處, 正好是這人在另一情況下的長處, 

所以, 天份可以是在某情況下的缺點, 也可以是在另一情況下的優處. 

天份不是後天植入的, 更不會因為男仔要追女仔, 才會開始有的, 相反, 為到追女仔而改變自己的男性, 其天份就會受到破損了, 日後就會諸事不寧, 失去了亮光. 

天份卻是, 因為某時某刻的需要, 這人的天份才會顯現出來. 平時, 這人是個十分平凡的一個"佬", 但一到時機時, 這些人眼裡就會發亮發光. 任何女性不懂尊重這些特性, 就不能跟這些男性有深交了. 

最後, 講出來可能有點恐怖, 不過又可能是真實的, 有天份的人, 其實真係有樣無型看不見的東西, 係佢地心裡或身邊左近的, 就如聖經裡的一些人物, 透過夢境或禱告, 一些事或訊息會向他們顯明. 

天份高的人, 是十分容易神經錯亂或情緒低落的, 皆因為他們很容易知道一件事情的因果, 但又不能去改變這件事情. 基督徒還好一點, 因為有著"因信稱義, 罪得赦免"的能耐, 不會因為知道一件事情的因果而痛苦, 交托了給神, 就OK了.


2016年7月13日 星期三

當女仔講無FEEL, 其實......

真係多得"感謝您追了我18年"這套電影了, INSPIRE左我好多想法..... 無錯係"INSPIRE", 好像一個靈氣吹左入我腦海中.

當女仔對個男仔講無FEEL, 其實係好簡直, 即是個女仔對個男仔唔完全滿意囉..... 

事情十分簡單咖咋, 咁..... 人與人都大不同啦, 個男仔無可能完全令個女仔滿意嘛, 正如個女仔都不會完全令個男仔滿意啦, 既然有人接受不到這點, 其他人就唯有尊重囉. 

記起以前我唐人教會個牧師, 有次台上講道時, 不知道是否為佢老婆的作所作為來護航, 還是說漏了咀. 他說: "拍拖時, 女仔可以等下個男仔, 男仔有時又可以等下個女仔, 有時甚至個女仔可以做些暗示, 讓個男仔知道要做些什麼."

我自己覺得呢, 無謂勉強了, 因為每個人都有自己的人生軌道, 其他人刻意要別人改到合他們心意時, 又是否十分不尊重當事人呢? 又是否在傷害著當事人呢? 

這樣下去的婚姻, 一定不會有好結果, 聽說這牧師常跟他老婆不和, 大概這些人自己本身就不懂得去尊重對方, 一味想著怎樣去改變對方, 要對方改到自己合意. 

我寫前天那篇"感謝您追了我18年"的文時, 我真不知道個主角是誰, 不過當我知道後, 我就問著一個問題..... 如果男主角從未遇上女主角, 男主角更能在自己的人生軌道上運行, 現在香港的民主進度, 又是否會更上一層樓呢? 會否好像現在咁, 停滯不前, 只有聲聲的無奈?

PS: 我的侄仔侄女, 全被定為資優學生(GIFTED STUDENT), 而我自己小時, 也被定為智商高的學生. 不過, 我們兄弟當中, 只有我和我二哥才信耶穌返教會, 也只有我和二哥拍拖結婚才出了問題, 我就結不成婚, 我二哥就遲婚, 也只有我二哥個仔, 才出了問題, 我其他哥哥的仔女, 全部都好成功的. 大部份人都唔洗俾錢讀書, 而且還有錢俾佢地做生活費咖.

我在那唐人教會時, 常常都有聽到個牧師講, 如電影中"感謝您追了我18年"的故事, 可能這個是很多女教友夢寐以求, 希望能發生在她們身上的故事. 不過, 就一定不適合用在我身上了, 為何要我丟掉我天生已經有的利器, 去迎合某些女教友的虛榮心呢? 這些女教友嫁左個"後天植入", 改到她們合意的老公, 很難保證婚後她們的老公又故態復萌呢! 所以, 這牧師後來太忙了, 因為女教友們投訴貨不對版呢!



2016年7月12日 星期二

"等"的藝術

前幾排, 見到有對鞋, 己經由$75減到$40加仔, 唔貴, 一睇佢7號碼, 應該無人會岩, 得我會岩, 我就知道我還可以再等佢, 昨天再行過, 發現再減到$29, 我才買了. 

等..... 是一切價值投資者, 應該俱備有的造詣, 等到個股價變成抵買才入市. 我很多股票入市時, 都是十分低殘的.... 



PS: 很久以前, 有個男教友常常說自己做人真誠和直接, 但卻說: "現在太多男性去追求, 人頭湧湧, 實在困難, 等到這些人炒燶了, 我才去有行動!"

不過, 我自己在拍拖這些事情上, 我就不會去等, 直接而又真誠地去表達自己的意思, 就是最好, 因為不怕食檸檬的人, 不怕去失敗的人, 才會有機會發到圍嘛! 

那時卻有個女教友, 常常在教會裡行在我背後, 很多教友都來問我, 我對人家是否有意思? 無意思就唔該同人講清楚了. 好吧, 我就主動約會這女教友, 打算大家真誠彼此了解. 不過, 這女教友可能喜歡上邊提及的那位"等"的男教友, 就同我SAID 了 NO. 那我就提議她以後不要老是行在我身邊, 免得別人誤會, 被人誤會我是個喜歡拖拖拉拉的人, 只是我的麻煩事就開始了, 她又係咁跟在我背後, 這個可以是一個"敬而遠之"的訊號, 也可以說是一個"要你再來試"的訊號, 我再問多佢一次, 不過更大鑊, 她竟然說我去騷擾佢. 之後, 我真正是敬而遠之了.

不過, 這對男女教友, 後來卻磨菇了2-3年才一下子震驚所有人咁, 話要結婚了, 無人知道佢地在拍拖喎. 其實, 這些人自己係拍拖上錯哂, 錯得很嚴重, 等什麼呢? 等完拍拖, 又等結婚, 又再等生仔, 等到生仔都成40歲. 更把我這些人好人當作衰人, 更要人家好似佢地咁不婚遲婚又遲生育. 我到今天, 都仍叫這些人做混人, 十分懷疑這些人是攪禍人家拍拖的主凶. 

2016年7月11日 星期一

微電影"感謝您追了我18年"..... 我有乜感覺?

嘿, 最近有套電影叫乜乜的"感謝您追了我18年", 我看完後, 就得出如下的觀感.

1. 做人拖泥, 不負責任..... 有乜理由? 由大學開始, 同個男仔拖拖拉拉左18年. 唉..... 這些不是嗟咜歲月嗎? 如果俾著係我, 我無FEEL, 就立刻照直講, 而且同佢保持一段距離. 對方再唔識做, 我就以後再保持更大的距離, 再唔識做, 就連電話都唔會接. 當然對方可能嬲左我, 不過, 都係少少嬲, 唔會好似電影中過了18年後, 嬲得咁大鑊. 

2. 電影太神化了, 大學開始拖拖拉拉左18年, 即是女的近40歲, 男的40多歲才結婚, 唉, 咪玩啦, 到我39歲時, 我去的那間唐人教會還在我拍拖的事情上上下其手, 我就已經知道, 我這生人結婚的可能已經告催了大半. 難道當事人不覺得已經失去了很多寶貴的日子嗎? 將近40歲做高齡產婦, 40多歲人才做第一次爸爸. 俾著我, 有體力去生仔, 都無咁好精神去教仔. 難道這些人真想把兒女一古兒推俾教會? 又推俾教會其他人?

3. 電影裡不真實, 很多時候, 有宗教信仰的人有更多的保留, 更不會開放自己. 最少我是一個包容得下不同文化不同習俗的人, 最少我是個比較開放的人, 比我以前那間加國華人教會內很多人, 更懂得去適應人家不同的文化和風俗, 但我在這教會裡遇上最大的問題, 卻是其他人不容許我這般開放. 有時, 更用其他教會女性來教導我一番, 使我莫名其妙之餘, 更覺得這些人應要敬而遠之.

4. 電影讓人錯覺了..... 信耶穌就會追到女仔. 這樣, 尤其對我這些有條件, 又真誠地去教會裡慕道的人, 真是一個奇恥大辱. 我覺得這電影, 只會吸引些質素較低的人去教會, 但卻令到質素高的人, 在教會門口卻步不前. 難怪, 這些人這些教會, 攪左咁多年, 仲係得個吉. 

5. 電影不近情理.... 醫生不讓個產婦老公入產房, 當然有道理, 個醫生不能堅持自己的專業判斷, 被個老公大到, 讓人深感到這些人主觀願望, 總是凌駕在人家專業守則和邏輯思考之上, 實在不敢恭維了.



2016年7月10日 星期日

做人最緊要係.... 踏實

唉...... 我有個係香港做社工的舊朋友, 前幾天同我講, 香港現在有很多新婚夫婦, 因為攪結婚時太心豪, 太想討好雙方家長的祈望, 一切超哂支, 婚後要成幾年才還清D咭數, 有些更因為咭數太多, 連最低還款額都俾唔起, 差點要破產. 

我就想起我這邊見過的一些人和事. 其實, 我自己都算對朋友有點義氣, 朋友婚禮時, 可以幫得到的, 就會幫下忙. 話哂, 最少這對朋友洗少D錢, 將來早D供完屋和準備好照顧子女和父母; 也可以更清楚看看朋友的為人, 是否可以一世人交個心俾佢. 

有時, 朋友來找我幫忙他婚禮, 我會先提醒佢: "這個是你自己的婚禮, 我不是你肚裡的蛔虫, 不會知道你想怎樣, 你要自己好好計劃. 效果做得好或不好, 都係你自己的事, 也不關教會裡屬靈不屬靈的事. 任何參與幫忙的人, 都是用愛心來彼此服侍. 還有, 下次別人結婚, 你自己結了婚後, 就唔該去幫下手, 唔好叉起隻手, 話自己乜都唔識做."

不過, 我就覺得, 我原來係咁多個識的朋友之中, 我做人最踏實, 對家人最盡自己責任的人. 


其實, 人由年少開始, 人生已經有左個軌道, 銅油酲始終都是裝番銅油酲的. 現在我見得人多了, 看看這些人怎樣拍拖, 就知道他們結婚後會咩幾多咭數, 就知道他們一世人是否一身債都還唔清, 就知道他們最後人生的結局. 不過, 我是十分專重別人的生活方式和選擇, 最重要佢地自己食得咸魚抵得渴, 選擇了行上這樣的人生路, 就唔好賴地梗, 賴個天厚此薄彼, 來怨我無愛心唔夠屬靈, 唔配在教會來拍拖結婚, 更來攪禍我拍拖, 這個就是我離開這間華人教會的原因. 


PS: 我離開這教會後, 竟然還有人打來告訴我, 什麼什麼人結婚沒有人幫手. 哈..... 我都無再去這間教會, 這些人自己唔識去幫下手, 下下來指意我..... 真是無厘頭!

講開又再講多少少, 在這教會裡, 有些人, 我一定會敬而遠之, 其中的主要原因, 是因為無原無故, 這些人會對我發生誤會, 而這誤會是我想不到, 到表面化時我才知道這些人原來這樣看我. 他們結婚時, 我當然不會自找麻煩吧! 他們不自己來到我面前, 具體說明他們要我怎樣去幫, 我就不會去幫了, 這個是合情合理, 莫要又在背後說我無愛心唔屬靈, 簡直強詞奪理.




2016年7月9日 星期六

股票起跌中的玄機.

忘記了, 何時聽一個股友咁講: "我隻HSBC跌了30%, 我要守到佢升番30%才會放."

不過呢, 人們常常都忘記了一事, 跌了若干%, 再起番相同的%, 都不會起番到原價. 

舉例一股係$10, 跌了50%, 即是$5, 要升回原價, 就要升100%了, 只升50%, 就只有$7.5. 

以前, 有股友炒科網股, 佢個倉大跌九成. 佢仍然籌鑄滿志, 話要問親友借錢, 再炒番起佢, 回番本. 不過, 我提醒佢: "現在你的難度高很多, 因為你要炒上10倍才可以返到家鄉."

 我當時都是好意, 後來才知道, 很多人原來唔想別人咁清醒, 我提醒別人時, 原來己經開罪很多人. 




2016年7月8日 星期五

抵佢死.....

有個叫徐裕的大陸傻佬(Yu Martin Xu,音譯), 在澳洲不惜豪擲數以百萬澳元計巨款,希望與女星和名模上牀。

據報, 他聲稱向澳洲雪梨一間名叫Royal Court Escorts的伴遊公司, 支付了三百七十萬澳元(約二千一百五十萬港 元),對方答應安排拍攝《變形金剛》的荷里活女星美瑾霍絲(Megan Fox)及內衣名模Candice Swanepoel提供 "性服務"。 






徐指這間伴遊公司違約,即使他願意加付機票及酒店費用,但這兩位明星都沒有在預定的幽會地點出現。徐又指另一名沒有跟他約會的女星是中國女星, 就係ANGELBABE喎。 據報, 徐原本打算與這三位女星在中國幽會.

PS: 咁樣被人呃, 證明佢係戇居啦, 仲有面走出來, 大遙大擺咁去告人, 真係分明想賣廣告, 承認個個大陸有錢佬都係羊古, 容易俾人呃. 如果我係大陸有錢佬, 真係多得佢唔少. 

其實, 男人講俾人知道佢要用錢去買女人番來, 整到佢自己好似金山阿伯咁, 就已經係好失敗了. 這樣來演繹"有錢就任性", 只會適得其反. 你有錢時, 難道人家無錢咩? 人家不用錢來吸引異性, 才是高明吧!

2016年7月7日 星期四

加燦單靠勤力, 遲早乞米?

我地加國華人, 跟世界上任何一地的中國人都一樣, 靠勤力在異國打出未來. 

只是人工智能化和機械人, 快要改變我們中國人的競爭力了. 

前幾天去麥當當食野, 俾左部野我玩, 可以自動ORDER 喎, 同WALMART 的自動附款一樣.... 

據報紙報導, 不久將來(10年以內), 人工智能化和機械人, 將會令加國減少40%的職位, 大多都是櫃面收銀和服務員. 

到時是個什麼的世界? 我以前這裡加國D 華人朋友的父母, 大多都在工廠車衣來過日子, 美加成衣市場開放給中國等國入口後, 我這些朋友的父母因年紀大, 再沒有人再請他們從事比車衣更大體力活動的工作了, 就過著漫長的假期了. 

不到10年後, 當機械人和人工智能盛行後, 就是單靠勤力的中國人大大鑊的時候了. 

PS: 不過有度好, 到我年紀大時, 人工智能技術已經十分成熟, 到時我的老年護理, 一定更容易, 更少花錢了, 我的退休生活, 一定會更寫意了.

2016年7月6日 星期三

加拿大遍地流浪漢 加國的月亮不再圓

加拿大每年有至少20萬露宿者,按人口比例,如果在中國,大概有800萬露宿者!又如果在香港,大概有4萬露宿者!不是說加拿大福利很好,不用工作就可以無所顧忌地享受生活嗎?!




在加拿大大城市的市中心,常能看到無家可歸的人裹著被褥,蜷縮在牆角、路邊,


就如2015年第一股寒流席卷加拿大時,加國大部分地區的氣溫驟降,夜裏的溫度低達零下20、30攝氏度甚至更低. 在多倫多市中心的一個公共汽車候車亭裏, 發現了一名凍死的男子,當時的氣溫爲-10攝氏度。

加拿大廣播公司2015年2月7日報道,2014年1月,加拿大滿地可一名59歲男子在地鐵站台黃線上撞到頭破血流躺了16分鍾,呼吸停止,鮮血湧出。死者是阿爾及利亞裔人,在上世紀90年代,他在阿爾及利亞是一名成功的建築師,2000年後,他帶著妻子和兩個孩子移民加拿大魁北克,到加拿大之後找不到工作,生活窘迫,逐漸變成一個酒鬼. 就在這名男子死後兩周,另一名同樣有兩個孩子的移民被警察開槍打死,他們二人的遭遇大致相同,死去之前都已流落街頭, 原來, 很多人移民加拿大後, 變成流浪漢. 

加拿大有很多華人同樣無家可歸, 變成露宿者. 唉...... 有些人甚至回流回香港或中國南方, 因為天氣暖和很多, 冬天不用怕會凍死.

PS: 有加拿大私人研究機構, 對17個西方發達國家中的社會公平和公民福利問題, 進行了比較研究,得出的結論是加拿大的總體得分是B,在17個西方國家中排名第7。而在貧富收入差距、社會公正以及貧困人口比例方面,加拿大的表現不佳,被評爲B級,排在所有受調查國家的第7位。
 

加拿大主要是在處理社會不公正現象方面沒有達到預期。比如在貧富收入差距以及性別收入差距方面,加拿大僅得到C。這次調查中,排在發達國家社會公平情況前列的是北歐國家,包括了前四位的丹麥、挪威、瑞典以及芬蘭。排名最低的國家爲美國和日本,級別爲D。加拿大一私人研究機構說加拿大社會的貧富差別在擴大、社會貧窮人口在增加。



2016年7月5日 星期二

滿地可氣功有幾盛行?

前幾排去我這裡的華人社區中心, 去為媽媽找個翻譯. 

係佢地樓下個水牌處, 竟然見到有個單位係嚴新氣功喎...... 

其實我自己就不會去接觸這些東西, 深感內裡有些奇怪事情..... 懷疑係亂神怪力.

但係呢, 我這裡的老外, 就很喜歡, 竟然有人出書來講, 又氣功又瑜珈......




2016年7月4日 星期一

大家有無估到..... 竟然有餐館開來專賣焗薯仔.....


呢間希臘餐館個牌呢, 由上行左到右, 再向下一行再左到右, 原來..... 有薯仔批餅, 有素食薯仔, 有 TUNA 薯仔, 有雞肉薯仔, 腸仔薯仔, 歐式薯仔. 

之後, 就係三文治, 芝士, TUNA, 雞肉.... 

之後, 就係地中海PIZZA, 沙律盤, spanakopita - 希臘 波菜批, 菜湯, 焗米布丁, 米布丁, BAKLAVAS - 一種希臘蜜糖果仁千層酥, 不過, 勁甜呀, 每次食完後, 我會有點靈魂出窺..... 

D野真係唔平, 又無我地唐餐館咁好食, 點夠我地唐餐館爭生


2016年7月3日 星期日

噢...... 大家估下這個係乜?

我初頭見到時, 還以為係藝術品, 展現隻雞肶出來, 尤其似啃德雞果隻. 

點知........ 

我企係度咁耐..... 

突然有人行埋來...... 

之後...... 我就知道這件係乜東東了..... 

如果大家估唔到, 又欲想知道係乜.....  請落去下邊睇.....


.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

後來有個鬼妹, 行埋來, 坐左落去..... 我才知道係張櫈來咖喎..... 噢

2016年7月2日 星期六

一個包剪揼故事, 兩個可能....

從前有一對夫婦, 有天, 天使要來帶走這對夫婦中的其中一個, 天使就叫他們猜包剪揼, 輸了那個就被帶走.   

夫婦們商議好, 他們只出揼, 就不會有誰輸, 就不會被天使帶走...... 

但是, 太太竟然出了剪, 公老卻出了包...... 

這個故事當中卻有二個版本: 

1. 老婆驚訝著老公有心要來騙自己; 

2. 老公心裡情深的說, 老婆, 次次都是妳來遷就我, 今次就讓我來遷就妳好了.

第一個是普通人想到的版本...... 第二個卻是我想到的版本...... 

常人只許讓愛恨纏心中, 所以他們常常婚姻遇到觸潮,  人際關係中是非沒完沒了.


2016年7月1日 星期五

我這加燦不再習慣燦了.....

近年, 中國品牌時裝, 在跟歐美傳統品牌打價格戰, 來爭奪市場份額, 當然中國品牌爭到了比以前更大的市場份額. 

只是, 打完後, 各大歐美品牌都積存大量的存貨, 責死了現金, 要清貨, 就益了消費者, 尤其我這類身型特別, 廠商又不可不出的呎碼, 但又無乜人會買的, 就要減多多價來吸引我買. 

在美加, 我這個呎碼是很少人有的, 36"胸, 33"袖長, 42"褲長, 30"腰, 7碼半鞋, 全部都跟大多數人不同. 減價減到, 平常人買一件衫的價錢, 我可以買到4-5件...... 

不過, 我可能真係買得太多了, 堆到家裡快沒有位放了. 最近有網友仔提醒我, 係時候執下D野, 丟咁D出去了.

因為件件都係名牌好質地好款, 所以就不會把未著的丟出街, 所以..... 我會改變一向的習慣....

以前, 因為衣服好貴, 一件衫未穿洞, 我都不丟出去, 現在著到色淡左, 我就會丟了.... 唔洗再諗了. 

PS: 哈..... 前幾天我又見到GAP減得好勁呀, 原價$45一件的裇衫, 原本減完70%, 我買左一件, 俾錢時再減多我20%..... 咁..... 唔係$11蚊加仔都唔洗, 連稅後$75港元咋喎, 花園街都唔得呀. 攪到我放完D野係車後, 再入過去, 再買多7件, 買多一件跟剛才同色同款的, 大家估下係邊款我買左2件? 大家有無留意, 件件D袖都係接左上去, 原因係..... 因為由公仔上邊除落來咖.....

不過呢, 現在已經沒有中國造了, 大多都係孟家拉造咖, 看來香港食開中港貿易的那些人和老闆, 快要有些轉變了.