2014年12月3日 星期三

香港人現在好燥火.....

係網上, 有女網民指乘車時, 被一名男子望了幾眼覺得不舒服, 更罵對方是在性騷擾, 還將他的樣貌拍下並放上網.





其實, 香港人現在好燥火, 我這次回港頭幾天, 有次去搭巴士, 因為時差暈暈地, 又因為我個人太高, 腳又太長, 架巴士卻是舊式, 座位跟前座空間比較狹窄, 就不時因為巴士剎車而撞到前座. 前座那個伯虎, 初次回頭望望我, 因為我太久未在香港生活了, 未懂其意思, 個伯虎第二次回頭就問候我全家, 可能佢誤以為我係某學運領袖, 才把他搭巴士不停旺角的怨氣, 一股腦兒發在我身上. 

哈, 我一見咁, 當然唔學到佢咁燥, 也立刻意會到佢的投訴, 立刻盡量避免再撞到前座. 

只是巴士上人咁多, 無意撞到, 也不能如此自以為是, 這樣惡意相向, 有失他自己身份, 也失禮坐在其旁邊的家人, 其家人怎樣扮作高尚人, 也沒有用, 更讓其他人以為佢和佢家人, 全部都係黑社會或流氓爛仔. 

 其實 , 這些人咁燥, 旭少少就咁, 攪到佢地自己和佢家人咁丟架, 倒不如唔好出街了, 又或唔好搭公共交通工具了, 自己揸車或請司機出入接載唔係好囉.

PS: 講番上邊單野, 那女網民與其投訴那男人望佢, 不如投訴個男人唔夠靚仔. 

其實, 香港咁迫人, 搭巴土地鐵時,  不是面向這人, 就是面向別一個人, 攪到好似男望女女望男咁,  十分平常, 只是, 原則是, 一見到對方不舒服, 就應當轉身. 而我自己, 通常都會微微咀笑, 都好少會令到別人不舒服的.





7 則留言:

  1. 我都覺得如果哥個係一個靚仔可能無事.....哈哈...
    巴士座位唔係硬座係軟座??頂到前面佢會知?

    回覆刪除
    回覆
    1. 個伯虎起身落車時, 才發覺佢得70-80磅, 唔係長期病患, 就係前度道友, 而我成160磅, 可能巴士一剎車的衝力, 令佢感受得到有人頂住佢吧, 平常一個100以上的男女, 係唔會感到被人頂著的.

      可以看出, 香港好多人欺善怕惡, 見到我斯文學生款, 而我又坐低左, 佢以為我唔大隻, 後來我為左避免再撞到佢, 我坐高番, 我就知道我好大隻, 再唔敢出聲了.

      不過呢, 這種伯虎欺善怕惡的心態, 正好令到今天年青人全部走出來上街, 就來攪串俾佢地睇.

      刪除
  2. 有些人真係好噪架,我琴日係屋苑前坐小巴排頭位,小巴剛停,我稍微慢少少,后面一個女人就衝上來,但我還是快佢一歩先上車,佢跟著我上坐係我隔壁,跟著故意好大動作,幾次想用手肘撞我,仲睥著我。我念佢可能不滿我慢左D,但何必又甘呢?

    回覆刪除
  3. 感覺佢好燥囉,如果我都同佢一樣燥,一定會對干上來,我無理佢,佢睥左我幾次我都當睇唔到,先唔同佢甘顛,唔係因為怕佢,而係唔想同呢種人浪費我晨早既精神.哈哈!

    回覆刪除
  4. 呢啲打靶,你腰間有支槍,佢即刻粒水!

    回覆刪除