香港社會變得白熱化了.

香港選完立法會議員了, 非建制派議員的數目, 都係差不多, 即是"本土自決"的7席, 其選票並不是由建制派那裡掘回來, 而是由傳統的泛民裡掘出來.

選票對阿爺表達了一個什麼的訊息? 港人己由原本傳統愛國泛民, 轉而支持"本土自決", 帶有本土港人的向心力, 不再像傳統愛國泛民似的, 跟阿爺有商有量了.

今年立法會會點? 哈..... 好似黃沃文扔撙扔水杯, 可能由今年開始, 都會係小兒科啦, 而且黃沃文都無得撈了......

都唔怪得了, 上一屆的傳統泛民議員, 個個今屆都唔再出來選了, 交哂俾第二梯隊出來選, 因為佢地知道, 講左廿幾年的直選普選, 都因為2014年831落閘後, 成為他們政治生涯的終止符了. 沒有人再相信他們一直跟阿爺有傾有講, 咁去爭取普選直選.

整個香港社會, 已經由溫和, 轉變到極端.... 而又不滿香港現況的人, 如果唔打算移民或再回流的, 就會變得十分極端了.

PS: 2014年, 有次我自己一個人飲茶, 有個男人係都要坐落來搭枱, 係都要同我講香港政治, 唉..... 我諗呢, 我今年回港, 我一定唔會當面回答人們這些話題, 實在太容易變得白熱化, 唔好攪我了.