天才如夢

看報紙, 英國有個天才A級學生, 竟然把人人眼中的好老師刺死了.

其他人可能不知道佢為何會咁做, 但我理解到, 因為有些老師好喜歡催谷資優學生, 希望有叻人出自佢手嘛, 但有時.... 資優學生會認為這些老師冒犯了佢. 就好像我以前某教會裡的牧師, 用一些旁門左道的方法來催谷會友, 做事不得其法, 佢高質素的會友就買少見少了.

我自細常常被人定為優資學生, 我的哥哥們也是, 現在連我的侄仔侄女都是..... 只是, 我從來都不覺得自己比別人聰明, 從來都不喜歡別人這樣來定我形. 認為幸福的人生, 不是靠人怎樣來看我, 而是靠我自己怎樣看自己嘛!

大過左後, 有次就去天才協會裡, 假意伸請做會員, 做左個測驗, 自己來得個知字, 結果.... 成績出來, 哈哈哈.... 我不是呢, 我都唔知幾開心.... 個職員叫我再做多一次測驗, 好等我可以入會. 佢都傻的,我都唔知加入天才協會做乜? 我唔希望我因為成為天才會會員, 而扭曲了自我.

PS: 人人都想證明自己係天才, 只是, 證明到咁又點呢? 天才係那些超乎常人的人, 才好叫天才, 天才只有10%是天份, 其餘90%係靠汗水. 我唔想被人稱為天才, 原因..... 第一, 我又唔想咁辛苦, 第二, 我又唔想個樣咁快殘(話哂起碼結左婚之後先殘嘛), 第三, 我的理想只是做個唔起眼的普通人. 哈哈哈.... 現在太平盛世, 又唔洗我去拯救全人類.... 做乜咁辛苦來虐待自己? 而且天才大多早早就蒙主寵召了, 所以做乜鬼天才呢?