為何異地戀/異文化戀, 比較困難?

前幾天講開, 曾經有女教友, 臨結婚才發現未婚夫欠下大量咭數. 就有網友來表示: "咁都俾佢找到, 佢眼光都.... 財務或債務問題, 在婚前應該估計到, 看看收入和開支就知道, 如不清楚可以問下, 否則雙方就不太了解."

其實呢, 對方的財務問題, 我又覺得未必一定容易觀察到, 尤其自以為年薪越高的, 越欠咭數得勁呀. 還有, 如果雙方生活和價值相差很遠, 就更難估到. 

就好似我自己咁, 現實生活中認識我的這裡朋友, 見到我身上D名牌, 都不會誤以為我入不乎支, 碌爆咭.  因為我D朋友知道我身裁跟這裡的人相差很遠, 無人會同我爭衫, 我好容易買到減價的名牌衫褲. 通常係3-4折, 前排更試過1折買名牌. 

只是大家如果由香港來到, 見到我, 可能會懷疑我大富貴, 或份人工好好搵, 又或欠下好多咭數. 因為大家唔知道我這裡一減價就好平, 而我的呎碼無人同我爭, D衫無人買, 只有我岩身, 但廠商唔出唔得. 

這個就是異地戀的困難, 大家生活環境不同, 估唔到對方的情況, 對方欠債又好, 大富貴又好, 都好難觀察到出來, 如果要呃, 又真係可以呃得好金咖. 

PS: 我讀書時, 父母因為怕我荒廢學業, 就提議我完成學業後才拍拖, 只是我畢業後, 行了一條跟大部份人不同的路. 很多人就不能了解我了, 甚至誤解我了, 攪到拍拖都好麻煩咖.

其實呢, 人人都行的那條路, 頂多只能夠算是平穩囉, 但機會不會比我多, 比我好. 但一到經濟衰退, 大家對住大家, 一齊困在愁城裡, 只有我可以不在他們的愁誠裡. 可能我愁的時候, 其他人不用愁吧, 他們愁時, 他們以為我幸災樂禍吧!