單車舖個哥哥好好人喎, 知道我買來寄外埠, 幫我攝埋紙箱內的空位, 唔洗咁易係郵寄時撞壞部車.
拿去寄時, 我原本唔知郵局有電梯上, 以為得自動扶手梯, 又俾我遇著好心大嬸教我搭電梯上去.
哈..... 到我去到郵局, 櫃台大嫂見我紙箱咁大, 驚死我寄到去打回頭, 就同我度清度楚個箱的SIZE, 仲同我講, 要寫個常在香港親人個名上去, 一下打回頭, 都有親人幫我去領回部車.
大家話啦, 我JJ係咪一個好有福份的人呢? 去到邊度都有貴人出來相助咖喎.....
本來箱野要過左聖誕才會收到咖, 因為已經過左聖誕節郵寄個DEADLINE了, 但係又俾係聖誕前平安夜果一日收到..... 嘩哈哈..... 不過, 咁早收到都無用, 冰水雪地, 踩乜鬼單車姐嗄? 現在我去溜冰滑雪就差唔多.
PS:果日買完, 拖箱野去上海街文具店買郵寄紙/牛皮膠紙/雙頭筆時, 俾我見到股壇長毛 DAVID WXBB, 佢果日有點似C9, 拖住個C9買餸的車仔袋, 係上海街度週圍行, 咁岩我又推住箱野係街上包緊, 可能佢見我著到成個佢D鬼佬同鄉咁, 睇真D才發現我係唐人, 覺得我好過癮, 留意望望我, 我又認得佢, 差D講左佢個名係唇邊出來, 見到佢係唇邊講左粗口喎. 我心諗佢一定又同佢老婆嗌交, 世界上所有男人同佢老婆嗌交之後, 都係好燥火, 好唔好老脾咖啦.尤其, 中西聯婚呢.
其實, 我發覺做人好似佢咁唔得咖, 做人越是咁樣起哂角, 越是唔順意, 好似我遇到乜事都笑笑口, 這樣總會人生有轉機的.
香港買+寄仲平過加記買？
回覆刪除這部車係美國網上訂, 要$800美金, 再加運費和加國關稅, 無$1100都落唔樓, 我這部係香港買, 港元$2300多少少, 連運費都係$2800, 合$400美元都無, 再加現在$50元關稅(因為我回港離開加國多過7天, 有$800元免稅額, 但我只淨下$200額度不到, 所以仍要俾$50關稅, 現在落樓唔洗$450美元, 係咪抵好多呢?
刪除抵！
刪除說得無錯！……〝做人越是咁樣起哂角, 越是唔順意, 好似我遇到乜事都笑笑口, 這樣總會人生有轉機的. 〞
回覆刪除無奈..... 有些人天生係咁
刪除人唔識得放下，怨氣就積聚，就算好運來都會抵消，所以機會要用開心來迎接，有些人天生有樂觀呢份禮物嘅！
回覆刪除人生禍福難料, 都係做人笑面迎難, 才是正路啦,
刪除新單車賀年, 新年快樂!
回覆刪除哈哈哈..... 現在睇得唔洗得, 冬天冰水雪地, 無得踩出去威呀.
刪除Woow! Mr JJ 回港買乜野可以用了600多元免稅額呢?
回覆刪除我每次回加只帶200元左右新物品回來!
哈哈哈...... 我呀..... 買左好多零食(一句平平平), 電子產品(電視機盒平一半有多)和運動用的散汗衫褲(這些香港真係平好多). 其他貴的有眼鏡囉(都係比加拿大平呀)..... 年紀大左, 眼鏡真係好貴呀.
刪除Mr JJ,
刪除眼鏡我都回港配, 但是愈來愈貴, 有時加記某些公司減價, 差不多平過HK, 零食HK平一半有多, 你真識買平野!
哈哈哈...... 我呀..... 買左好多零食(一句平平平), 電子產品(電視機盒平一半有多)和運動用的散汗衫褲(這些香港真係平好多). 其他貴的有眼鏡囉(都係比加拿大平呀)..... 年紀大左, 眼鏡真係好貴呀.
回覆刪除