噢..... 哈哈哈.... 大家今個星期日, 會否..... ?

就咁既, 2002年一月的某個星期日, 係紐約有七兜友仔, 竟然忽發奇想, 扮作唔記得著面褲出街, 淨係著住條三角褲進入地鐵車廂, 仲要扮作大家彼此不認識喎. 

這個無厘頭行動, 今年已經係第14屆, 而且呢, 發展到全球60個城市..... 其實呢, 以我JJ話齋呢嗄, 現今世界上實在太多人生活苦悶了, 咁多野好玩唔玩, 攞D咁野來玩, 有乜咁出奇喎, 未睇過咩, 去海灘或泳池唔係有得睇囉..... 真係無厘頭呀.....

唉..... 紐約都還好少少, 無咁凍, 我這裡今個星期日最高得番零下七度, 莫講無著面褲, 著住條面褲都覺得好凍咖麻. 還有, 班友條約埋係一個地鐵站( MONT-ROYAL), 剛剛好係一間華人教會旁邊, 希望唔好造成甚麼甚麼文化衝擊吧.

本來今天想只係齋出字, 但係俾唔到大家覺得果種震撼力, 所以趣趣地就 登一幅咁多... 這個華女, 企得幾有性格呀, 不過, 唔好囉, 佢都係唔岩我JJ咖咯.

PS: 路邊社消息講呢, 2012年果次, 香港和上海曾經參加過喎, 真係無眼睇了, 唔好講大陸啦, 就香港都唔可以咁啦, 唔知道果次香港警察用乜野理由來拉班人. 如果果次咁都唔拉, 上年佔中就更加唔應該拉人啦.....