哈, 大家可能會來罵我JJ生安白造, 話覺覺豬係門學問.....
不過, 如果大家想睏好睏夠, 其實係同飲食一樣, 都係有野要留意咖喎, 尤其現在武漢肺炎/COVID-19疫情下, 睏得好, 食得好, 係打贏病毒的主要關鍵呀!
嗱, 夜晚果餐呢, 大家最好早D食, 我JJ就六點食了, 10點上床覺覺豬時, 就已經大約消失得七七八八, 就唔會睏低時出現胃酸倒流了.
夜晚果餐呢, 唔好食得咁豐富喎, 尤其唔好做食肉獸呀! 唔好食咁多, 7成飽就好了. 還有, 最好少食煎炒炸D野, 我JJ習慣晚黑果餐呢, 用水加些油煮, 一切清淡易消化呢!
如果大家有胃酸倒流呢, 可以墊D書墊高床頭, 咁樣, 頭和喉龍會高過胃和食道, 咁就不會容易胃酸倒流了.
還有, 有些人一覺睡醒, 卻發現十分疲累, 原因大多有2個:
1. 睡房缺乏新鮮空氣, 這個容易了, 只需開點窗, 又或開風扇不直撞吹到床上;
2. 睡姿沒有轉換, 老是壓死係同一身體部位, 那裡血液循環不好, 令全身血液循環都不好, 就會醒來時十分疲累了. 若要, 令身體不斷轉換睡姿, 被舖要夠厚夠大夠輕, 不讓身體被被舖壓著不能動彈. 還可以上身穿厚衣來睏覺, 下身蓋被, 那樣, 上身和下身都能不斷轉換睡姿了.
哈, 細時成被大人來罵我反睏, 但原來反睏係好咖, 原來人越年紀大, 睏覺時越係唔會反睏, 咁就好易睡中中瘋, 睡夢中去左, 都係唔錯咖, 不過, 一覺醒來發現自己手或腳癱左, 咁就大大鑊了.
上年, 阿林大導係睡夢中去左, 其實都唔錯呀. 不過, 任何其他人, 一睏醒才發現人生變得唔三唔四, 咁就唔好, 又或者, 睏得唔夠好, 身體唔夠抵抗力, 染上流感又或武漢肺炎/COVID-19, 咁就唔好啦!
PS: 大家唔好罵我JJ好管閒事, 我時時提醒D 55歲以上的朋友們, 快快來退休或半退休, 一定要俾自己唔好咁忙, 一定要開始慢落來, 因為55歲後, 就唔好好似18廿二咁開工了, 因為會令身體狀況快D惡化, 搵埋搵D錢, 大多都會用番係將來D醫療開支上. 尤其, D錢係奢侈咁用左佢, 唔係儲起為將來退休用呢, 咁就不如早D半退休或全退休, 早D清清淡淡咁過日子, 讓身體在未走下坡前, 有充足的休息了.
agreed !
回覆刪除