加記是萬稅之國嗎?

剛剛做好今年的報稅表, 有點意外的..... , 就是發現...... 加記稅率原來不十分高, 在發達國家來講, 可以講話係較低!

以前我一直唔覺得, 係因為打工唔只d稅率無得扣減, 之上還要俾自己的退休金和就業保險金的供款, 即係要再俾多15~16%呀! 好多人一收工資時, 就扣減左45-60%了.

以前我打工時, 有股息和利得(capital gain)收入, 但一加上.....打工的入息和出租物業租金收入的稅來計, 我d稅率就比現在高好多囉! 

嗱..... 這幾年我退左休了, 連出租物業都賣埋, 只剩股息和利得(capital gain)收入, 咁就.......令我好意外了, 稅率跌到20%以下, 今年報稅呢.... 因為2020年3月大跌市, 我買左好多股票入來, 又多左好多股息收入啊, 初時仲驚住死啦死啦, 要俾好多錢稅, 點知現在一計之下, 都係21%左右. 

嘩哈哈, 咁即係叫我唔好再返去打工姐, 打工拉高左我的稅率, 做埋做埋差唔多攞澌去俾稅呀! 點解以前我咁戇居呢? 走去打工, 俾咁多錢稅, 只係為求係朋友面前, 表示自己有份穩定工作, 表示自己不是別人的負累, 唔會攞福利拖累其他人. 其實, 如果我早早唔再打工, 可能個結果, 比現在還好好多呀!

嘩, 20%稅, 多香港幾個%咋喎, 但我這邊加記, 有全民免費醫療喎, 保我一生平安喎!

所以, 如果大家揸舊錢來加記生活, 又將d錢買加記收息股來過日子, 生活應該唔會太差囉, 最少稅率唔會好似...... 加記好多人口中講到咁誇張囉! 如果好似我JJ咁, 有美股又有加股, 又有唔少的股息收入, 都只係21%! 跟係香港的15%, 唔係差好多姐, 還有這裡物價唔高囉, 一切衣食住行, 平過香港呀! 只係冬天時食物會貴DD, 其他時候, 其他消費品, 如車/油呀, 衣服鞋襪呀! 連買藥/保健品/化妝品, 都平過香港!

PS: 在加記, 點分上等人呢? 原來..... 當D人怨加記D稅率高時, 果D人一定唔係上等人呀! 唉...... 點解以前識埋澌D朋友咁戇居咖? 認自己稅率高, 應該好似我JJ咁, 稅率低才會生活得安逸嘛!

以前我D稅率都比其他人低, 因為我係打工和租金收入之外(正常稅率), 還有股息和利得收入(比常稅率最少低一半呀), 拉低左個整體稅率啊! 所以, 我當時唔會同人講自己稅率高! 因為其他人聽到, 還誤以為我係漸進稅率(越低收入越低稅率)之下, 收入好低呀! D人好似我JJ咁, 20%稅率,  一係打工年薪只有2萬的低收入人仕, 或係脫離打工高稅率魔箍的自由人仕.但大多數人係低收入人仕囉!

所以, 大家揸舊錢過到來, 咪聽旁人指指點點, 能夠靠股息來過日子, 就一定係上上等人, 其他D人俾咁高稅率, 只係佢地唔似我地咁, 佢地做唔好似我地咁嘛!  

頂多來到加記後的頭10年, 會比較無咁習慣和就手, 但一到適應左後, 就會, 加記就會生活得好適服了.