怎樣去做個好的"同路人"?

好多年前, 陸肆之後, 唔耳開稀要流亡, 去左枱灣, 有人借左架靚車俾佢揸, 點知佢撞左之後, 擘底架車, 就走左去, 當時就有人講, 佢係咪用咁樣心態去攪學生運動呀? 有事就走左去! 當時就有人講, 這些學運領袖來日方長, 才會見到真章呀! 

多年過後, 只有黃單仲有活躍, 其他人都唔見左人了, 更有些走左去佢地年青時指責的那方裡, 嚐盡好處. 

唉..... 就諗起我去教會的經歷了. 其實, 我自己一向都在自己能力以內盡力, 做到多少做多少啦! 只是, 一知道有路線分歧, 我大多都會讓路, 唯恐怕自己阻住其他人, 唯恐怕自己拖累到其他人, 一直都是以積小成功來幫助教會! 只是, 我後來才知道, 原來我做野時, 這些路線分歧才會出現, 我唔做野時, 根本就沒有路線分歧, 即是, 有些人根本就唔係來做野, 只是來攪局吧! 

後來我看清楚, 這些人原來連自己都顧唔掂, 唔會自己做家務, 唔會自己處理好自己人生, 更不用說佢地有能力顧好自己家庭子女父母了. 

其實, 好簡單咖咋, 修身齊家治國平天下, 自身都顧唔掂, 怎樣去齊家? 連自己家人都給養不好, 怎能治國? 餘下的平天下, 就唔該唔好提了, 簡直無資格呀! 十分簡單, 連自己都顧唔掂的人, 好容易被懷疑來攪局呀! 要說服別人, 就要先顧好自己和家人的一切!

要做好一個同路人, 就首先唔好去拖累其他同路人, 自己管好自己事, 等其他同路人可以有更多能力去做正事實事嘛! 萬丈高樓從地起, 人若有遠大志向, 就要有強大的能力, 行最初幾步時, 最少自己可以顧掂自己, 唔好拖累其他同路人. 

當然, 我JJ都需要別人來幫一把的, 不過, 我只是希望人家用資訊或經驗來幫我, 之後, 讓我自己做回自己本份, 解決好自己的問題, 咁就算係幫左我JJ了. 

都係果句, 來日方長, 路遙知馬力, 日久見人心. 人生就好像是個淘汰賽一樣, 路一直行落去, 就會見到誰是同路人, 也會找到分辨同路人的方法!

PS: 見過教會的問題, 我理解到任何人都只是人一個囉! 最壞情況可以發生呀! 本來好想透過 PATREON 去支持一些網上朋友, 只是一問 PATREON, 才知道受助人會知道出資人的郵電地址啊! 更莫要說, 出資人在PATREON內的資料, 有可能會被黑呀! 所以, 我JJ 咁耐都未敢透過 PATREON 幫手. 一來, 有些網友的觀點較激一點, 出資人也可能受到某程度的牽連呀! 二來, 人總是人, 真是要考慮到最壞情況有可能會發生呀! 

我JJ以前係教會俾奉獻, 全部都用匿名, 但都係要寫銀行支票嘛! 咁, 點錢果個, 就會知道我JJ D底細嘛! 我臨離開那教會前, 那個同我攪局的人, 牧師叫佢去點錢喎! 哈哈哈, 好啦, 我可以慳D了.