從加記稅率來看, 住係加記, 人生最理想, 係唔好大上大落的!

 點解? 因為加國稅率係漸進式稅率, 越高收入就越高稅率.

比如...... 一個人一年賺好多錢, 第二年食穀種, 第一年稅率好高, 第二就算唔洗交稅, 都蓋不到第一年交多左的稅款呀, 因為如果第一年收入分開二年咁俾稅, 加起來的稅款, 一定比係一年內咁去交D稅款少.

收入就最好..... 年年都不斷升高, 慢慢咁升, 咁就可以慢慢咁去改變收入來源, 改變去到那些較低稅率的收入來源(如加國股息+CAPITAL GAIN+公司OPTION+公司派紅股).

所以, 係加記呢, 人們十分注重 - CAREER PATH 或 INCOME PATH. 循著這條路慢慢咁前進囉! 

以我JJ為例, 打工時儲錢來投資, 慢慢建好自己個投資倉, 慢慢咁增加自己股息和利得收入, 甚至買物業來出租, 到左某一天, 發現自己工資以外的收入, 已經足以來支付日常生活, 份工就開始唔洗咁博了, 再到左多過日常生活開支的50%時, 就可以直接唔好再撈了. 

在加記的人生, 都係一步步咁走過來的, 唔好大上大落, D稅率咁高, 每行一步, 都要諗諗點去俾少D稅呀! 

一切都是人生的規劃, 規劃得好, 人生就可以慳番好多力水啊! 到左稅率高到肉赤時, 自己就要去改變自己的人生和收入方式, 改到去稅率低的生活和收入方式, 到左能夠唔洗再打工來應付生活時, 就唔好猶豫了, 一定唔好再打工, 去為自己將來人生籌措未來了, 過自己喜歡的日子囉!

PS: 加記的利得稅呢, 係打工仔的一半呀, 而且, 某一年蝕左錢, 都可以向前邊7年或後邊無限咁多年來扣減賺的部份. 例如我JJ 2017年賣左出租物業, 屋價賺左錢, 撽立的這筆利得稅就可以用來扣減我2018年到2023年之間, 任何一年蝕左的利得收入啊! 又或如果任何人係2021年利得收入蝕左錢, 就可以往後咁去扣減2014年到2920年或2022年和之後的利得收入嘛! 

俗語有講, 賺左第一桶金, 之後做生意和投資, 係會容易好多, 不單捉到路數, 在加記還可以扣減將來蝕的錢嘛! 大家唔係見我上年3月大跌市時, 好勇咁猛買股票, 就係因為如果蝕左, 可以扣減番2017年賣出租物業時, 俾果D稅呀嘛! 所以, 我上年3月係有恃無恐咁買貨. 

如果2023年之前再有大跌市, 我JJ都會出血本咁去增持股票呀!