自己後天決定, 才是最決定性.

有無人估到相中人長大後係乜水？吓, 現在佢被稱為華人第一美女喎, 乜點解..... 我以前細時好多女同學都仲靚過佢相片中果陣時播? 2018年回港時，係巴士上見番..... 細時隔離班果個靚靚女同學，變成又黑又瘦的小老太婆。甚至, 好多時係街上, 我見返以前細時的靚靚女同學, 一時三刻我都唔會想返起佢地就係往日吸睛的靚靚女同學, 返而覺得佢地跟任何C9無分別囉. 

 

所以呢，後天際遇是十分重要呀! 際遇是外在強加的客觀條件, 後天才是自己決定的, 有人說, 25歲前的一切, 是父母俾, 25歳後的一切, 是自己賺回來. 後天? 有D乜要注意?

 

1. 相由心生, 相貎是人家第一眼對自己的 FIRST IMPRESSION. 只是好多時, 我們身處的處境, 直接影響心思, 再影響相貎. 明白的, 有時身處艱難的處境, 不容易呀, 但都要盡量去想得正面, 不要被艱難處境所限際, 改變命運, 往往是由自己的正面心思所開始的. 如果有DEPRESSION, 一定要快快脫離出去, 要多出外走走, 找個朋友來傾訴. 去到任何社會和文化, 唉口唉面都不會改善到自己命運和人生. 

 

2. 際遇可以改變到嗎? 我認為可以改到少少的, 機會永遠都是首先給與那些樂觀帶著微笑的人, 之後才到那些準備充足的人. 但如果連樂觀微笑都沒有, 那怎樣準備充足, 都未必入到圍. 好多其他人解決唔到的難題, 這些人都較容易迎刃而解. 曾經有朋友, 佢係公司裡升得最快, 因為佢去到見客仔, 好多客仔已經準備好訂單了.   

3. 我一直都叫人, 做好自己的事, 少理別人怎樣看自己. 是的, 自己內心負責任/樂觀/自信/有同理心, 人生才會順順利利, 點解? 這樣最少..... 人家不會對自己有任何惡感. 如果咁都招惹人家不滿, 那麼這些人必定是個 LOSER, 大可以撓過佢地唔好理會. 

 

4. 氣質好重要, 就算男性都係, 乜野氣質? 貴氣? 曾經有朋友佢講, 佢以前有幾個女同學, 走來同佢講, 佢地母親係格格. 唔只咁, 佢仲係好多同齡女性的男神, 唔係好YEAH果種, 係要抬頭來望佢果種呀. 點會有貴氣? 自信.... 自信.... 自信.... 自信.... 自信....

 

5.  最近網上有評, 話大美人由少到大, 都有咁多靚仔係佢身邊係咁轉, 唔係拍戲做情侶(戲埋拖手到咀咀), 就真係變成戀人或夫妻喎(直到佢唔要巡場林, 要型仔李, 佢先至身邊少左靚仔), 佢日日都受外界靚仔來激發佢賀爾蒙喎, 所以..... 佢唔只比人靚靚, 皮膚白白滑滑, 仲身裁好好呀. 講開又真係似層層喎, 我記得細時果D女同學, 如果一見到靚仔就唔多高興, 似同個靚仔誓不兩立咁, 佢地真係較其他女同學無咁開心, 老得快D呀. 嗱, 我就無叫大家亂攪男女關係呢, 只是成日有靚人係自己身邊, 我自己都唔會著到成個"佬"咁啦, 起碼都希望自己外型好睇D! 所以, 有靚人係自己身邊, 係十分重要的, 物以類聚, 人以群分. 

 

 

 

電視上見到, 乜野係...... 有預謀的突發

 大家都見到電視上, 當奴友同人吵大鑊啦, 嗱, 我就好肯定佢地唔係做戲, 而係有預謀的突發.

不過, 乜野係..... "有預謀的突發", 有人預左..... 無心去簽約, 而係假借簽約, 來要脅當奴友唔好斷援助, 之不過, 當奴力唔係傳統政客, 唔受人要脅, 就算係電視直播上, 都要反台.

係呀, 老實講, 我真係唔認為當奴友斷援助係吵大鑊後才決定, 而係一早有計劃咁做. 某人知道會斷援助, 就假借簽約之名, 係未簽之前, 講援助筆數, 兼且係傳媒面前要脅當奴友. 這個係果條友一向慣用的技量. 

有預謀果PART 講完, 咁講突發果PART了, 當奴友唔係傳統政客, 當然唔會顧住傳媒和大眾的恐慌, 當奴友立刻反枱, 咁差公關和公眾形象呢..... 當奴友損失慘重, 佢連一百日當選後蜜月期都無埋, 立刻面對四方八面的質疑了. 

當然係盟國中老大的地位無左了, 佢D選民開始唔認同佢的政治選擇了, 佢現在開始已經陷入進退兩難局面, 要一樣, 就要犧牲另一樣了, 咁會得失佢D某部份支持者. 

不過, 對某人來講, 佢無乜損失, 橫豎當奴友D援助都無, 一家乞唔去, 唔係去另外幾家度乞囉, 不過, 應該會難乞左囉, 以前去大戶人家度乞, 另幾個較細的人家就會跟住俾水, 現在要去幾家較細人家度乞, 仲要家家都要去勻喎. 唉, 家陣佢搵食艱難呀, D米飯班主買少見少.

好啦, 這個說出, 現在仍然係戰略重反亞太呀. 抽身出來, 把戰略重心和資源轉移. 唔會因為當奴友同佢D盟國關係差, 就唔會執行既有的戰略轉移, 大家要KEEP住係心上.

 

 

祝大家 花開富貴 年年好境 身體健康 心想事成

 

講講當奴友現在未上任前, 佢講果D野的前因後果.

希望幫助到大家去疏理好, 世間所發生事情的一些脈絡, 希望不會帶上自己任何個人的喜好或慾望或恐懼.
 

首先要講講老美體制了, 當然兩黨有其獨立政策啦, 不過誰俾錢兩黨裡D人去做競選經費呢? 當然係有錢佬, 有錢佬怎樣去令政策有利於他們, 當然唔係佢地親自走出來指指點點, 而係透過不同智庫來出研調, 佢地揀出其中一些對他們有利的, 來做老美國家長期戰略目標, 之後俾兩黨自由空間, 在政策上實現長期戰略目標, 之後用落實到幾多戰略目標, 來決定下一屆支持誰. 

不過, 在全球暖化下, 北極現在無人冰封地區, 內有北極熊, 第51州, 老美, 維京3-4國, 在未來30-40年內, 會溶冰成為較宜居地, 咁到時, 佢地一群人就會係海上同北極熊D 戰艦和潛艇揮手了. 當然現在就要開始防務工作啦, 只是老美一個人係度急來出錢, 其他人唔急又唔肯出錢喎, 這個就係當奴友第一屆任期內, 成日罵班友唔肯齊齊科水. 家陣佢講果D51州長呀, 運河呀, 維京凍凍島呀, 都係佢第一任後期所想所做的, 當然咁就嚇驚左老美傳統政客和班有錢佬, 打爛哂老美這幾十年苦心經營的全球局面.

原本老美傳統政客, 會聽從於班有錢佬(這些富人後代會比較猶豫和等待適當時機), 只是當奴友唔係傳統政客, 而且佢自己也有D水(當然無班有錢佬咁疊), 由黨內初選到佢第一任完結, 佢都唔多看班有錢佬於眼內, 想更多地去實現佢自己的想法, 當然包括佢自己的著數. 所以, 就有了2020年大選點票中的舞弊指控, 有人更說, 十分刻意地唔俾佢再做落去.

不過, 佢落選後, 無俾人告到甩褲喎, 而且有個最新冒起的大有錢佬(家陣成為全球首富了), 背後射住射住, 現在更走出來幕前, 連遮遮掩掩都唔再需要了. 所以, 現在佢再當蒜, 對果班影響左老美百年的有錢佬來講, 現在就要面對權力大洗牌的可能性. 

至於當奴友會否實現佢家陣未上任前講D野? 其實好視乎, 班友(老歐和第51州)會否聽佢支苖囉, 尤其加軍費係北極防務上. 只是歷史上, 第51州同老美最講得埋的時候, 大多都係雙方都係右翼政府執政. 前幾年當奴友同第51州和老墨簽果份野, 係佢前任黑仔左翼政府做左好耐, 當奴友佢要延續前朝的方針囉.
 

吓...... 講唔講得掂數? 而唔會實現當奴友家陣講D野? 唉, 我JJ最近就唔多睏得好呀, 都係打定輸數了. 老美現在面對權力大洗牌, 換上揸FIT(當奴友) 和 揸庄人(首富)了. 好啦, 話哂我JJ年紀開始大, 唔再慣D大魚大肉飲食了, 要開始食得清淡D呀, 白粥清菜, 對我身體好呀. 如果真係變成第51州, 到時才再決定搬唔搬了, 話哂老美D入息稅, 對我來講, 唔一定比我現在俾D稅率低呀, 又無全民醫療, 噓, 到時可能拍拍羅友散水.

為何有6百萬人仔, 都被視作一文不值?

 理由十分簡單, 這些人視600萬為一種不會增長的資產, 緊緊活在一個躺平擺爛的時空之中, 從沒有想過未來會更好, 以為世間世事都會定格在現在, 現在一切不會變. 沒法了, 格局和視野限制了這些人的命運, 如果內地大多數人都係咁諗法, 又或不會來恥笑一下, 只會憤怒漫罵, 相信國內情況大約會每況愈下.

首先, 女人結婚時考慮的, 唔只係對方有幾多身家, 而係對方現在和將來有幾多賺錢潛力. 世界唔會定左格係現在, 金山銀山都會洗哂, 但持續的賺錢能力才是最靠得住. 

 

由憸入富容易, 由富變貧難了. 都只會係好景時, 才會出現這些人的, 人的命運不是由天定, 上天絕對公平, 只是係人自己攞泥衰, 怪不得人, 也怪不得上天. 

我移民來加國時, 有朋友攞左D錢來買2架大BENZ(佢應該比我有錢好多), 我用左相同的錢, 來買左出租物業, 理由係可以錢生錢, 價值年年升, 唔係好似部車咁, 一大三闊, 花錢如流水之餘, 仲年年跌價. 

當然我那位朋友D錢洗到咁上下, 唔回流唔得, 咁岩遇上97金融風暴, 洗左D錢, 要賺返返來, 比以前難上十倍. 

最近聽聞這朋友回流回來加國, 只是加國又係面臨經濟衰退喎(美加貿易講唔掂數), 往後的日子, 人人將會更不容易, 希望佢之前搵番夠D錢, 有舊錢回來加國, 更要一改以前的觀念和做法, 日子才會較容易過.

 

 

人生與命運

多年前回港探親, 行過旺角某街道, 有個女仔(廿歲未到果D)走埋來同我講: "靚仔, 我現在來溝你, 俾隻手來拖住, 等我係班 FRIEND 面前威下." 

當時見個女仔有D面熟, 可能唔知邊度見過佢, 一時無諗咁多, 就俾佢拉左入旁邊間茶餐廳, 裡邊真係坐左成班女仔(3-4個) - 佢D FRIEND 喎, 不過, 我觀察到佢地班女仔岩岩食完野, 應該......

話口未完, 果個女仔同講: "俾我係班 FRIEND 面前威下, 你代我請我班 FRIEND 食野."

我一野FING 開女仔隻手, 黐線咩, 三九唔識七, 要我幫你威, 我無能為力. 當時個女仔面上浮現出好意外的表情. 

後來我想, 果個女仔一定以為我係果D好要面的男人, 就算我生得點後生, 佢都無理由睇唔出我最少大佢十幾廿年, 應該係呃我幫佢地解決難關吧. 

老實講, 江湖救急, 佢無錢肚餓, 我唔係買D野俾佢食囉, 但係一大柵女仔(雖然果餐都係幾舊水姐), 我就無能為力了, 有今次就會再有下次了. 

其實, 我係果D可以保證家人溫飽的男人, 但係要我咁樣去做人做事(樣樣都要威俾人睇), 我就唔係果個女仔諗果種男人囉. 

有時, 有些女性會認為男性對女性有侵犯企圖, 不過, 經過這件事後, 我反而認為, 一樣米養百樣人, 就係這種女仔有這樣要威的想法, 才會導致佢地有某樣的人生/命運/想法, 又或她們從自己父母身上, 見到同一樣事情, 長大後就有樣學樣囉, 最後, 就走不出她們父母的舊路. 又或者, 佢誤以為我係咸濕佬, 一直在針對著咸濕佬弱點, 又或者佢未曾見過惡人吧.

最近, 我父母等唔切政府公家老人院, 要將佢地暫時放係私家老人院, 當然就開始又再有錢銀上的壓力了. 想返起來當年果個女仔, 再想起現在自己發生的一切, 真係慶幸自己唔係果個女仔要果種男人, 如果係, 我現在真係對父母的迫切需要無能為力了.

半年無寫野, 現發現財務自由後, 還要再....

提不起勁來寫野, 已經半年了. 因為上年尾我爸在巴士上跌了變骨折(老人家骨質疏鬆), 之後我就開始要為父母倆日常生活的需要而忙起上來(才體會什麼是侍奉雙親), 偶然會寫些東西, 但都是少事纏身, 寫野時, 很多平時少用的用字, 也突然執筆忘字, 不要忘記我係加燦來咖, 平時已經少用中文, 一到家事忙時, 就更容易執筆忘字.

大約在3個月前, 見到父母狀況開始轉差到一個地步, 我自己快要難以去應付, 就前2個月, 送了他們入私家老人院(因為公家條隊佢地才剛開始排, 大約要2-3年時間吧, 大約是現在開支的1/3), 一來那裡地下沒有階級, 設計適合老人, 不會像家中容易跌倒和撞親; 二來有看護24小時睇住, 還有醫生定期來睇下佢地, 連體檢和驗血都做埋, 唔洗我帶佢地去睇醫生驗血, 少左好多跌倒的機會. 

現在一個人靜下來, 感到人生方向有點迷糊, 以為己經完全財務自由了, 但一到父母高昂的護理開支(私家老人院), 才發現原來自己尚未完全財務自由喎.  

怎辦? 幸好我一直生活十分簡單, 開支雖鬆裕但也不多, 多年來手頭儲下不少現金, 現正好用來爭持收息股, 增加股息收入到足夠支付父母私家護理開支. 大約會用2-3年時間來爭持, 見平才入貨, 不會心急去買入. 再到公家條隊到佢地時, 睇下增加的股息收入, 夠唔夠佢地私家護理開支, 如果只差10%(現在到50%呀), 我都會俾佢地留係私家老人院, 唔會俾佢地轉來轉去老人院.

以前聽D友仔講, 有錢無諚洗, 這個我親身經歷係...... 有閒錢時儲起佢, 到現在有需要就攞出來, 放係關鍵的地方, 好似我咁, D閒錢唔係攞來應付開支增加, 而係攞來錢生錢, 得出來的錢才攞來應付開支增加. 當然, 咁樣我就承受高一點的投資風險了, 不過錢放閒係度, 也未必無風險呢?

我D阿哥都來問我, 父母要錢就問他們攞, 不過, 我都係希望自己攪得掂, 始終這個係我人生一個重大的評分, 自己有能力攪掂自己父母的需要, 將來進天國時, 我不會有愧疚.

近日, 當奴友回朝當政, 哈哈哈, 佢上次都已經咁唔按傳統政治咁出牌, 咁今次呢, 佢真係可以用挪渣托世來形容佢吧.  大家真係坐穩企穩, 最好搵D野來支撐或扶住呀, 現在情形就好似搭巴士時, 部巴士朗朗下咁, 唔好跌親, 尤其我這些人年紀開始大, 容乜易有骨質疏鬆咖.

 

這是普遍人的想法嗎?

 

令我想起..... 不禁淚流滿面.

種衛星田, 一畝田種出什麼萬斤千斤, 個政府喉舌, 仲叫人放開懷大吃大喝, 點知, 之後就3年大飢荒了, 餓死千萬人.

史鑒不遠, 只是幾十年, 點會忘得一乾二淨? 不禁使人聯想到, 唔係有心, 就係有意咁做啦.

點解? 太簡單了, 用飢荒來滅絕低端人口呀. 就好似前幾年係首都驅趕低端人口一樣, 目的只有一個, 就係無神論者的優秀人口論囉! 在他們眼中, 視人命如草芥, 叫低端D人, 早死早著. 

這個也絕對不是某人的一時喜好, 攪政積工程, 一定是儻內高層的集體意志, 經過精心策劃, 真係唔好當人傻, D人只係扮豬食老虎, 就如當年老董一樣, 令人費解, 實際上進行偷天換日勾當. 

這個使我想起, 多年前同我同時移民加國果班, 唔會入鄉隨俗/落地生根的, 仲大罵加國社會制度, 仲笑果D落到地生根的人為半唐蕃/假洋鬼子. 不過幾年就回流. 我相信大部份這班人, 現在打死佢地都唔會搬返來加國, 不過唔搬返來, 迎接佢地前面的命運, 將會被秘密灌封以"低端人口"的惡運, 比佢低果班先滅, 一批批咁輪住來消滅, 好等佢地有僥倖之心, 認為唔會輪到佢地.  

點解佢地打死都唔會搬返來加國? 以前這班人同我果幾年移民過來時, 加國本地人好懶, 只要勤力少少, 手腳快少少, 就站穩腳步, 再有多少少頭腦, 就最少擠身中上階層, 到現在就好似我JJ咁, 係加國財務自由了. 只是現在加國唔同左, D人好勤力, 搬返來後再想要站穩陣腳呀? 真係難左好多. 

時勢好時, 這些人只會任性, 有些更百般刁難別人, 使人難堪. 好了, 現在時勢難左, 這些人只會扮可憐, 入去教會要人點幫點幫. 唔幫就罵人無信心無愛心, 總之佢地唔再信耶穌就係別人的錯. 

真係有人試過想買我父親的出租物業, 找我來幫佢之後管理(當然佢孤寒唔想俾錢), 佢自己就可以繼續做太空人, 老婆仔女拋俾教會其他人幫. 我第一句同佢講出真相, 力不到不為財, 這裡人工好貴, 最少佢自己要識落手修理少少野, 佢自己要留係度管理, 才好買. 

之後佢以為我有心刁難佢. 哈, 個個地產經紀都氹人話, 找人幫你管唔係得囉. 到最後不單無錢賺, 仲要蝕錢迫住賣, 之後好悲情咁回流, 這些人自己唔諗野, 埋首怕見現實, 懶人唔想自己郁手, 聽D經紀吹, 哈, 當然命運越來越差, 到最後變成低端人口了. 

有些人更離譜, 佢自己做太空人不單只, 老婆仔女拋俾這裡教會其他人幫, 仲要係第二度有第二頭住家添, 連佢這裡個老婆都古古惑惑, 洗人唔洗本, 仲要扇動其他女教友來向我施壓, 到最後, 當然這些不務正業的人, 包括佢地鼓惑的女教友, 個個都變低端人口. 

不過, 教會在這班劣幣驅良幣下, 最後竟然喊出"無力傳福音", 真係唔洗共慘儻來消滅低端人口, 佢地自己一個二個在神怒氣下, 先要滅亡了. 我勸這班人, 快快悔改, 求神寛恕, 或許可以在共慘儻下, 逃脫大禍. 這班人應該睇"周處除三害"套戲, 入教會唔專心一意來慕道, 只想在別人身上沾好處, 必會變異端邪說, 大禍臨頭.

 

 

乜法物法後, 終於曲終人散,

昨天, 象徵我地加記港燦的豐豐銀行, 終於在歷史中落幕了. 承載著2-3代港燦的集體回憶, 由1981年開業到今天, 佢地都服務水準, 都引領加國銀行業來改進.

真係有D唔捨得, 這個係我地加記港燦的身份認同, 為我地港燦在加國爭光, 人家見到豐豐銀行D規模和服務水準, 都不能把我們港燦看得太低. 

 

不過, 在國際跟熊貓國脫勾和熊貓國國安大環境下...... 造成這次賣盤, 可能大家唔知道, 佢地服務加記客戶的CALL CENTER 唔係加記, 即係.....熊貓國可以讀取到加記存戶D資料. 以前熊貓國無乜乜法物物法來進入私企的資料庫, 加記政府還可以隻眼開隻眼閉. 但現在唔得了. 

 

不過, 我懷疑已經太遲了(咁急立法, 早於交接之日), 打個最極端的猜疑(之前熊貓國都做出某些最極端的行為), 任何守法人仕, 有可能入左境唔俾出境(加記政府發旅遊警示時, 點講?), 要匯返哂D錢返去? 才放行? 這種猜疑呢, 我地港燦一定要有. 

 

有人講存款多過2球加仔果D朋友, 出入境就要小心了, 因為2球多過OPERATION COST 好多.

 

現在感覺....... 我地港燦有點像斷線風箏....... 首歌仔唱到尾..... 何妨忘掉醉中的承諾, 唉..... 承諾50年不變, 現在回看, 真教人想起這首歌仔, 也教一眾港燦把歌詞代入自己的命運中.

PS: 前排, 仲見到有個身穿國企官服(藍扯布, 好似以前國貨公司員工制服果D咁), 去這邊的豐豐銀行, 攞住張移民紙來開新戶口. 哈哈哈, 此人後知後覺(除非佢係今上嫡系人馬, 無人敢沃佢), 仲係豐豐銀行開戶口呀? 佢D資料立刻俾上邊收到, 下次佢返去入境, 沃唔沃佢, 就睇有無迫切性了. 等佢著住官服招搖過市, 咁過癮呀嗱, 佢處境比我地港燦更加危險.

 

 

十分攪笑....

 

為何"周處"係上邊過到檢? 背後透露了什麼風吹草動?

先不講套戲咁多暴力畫面,先講套戲個故仔, 男主角直頭係有暴力傾向, 無論佢說話幾有禮貌, 幾咁客氣, 佢要出名要威果種慾望, 就令佢唔能夠唔係一個暴力傾向的人. 

看完片中第一個壞蛋被殺後, 有個感覺, 相比今上佢上一任呢, 係果時一定唔會過到檢, 因為當時係要社會"河蟹", 咁現在..... 我地應該問個相反問題, 係咪現在唔要社會"河蟹"呢? 可以容許人民鬥人民? 甚至人民鬥爭來無產階級專政? 容許鬥垮黑五類? 

再看完片中第二個壞蛋後, 第一個感覺係..... 上邊收緊宗教政策, 大約已經提上日程了. 上邊必定會收緊宗教自由度. 當然, 不認為片中導演同上邊串通, 只是咁樣的一套戲都過到檢, 證明上邊好多政策都已經變左. 這套片只是個風向標.

唉...... 事已至此, 大家真係要小心點了, 真不知道現在突區跟上邊仲有幾多防火牆, 仲有幾多唔同, 話哂政府裡頭已經換左好多新來人仕上去, 如果無分別呢, 先係大有錢佬和出名宗教人仕, 後中產, 都會好受影嚮, 一句講哂, 36計第一計..... .

PS: 唔好講話上邊D宗教人土仕, 連係自由國度裡的宗教人仕, 都會好大鑊, 因為套戲第二個壞蛋的異端邪教, 明顯地有意指著..... 尤其果D當初入教會唔係專心慕道, 後來做左教會領袖和牧師, 這些人一切的行為, 好容易被人聯想到片中那第2個壞蛋.

曾經係以前間唐人教會做過一個測驗, 結果係..... 我係宗教領袖果種人, 只是我這種人好容易變異端邪教. 咁又係, 我諗野和想法都同大部份人唔同, 最大問題係..... 我果時就算邁向財務自由, 入教會尚算專心一意, 只是除左錢之後, 還很多方面, 離專心一意慕道, 還有一段距離, 我只是在錢上, 盡左己力, 其他地方, 真不知道是否專心一意了. 其實, 唔做宗教領袖唔係好囉, 自己唔犯錯就唔會影響別人了. 

我這種人, 當然吸引到很多人的目光, 但不是所有人會喜歡我, 有些女仕甚至心中想著..... 替天行道, 只是睇完套戲後, 我反問, 如果這些女仕係男性的話, 佢地可能比我更差, 最少我唔會有暴力傾向.

我係加息週期裡, 做左D乜?

其實, 好簡單咖咋, 不斷買入跌勢中的優質股囉, 就係果D生意長有長做長賺錢的公司股票囉.

為何加息週期下, 這些股票會處於跌勢呢? 理由十分簡單咖咋, 因為果D公司係係佢地行業中, 有個不可或缺的地位囉! 大部份係因為佢地已經擁有超前的技術和管理, 但之外卻是佢地超大型的投資, 才使到佢地在行業中, 不可或缺, 講得直白一點, 就係佢地有某種類似專利的性質, 其他競爭對手做唔到. 但一講到大型投資, 就要借錢或集資, 就要俾借貸利息開支, 在加息週期裡, 佢地D 借貸利息開支會越來越高, 營利少左, 股價唔係會變成跌勢囉!

但一到加息週期到尾聲, 股價就會開始企穩, 甚至會開始反彈, 甚至大升. 尤其, 預期利率會向下, 唔只這些公司的利息開支開始向下, 集資或借貸都容易左, 甚至有人會向佢地兜售較低息口的借貸PACKAGE.

所以, 任何事, 早人一年半載做, 就會先飲頭啖湯了. 大大話話, 我係這2年內, 尤其上年加快腳步, 股息收入增加了將近一倍, 現在係等息口開始向下後, 這些公司因為借貸開支大減, 營利增加, 之後就等股價升高. 

不過, 我個策略並不是把升得最高的股票賣出, 而是把股息收入稅率高/增長未夠好的股票, 在升勢中賣出(尤其股價升高過公司的賺錢能力), 留下股息收入稅率低或高增長的優質股票. 這樣增持現金下, 就係再等下一浪入貨時機. 

聽到市場上好多人講, 美股將會面臨來緊的長期牛市, 嗱..... 我自己就無水晶球, 不過, 長期買入優質股, 就係邁向財務自由的不二途徑了.

呵呵呵...... 半年無寫野.....

係因為之前果陣寫到無乜野好寫.....最近發生好多事, 我又出來發下嗡風..... 哈哈哈..... 

最近有個係澳洲, 接近紅X代的法學家, 爆料話有紅X代聯名寫協議書, 話要共同推翻今上, 並要改名改底, 由共慘改名叫社會民主黨喎..... 

嗱...... 我係網上又聽到有人講, 話這個故仔係"過去式"來咖, 已經發生係上年春夏之間, 之後夏天就聽到好多高人被控和消失喎! 

咁呢, 我就唔多肯定係咪堅料了, 不過, 唔妥今上D儻員呢, 我相信就一定有, 不過, 咁大彭人聯名寫協議書來反今上呢, 就真係唔知係傻還是係勇. 

老實講, 大路D人去參加共慘儻, 係因為想HI D 油水, 可以入去國企度混份人工, 以前D友真係一張報紙, 一杯茶, 帶個飯盒, 係國企裡邊坐一日, 咁就可以支份糧, 混日子了. 日子好過時, 尤其經濟蒸蒸日上, 人人都想參加入去囉. 不過, 自從共慘儻俾老美處處針對, 又唔俾佢地D股票去上市, 又唔俾佢地買高科技, 現在又唔俾佢地班友帶錢去投資移民, 班友無JETSO, 又俾人處處針對喎, 呢度唔去得, 果度唔俾你做, 連佢地D仔女去留學讀高科技都唔俾, 以上個寫協議書的故事內容, 就一定係人之常情了, 不過咁大彭人寫謀反協議書呢, 就真係好少見喎.

我反而覺得這個故仔, 係有部份堅野, 有部份係老作, 有人寫謀反協議書呢, 係真事, 不過, 唔會係咁大彭人, 話哂唔係死黨老友記, 都唔會大家一齊咁寫協議書. 所以, 個問題就係...... 點解要老作咁多人係份名單上呢? 

其實就係好簡單咖咋...... 好多人原本係騎牆草兩邊擺, 但係今上現在俾老美攪到雞毛鴨血, 就要擺姿態出來, 話自己唔係今上的同謀, 即係叫老美唔好來制裁充公名單上D人, 係海外的資產囉.....

哈哈哈, 這個係最合理的推斷, 可以用來做諧劇笑片D故事內容了. 

最後, 如有類同, 實屬巧合. 

異國他鄉相遇, 大家港人打個招呼就好了.

昨天因為這邊輕軌鐵路首日通車, 可以免費試搭, 我就行去那邊看看OUTLET 和店舖. 經過某早餐店外時, 聽到有人講港式廣東話, 每次咁, 我都會停下來微笑打個招呼. 本來他們說話都不大聲, 但突然有男性高聲說他現在去旅行. 其實, 我本人並不八掛. 本來只想示個友好吧. 無須這樣來引起我注意.....

這個令我想起, 多年前有很多朋友向我說他們在港讀什麼名校, 住什麼豪宅區, 實在太看得起我了, 我個人好平凡, 不用這樣跟我看齊, 他們全都比我更大富貴了. 

 

實在沒有必要這樣來引我注意, 大家都是港人, 在異國裡打個招呼, 示個好, 就好了. 大家萍水相逢無相無干, 我都無乜好做, 除非佢地想同我有什麼瓜葛吧!

 

 

終於有望10倍回報的TARGET.

JNJ 宣佈分拆出個人護理產品的生意, 新公司出左IPO, 公司叫 KENVUE, JNJ 藥物生意增長強勁, 反而個人護理產品的生意增長緩慢囉! 個人護理產品 因為不是獨市生意, PROFIT MARGIN 只是OK啦! 

對我來說, 個人護理產品的生意是寡母婆生意囉, 適合買來收息當生活開支, 但前境增長平平, 現在D P/E 也不出色, 連我這些退休人仕靠股息收入過生活, 都未必睇得上眼囉, 尤其佢係美企, 唔係加企, D股息收入無稅務優惠. 

所以, 我係會KEEP 住 JNJ 股票, 而唔會轉去 KENVUE. 唔賺股息, 寧願賺 CAPITAL GAIN, 對我說, 係會俾少D稅.

唉, 為何我當初會買 JNJ? 因為我當初買 左一間新創藥業股, 後來俾JNJ收購左, 因為佢股息穩定, 增長穩定, 咁就揸左20年了. 現在JNJ 分拆個人護理產品的生意出來, 咁佢股價就有可能波動得大很多, 藥物生意因為增長強勁, P/E會拉高, 股價也會被看高一線了. 

其實如果計埋稅前股息收入, 我一早已經達到10倍回報了, 只是完稅後, 回報就唔理想. 

還有, 最近我倉裡一些股票跌價(加股的TRP/T), 我又再增持了, TRP買入價跌到股息回報有7~8%呀, 不過, 投資真係無早知, 真係唔知買後股價會否反彈, 只是這些生意係長有長做長賺錢的, 大多已經唔會點大蝕了. 

PS: 只是分享自己買左D乜, 並不是推薦大家, 大家唔好誤會呀. 投資宜於量力而為, 不要隨便用MARGIN用槓桿來買貨. 手上有幾錢就買幾多貨好了.  

 

我在中年後期.....

 數年的不開心, 包括......... 2019年後突區所發生的事 + 老美出手壓止熊貓國 + 數年疫情封城, 再加上家人和自己年紀開始限制自己了, 所以, 我失去了那觀天下大變的能耐, 理由十分簡單, 現在唔洗點估, 估佢世事越來越差, 就一定無錯了. 

只是我常常提醒自己, 要準備一個增長較慢/物價較高的年代, 昨天去建材舖買沙紙回來重新鬆油, 發現沙紙價錢, 相比我賣出租物業(2017年)時, 漲了200%呀. 3 張沙紙竟要$5有多, 2017年時, 6張只買$3. 

可能其他人會後悔賣掉出租物業, 很多人會認為建材價如此起, 出租物業價一定水漲船高, 只是這裡有租務管制, 加不了太多租, 舊的物業價值就漲不了太多, 而且, 維修開支卻是跟住建材價咁起, 越舊就越多維修開支, 就未必有著數了. 但我賣了出租物業後, 在2020年大買資源股, 漲幅比新建出租物業還高, 收回來的股息, 比租金收入還要可觀, 所以, 賣出租物業的決定, 完全正確.

最令人懷疑人生的, 是見到自己和自己親人年紀大, 身體狀況向下. 就算自己想出外消費來刺激經濟, 買到全間屋都係野, 買都買唔到咁多, 出外食飯都食唔到咁多, 話哂外邊餐館D野油多鹽又多, 真係食都食唔到咁多. 

現在我要做的, 不是坐享自己的老本, 而是用老本怎樣去別人做些好事吧! 

當然, 投資就不斷做, 不斷加碼入貨, 已經瞄準幾隻低價而又基本股(衣食住行不可或缺的那些), 到理想價位就入貨了. 

一天只要自己思考清晰, 再加上分散投資, 投資大多不會出大錯, 我人生大約都會OK的, 只是失去了那種對未來美好的憧憬, 再不像90年代時蘇聯解體, 東西方冷戰結束時, 那種對未來美好的祈待. 不過, 活在加國, 一切都OK, 經濟增長不錯, 加大力度接收新移民, 勞動市場充沛, 只是通漲大一點, 只要入息增幅高過通漲, 其他都不是問題了.

由北極熊兵變, 到人性之根本?

當初北極熊蒲精大帝出兵打老烏, 頭3-4天都未打下戰略性目標 - 老烏首都和佢名義領袖都未在手中, 我就知道佢地現代化戰爭, 未有現代化力量來做後盾, 現代化戰爭係兩刃劍咖, 傷唔到對方, 就會傷到蒲精大帝自己了. 

今次兵變, 就係現代化戰爭的負面影響了, 也是人性的根本所在!

點解? 人性嚮往更美好的將來, 在出兵初時, 因為蒲精大帝和佢D人民對老烏和整個西方不知情, 又以為好似上次打克田里米亞咁, 以為頂多打1-2個月, 軍人就可以回家渡假了, 之後就會有更好的地緣優勢, 更好的經濟發展. 只是現在打了16個月, 越打就越令老烏和整個西方硬起來, 也越令北極熊民心軍心心寒, 感到離更美好的將來更遠. 

人們一失去對前景的美好憧憬, 就會做出很多平時不會做的事, 不再用平時用開的方法來做事, 今次兵變就係最好例子, 也是人性中, 尋找脫身的辦法. 

不要以為兵變主謀一心為下屬脫身, 當然也會滲透了他自己保有自己權力/財富的想法. 

無論當事人今次兵變是否達成目的, 都講出一個事實, 當權者如果不能令到人民生活得越來越好, 將會面臨兵變或政權更替, 也面對更多的動亂了. 

獨裁者只能用更多手段來愚弄人民, 矇騙人民, 之後, 人民會用更不智的方法來做事, 一到人民醒覺, 動亂只會更不理性, 更沒有道理可言.

人傻沒法擋! 即係乜? 人蠢無藥醫囉.... 哈哈哈....

大家如果見到超市有野減價, 減到超抵買, 大家會唔會買?

大家都見到我JJ成日昅住個股市, 一見到有超抵買D股票, 就立刻會入貨啦!

同一道理, 見到超市減價抵買, 我JJ都係一樣雷住去買啦, 仲洗問? 唔買果個正傻瓜呀!

唯獨我地D中年女同胞呢, 見到我係超市買減價貨, 佢地就好似考古學家見到千年古董咁, 好奇來研究我一番喎!

我心諗, 妳地班友係老家, 未見過人買減價貨嗎? 咁抵買, 妳地都可以埋來揀埋來買呀!(當時十幾箱平貨, 疊到人咁高呀! 得我一個人係度揀咋!) 唔通....... 佢地係老家見親D人買減價貨, 全部都係窮人, 佢地唔會見到高富帥買減價貨!?

D女同胞咪咁樑啦! 有便宜唔好洗頸呀! 

有次我果個身邊好多女人的親戚, 陪我去超市買減價貨, 又遇上中年女同胞來研究我一番呀! 

我個親戚對女人心理挑通眼眉, 就講: "睇睇個女同胞幾有自豪感, 佢認為你買減價貨, 佢唔買, 佢高級過你好多呀! " 

我問我親戚: "點自豪呀? 點高級呀? 錢我有, 佢有平野唔買, 咁係佢自己事, 與我無關!"

我個親戚再講: "D人喜歡心裡自HIGH, 叫佢地真係洗錢, 佢地又斤斤計較!"

哈..... 我個親戚又真係講中左人性的弱點喎, 喜歡自HIGH, 叫佢地真係去行動時, 又猶豫不決, 坐錯失良機之後, 又怨天尤人, 大罵上天唔公平. 妖, 佢地自己唔行動之嘛, 天都幫唔到佢地啦!

不過, 我個親戚成日話我仲係單身, 皆因為我買減價貨的心態, 令我係女性面前失分, 被女性認為沒有安全感. 其實, 我買減價貨, 才有安全感呀, 真係蓄到錢嘛! 真係有將來, 真係照顧到自己父母, 自己安享晚年. 如果咁都話我無安全感, 唔怪得以前識好多D女性, 佢地老公又真係唔係個個撈得掂呀!

在公司收購中, 如何用PUT OPTION 來減低高追的風險?

前幾日, 有位朋友佢同我講, 佢果隻蚊SIZE藥股被間私人公司收購, 佢話趁住現股價遠低於收購價, 急急睏身去入左貨喎. 

我就同佢解釋, 現股價遠低於收購價呢, 係反映收購唔成功的風險, 越大差價, 收購唔成功的風險就越高. 通常收購合併唔成功的風險一直都存在, 所以就有差價啦. 尤其係蚊SIZE股, 被私人公司收購, 訊息透明度, 遠不及2間指數成份股合併咁高呀, 當中欺詐成份可能很高呀! 所以我第一句就說, 我無興趣, 想勸佢小心. 

講回正題, 如何在公司收購中, 用PUT OPTION 來減低高追的風險? 

舉例...... 收購價$50, 現股價$45, 可以賣張$40的PUT, 可能個 PREMIUM收到$1-2, 只是如果收購唔成功呢, 股價跌回收購消息公佈之前, 咁就蝕少$5囉, 而且賣PUT時, 唔洗俾錢出去, 錢留番係袋收利息, 又有PUT PREMIUM 收, 又如果收購成功呢, PREMIUM就袋袋平安了, 缺點係, 賺少左囉, 但係風險細D.

在公司收購中來高追呢, 最好係..... 果2間公司都係指數成份股, 又或買果間係指數成份股, 係大公司, 訊息透明好多呀! 

私人公司收購呢, 好容易出古惑咖喎.