靚仔走左樣, 都係榶之過.....

係我家初來移民時, 係唐人街有個靚仔.... 嗱..... 連我都叫佢做靚仔, 佢就一定唔差得去邊. 

當時, 常常見佢一件皮褸, 一個電單車頭盔, 一雙窄身牛仔褲, 一雙高管皮靴, 就知道佢係電單車愛好者, 見佢旁邊常常有些鬼妹. 

好啦, 我當時有點羡慕佢, 人又生得靚仔, 英法文又好, 最少我一定無佢竹昇咁好啦. 

後來..... 唉..... 見佢漸漸走樣, 大約十年前, 開始見佢行路拐了腳, 初時還以為佢不幸地遇上交通意外. 

這幾年時見到佢, 佢老左好多好多, 我諗佢同我咁上下年紀, 不過, 佢現在十足個阿伯咁, 滿面皺紋, 滿頭白髮, 咀又歪了說話不清. 

我心裡感到佢一定唔只遇上交通意外咁簡單. 

就前幾個月, 行經過唐人街又見到佢, 有對母女又經過, 個女望望我, 個老母就望望佢講: 如果第日我個女婿變成咁, 就真係陰公囉.

其實真係幾HURT咖, 白馬王子現在俾D異性和佢阿媽咁講.

前幾個星期, 係唐人街餐館裡又見到佢, 佢坐我後邊, 我一聽佢向待應點菜: 奶茶走糖, 公司三文治唔要薯條, 一碗雲吞麵. 

我才驚覺到佢中係過風, 唔食得糖和澱粉質的食物, 不過, 佢食量都好多呀. 我一個公司三文治都已經嫌多了. 

其實, 可能佢以前唔戒口, 吸取過多糖和澱粉質, 可能佢後生時, 接受西人飲食方式, 又啤酒又薯條等等. 

PS: 係呀, 大家要注意平時每天糖份的份量, 因為以現今的飲食文化, 真係可以每天都超標咖. 每天三餐出外食飯就一定超硬, 再加口渴時在街外購買飲品, 這些才是最危險的無形殺手. 所以, 我建議朋友, 如無必要, 最好在家自己煮飯食, 最少自己知道每天糖和鹽的份量, 還有, 出外記緊帶水樽, 只飲清水, 不要在外買野飲.

我見有人, 口渴就買咖啡飲, 咖啡內的糖和奶油在20 年裡, 把他由32"褲, 變成現在的40"褲, 現在好像個圓波.

還有, 見到有個在唐人街工作的人, 每天一個叉雞飯和日日打機, 20年後, 佢又係中左風, 現在要靠拐杖行路, 所以, 不要以為唐人食物比西人的好. 

PS: 真不好了, 昨天遊旺角時, 見到街頭小檔因為佔領運動而生意差了, 就特地買些魚蛋牛丸等小食, 當是支持小商戶, 誰知食後疴了, 嘿..... 好心無好報.