找個加燦來?

回來香港後, 我喜歡去茶餐廳, 尤其草根階層果D.

 我好喜歡樹起隻耳仔,聽下隔離D人講D乜東東,
 
哈哈......咁,有次呢,個TOPIC就講, 港加聯婚. 仲係港女嫁俾個前度港燦的加燦呀.

單CASE係一個弟弟, 勸佢家姐個女唔好咁快決定結婚生仔住, 最好用半年時間過去加拿大, 同個男仔共同生活一下先, 到知道適應到加國環境, 才好去結婚生仔.

我心裡十分讚成, 但係呢, 有邊個阿媽會同意個女無名無份咁? 俾個女跟個男仔去到咁遠, 容乜易蝕底左俾人地咖? 

聽那個弟弟講, 佢有個朋友個女, 嫁左俾一個溫哥華含住金鎖匙出世過億身家的加燦, 到最後唔適應生活, 要喊住離婚, 仲帶埋個BB女回來香港住. 其中原因, 原來就係無得落街食野, 連食公仔麵都要買回來自己煮, 唔關個男仔養唔起佢.

嘩, 我一聽佢個理由呢, 我就覺得這些人的心智有問題喎, 唔關個加燦男仔事呢, 完全都唔合適去嫁人, 去做人母親生兒育女. 唉...... 不過, 如果這些人的問題是一個普遍的香港情況, 難怪香港少左人結婚, 因為佢地真係唔應該去結婚, 更唔適合去生兒育女.