如果來加記申請難民身份呢?

最近有位強國同胞, 12年前, 由國內偷渡到加記, 聲稱其為基督徒, 在國內受到宗教逼害, 要求加記給與難民保護.

咁.... 加記係好人道的, 唔係批左佢申請囉, 俾佢以難民身份留係加記, 並享有一切福利. 不過, 佢仲未有加國公民身份, 就未攞到加記護照.

到左2012年, 佢再度申請中國護照, 2度回國照顧其在國內病患父母, 好啦, 我都覺得可以接受, 人道理由, 加記政府隻眼開隻眼閉啦.

但係2014年尾, 佢用中國護照回去結婚, 最離譜係, 佢竟然用這本中國護照, 2度去日本和韓國旅行. 

嗱, 咁就講唔通道理了, 用中國護照去第三國旅行, 即係接受佢那"迫害國"所提供的保護, 加國就再沒有義務, 為他提供保護了, 最後, 取消其加國難民身份, 變成旅遊人仕身份了, 就會隨時被遞解出境了.

ps: 聽以前係加記D越南船民朋友講, 佢地由有難民身份起10年內, 都沒有加記國藉, 申請時, 還需要滿足一些條件, 如在加記沒有犯罪紀錄, 有固定養活自己的收入, 有數名擔保人等等. 

但是, 聽說, 現在加記的難民申請要排很長時間, 可能要2-3年後, 才批到難民身份, 之後要10年才能變成永久居民, 再要等3年才成為公民, 所以, 前後, 要大約16年左右, 才會獲發加記護照呀, 對於經常要穿梭回去香港的朋友, 申請難民, 可能比較麻煩一點呀. 

還有, 根據國際慣例, 任何難民申請, 必須在離開迫害國後, 向第一個抵埗國提交難民申請. 即是, 例如, 大家離開香港, 目標係來加國申請難民, 但航機不直飛加國, 中途經日本停留, 這樣呢, 大家就不能向加國申請難民身份了, 要向日本申請呀, 所以, 大家坐船又好, 搭飛機都好, 老虎蟹都唔好俾佢中途停係第三國呀. 
 

如果要我講現代女強人呢.....

前幾天有網友提起現代女強人喎, 咁, 其實, 我又無乜近距離接觸過D叻的女性. 

除左, 我那親戚的女友. 前幾排提過我果個親戚係 WOMANIZER (如果2019年是困難的年頭..... 3), 成日招惹埋D唔等使的麻煩, 只是佢果個女友, 又真係幾醒的.

1. 鍥而不捨 - 聽說, 我這個親戚係細佢女友幾年, 是同一間學校裡低2-3年級的師弟, 佢女友曾經因為佢, 被學校記了大過, 差不多被趕出校. 雙方家人都一直阻住佢地來往, 後來佢女友跟父母移左民, 但一畢業讀完書, 就回流返來搵我親戚.

2. 自主獨立性極強 - 普通女性可能會笑我親戚係乸型, 靠唔住, 不能負托終身.  這女卻對待我親戚, 有D似奶媽咁, 唔洗我親戚照住佢生活開支之外, 仲反過來, 替我親戚出埋錢. 

3. 膽大心細 - 我這裡D公眾路牌招牌和廣告, 全都是法文, 唔好講話香港女性, 就算係大多數男性, 初初來到這裡, 都好易唔識搵路返來. 但佢地來到我屋企住, 休息到第三日, 我本來話同佢地出去行下, 點知就叫我帶佢地去租車, 佢地就自己週圍去玩了, 從來都唔洗來問我路, 當然佢地係我屋企有得上網, 就好方便. 有次, 佢女友買左溜冰鞋, 第一次去溜冰, 一落地就玩得唔錯, 都跌過1-2次, 但佢女友勝在唔怕跌, 夠大膽. 

4. 面皮厚 - 其他人講左好多難聽的說話, 尤其我親戚的母親, 聽過講話: "女仔人家唔知羞, 拉住我個仔", 此女理都唔理, 當我親戚的母親無到, 當其他人無到, 當學校記佢大過無到.

5. 好勝心極強, 唔單只要贏男人, 仲要贏埋女人 - 通常, 普通女人呢, 最憎係自己個男人面帶桃花, 好去招惹其他女人, 但此女最開心就係同其他女人爭, 雖然時時講粗口罵我親戚, 但又好高興見到我親戚, 可以招惹到咁多女人的注意. 

最後, 我懷疑一樣野, 女強人背後的推動力, 係"性"呀, 有一次我親戚的母親露了口風出來, 抱怨著此女日日都來拉著我親戚........ 

PS: 我親戚做人做事, 根本就不守規舉, 不過可能係物以類聚, 人以群分. 

都好的, 可能, 原本我親戚的人生會係悲劇收場, 只不過, 遇上了一個適合佢命運的女人, 就算打打罵罵.....

我這親戚的父親, 係外邊有好多女人,  家裡時不時有女人上去要生要死, 生埋生埋好多私生女, 可以講係悲劇人生囉.

有時我好奇想知道, 一個男人做乜咁麻煩, 去招惹咁多女人? 又點解D女人會上當? 可能內裡, 係跟"性"有關係的, 只是猜想而已.

為何咀細和下巴尖是個缺憾?

我兄弟裡有齊這兩種, 有些侄子侄女都係咁, 就好似我咁, 要成日去俾錢牙醫賺了!

很多人整容都要整到咁, 只是我有苦自己知, 但細個時又唔知點講出來. 

直到30歲後有一次, 係八掛雜誌上睇到, 報導整容女星, 不單要磨細下巴骨, 還要剝左6隻牙, 之後的人生, 就要靠食止痛藥. 

到這刻我才明白, 我那些天生出來的困擾感覺, 原來叫做"痛"! 咁, 我一早習慣左果種痛法, 所以就唔洗食止痛藥, 但每次臨睏前一粒TYLENOL, 都會令我好好睏, 一覺睏到天光. 

再過多年後, 我背脊肌肉成日拉得好緊, 牙醫就同我講, 磨少少牙, 整平牙齒咬合時的位置, 讓牙齒平均受力, 就可以減少背脊肌肉痛. 就咁, 我就洗左好多錢了, 不過, 就好洗得.

直到有一次, 個推拿師同我講, 佢要用到好大力才推到我D肌肉, 仲講, 換轉其他人, 咁樣的力度, 一定痛到嗌教命. 到這刻, 我才知道原來我一直承受著一些平常人沒有的痛感覺, 因為是與生俱來, 所以我才會不知怎樣解釋出來.

以前, 有很多美麗女明星自殺或精神失常, 真是懷疑是因為她們咀細下巴尖所帶來的顎下頸背壓力所產生的痛楚, 令她們失去生存意趣或正常的人生. 

PS: 我自己到廿幾歲適婚年齡時, 就知道唔可以搵個咀細下巴尖的太太了. 

只是這個也是煩惱來咖, 第一我唔知道點解釋俾人聽, 又因為別人不會有我這樣的困擾, 也不會明白我這樣做背後的目的. 

均會想, 為何我不去追求那位咀細下巴尖的女仔, 偏偏去追一個闊口闊面的女仔, 大多人都會誤以為我喜歡攪攪震無幫襯! 所以, 不由得下, 我變成了箭靶.

為何我唔BUY"女兒口大食窮郎"?

因為, 我一定食得比任何女性多, 而且仲係好咀刁添! 不過, 我咀好細, 下巴好尖, 如果我換著係女性, 我都一樣會食好多野, 真係唔單只"女兒口大食窮郎"囉! 咀細都可以食窮郎咖, 而且因為兔仔牙, 每啖都咬得比其他人大和深呀!

其實, 我真係唔擔心自己親人食得太多, 只擔心親人飲食唔健康囉. 我EX-GF佢飲食好求其, 差唔多係.... 好少.....好唔健康的飲食囉! 我每次週末去到佢屋企一睇, 我都抵頸唔住, 一定要整D有營養的野俾佢, 第二日星期日再去時, 就一定整齊星期一到星期五D野俾佢食.

只是佢唔喜歡食麵包和牛奶, 要食即食麵, 我都唔知因為咁, 幾多次同佢嗌大交. 當然咁樣佢身子點會好? 就一定唔想有小朋友, 這個我都可以接受. 只是佢想將來指意佢侄仔, 但我一見佢侄仔成個小霸王咁, 相比我自己D侄子侄女溫文有禮, 而且大多數人讀書到大學都唔洗錢, 我實在唔敢將來指望佢家族裡的親戚.

我跟佢拍拖的兩年裡, 佢身體好左, 面色紅潤左, 只是佢一直唔喜歡聽我的苦口婆心, 最後話明要我同佢結婚, 但佢又唔肯改變佢的不良生活習慣, 還覺得我每事都要管住佢控制佢.

怎樣也好, 都過去多年了, 再沒有惡感了. 只是我一直都講, 如果女性年青時, 唔好好KEEP住健康佢, 一到中年後, 人生一定不會快樂, 一定會先覺得上天待薄佢, 身邊的人對她們不好, 甚至虐待佢.

至於, 女性口大唔大? 有無男人要? 男方如果口細, 當然就唔希望搵個口細下巴尖的太太啦, 生出來的小朋友, 個口就更細, 下巴更尖, 先天健康會差一D囉.

為何男兒口大食四方?

咁呢, 就要先解釋一下, 乜野係"食四方飯"吖, 就係同任何人都有計傾囉, 可以食住食住, 有人照住照住,

嗱..... 我JJ由一出娘胎後, 就一直以這個做我人生大方向, 只是事與願為, 呵呵呵..... 

後來, 我才發現一事, 原來....."男兒口大食四方", 初時我都唔係好服氣咖嘛! 我咁努力, 對著人時, 咀角總帶點微笑, 說話又客氣, 人家的壞話總不會出於我咀, 又去鑽研心理/歷史/政治/人群行為. 

最後, 我終於認命了, 因為很多人一見到我, 就覺得我是他們的競爭對手, 甚至妒忌起來. 這個係食四方飯的大忌, 食這些飯的人, 心裡要聰明精細, 但外貌要平庸無奇, 越像一個街邊的普通男人, 就越容易食到四方飯呢!

其實, 微笑/客氣/說話厚道, 這些特點, 只是用來避免做事出枝節, 但是外貌讓人妒忌, 就一定係死症來咖!

年青時十分尷尬咖, 我明明唔係想同某人爭去追某某, 但最後都會成為別人的假想敵. 後來, 我才意會到!

不過, 我JJ是個豁達的人, 努力過後, 盡了已力, 不成功, 哈哈哈, 就要接受現實, 專注去食一方飯囉, 唔怕, 食一方飯都夠啦, 最重要係..... 自己開心, 做上天給我去做的事囉! 

PS: 哈哈哈, 大家咪誤會呀, 我下篇係唔會講埋"男兒口大食四方"的下一句, 因為我真係唔識點解會係咁, 不如, 各位一舒已見吧!

樓蘭美女

網上出現一張古樓蘭美女, 在現代乘搭北京地鐵, 就有人穿鑿附會, 話係由古代穿越回來的.

 

圖中是出土的樓蘭女乾屍和科學還原其生前面貌圖, 樣貌輪廓標緻精細. 只是現在樓蘭故土已被風沙沙漠化了, 二千年前孕育美女俊男的豐厚河床沃土, 現在變成千里無邊的沙漠.

哎呀, 其實我JJ一睇, 就知道現今出現在北京地鐵的那些服飾, 係哈薩克民族服, 係中國新疆自治區西面接壤的國家, 全名為哈薩克斯坦共和國, 是屬於印歐人種, 原本跟伊朗中亞那邊的人同種, 只是當地曾被蒙古和突厥所統治, 所以人種在這千年裡, 發生突變, 現在比較近似東方人. 上圖中樓蘭美女, 就近似伊朗人.

看看圖中哈薩克美女的頭飾, 雖然現在是回教國家, 但仍然保留著他們古代拜火教的民風. 這些人一直活躍於中國歷史之中, 由漢朝的西域月氏國, 到五胡亂華外族的羯, 再到宋朝的西夏, 到元朝治理中原的色目外吏, 再到清乾隆皇十全武功內的準葛爾部, 都有他們的蹤影. 相傳, 今天我們中間石姓的朋友, 就是他們留在中原的一支派系.

莫要以為中國外敵中的奴匈(他們到了歐洲後被稱為HUNS)最強悍, 原來這些羯族人相比奴匈, 奴匈實在溫和多了. 這些羯族人到了歐洲, 被稱為由地獄中釋放的惡魔. 可以想像這些羯族, 為何在各地(包括歐洲/中亞/蒙古/女真/中國), 遭到差不多滅種的回應. 

所以, 不要看美女俊男的外貌, 還要看他們的內心和民俗. 

最後, 登個現代哈薩克美女看看, 佢係當地國家隊排球員, 曾經受邀到國內和日本作為MODEL. 我覺得, 如果, 再拍攝"天龍八部", 真係要搵這些人來演西夏公主了, 入型入格得很.

很多上數代久居香港的本土香港人, 4-5代人之前, 家族裡都有非華裔成員, 就好像現在上圖美女咁, 人種大洗牌之後, 就會係咁樣囉.

把一個這樣故事拿來炫耀, 證明登果個人係"賤精"一個

微迅上有人登段咁無厘頭故事, 可以看出D人民智好低. 
_____________________________________________________

不煙，不酒，不嫖，不賭的男人能混成啥樣？句句入骨！

一個年輕富有的老板開著車在十字路口停下車等紅綠燈。

這時一個乞丐走過來敲了敲車窗玻璃說：老板給我點錢吧！

老板說：“我給你一支煙吧,，我車上有中華煙”！

乞丐說：“我不抽煙，給我點錢吧”！

老板說：“那我車上有最好的啤酒，給你來一罐啤酒吧”！

乞丐說：“我不喝酒，請給我點錢吧”！

老板又說：“那這樣吧！我帶你去麻將館你替我打牌。贏了算你的，輸了算我的”！

乞丐說：“我不會賭錢，給我點錢吧”！

老板說：“那這樣吧！我帶你去桑拿房享受按摩服務，享受一條龍服務，費用我全部包了”！

乞丐說：“我不嫖妓，給我點錢吧”！

老板無奈的看著他說：“那你上車吧，我帶你回去，讓我老婆看看：一個不抽煙、不喝酒、不賭錢、不嫖妓的四好男人怎麽混成這熊樣了”。

這時乞丐灰溜溜的走開了......

PS: 其實, 我哥時時係政府醫院巡房, 都見住D往日又煙又酒又嫖又賭的人, 一個二個睏哂係病床上. 我哥心裡總會大罵, 這些人自己衰好啦, 係度霸住D床位, 令到唔夠社會醫療資源, 俾果D無辜而真正需要的人. 正賤精.  

我自己現在日日做體操, 無他的, 社會上少一個我, 少一個人來需要醫療資源, 我間接就幫到其他真正需要的人.

女性俾曖昧對象來騷擾, 點攪?

在網上, 有人放左條咁問卷調查喎!

對於前男友/曖昧對象的騷擾，例如在家附近跟蹤和徘徊、訊息滋擾等，應該點做呢？

1. 同佢現任女友或老婆講
2. 貼佢街招唱行佢
3. 拍片玩謝佢, 有咁大攪咁大
4. 同佢返同一間教會唱行佢.

其實呢, 我成日都有人打來玩電話, 一個CALLER ID, 一個留言機, 咁就無人攪到我. 尤其, 我以前咁多租客, 咁多人打來問租屋, 差唔多日日都有無謂人打來, 有男有女, 無謂多講, 留言裡唔話租房, 唔講話係我D租客或朋友, 就過佢個主啦. 

咁, 我以前有出租物業, 當然, 時時發現有人係我D物業, 或屋企出面徘徊, 有時更發現有人跟蹤我呢. 試過有房屋經紀一直跟住我, 話有人出高價來買我D物業, 更有人被我拒絕簽租約, 來迫我租俾佢, 各式其式啦. 其實, 自己唔理會這些人, 通常好快就再無來煩我了. 都唔明白, 點解會有男人跟住個女人? 大佬, 犯法咖! 

所以呢, 我頂多都係讚成同個男人現任女友或老婆講, 又或叫自己男友/老公出去講囉. 

其他果D, 例如: 唱佢, 拍佢片, 去教會唱佢, 這些都會有反效果.

如果俾著我見到D女人咁做, 我大多都會想到, 係果個女人係度釣魚, 係度同男方講緊價囉, 好令個男方唔可以轉軚去追其他目標囉.

其實, 女方若要甩身, 邏輯上, 都唔知道幾想個男人轉軚去追第二個, 唱衰左個男方之後, 佢會追唔到其他第二個目標, 反令女方更麻煩. 這樣, 只會顯得女方用心惡毒, 一直都喜歡這些麻煩, 而且還有當初送秋波來引男方的嫌疑.  

PS: 我前年年尾, 趁住市道仍一片叫好, 狂風掃落葉咁賣哂D出租物業, 賣淨自住這間屋啦. 咁都年幾啦, 都仍然有無謂人打來麻煩我, 所以, 這些事是十分普遍的, 總之自己唔好先找麻煩, 麻煩本身就好快消失的.

華為與蘋果的使用者

最近, 國內有個報告, 就係..... 大概報導兩個品牌手機使用者的特徵.

華為 - 男性居多, 有家庭負擔, 較蘋果使用者, 更大比率地.... 有車, 有樓, 有存款.

蘋果 - 女性居多, 賺錢買花載, 大多都是無車, 無樓, 連存款都少過人.

哎呀, 我JJ就唔想醜化用蘋果了, 只是一部蘋果做得我2-3部華為喎, 大佬, 我又唔係出去要型俾人睇, 真係唔洗咁型仔吖嘛. 

而且, 家陣, 華為 MATE 20 同 P20, 又真係好強勁咁呀. 

係啦, D人講話華為會洩漏私隱, 咁..... 我這些小人物, 又唔係用手機來攪任何機密, 又唔會處理錢, 連支付寶我都唔用, 百達通深圳通仍然用咭, 其實我係唔怕咖.

PS: 好多年前, 我在這裡網上識左個女網友, 離左婚啦, 我初時聯絡佢, 就係因為我想睇下佢點用蘋果手機, 同埋國內D APPS嘛! 其實都無乜咖咋, 我見佢剛剛來加國, 帶佢週圍去行下, 解釋下加國的環境俾佢知道. 

只是佢食飯時, 成日都指意我請, 又叫D貴一貴D野, 好啦, 我又唔係無錢洗, 只是想提提佢: "加國中產如我JJ咁, 一個月扣左稅後, 還要額外儲錢來應付將來退休. 如果佢想大家朋友多D出來聚下, 我就不能如此用錢. 在加國, 如果這樣用錢的人, 大多不能持久, 甚至有居心. "

點知佢就話, 佢無問題咁洗法錢, 佢做果行可以唔報稅. 唉, 其實加國點會可以唔洗報稅呀? 只係佢地瞞稅. 我就好心勸佢, 一俾稅局查, 成世人都會俾稅局嚴查, 不單交罰款交到破產, 還會成日俾稅局來煩. 

最後, 我不敢再搵佢了, 唔想佢誤以為我報佢串, 又或另有居心. 我好人好物, 根本就不會亂來!

若要凍顏..... 先觀察自己!

我JJ成日講, 要給自己多D時間來觀察自己, 為何要觀察自己? 因為觀察自己，自己的一切會越來越清晰，越來越了解你自己。身體很多問題也會迎刃而解，最重要的是，會活得越來越從容，對生活也有著前所未有的掌握. 最後, 能夠幫助自己做出最適合的決策、破解人生大部分問題的源頭. 做了些什麼後, 身體會有什麼反應.

觀察自己D乜? 包括了生理和心理狀態，生活和工作等等各個方面, 不單觀察自己行為, 更要觀察生理和心理狀況. 

吃多少是七分飽，乜野時候會感到飯氣攻心？ 什麼情況下會出暗瘡？吃辣還是吃甜會出音瘡？ 每天睡多少個小時就足夠了？ 什麼時候會心情好？喜歡怎樣的天氣？ 什麼行為可以幫助你排解壓力？什麼氣味是你喜歡的？ 有哪些不好的習慣，需要在做事情前, 先提醒自己一下？為什麼討厭那個人？每天的時間都花在哪裡了？

比如，每天去做GYM一個多小時，但是一個月過去不但沒有瘦多少，反而讓自己越來越疲憊。可是如果你了解自己的話，可能打羽毛球或者跳舞這種更適合你，讓減肥這件事變得一點都不痛苦!

再比如，如果我知道自己遇到加記冬天會情緒低落，同時又知道點印度香氛會讓我精神好D，那我就可以提前給自己準備好印度香。這樣，如果在這一天有重要的會議、約會，就不會因為心情的波動而產生影響。

只是每個人都是不一樣的，別人成功的經驗，哪怕有 99 個人複製後都同樣成功了，但用在自己身上也不一定可行。而如果不夠了解自己的話，會很容易把這個過錯歸咎於自己身上，而不是方法選錯上，從而產生對自己的負面評價，這就很可怕了。

觀察自己, 就能知道什麼是自律, 什麼是在自己體質容許的範圍之內, 又或自己身體那時那刻需要些什麼, 心裡有個尺度, 把握好自己的身體和健康. 

PS: 不過, 要釋懷一事, 任何人總會被歲月留下痕跡, 只差在多還是少吧! 凡事都順其自然, 不要太強求呀.

佢講要留下美好回憶, 現在佢真係做到了, 恭喜佢啦!

昨天講完某山東女星, 其實, D人話蘇州多美女, 我個人又覺得唔係太正確, 可能講野夠爹DD囉, 但一到罵街, 可能大把人唔夠佢地來.

今天再講另一個女星, 原祖藉山東, 台灣出世和長大, 到青春美麗年齡, 一來香港就一炮而紅, 先係無記演天龍八龍西夏公主, 再演電影做倩女幽魂, 之後......

D人話佢凍齡喎, 51歲人, 都係咁上下啦, 我覺得佢只是OK 囉, 哈哈哈.....

其實, 佢話佢要係影迷心中, 留下美好回憶, 我想這麼多年來, 佢真係做到了, 好的, 我也為她而開心呀! YEAH.....

食得咸魚抵得渴.... 又一例.....

大家知道這個國內女星, 佢一來天生身材好富爭議性, 之後衣著又好富爭議性, 把佢"天生"一面, 原全顯現於人前, 再加佢化妝化到咁衡.  

其實, 爭議性係因為人們用那一種想法囉, 

1. 就好似我咁諗呢..... "大佬, 人地搵銀姐, 睇開D啦, 唔關自己事, 咪理人啦!"..... 就一定會無乜爭議性.

2. D男人自以為才子, 一定要配佳人, 就一定個個打崩頭.

3. D女人覺得, 佢天生狐狸精, 就一定是非不絕呢.

佢兩段婚姻都觸礁, 都係嫁左俾渣男而告終. 講真呀, D男人好似我咁, 就唔會埋佢身, 相反, D男人自以為自己好醒, 咁要面, 就一定打崩頭, 一定唔會係守規舉的老實人囉, 至於渣唔渣呢? 只係差在有幾渣囉. 

佢第一任導演老公, 被爆出軌召妓囉, 現在第二任老公被佢刀插後, 再同佢離婚, 話佢婚內偷食喎, 仲話佢識某男第二天就上床. 之後, 俾佢霸氣追債幾千萬人仔喎, 都唔知道係咪佢同佢子女D膳養費? 不過, 佢都認佢有自由選擇跟誰交往, 但否認婚內偷食..... 即係認左佢二任老公講岩一半啦!

到其他一眾女人, 八掛又想義正詞嚴來罵狐狸精囉! 

好啦, 咁就真係咁啦, 佢知名度高囉.

熙, 這些男人個個都傻咖, 你喜歡把女人一個個來比較, 難道這些女性不能把這些傻男人一個個來比較嗎? 好公平姐, 渣男喜歡渣, 難道女人沒能公平一點嗎? 俾這些女人用刀插, 霸氣追債, 全都應該一早預左, 食得咸魚抵得渴....

一個充滿"或然率"的風景名勝

嗱..... 大家唔好以為係入賭場呀嗄, 不過, 世上唔一定係賭場或馬會才講求或然率, 而風景名勝都可以講求或然率.

這個風景名勝係叫 Coyote Buttes and The Wave ( https://www.thewave.info/ ), 係美國西南大沙漠裡的亞厘桑拿州內, 那裡週圍, 處處都是風景如畫, 十分靚, 這裡就更靚, 只是這裡為求保育, 不讓太多遊人進入而破壞自然美景, 每日只準20個人入去. 10個係之前一日, 係網上抽籤, 10個就係當日門口抽籤. 咁.... 如果無乜人去, 都無乜所謂. 不過, 旺季時係有百幾二百人係門口排隊抽入去喎, 咁網上就一定唔只幾百人啦, 因為果度入口距離最近有人住的城鎮 PAGE 要成個鐘車程, 係人都想未去之前, 抽到果個 PERMIT, 就唔洗去到門口抽唔中, 要白行了.

咁, 唔係旺季時, 門口抽中入去的機會大唔大呢? 俾著係凍到死的季節裡12到1月, 去到門口都只係一半機會咋. 而聽說, 果度係6-7-8月呢, 如果太熱呢, 就封場唔俾人入去, 就算之前網上抽到, 都無用呀.

嗱, 講或然率呢, 唔只係講入場抽唔抽得中喎, 仲有一件事, 係一個十分驚人的或然率呀.





因為, 果度係沙漠, 唔係凍到飛起, 就係熱到飛起, 再加上由入口落左車後, 仲要行10KM的山路入去, 有些地方是十分危險的, 再加上中途D人行熱左, 再加上D人迷路或中暑, 聽說每年都有一條友香左係裡頭喎. 

死亡的或然率呢...... 真係都幾得人驚咖, 就算佢地真一年每日都開, 無日子係封場唔俾人入去, 就以每日20個人咁計, 一年都係7千3百人, 即是每一個參觀者, 都會有7千3百份之一的機會, 香左係裡頭, 變成果蒸粽呀. 

當地印第安人好迷信咁講呀.....Death is like shadow on the foot steps...... 

所以, 我JJ咁聰明呢, 當然係君子不立危牆之下, 果時我去到PAGE個鎮, 同當地人爹左幾句, 一聽班友咁同我講, 我連去門口抽籤都慳番呀, 一於上網去...... 享受別人接受死亡挑戰後的成果. 哈哈哈....

PS: 上圖這幅相, 係我係網上享受返來的相相呀, 大多都係係11月打後, 3月之前影的, 山上仍有殘雪係D石紋中間. 不過, 果時去, 真係凍到飛起, 而且當地又乾又大風, 好容易變乾凍雪條呀. 

各位, 會唔會返大6租車去玩?

哈哈哈, 等我下次回港, 睇下班係香港的舊同學, 會否有這個念頭先, 聽說我班朋友中, 有人試過係大陸租車去玩咖.

PS: 又唔知道, 我攞國際車牌回大6, 可唔可以租車呢? 不過, 真係好驚有碰瓷發生.....

當我見到一個這樣的90歲老人家時......

我真係無乜惡感, 當然我知道佢係商家佬, 也沒有什麼好感了, 中性吧,

只是, 真係有好多90歲老人家, 真係唔能夠好似佢咁, 笑得出來. 

其實, 係現在的市道下, 如果佢行出來唔係笑口笑面, 真係唔知道有多少人對未來失去信心? 明天恒指會跌多少點?

是的, 支撐人去渡過困難的, 是一棵信心, 一張笑容, 一個不屈不饒的意志, 一個LIFE AS USUAL 的平常心, 一個不為困難所惑的人生藍圖.

所以, 大家不要對人苛責求全, 這位老人家是十分 OUTSTANDING 的人, 值得人們去借鏡; 就算要把他和他的集團看成對手, 都要尊重佢, 重視佢.

追夢是好的, 只是食得咸魚抵得渴呀.

真係富貴有米的攪作啊, 不過, 我也理解, 對很多香港年青人來講, 儲錢買樓已經係遙不可及的事了. 

我自己也希望, 香港新一代年青人, 不要被層樓來磨滅了他們年青人的夢想, 有夢想就要去追尋了. 

好了, 去片, 睇睇這些年青人追些什麼夢想吧!

PS: 只是, 攞住部咁易爛的模型去搭巴士, 俾人撞爛左, 就唔可以怪人, 都知道香港咁迫人嘛, 攞得出街去玩, 都唔爭在俾錢搭的士啦!

香港老人福利年齡, 已經算是好年青了.

世界各地現在都將退休年齡 + 領取老年福利年齡 提高.

除了美加或歐洲,  香港都是一樣, 不久的將來, 國內都會一樣咁做, 國內勞保快要破產, 提高退休年齡, 只是時間問題.

在香港, 鵝姐將這項議題, 靜靜雞咁放係財政預算案裡頭..... 

嗱, 我就唔覺得阿鵝姐咁做有乜問題囉? 基本上, 領取某些福利的最低年齡, 係政府財政政策來咖. 將年齡提高, 把資源集中用在真正年老的人身上, 總好過把資源亂咁平均來放, 變成滴水不乎.

只是一班議員的反應就有D唔妥, 好似受騙咁, 嘩哈哈, 咪扮到咁無知啦! 你地班友有乜理由睇唔到咖, 係啦, 保皇黨要為建制護航, 我明白的, 但事後咁來推, 咁來洒太極推手, 就唔得光明磊落了.

最少, 做個負責任的議員, 說出自己支持的理由, 話係因應人口老化, 要讓香港財政可以持續運作下去. 

做議員, 都預左俾人罵, 不過咁樣推卸法, 就真係唔專業了. 

PS:加記已經把咬糧的年齡, 由65上調到67, 將來必定再上調到68, 甚至69/70. 很多回流回去的朋友來問我, 我都有勸佢地, 要為回流後的退休作出充份準備, 唔好預筆錢只用到70, 就諗住之後有政府埋單.

我自己就咁勸人, 如果要提早退休, 退休後, 必定要維持70%退休前的消費力度, 如果唔係, 就會影響日後生理和心理的質數. 就算到退休年齡, 都不能單靠政府, 還要加埋一半來自自己積蓄的消費力度, 這樣, 退休生活才會過得有意義.

俾著我可以後生番轉頭......

真係好想知道, 有多少人可以大學裡讀乜, 出到來可以學以致用?

我JJ就無咁好彩, 唔得了, 而且畢業之後果幾年, 加記經濟差, 東打西打工, 唉..... 一D JOB SECURITY 都無呀.

後來, 否極泰來, 找到份不錯的工, 為免D朋友來麻煩我, 我就同佢地講, 我仍然無運行. 

不過, 如果俾我返轉頭, 揀大學讀D乜呢下, 我就一定唔揀我以前讀果D, 最少去讀個 MARKETING 或 FINE ART, 貪佢多女仔吖嘛! 

職業可以遲D就位, 最重要自己管理好財務, 唔好欠咭數, 工作可以不佳, 但自己最重要可以控制到每年儲多少錢嘛. 但拍拖同婚姻呢, 就唔可以遲, 一遲就大Q鑊了. 

最近, 我才發現, 原來大陸有藝術學院, 原來係做應用藝術喎, 教人行CAT WALK, 教人行出來 PRESENTABLE. 嗱嗱嗱.....  山東煙台就有間如此如此的藝術學院..... 嘩哈哈, 俾著我後生返轉頭, 我一定去報名入讀. 哈哈哈..... 圖中果D, 比起我後生時, 碎料啦......

PS: 嗱, 大6上邊, 復旦大學果個外貌出位的"女神"教授咁講: "什麼是..... 我自風情萬種, 與世無爭? 在不影響別人, 不干擾別人自由, 不給別人添麻煩, 就不用太著意別人的看法, 然後做回自己, 做個真實的你. 率性一點, 自然一點, 從容一點. " 

其實, 我父母親因為見到我那個親戚, 一世人都活在女人紏纏之下, 自少就管得我很嚴, 驚住我一生都會活得不開心. 只是, 上邊這句讓我釋懷了. 

宗教團體裡, 為何不常見到外貌出眾的人? 主要原因, 不單變成眾人的"風頭躉", 更加有乜起上來, 變成第一個被訓示的人, 所以, 教會人仕要留意一下上邊果一句, 總不能夠變成別人返教會敬拜神的拌腳石吧!

林大導睡中卒死的啟示

就係2018年臨結尾前, 阿林大導突然好地地, 係睡中卒死. 

唉..... 老香港GOOD OLD DAYS 時代的標誌性人物, 越來越少了, 2018年死左唔少人, 很多加燦的舊日香港記憶, 真係好容易會旁落了. 

當然我們了解到林大導極可能是睡時血氣不暢, 而導至卒死夢中.

原來, 睡中反睏係好事, 因為可以不停轉動身體, 轉換貼近床上受壓的身體部份, 不致令那部份身體受壓太久, 血氣過度不暢.

只是冬天蓋厚被時, 轉動身體不容易, 會把被舖退卻, 一部份身體會外露. 

所以, 我JJ已經有多年, 睡時穿厚衣, 被蓋只蓋到腰腹, 讓上身可以在睡夢中任意轉動, 可以變得較反睏.

仲有, 睏醒起身時, 記住唔好立刻離床起身, 應該坐係床邊, 伸展雙腿和隻腳板, 避免起身時企唔穩, 跌倒受傷, 又或容易中風.

還有一事, 聽說平睡是不好的, 容易因為鼻液流入氣管, 或胃酸倒流等等, 造成窒息, 我以前有一個租客, 就係咁, 直到十幾日後, 佢個女打來搵我去開門.

PS: 不過, 不知道是否因為我人到中年, 發現身體在睡中, 沒有以前一般的反睏, 而且側睡又睡不著覺, 真係開始要多花時間留意下自己. 聽說, 人到中年, 打理得自己健康好一點, 雖然未必會長命, 但總可以令到老年生活會好一點. 所以, 我也鼓勵大家多花時間留意自己身體健康, 話哂, 好人好姐好健康, 突然離開了, 就不太值了.

以前睇八掛週刋, 有次見到林大導講佢後生時, 無人地發哥仔咁靚仔, 就走去做幕後, 後來就好似其他藝人, 如發哥仔咁, 由電視走上電影, 搵真銀之路, 所以, 佢人生故事裡, 提醒大家, 無論人生先天如何, 只要後天努力, 就會有好日子過.

早知咁, 就咪鬼攪 YOUTUBE.

落單一個人係YOUTUBE上搵食, 其實都好辛苦, 尤其要維持以往一向的高收視率, 不單要投觀眾所好, 講埋哂D神秘學玄秘學, 有時更講埋D咸野, 甚至講埋雜交, 更要每時每刻都要俾到料出來, 維持班觀眾.

係咖, 聽聞有些人係YOUTUBE上幾十萬個以上的點擊, YOUTUBE公司有錢俾番佢, 我不會懷疑當中有作假, 不過要維持幾十萬點擊, 真係要負上好似一份工咁大的工作量, 不像初初幸運地開正觀眾果範, 就有幾十萬點擊.

所以, 落單一個人係YOUTUBE上面混, 不會容易, 不但沒有CAREER PATH, 不單會有光郎才盡的一天, 更會有身體不適的日子.

咁..... 如果有老闆, 已有一班班底, 開個YOUTUBE視率, 好似蕭才子呀, 黑帶杜呀, 過氣議員呀, 其實, 都好的, 講D野帶正路, 讓人去思考一下, 不過, 有些人卻出到粗口, 性感女人, 咸濕笑話, 這樣必定是嘩眾取寵了, 就算有天俾人大罵佢出來混淆視聽, 都不會有人出來替佢辯白的. 

PS:下邊係某位在YOUTUBE上, 有大點擊率的姐姐仔, 唉, 見佢辛苦成咁, 都仲要走出來淆, 唯有祝佢快快好番......

這些年頭, 不應再講面子了,

其實, 很多跟我同時期過來移民的香港移民, 當時大多都未能放下面子, 買屋可以買差D, 但車子一定要買好的威皇的. 出入衣著, 不能輸陣, 就算輸人.

移民幾年到十年後埋單, 大多數人身家唔見左一截. 

面子有時係助力, 因為會令人迎難而上, 會令人在逆境裡堅持到底, 只是面子在物質, 而不是面子在原則和信念, 當然最後就不會有好結果.

我移民來後, 一向揸日本仔車, 抵食夾大件果D形號, 一架車揸十幾年, 從不會介意人家怎樣看我, 一切實事求是, 不花假不虛華. 

認識有教友揸LUXURY CAR, 去打最低工資的工作, 唉..... 就算一日做十幾個鐘都唔夠洗. 而且放工後, 不會有時間思考人生, 一切都只會跟隨人群大隊, 沒有了自己的獨特想法. 

有一年, 我終於明白這朋友為何咁要面, 因為佢鄉下興民間集資, 佢係加記, 當然有好多鄉親找他們放資金在海外了. 不過, 2011年佢鄉下資金鏈大破裂, 聽說很多人跟佢鄉親反左面呀, 其實, D人都傻咖, 有乜可能做單生意, 包會有十幾厘回報, 可能某段時間有, 但不能維持多年都係咁嘛! 一到逆境, 十幾厘息就要左成盤生意D命了.

好啦, 其實, 我以前去果間唐人教會, 都對教友, 用到好多面子工程, 相反地, 我一向叫人踏實做人, 自己做到幾多就做幾多貢獻, 所以我不容於這些教會和人仕, 不過, 我自己十分懷疑要面子的人, 真正能夠為別人貢獻多少, 唔攪出個大頭佛, 都已經呵離吉帝了. 

到今天, 這些人人到中年, 大多都面對人生更多的困難, 再加上來緊這幾年, 佢地人生從未見過的大逆境, 真懷疑會有多少人唔會痴線, 尤其d人咁要面子.

都係咖, 人係社交動物, 我JJ 真係唔想斷哂D社交, 不過, 我真係唔想俾人影響到更情緒低落, 話哂, 這些朋友未大鑊之前, 我都已經苦口婆心講得好清楚,  

所以, 來緊的日子, 不單朋友們會受到經濟沖擊, 連我係社交上, 都不會容易交到好朋友了.