香港老人福利年齡, 已經算是好年青了.

世界各地現在都將退休年齡 + 領取老年福利年齡 提高.

除了美加或歐洲,  香港都是一樣, 不久的將來, 國內都會一樣咁做, 國內勞保快要破產, 提高退休年齡, 只是時間問題.

在香港, 鵝姐將這項議題, 靜靜雞咁放係財政預算案裡頭..... 

嗱, 我就唔覺得阿鵝姐咁做有乜問題囉? 基本上, 領取某些福利的最低年齡, 係政府財政政策來咖. 將年齡提高, 把資源集中用在真正年老的人身上, 總好過把資源亂咁平均來放, 變成滴水不乎.

只是一班議員的反應就有D唔妥, 好似受騙咁, 嘩哈哈, 咪扮到咁無知啦! 你地班友有乜理由睇唔到咖, 係啦, 保皇黨要為建制護航, 我明白的, 但事後咁來推, 咁來洒太極推手, 就唔得光明磊落了.

最少, 做個負責任的議員, 說出自己支持的理由, 話係因應人口老化, 要讓香港財政可以持續運作下去. 

做議員, 都預左俾人罵, 不過咁樣推卸法, 就真係唔專業了. 

PS:加記已經把咬糧的年齡, 由65上調到67, 將來必定再上調到68, 甚至69/70. 很多回流回去的朋友來問我, 我都有勸佢地, 要為回流後的退休作出充份準備, 唔好預筆錢只用到70, 就諗住之後有政府埋單.

我自己就咁勸人, 如果要提早退休, 退休後, 必定要維持70%退休前的消費力度, 如果唔係, 就會影響日後生理和心理的質數. 就算到退休年齡, 都不能單靠政府, 還要加埋一半來自自己積蓄的消費力度, 這樣, 退休生活才會過得有意義.