財富永遠是浮動, 水漲船高, 但不要低估投資風險.

我隔離屋果個人, 原本已經供緊一間好大的屋, 佢嫌唔夠豪, 嫌唔夠搶人眼, 嫌唔夠折服別人的心, 走去買別一間豪宅來死充爛充. 

超低息下, 佢只用第一間屋出租的租金, 用來供第一間屋和第二間豪宅的按揭. 這個本來係無死的主意, 只是..... 財富永遠是浮動的, 水一漲時, 船就會高.

照一直以來的做法, 銀行本應不批他第二間屋的按揭. 只是, 歷史性的低息環境, 銀行水浸嚴重; 屋價創新高, 佢第一間屋升了的屋價, 令佢的信貸評級升高左好多; 還有超低息令佢可以用一間屋的租金再加少少錢, 來供佢2間屋的按揭, 再加上佢用旁門左道來伸請豪宅按揭, 咁樣, 就批左佢. 

但係, 我隔離間屋果個人, 買了豪宅後, 第一間屋放租租到3年2月, 但卻丟空無租收了1年10月, 總計近5年, 租俾2個住客, 都住唔滿期就走左佬. 

點解會咁難租咁惡租? 因為佢容易伸請到按揭時, 其他人也容易申請到按揭, 尤其信貸較好的人, 以前息高, 無能力買屋而一直租屋, 但一到超低息下, 一間屋的租金竟然可以供到二間屋的按揭, 這些人就不再租了, 個個都去買屋. 那麼, 誰人會去租屋住呢? 就是那些信貸記錄不好的爛人破人了. 所以, 佢租俾2個租客, 都是爛爛破破的人. 將佢間屋攪到爛溶溶. 

現在到左加息週期, 銀行不斷提高壓力測試的水平, 原本買一間屋自住的人, 已經開始供得吃力了, 再加上到續按時, 銀行收緊放批按揭的要求, 有可能唔批續按申請喎. 條友仔現在供2間屋, 再加無租金收入, 這樣就大大鑊了.....

PS: 其實, 本來, 買屋自住是財富管理, 之後, 買柏文或屋來出租是投資, 只是條數唔可以計到咁盡喎, 我JJ估我自己呢, 都唔會咁夠膽, 長期去用1間屋的租金, 來供2間屋的按揭. 始終明知道, 超低息的環境終有一天會曲終人散嘛! 可能, 俾著我, 我會在未加息前, 就買掉最少一間屋. 

好了, 我諗, 我暫時都唔會買加國銀行股, 就算有, 我都會慢慢放咁D了, 而加國保險股呢, 我真係未諗到住, 遲D再諗下啦.