"忠吧酒廊" 是否危爾?

新聞講....... 花剌子模果班包頭佬, 攻左入老美一直係度睇場果個首都, 果度成班老美幫D大使, 個個要急急坐直升機去機場撤走! 

其實, 老美要係果度一直撐落去, 都唔係難, 一年派2~3千兵, 再加百億援助, 咁 就可以了. 

只係, 老美係果度, 對自己無著數喎! 而且仲穩定左熊貓大帝個西陲喎, 等佢可以無顧忌咁向東增兵, 攪到我地D枱彎朋友個個都好頭痕! 

現在包頭佬控制左花剌子模大部份地區, 就同熊貓大帝果條"忠吧酒廊"好近, 近過熊貓大帝越過枱海去枱彎喎! 而且, 條"忠吧酒廊"果度仲係陸路, 果度仲係同包頭佬同文同種的地方喎! 係熊貓大帝踩左入包頭佬果個場喎, 包頭佬打左咁耐聖戰, 無非係悍衛佢地神聖的土地, 唉, 真係唔知熊貓大帝今次點收科了!

喂,..... 大佬, D枱彎朋友都從來未摙住熊貓大帝條頸姐, 熊貓大帝都要話幾時幾時去收服枱彎..... 嗱, 家陣熊貓大帝條"忠吧酒廊", 俾包頭佬摙住喎! 點解熊貓大帝無乜反應既? 仲派佢嗌交部果個手下, 去同包頭佬傾喎? 真希望熊貓大帝佢手能夠曉以大義, 包頭佬自動拿起武器, 幫熊貓大帝來悍衛條"忠吧酒廊"?

當然, 老美係無死錯人, 由 花剌子模撤軍, 要熊貓大帝自己去睇住個場, 當然熊貓大帝要東西南北幾邊疲於奔命啦! 

好啦, 真係希望熊貓大帝唔好咁過勞了, 好易快快英年早X! 

唉, 家陣, 又枱海個場, 又釣魚翁個場, 又咖哩佬剪羊毛果個場, 又藍海果個場, 今次加多個"忠吧酒廊"這個場, 唔通咁多個場都要開大片? 熊貓大帝佢頂唔頂得順咖!?

PS: 好啦, 這些年頭係多事之秋呀, 大家輸少當贏就好啦, 無謂再去攪D大龍鳳了, 尤其跨國投資, 好容易掂果樣死果樣咖!

至於我JJ呢, 上年買左油股資源股, 今年我再買基建股電網股, 都係果句啦! 西瓜靠邊大, 從來都係企係多叻人.... 多野食果一邊, 係著數D喎! 呵呵呵...... 大家千祈唔好同D傻佬癲佬戇居佬企到咁埋呀! 好易一個導彈打過來, 誤中幅車, 咁就唔抵了.