年尾了, 有人講.....下年商業8大改變趨勢!

我JJ這些年裡, 年年年尾都買本經濟學人, 睇下佢地對下年經濟的預估. 

但係, 上年疫情期間, 再加上突區發生好多事, 年底就無乜心情去買了. 

查實, 如果唔係上年年尾突區發生咁多事, 同埋疫情咁反彈, 以我上年的投資表現, 我真係可以笑笑口咖. 

今年見到有人講 經濟學人對下年商業趨勢的預估, 哈哈哈, 就提醒我去買番本來責袋啊! 

係咖, 大家唔好怕世界改變呀, 哈哈哈, 世界唔改變, 邊處來發圍的機會呢? 係咪? 尤其急速的改變, 大把機會搵銀咖喎!

都係果句, 有..... 健康的身體, 樂觀的情緒, 愉快的心情, 就係搵銀先決的要素呢! 當然, 大有大搵, 少有少搵, 最重要係有銀搵!

  PS: 仲有一件事十分重要, 突區發生的一切, 將不會是一時三刻有所改變, 大家就要放開心情, 繼續生活得好好. 

突區裡這些人今天做的一切, 不外都係想來震撼大家的意志, 想大家心裡驚慌, 消磨大家的意志. 

哼, 唔好俾這些人咁容易得逞, 越係要來消磨大家意志, 大家越係要活得好好, 開開心等機會來到.... 儲多D實力, 無論是錢, 是知識, 是智慧, 我地都要儲好, 將來會有一天用得著的.

 

如若意志堅定, 面對秋風秋雨又何妨?

在FB上, 見到一幅咁香港地道的相片, 看看人名, 一個煲冬瓜的名字喎, 但係一段好香港人的文字吸引我: "屋漏偏逢連夜雨，船遲又遇打頭風，失業就算還接到詐騙電話，這下好了，天天在家當廢青!" 

才知道是一位新香港人, 來到香港面對種種困難, 失業再遇上電話詐騙.

是的, 本來前幾年香港市面好好時, 佢地落到來, 大多都係係佢地自己友企業度做, 再唔係係港資度做, 頂多叻D果班少數人, 係外資度做. 

家陣強立法後, 很多新香港人就知道..... 佢地一直所想所諗"立法係必須的", 係令到佢地變成現在咁樣的主因! 

只是我見到這人都有從港人想法去出發, 算是地道的香港人, 我就送舊香港人的勵志歌俾佢, 希望佢快快行出困境吧!

 歌曲裡頭講: "如若意志堅定 面對秋風秋雨又何妨 浮沉中穩步再上 一切憑我力量!"

好啦, 真係希望佢聽得明白, 成功成為香港一份子吧!

PS: 講起詐騙電話, 我係2018年回港時, 收到"聲稱"香港入境署電話, 叫我按掣入去聽重要訊息, 點知按聽果個"香港官員", 同我講煲冬瓜喎! 哈, 我立刻用煲冬瓜大罵: "胡扯些什麼?"

好啦, 現在完成立法, "天下太平"了, 濕熱率大升, 更多"聲稱"香港XX署的電話了, 不過, 就真係令人不知道係咪詐騙電話, 話澌整個世界都不一樣了.

各位聖誕快樂, 明年一切會更順更好!

 

 

 

疫情反彈下, 各位都係多作準備呀!

相信大家都知道, 世界各地疫情都反彈! 

所以, 大家要開始預備較差的情況發生, 準備 d 食物和日用品係屋企, 咁就岩了. 

我這邊新增過案大增, 政府已經叫人唔好幾家人約埋一齊過節, 叫D人唔好聚會了. 

真係擔心好似上年咁, 過完新年, 就宣佈閂澌所有非必要塲所, 只有超市, 藥房, 五金建材這些必要塲所開門, 而商場, 修車房, 車行, 餐廳, 戲院, GYM, 銀行全部要閂門. 如果好似上年咁, 閂左2個幾月, 到3月中才開番呀! 

我JJ上星期已經換左2 部車的電池, 今天修車房在聖誕節前例牌開始休假了. 我再去建材舖買了零件, 整好左滴水的水龍頭掣, 再去攞幾百蚊現金係袋, 再買齊餸菜過節了. 實在..... 明天同BOXING DAY果幾日, 唔好同人逼呀! 保持同其他人的距離, 減少感染的風險啊!

所以, 大家都係做好正事要緊, 咪浪費時間, 理埋王X宏同佢前妻點嗌交, 做好自己正事要緊呀. 

我JJ都係果句啦~~~~~ "無事早D睏, 有時間多搵銀!" 哈哈哈, 慢下手, 大家真會好似我JJ咁, 早早就可以財務自由, 暨且仲係身體好好, 精神好好. 老實講, 我JJ真係好感恩呀!

真係咪講笑, 好似王X宏同佢前妻咁嗌法交, 如果佢地將來無健康或精神問題, 就真係好神奇了. 

靚仔係咪一定花心, 一定自戀?

昨天我討論王X宏單野, 今天見佢前妻話佢有自戀狂, 就令我想起一些往事. 

老實講, 我真係唔知乜叫自戀呀! 有乜定義.......? 好耐之前, 有個唐人牧師就講希臘故事裡的narcissus - 水仙花, 話說有個靚仔, 佢有天在水中見到自己樣貌的倒影, 就被深深吸引了, 吸引到佢忘記了一切, 在水邊餓死, 化成水仙花了. 後來, 人們用narcissus個字根, 變成 narcissism 自戀狂了.

當時我一聽這個無潦故仔, 就覺得好玄幻了, 個靚仔唔洗搵食咩? 佢無兄弟姊妹父母? 死剩種? 無表親無堂親? 時時見住咁上下樣D人, 點會被自己水中倒影深深吸引? 個故事簡直係無潦到無人有, 都唔知個牧師講出來係為乜? 果間教會裡, 都無咁樣的人姐!

過多幾個星期, 教會裡一個平時無乜聯絡的女教友打來, 問我點睇上次牧師講 narcissus 故仔. 果時我真係無乜印象, 覺得又係D無潦人打來, 就支支吾吾講唔記得左!

後來我才意會到, 哦..... 原來係講我呀! 最少, 果個女教友係咁認為吧!

老實講, 我幼稚園第一日返學, 唔係我自己望住塊鏡照自己, 而係D同學仔同埋MISS 望住我, 攪到我仲以為自己好有問題, 真係懷疑自己係柽物, 喊左出來! 

其實, 我從來沒有覺得自己同別人有乜唔同, 咁耐都係不斷有人講我我好特別, 反而我唔覺得自己有乜特別, 反而我希望別人, 用一個看待普通人的眼光來看待我. 

個牧師咁講道之前, 教會裡有個新來的女教友, 時時係大堂崇拜時, 回頭來望住我, 又跟住我. 其實, 我自己都習慣左, 只是果陣時, 我同果個女教友都係適婚年齡, 就算我詐睇唔到, 其他人都會來問我. 

其實, 好簡單咖咋, 約個女教友出來彼此認識下, 介紹下我自己, 好等果個女教友明白到, 人就算外表有乜特別, 骨子裡都係人一個, 而我只是一個男人囉! 但係, 佢話唔得閒喎! 

我就無左件事, 但果個女教友仍然又係咁, 時時係大堂崇拜時, 回頭來望住我, 又跟住我. 咁, 大家都到適婚年齡, 已經同佢解釋得好清楚, 我唔想其他適婚年齡的女性來誤會吧! 最少我都想快快找到對象來拍拖結婚啦! 這女教友之後又係咁攪法, 唔係想玩野, 就係..... 佢自己唔知自己想點! 

我就再開門見山同佢講, 如果佢對我無意思, 就唔好成日係大堂崇拜時, 回頭來望住我, 又跟住我. 點知佢就同教會牧師和其他女教友講, 話我打電話去騷擾佢, 後來仲攪到要我一定出值"特定聚會", 俾牧師個老婆來"規勸"! 

後來, 我唔理會這些人, 避開D, 是十分正常, 話澌我的時間有限, 無謂理D唔等洗的人, 但係這班人好似奉旨咁..... 好似我要理會佢地咁! 個牧師做左咁多年牧會, 唉, 佢老婆咁向人照肺, 佢又咁講個 narcissus 故事, 真係BULLYING來咖. 

D人係咪 narcissism 自戀狂呢? 如果D人唔係自我中心, 有為他人著想下呢, 應該唔係掛! 我相信自戀狂果D人, 係會把各種各樣奇怪的名目, 扣在別人的頭上, 講到全世界佢一個人係天上囉!

其實, 我都算係.... 有從人家角度去出發, 去圓潤人際關係, D人攪到一鑊粥咁, 我會選擇避開D, 去做正經事, 但這些人要立杆見影, 又想遮住自己的醜能態. 佢地照完人肺, 係台上講完訓話, 就要人地去做佢地要做果D事情咁. 

老實講, 我現在不再是適婚年齡, 也不會去死單一的教會(去完就走, 隔幾個月後再去), 如果係街上再有人望住我, 我都唔覺有乜問題囉. 人家有人家的喜歡吧, 望住我, 我也沒有蝕底的! 

PS: 這幾年裡, 我不時見到我果個身邊好多女人的親戚, 令我想通了好多事情. 原來, D女人越係有錢, 係男女關係上, 越係主動和直接, 相反, 越係無錢越係唔掂D女人, 係男女關係上, 越係喜歡玩野, 越係想扯住對方鼻子走, 越係喜歡壓著踩著對方! 

好啦, 以前90年代D人話點難搵錢, 但都無現在咁難呀! D人後生時唔生性, 到現在老左, 就唔好怪上天唔公平. 來緊的艱難日子將會好像廉刀一樣, 割走這些問題人物了.

 

做人唔好掘強, 唔好以氣用事, 唔好事事都想壓著別人！

這幾天全球華人圈子都火熱著藝人王X宏和前妻的爆料故事. 

其實, 我JJ本來無興趣浪費時間, 去聽這些故事, 話澌人家家庭事, 就應該由人家家裡完完滿滿的自行解決, 只是離婚後任何一方, 把對方的不光彩事來爆光, 實在更不光彩. 所謂的男方醜事, 都係口同鼻岰, 都唔知邊個岩!

話澌錢方面, 係講緊億億聲呀, 嗱..... 大部份人都仲未有本事賺咁多錢返來, 所以, 用這些錢來照顧好女方和小朋友, 實在十分寛裕了, 男方都已經沒有窺待過女方了, 女方也沒有必要這樣去懟男方, 尤其男方係知明藝人, 分明係魚死網破, 可能女方性格太硬, 太想去壓著男方.

致於, 女方如果用"保護其他女性"為由, 那就實在太行了, 可能大家會十分奇怪, 很多女性企係男方果一面喎! 

不過, 可以好肯定, 任何人單單相信某一方一面之詞, 就證明了智商出現問題了. 

我JJ就質疑, 點解咁多女性企係男方果一面呢? 可能係男方粉絲, 不過, 我JJ就覺得, 如果我係女性, 對於其他女性將佢地自己離婚鬧劇放在網上, 來向男方施壓, 我會十分不舒服, 因為這樣可以令到好多男性, 結婚前會好猶豫, 會去懷疑這次王X宏事件, 會否發生在某男自己身上.

尤其果D本身個性好強的女性, 真係會擔心佢地自己會被人標籤為是次的女方, 性格硬, 下下都要壓著別人, 各位女網友, 千祈咪被自己男友標籤為這女呀, 如果唔係, 男友係臨結婚前, 真係會有機會逃婚咖!

講真一句, 性格太掘強, 太想去壓著對方, 這些人大多都係臨老過唔得世, 就算佢地爭到十億百億, d錢都會係手指隙中漏走. 

真係想同大家分享我的座右銘: "無事早D睏, 有時間多搵錢!"

我實在見到太多這些事事要壓著別人的人, 不過, 見到這些人晚境不好, 唔係同人不斷打大交, 就係同家人關係十分疏離, 更惶論早早搵夠錢早早退休, 過著自由自在的財務自由人生. 

 

為何我不會同人講買乜股票?

曾經有網友來問我, 直接給她.... 我那張股票的watchlist, 只是我不能給, 原因係:

1. 我那張watchlist裡, 唔係所有股票我都會買, 有一半以上是用來做 benchmark, 對比自己的揀左來買果d, 看看自己決定有無錯, 用來學習去揀股更準確.

2. 我自己唔係做專業投資服務業, 無牌照去建議別人買乜股票喎!

3. 最近發生熾哥果單野, 就係有第三者建議人去買熾哥果d股票囉! 真係避免瓜田李下, 我自己就咪講任何股票名稱. 

我頂多係講我持有乜股票, 講下自己會點做,  從無叫人買乜股, 也無叫人點做! 

講真, 好多年前, 我教一些教友去投資, 我本來希望等佢地有多d收入, 好等教會多d奉獻, 點知後來我發現, 這些人全變成投機, 不是我初初講的投資. 可能係唔同人買同一股票, 會得出唔同的結果吧!

所以, 我明白到, 可以同人講理念, 但唔可以直接同人講買乜股, 始終唔同人到最後, 會得出唔同結果!

小心家陣...... 網上有敏感字庫

 大家要留意上網了, 包括美企, 可能佢地真係有個敏感字彙庫, 尤其某些kol 係 utub 果D 短片, 我剛才留唔到言, 網頁上載果個會轉的圓圈箭咀, 轉左好多分鐘, 之後死左. 要重新再留言.

當然我立刻用過一D字彙, 如箭囊呀, 婆仔數呀, 尤其唔好提人名, 要提就要用同音字. 仲有, 唔好講乜乜儻乜乜亡乜乜死!

唉...... 幸好, 我JJ做左20年網虫, D中文已經恢復得7788, 如果唔係, 就真係唔知點寫了.

壞車了, 要落手整整, 哈哈哈......

車子沒有揸差唔多2個禮拜, 今天車子撻唔著火, 初時還以為是火咀太污糟, 但換左新火咀後, 仍舊打不著, 最後用別一架車, 搭條過電電線去 BOOST UP 試試, 試一陣間才撻著了(話澌火咀濕左少少, 要轉動一陣才著火), 才想到車電池要換了, 再出去揸上HIGHWAY, 俾車電池充電, 希望明天揸去車房換電池時, 可以一撻就著. 現在真有點患得患失感覺, 

以前疫情前, 如果修車修得耐, 車房會借架車俾我揸返屋企, 但現在疫情下, 無車借, 我要留係車房等, 如果架車要整好耐, 就要自己搭巴士回家, 等整好再搭巴士返去攞車. 

講俾大家知道, 疫情之前, 一切都好方便, 俾錢就拷掂了, 現在煩左好多. 我見到咁煩, 本來定期驗車都無去做了. 

上次我係CLUBHOUSE 的港人組內, 為左給其他人信心, 打下氣, 我就同其他人講, 係外國自己落下手, 一切會好容易. 其實, 現在患得患失的心情係最無癮啊! 

希望明天攞車去整時, 都只係電池有問題, 一切順利下, 唔洗整咁耐, 唔洗要自己搭巴士回家吧!

我還想換埋別一架車的電池. 哈哈哈.... 算啦, 錢係攞來洗呀! 當係財可省去麻煩!

喜歡自炫自吹的後果!

上年年中, 在我這邊的中文網站上, 有人宣稱港人如何如何的窮, 國內現在多發達, 豪車處處. 

我一見到咁, 就立刻去提醒, 現在的國內經濟蕭條, 只有更差, 不會在10年8年內見到最差, 可能佢地一代人都不會見經濟轉好, 即是登文的人一世人都會迷失在經濟下行中. 我就勸佢, 為到自己所愛的家人親人, 不要老是想著豪宅豪車, 多留寶貴資金在手上, 到連飯都吃不上時, 就會是救命草. 

好啦, 這幾天見到國內有人咁...... 唉..... 10萬買架舊咬地, 竟然之後無錢食飯, 十天後再賣出下, 只有人願意用7萬來接盤. 這些車一要整, 就會好貴!

唉..... 這人無無謂謂咁又無3皮野, 

PS: 其實, 我們港人一早已經脫離靠豪車豪宅來自炫自吹的地步, 一切消費都是為到自己需要和舒適吧!  

看看國內生意幾難做?