長期大市會點?

我估呢, 現在大市係成鋸齒狀的下跌市, 升升跌跌囉, 但長遠係會向下囉.... 端信這幾排跌得好勁, 今天再跌多緊餘股價的25%, 真係大有風兩欲來山滿林的感覺.

其實呢, 如果隻股票本身間公司, 生意長有長做長賺, 而且還有不錯的股息(在加國, 加國本地公司派的股息, 係有稅務優惠). 咁.... 係任何時間買, 都係唔錯的, 尤其有4-5%息, 咁, 1~2年股息已經抵消左任何大股市指數調整了. 只是在下跌市時, 就唔好買入太多相同行業的股票, 我會分開唔同行業來買, 減低風險囉.

當加息和局勢不穩時, 新上市的創科公司就唔好掂了(尤其缺乏穩定的營利和派息), 因為這些公司融資較難, 利息支出高, 令到利潤和現金流受壓, 甚至間公司難以繼續營運下去. 

為何我會估長期下跌市? 好簡單, 因為好多人好很俾錢 買PUT OPTION,  即係好多人睇唔好個市的長期表現, 又或者好多人已經係買入PUT OPTION , 賺到不少的錢. 

無疑老美政府前年派錢, 做就左唔少新的小散戶入市, 而不少人係這兩年的放水漫浸市中獲利, 不少人自許為股壇新星了. 

好啦, 我一直唔阻人發達, 人家要係股市上點點點, 由得佢地啦! 我只是提醒一句, 現在再唔係漫水浸市了, 而係收水市, 唔係買PUT就一定贏錢呀, 相反鋸齒向下市, 最多短炒短操作的人損手. 

誰會在這些市況中, 生存下來? 就係果D著眼於長有長做長賺錢的人, 著眼於間公司真正的賺錢能力和發展的人.

都係果句, 買入好股票, 將唔好股票賣出, 長期有穩定的現金流流入, 咁樣, 就會一生人長安無虞, 不會走到人生低谷了.

PS: 最近出外搭巴士, 見到有很多由香港初來的朋友們. 很多時, 我自己心裡都好想去鼓勵一下, 叫佢地唔好俾眼前問題難到, 這些問題很快會克服, 很快會過去. 不過, 我最怕人家誤以為我講風涼說話. 老實講, 香港都過到日子了, 來到加國, 點會過唔到日子呢? 人家見我JJ現在好時, 都係我自己以前一步一步咁走過來. 

千祈唔好怕見現實, 唔好走精面捷徑, 唔好去攪零和遊戲. 佢地見我好時, 我唔係因為損人利已而得到的. 香港家陣D人有個趨勢, 就係誤以為..... 要令人損失, 佢地自己才有GAIN.

自從二戰以來, 世界上, 大多數情形都唔係你贏 = 我輸, 而係同共上升, 只是有些人升得快, 有些人升得慢. 令到人家跌, 佢地自己也不一定升喎, 這個就是買PUT D人, 其操作思維上的誤差了.

 

如果所言非虛?

那真是........ 風高浪急, 人心出現極端化, 將來的世情就會急轉難料了, 我JJ一直都會只能估到大方向, 但這樣下, 連大方向都難料, 因為已經再不能用往日的軌道去推斷事情的發展了. 會否朝著崩潰的方向走? 還是有人全力補青天? 唉...... 大家要小心自己安全, 保護好自己, 才是王道呀~!

 

 

政治漫畫可要自我審查嗎?

咁, 我諗都係同當地法例有關囉! 英國有套布偶劇叫"spitting image", 專門來譏諷政治人物, 最近有老美總統當奴友和老英總理約翰遜, 以前連事頭婆, 同埋來傾聯合聲明的鐵娘子, 都有上佢地d布偶人物系列咖! 可以看出英國的政治漫畫係無自我審查喎!

最近 spitting image 無再出新 series, 大概原因係無人睇囉, 無市場的原因, 係因為英國d人覺得佢地歐美自己d 政治人物呢, 都唔係太討厭, 但新冒起頭果位大帝呢, 佢地又唔多認識喎! 個市場仲未大到spitting image可以出新 series. 

不過呢, 最近英國果單領館出來拉人入去圍毆呢, 就真係俾左spitting image 一個唔細的市場空間了. 可能好快...... 佢地又會同阿大大大帝, 出番個布偶劇系列. 哈哈哈..... 

無可口非, 自從英國果單領館出來拉人入去圍毆事件一發生, 網上就多了好多圖像, 把阿大大大帝同國王新衣拉上關係喎. 

其實, 領館果班友, 撈左咁多年歐美領館, 都應該知道佢地咁樣拉人入去打人法, 佢地職位會被高昇, 但難為左我地阿大大大帝, 慘遭網上多次創作出國王新衣囉! 都唔知道班友係護主? 還是賣主? 正所謂呢..... 高級黑低級紅..... 哈哈哈, 佢地唔好開心得太快呀, 慢下手返到去, 被人升上神枱食元寶蠟燭香喎.

領館班友肯定會被人驅逐, 只不過返到去, 又是否安樂呢?! 我認為呢, 倒不如頭崩自由好了, 立刻係英國攪政治庇護, 咪再返去啦!

英國拉示威者入去群毆一事, 任何海外華人都不能視而不見, 都要齊齊發聲遣責!!!!

 唉...... 其實呢, 我JJ真係好唔想出來表態, 講英國發生果單野, 不過呢, 如果我唔表態呢, 將來容乜易加記都好似咁?

老實講, 人有人示威, 我一直都無參加的, 頂多提議示威人仕計計成本效益, 自己付出的代價, 會否換來更大的效益?

只是D人由領館出來拉人入去群毆, 最過份係..... 領館內打人果D人, 係著哂頭盔護甲衣FULL GEAR, 即係佢地一早有預謀, 由果個白頭佬出來撕毀示威者直幡來引開公眾注意, 來配合其他人出來拉人入去, 這個係任何打算安居樂業的海外華人, 所不能也不應該視而不見. 

這些可否叫做魔瓜? 可否叫做白色恐怖?

喂..... 我JJ一家人幾十年前, 一聽中英聯合聲明, 就移民他方, 從不想跟任何人有衝突(肯定唔係任何勇武), 在移民國家裡安居樂業, 生活美好. 我家係1949年前已經係突區安居樂業, 是實實在在的老資格港人, 曾被某些儻媒報刋稱為 - 最友善的突區居民. 因為一早已經移民他方, 從沒有因為上邊攪開放而獲利, 我家生活安好, 一向都跟供慘儻拉唔上任何關係, 更沒有欠供慘儻.

係咖, 2009年突區果個北官周X叫港人: "唔鐘意就可以移民他方!" 喂, 現在人人都怕左呢班大帝, 走左去外國, 乜班大帝現在又改口嗱: "唔鐘意就可以移民上天堂!"

又係咖, 好多同胞D餐館和生意舖頭, 成日都拍烏蠅, 咁多年都唔執笠, 分明就有古怪.......! 我前幾篇講"網上充生哂" 果篇中, 那個侵害者一家所經營的印刷店, 開左成10年都係拍烏蠅, 到左前幾年先執, 其實真係好古怪, 俾著係我, 咁樣的生意, 我1年就執左佢, 唔好再累自己和別人啦, 有乜可能連蝕10年錢都唔執, 仲有人來接佢手?

唉...... 最初我還以為這些同胞艱苦經營, 好意入去帶點少少生意量, 西人一見我入去, 就會跟住入去. 不過, 原來這些全都是對我這些善良好意的人, 一個天大的恥笑!

賭仔係咪容易SHORT 一D?

今日我又係照平常週末咁, 用個 搭巴士的週末PASS, 去滿地可外邊D 鄉郊遊玩. 等車時, 見到有同胞又來等車, 咁條龍D人又唔多, 計埋佢都係得3~4丁人, 佢要打尖插隊, 唔係由佢囉. 我都無佢咁好氣, 死性不改..... 唉..... 

我初頭都唔知道佢係賭仔, 巴士經過印地安土著保留區內的賭場, 佢就落車, 點知落車時, 佢同個西人巴士司機講..... 煲冬瓜"再見"...... 啊...... 真係耐人尋味了... 可能係..... 

1. 佢同個 巴士司機識得咖喎, 個巴士司機好仰慕佢D煲冬瓜, 佢係天朝大國的子民.

2. 佢見我上車時, 同巴士司機講法文, 為到要教導我唔好忘本, 佢同巴士司機講煲冬瓜.

3. 佢為到證明佢唔係去賭場返工, 證明佢入賭場係做大爺,  證明佢唔需要講法文來生活, 個巴士司機會遷就佢.

4. 佢賭錢賭到SHORT左, 仲以為自己仲係國內, 仲以為佢係坐緊富豪大班司機開的 LIMOUSINE.

大家諗下係邊個可能性高D? 又或還有其他可能?

到我由巴士落車去遠足時, 我想起這個同胞正在賭場上博殺緊, 面對美麗風景, 人生如此美好, 為何在賭場過呢? 連帶人的腦筋都無咁清晰敏銳了, 做埋D傻決定.

其實, 我這裡越來越要講多D法文, 可能到我將來入老人院時, 我要講法文了. 住得係度, 就要預左第一時間同人講法文了.

家陣搭飛機返來, 要飛多2粒鐘呀..... 嗚嗚...

點解? 因為俄佬打烏佬, 老美老歐制裁俄佬, 俄佬扣留老美老歐資產, 任何老美航空公司飛機飛入老俄領空, 都會有機會被俄佬迫降來充公. 

以前由我這裡飛返來突區, 可以經北極再經老俄和老忠領空, 家陣唔得LU, 要兜阿拉斯加/日本/台灣, 要飛多2 粒鐘喎...... 機票要成$2000, 疫情前, 都係$1400.

不過, 如果大家由突區飛來北美呢, 條航線同以前一樣, 唔洗飛耐D.

老實講, 都唔知道疫情會否有反覆, 一下返左來突區, 疫情有變, 要封關, 咁..... 我JJ唔係要擠留, 無得準時返屋企.

況且, 現在突區都唔同左, 以前有果D店舖和野食, 可能現在無左LU.

唉...... 個感覺好似..... 春風依舊, 人面全非了. 

還記起, 以前回來時, 每日我都會去公園做晨運, 見住D公公婆婆, 又或大嬸大叔, 現在可能當中有好多人因為疫情, 而不在人世了. 真係好驚返來去晨運時, 被人告知某某人已經不在了, 實在太傷感太無奈了. 

真係好後悔以前唔返多D來, 係咖, 以前無咁多空閒錢, 無咁假期, 又或以前攞哂D錢係股市裡碌來碌去, 搵錢錢呀. 不過, 現在就算想洗錢, 都無以前咁過癮了. 

還記得2018年返來時, 買左9巴月票, 每天可以搭10程車, 再加來回程B1上上邊深仔. 果一年日日出去搭巴士, 上晝可以係上水元朗食雞粥, 中午可以係老尖食BUFFET, 下晝可以去到香港仔食魚蛋粉, 嗚嗚...... 現在....... 無左這種感覺呀. 

以前, 最開心就係, 著住我係加記買D減價名牌返來, 突區名牌無減價, 人人都以為我係有錢人, 哈哈哈..... 

尤其提早退休後1年半, 就遇上疫情, 真大鑊, 好似坐監咁呀, 還慶幸我係油股上有斬獲, 如果唔係心情更加差呀!

好啦, 明天我又係我這邊, 買巴士 PASS, 趁住天氣暖和, 多出外行行走, 週圍咁去行下.

網上充生哂, 充到咁衡, 一定有原因啦.

以下 故事雖然發生在溫哥華, 但案件當中, 除了被害人外, 原來大部份人都係係滿地可生活了多年的國內人, 從這些人的行為, 大家可能可以看到滿地可某些國內來的社群(當事人是由東北來).

大約2000年後, 加國的中國人移民QUOTA當中, 香港人唔再移民來, 因為回歸後穩定了, 加國政府就用來接收國內移民來. 聽說(不知真否)當時很多人用假理歷來, 加國政府原本設計這些人來到有一定的謀生能力, 只是用假理歷..... 就不能相提並論了.

 

當時......滿地可WELLINGTON街那裡出現了個小唐人街, 單單一個街口, 3個街角都是中超市, 連地產出租和出售果D招牌, 都有用簡體中文寫成, 十分誇張的. 那裡曾經開了數間中餐館(現在只剩一間, 中超市也只剩一間, 連印刷舖和按摩店都關門大吉), 最特色的係東北菜, 係真正地道東北菜, 咁.... 果度真係住左好多東北人了.

 

案中加害人, 如果係果區開設佢地的印刷生意, 我大約知道係邊一間了. 唉...... 果區被本地人叫貧民窟, 賺錢的生意怎會容易做呢? 況且果度D生意蝕錢就有, 賺錢生意買小見小呀, D人開門做生意, 大多只想用更高價來賣出盤生意俾來緊D新移民.

 

咁.... 案中都講左佢地移民後多年生意失敗了. 搬到溫哥華幫親戚打理物業, 當然要分清主客啦, 怎能夠攞左親戚D野, 當係自己係網上咁炫富呢? 

 

整單案, 全部都無被害人那方的故事, 全都是犯案人/加害人/報案人, 一家在庭上的口供. 究竟...... 被害人有沒有妙到異想天開, 同表姨生女結婚, 就真係天知道了. 不過, 可以看出某些人財迷心竅, 慶幸佢地係加國受審, 換著中國人做警察來搜證, 中國人做法官和陪審團, 理解當中D恐怖事情, 就唔會咁輕判了. 連埋果個假富二代都要判刑.

 

 PS: 最後, 如果我要編劇一個令人信服的完整故事....., 原本這些.... 被害人/加害人/報案人/假富二代, 就算原本不是一伙人來的, 但最後都殊途同歸. 被害人一直都有黑幫背景, 利用某些女性貪得無厭或勢孤力薄的弱點, 在原居地己經有班女性, 不但給他生小孩子, 還給他使用, 如果唔係, 佢D生意點會咁大咁多錢呀? 來到後, 又重施故技, 只是這裡社會制度, 不容許權色交貿, 又或佢果種手法在本地行唔通, 手中多個為他生下小孩的女人, 全沒有用處. 最後, 佢打這裡的官X代, 紅X代, 富二代主意, 打扮佢表姨生女成為富二代, 來招倈一班在外國孤獨的錢權後人. 

只是, 真正有背景的錢權後人, 怎會睇唔出佢表姨生女笨拙和生梳的烗富手法? 而被害人見故技重施不成, 在這裡無利可圖, 就要減省成本了, 開除無用的員工, 但加害人/報案人/假富二代, 開左個富貴頭, 人人都誤以為佢地係富貴人, 怎能接受到一下打回原形呢? 更要把寫在佢地名下的物業, 嘔番出來, 當然最後會你死我活了, 當然最好使走自己女兒, 才好做野啦.
 

這樣做的後果, 令到佢地傷害最少, 但最少可以保住在佢地自己名下的財產. 也可以跟其他同被害人生過小孩的女人, 一齊來瓜分被害人名下的財產.
 

其實, 被害人都唔使用咁多功夫係果個假富二代的老豆身上(片中加害人果個講法好講唔通), 跟本..... 錢/車/豪宅全都係佢所有, 正所謂肉除針板上, 根本果個假富二代一早已經任佢為所慾為了.

嘩, 現在唔多似折倉轉倉喎, 似掟貨出街多D喎!

 唔, 這舖呢, 我JJ初時太樂觀了. 還好, 我JJ一向緊慎唔去大博, 頂多D PUT 要買少少貨. 

面對這個可能長期的跌跌跌裡呢, 我JJ有4寶....

1. 減少今明兩年要俾D稅, 盡量用蝕左錢果D股票, 扣減要俾的稅, 

2. 增加現金, 將無咁好D股票, 先清左佢, 當然, 人人好似我JJ咁做, 就唔係掟貨出街囉. 不過我都係掟左1~2隻出街姐.

3. 減低個倉現貨的成本價, 如果隻股長期看好, 但現在蝕緊價, 就唔好賣, 還要透過再買再賣, 來溝淡個成本價, 再用賬面蝕果D價, 來扣減要納的稅款. 

4. 等..... 等到跌到咁上下, 才好入貨了. 

我睇..... 我會等到明年一月, 才好諗諗去入貨了. 現在按兵不動為妙. 

網絡年代下, 以前好多謀利活動, 都變得唔洗再做了!!

今年我屋企唔搭雪蓬了, 簡單一D, 請剷雪公司來剷哂全條車房路, 將車泊入車房就算了. 

既然將車泊入車房, 就唔再放2部車入去, 因為會潮濕D, 車又生鏽得快D, 所以就將最舊部車賣出. 

初時, 我去唐人街飛髮, 口多同個理髮師洩露了, 點知果個理髮師叫我留部車俾佢朋友.

好啦, 我就十分誠實咁一五一十寫底我部車的實況, 俾佢朋友睇.

點知佢2個朋友來到一睇, 一唱一和, 就話我部車有鏽同埋有過交通意外. 我初時都覺得奇怪, 唔通我部車放係度唔揸出去咩, 揸出去就會有鏽有交通意外, 我諗, 總之唔係大鑊撞到車架變左型, 部車仍然實實淨淨, 車門開閂無問題, 無野移位, 咁...... 唔係得囉.

而且, 我已經俾左友情價, 講明對方知道, 我開價平左1成. 

但係這些人心裡無好念頭, 佢地將我架舊車, 好似新跑車咁掟彎掟到嚮胎, 返來後就再壓價2成. 

嘩, 咁, 即係唔係友情啦, 我初頭都唔敢肯定佢地係咪收舊車來高價轉賣果D人, 我減到距離對方壓價的一半價, 佢都唔同我回價喎, 咁....... 這些人即係來混吉, 存心來壓價. 

本來我都唔急賣, 但係我好想肯定我開個價, 係咪友情價, 當日我上網開高友情價1成, 點知唔洗一個鐘, 我電腦就叮叮聲嚮, 收到近50個回應, 我見咁, 就唔理住, 做左自己其他事先. 

幾個鐘頭回來, 我見到近200個回應, 其中10個提價高多1成, 有2個提價高多2成, 就打電話俾果2個來睇車, 當日先來果個話...... 即刻去車行吊起部車睇真D, 找到有毛病(係剛才果個收舊車佬的好事多為, 專登淨爛我D野), 我就平少少賣出.

最後成交價係我網上開價高1成, 係早前的友情價的2成有多, 比果個收舊車佬壓價高4成. 

其實, 我諗我可以用比原本網上第一口價, 再叫高4成價(這個必定比收舊車佬出賣價仲低, 即係收舊車佬穩賺8~9成), 講價後再用原本網上第一口價高2成來賣, 不過, 都係差左1成姐, 算啦, 我JJ這些投資人, 係永遠唔會賺盡最後果分錢, 總會留有餘地, 見好就收手, 唔會好似D收舊車佬去到咁盡.

大家可以睇到, 網絡年代下, 以前好多謀利活動, 都會唔洗再做了, 收舊車佬就係其中一個, 這些人越係生意難做, 越係會出埋D旁門左道招數, 我總算見識過了. 不過, 這些人就算今次做得成一單生意, 將來的生意只會更難更黑人憎. 生活只會更艱難更大鑊.

下次我再去飛髮, 真係要同個理髮師講講, 叫佢勸勸佢朋友, 趁仲係後生, 就唔好入這行了, 係會誤左佢自己一世人咖. 

PS: 這些收舊車佬的旁門左道招數有效, 係因為對手心裡虛怯, 一開始就有心隱瞞部車的問題, 但係係我面前唔會成功, 因為我是個誠實的人, 而且我開左友情價了, 實在賣左人情了, 沒有欠任何人情, 也沒有什麼理虧. 

以上這些一切, 我都係係我以前果間唐人教會裡學回來的, 想用GUILTY TACTIC, 實在令人反感, 也只會令人望而卻步, 間接令到沒有人真心入教會尋求神和福音. 今天這些教會人仕, 如果落得大大鑊, 都係究由自取, 與人無由, 想有神祝福, 就唔該唔好令人對教會望而卻步!!!!!!!

現在百物騰貴, 生活開始迫人了, 加記這裡罪案率上升, 去唐人街食野時,  遇上有流浪漢騷擾客人來施舍, 用客人買給他的外賣來REFUND. 其實, 咁樣對間餐館好大傷害, 客人心煩不但止, 仲會懷疑間餐館再用退回的食物, 給其他客人. 我相信, 這流浪漢係唔只去一間餐館咁做了, 唉, 生意真係難做呀! 天氣快要涼返, 一到凍時, 餐館D生意都會少好多, 但這些流浪漢生活卻更難, 就會更想去照版咁做. 今年冬天, 可能好多人都唔容易了. 

來緊見到的, 只會係人們更艱難的歳月, 真不明白, 點解果個牧師會講, 越艱難越多人來教會, 真係想問問, D人係咪真係入來教會慕道信耶穌先? 我諗, 真係心裡慕道D人, 就會係生活無咁緊迫時, 人生有餘閒時, 捉緊機會入去教會慕道, 到唔好境時, 就唔想去做到好似去麻煩教會咁.