2015年4月27日 星期一

加國退休金制度....

哈..... 最近才有機會看看加國的退休金制度係D乜野.

原來, 十分簡單, 打從由供款人18歲開始計起, 每年佢地供佢地收入最初5萬3千加元(下同)的大約10%, 供到65歲停止. 供47年, 到退休時, 計回多年來通漲的總淨值後, 再得出個每年的平均數, 再打25%, 就係份退休金了.

比喻咁講, 讀書讀到24歲才出來社會搵真銀, 又幸運地每年薪水都高過供款上限的5萬3千加元(當然折回通漲之後啦), 只是18-24歲之間6年沒有收入, 就不能拿到全部的每月1,033元, 計算後, 只拿到每月900元.

不過, 不要說全部的每月1033元, 連拿到每月900元都很少人了. 大部份人頂多都只拿到每月700-800元. 如果有些人65歲前, 收入不高, 又中年才移民來到這裡, 份退休金就更少了, 聽說很多老移民打工廿卅年年, 份退休金只有每月300-400元.

還好, 加國政府有個德政, 就是最低生活補貼, 即是, 如果統計局發現最低生活開支是每人每月750元, 加國政府就會對退休金不夠750元的人, 補貼夠他們的最低生活開支.

哈..... 供10%的收入, 是怎樣計出來? 原來係由加國人口平均壽命計起, 如果.... 平均壽命係84, 即是 ((84-65) / 47) X 25%,  那就是當年大約要供的%了.

當然啦, 加國退休金制度幾十年前開始時, 加國人口平均壽命得78, 所以當時只需要供6.9%咋.

仲有呀, 一講平均壽命這些統計學名詞, 就即係供款人同加國政府對賭, 賭佢地有幾長命仔囉. 如果一到65歲就蒙主寵召呢,那就蝕底了, 不過如果長命百歲(任何高過平低壽命)呢喎, 咁就賺突了. 

不過呢, 加國退休金制度咁樣計法, 即係代表, 佢地要維持相對持平或不斷增長的勞動人口, 才能維持這樣的退休金制度. 即是, 加國需要不斷的年青移民, 來填補退休金制度的需要, 所以加國永遠都是一個移民國家呢! 

最近保守黨政府話移民政策要點改點改, 其實係因為大選的需要, 到佢地選贏左後, 又會行番以前的移民政策, 大家唔洗擔心呢. 

PS: 其實, 加國退休金制度咁計法, 對很多中年移民唔著數, 而且退休金VS供款, 到最後都只能打和, 無賺無蝕, 對我這些善於投資的人來講, 十分不吸引呢. 

我現在是控制著自己薪金的類別, 盡少去為退休金供款, 留下現金盡量去多買股票. 

唔少等到我退休, 我現在收股息的錢, 都比加國退休金全額的1033元多呢.

7 則留言:

  1. MR JJ,
    嘩! 打工仔份糧, , 要做到收息有千多元, 怎可能?
    唔好話有息收, 最近買5號仔和HKTV 都蝕咗股價 !

    回覆刪除
    回覆
    1. 由我畢業一開始出來做事, 就已經開始買股, 我現在大部份都是藥業股.

      人家買跑車去追女時, 我就開架TOYOTA仔, 沒有女仔睇得起我, 以為我收入微薄. 但我一年儲到1-2萬, 再加上美股市由1千多點升到現在萬8點, 再加收到股息後再用來買股, 咁唔係做得到囉, 不過, 當然有父母幫啦, 如果不是跟他們同住, 就無可能一年儲到1-2萬了.

      一切都是慢慢一步步來, 由年青時就要開始, 持之以恒, 再加少少親情(父母親不斷從旁鼓勵)和運氣(經濟一直向好, 中國加入世貿等等)

      刪除
    2. Haha! Mr JJ,
      你的父母真好!
      現代的父母幫仔女開賓跑, 住大屋, 雖然樣樣都靠按揭, 但是別人看不出來;
      我有親戚就是為了子女(全部大學畢業, 適婚年齡) 找到好對象, 不惜借貸來裝門面! 沒有按照收入支出, 搞到收支不平衡!

      刪除
    3. "現代的父母幫仔女開賓跑, 住大屋, " 這樣父母也好, 只是不長久, 碰著襯家又是一樣, 那就慘了.

      刪除
  2. MR JJ,
    你買的都是藥業股......
    請問: 有什麼股是藥業股, 或有什麼收息股,可以提供留意看看嗎?

    回覆刪除
    回覆
    1. JNJ 最穩打穩扎, PFE, MRK, 這些一定唔會死人.

      刪除
    2. 呵呵! MRK升至59.68, PFE 34.29, 真是升高多了, 假如從你寫這一系列股開始買, 已經小發財了!可惜無入市!

      刪除