對住這些人, 君子做不到了, 就不用再埋會佢地了.

世界無奇不有, 家陣有單野, 就係香港有新人派喜帖, 不單公告女方懷孕「雙喜臨門」，更破傳統地叫賓客到銀行過數, 當禮金和BB日後的教育基金, 更要人係婚宴當日, 帶埋"入數紙"出席. 這樣, 一來或會令朋友都有微言，二來亦會令朋友好混亂，不知婚宴是否連同滿月一齊擺，難決定給予多少禮金喎.

其實, 拎埋肚入面個B嚟拎人情呢, 好朋友一定會支持的, 但泛泛之交呢, 就無可能旨意人家幫你養埋個仔嘛! 仲要表明要朋友帶入數紙出席婚禮, 實在失禮人又失禮他們父母. 朋友俾面佢地, 去出席他們婚禮, 這個是友好, 但要人帶埋入數紙去, 就真係好差勁囉.

PS: 我自己有次去婚禮, 賀咭裡夾著現金支票, 雖然不多, 但也足夠支付佔我那部份婚禮上的酒水和場地錢了. 誰知道主人家幫手的親戚烏龍大意, 連我有無俾禮金都未知道, 主人家個妹就來跟我說, 當晚的開支很大云云, 個姐夫更來講到出口, 話我無俾. 

我想深一層呢, 主人家這樣擺烏龍呢, 即是代表當晚很多人沒有俾囉, 即是這主人家識的朋友很有問題了, 之後, 我當然明白怎樣去面對這群人了.