香港兩個"老蘭"....

香港島蘭桂坊, 其實原名叫"爛鬼坊", 以前係D水兵買醉後癱係度的地方, 後來有個由我這裡滿地可去香港的猶太廠佬, 不斷買地段來做酒吧, 就發展成今天的「人間妖域」了, 

這些地方, 一定係戾氣瀰漫啦, 打交傷人, 時有發生, 最主要係有些人飲左幾杯, 串得濟, 離開後係鄰街俾睇場來教訓. 

九龍這邊另一個老蘭, 當然係砵籣街, 曾經聽聞有一句, 半夜12點後, 那裡就不是差人睇的. 老實講, 我有一次回港第一晚, 睏唔著, 凌晨2-3點係旺角彌敦道行, 見行條街黑紋紋, 行人一個都無, D差人行咇, 係4個人一咇咁行, 我初時都唔在意, 見到裡邊的砵籣街燈火通明, 裡邊人應該多過外邊的彌敦道, 但D差人行咇係無行入去咖. 

其實, 都應該知道, 好人好姐如我這般, 這些地方就不好再行近了. 凌晨後, 連彌敦道都唔好行, 真係要乖乖地留係親戚間屋裡, 等天光才好出街呀.