古今中外, 不變定理.

細時在香港讀書, 有個半唐蕃佢無讀中文版的中國歷史, 只讀英文版的世界通史, 佢有次走來問我..... 為何中國傳統社會咁專制? 要限定官員的屋有幾大, 有幾多奴僕, 有幾多牲畜... 下級官員唔可以威過上級官員. 

我就同佢講呢, 中國古代經濟無現在咁發達, 通常係無秘撈嘛, 齋靠份當官份糧來咬, 咁.... 限制D官員屋企有幾大, 有幾多奴僕, 有幾多牲畜, 可以限制佢去貪污嘛, 更有一個時代, 中國D官階係用三百石.... 五百石, 一千石糧食來計, 即是由佢的俸祿和官階, 立刻可以計到某官員, 能夠負擔家裡有多少奴僕和牲畜. 更有一個時期, 官員級別以千戶, 百戶來計..... 即是那年如果失收, 個"為民父母官"就不能大富貴了. 我還問佢: "你估淨係你阿爸英國佬才會講, 收入與官職不相稱!"

講開又講, 國內有人最近為貪官做左個統計喎, 聲稱貪官95％有情婦, 又為貪官的配備, 做了一個可能的準則 -  情婦, 大量現金, 房產等等. 有了這些, 就有可能係貪官了.

PS: 還有一些有趣的資料, 情婦由16歲到任何年紀都有, 但大多26歲就"退役"，因為「超期服役麻煩多」. 選擇的範圍包括: 女下屬、女企業家、女藝人, 而情婦人數則由1人，到多達146人. 我心想, 唔係咁攪笑嘛, 146個情婦, 噢..... 真係要封這人做中國超人, 又或中國最慷慨最要面子的契爺.