何來老土?

最近見到有國內來的同胞在我這裡徵友網上徵友, 第一個要求, 就是不要"土"的. 

嗱, 這個呢, 國內同胞就不要來指責我們香港人了, 都唔只我地香港人咁講, 佢地自己人都咁講了. 

不過呢, 我覺得, 土或不土, 最主要係關係到D人, 會否耐唔耐更新一下自己的思想和觀念囉, PICK UP下D時尚而又好的生活方式. 

哈, 我算唔算古老石化動物呢? 我最近才開始用 薯嘜PHONE, 哈哈哈, 不過, 我都學得好快咖, 一陣間已經用了WHATSAPP, QQ, WECHAT 和 GOOGLE PHONE, 大家可能唔知道GOOGLE PHONE, 香港仲未有, 係APPS來的, 現在只有美加才可以用來打免費長途. 

我現在已經開始係WECHAT和QQ上群聊了. 最重要我需要一些百足咁多爪的網友, 俾我有新資訊新思維囉, 其次是我思想開放來接受新事物. 

前幾排, 才帶了一個新識的朋友仔去買減價貨. 講起這位朋友仔, 外貌雖不很漂亮, 但一出外, 總會吸引一些目光, 衣著總是入時的. 只是他跟我去買衫, 他初時說這個色不行, 這個款不行, 這個品牌不好. 我見佢咁排他性, 我就勸佢, 件衫裙未試上身, 都未知會點. 

我更親自同佢係女裝衫裙堆裡, 揀了很多好令佢STUNNING 的 衫裙. 之後, 佢好開心咁買了很多普通品牌的減價貨, 講緊係$12一條上班褲, $10一件上班裇衫. 攪到係果度獨自揀緊衫裙的鬼妹, 一見到我這個唐人男仔咁來為朋友揀衫裙, 個個都紅了眼, 個個心裡都問, 原來唐人男仔比他們的男友, 更沒有大男人主義.

我朋友仔第二天著返公司, 佢公司D人立刻問佢係邊度買, 佢立刻來問我個MALL 的地址. 

所以, 總括一事, 土或不土, 皆因為人內心的思維, 土的人, 人們不會跟著他們來做事, 不土的人, 人們一看到他們的前衛進取思想, 就會來跟著.