選港姐...... 又關香港特首普選事?

前排新出爐港姐, 接受無記內部己人訪問自己人時，形容港姐選舉"公平"喎. 如果佢接受生果報訪問, 佢一定無乜好下場了.

個港姐講, 先由評判先選出「3強」，才交由觀眾投票，形容已經是有進步, "我覺得這是很公平。我很光榮是香港人，我知道很多人想一人一票表達民意，但我認為每人都要學懂包容，如何有共識".

她又指香港人都是一家人，一定要團結，希望自己能成為年輕人榜樣.

只是有網民形容, 個港姐咁講, 係完暗地裡為香港假普選制度來護航，正如由提名委員會選出2至3位候選人，再由香港人所謂一人一票選特首.

我個人想呢..... 港姐選出來, 無論是豬扒還是牛扒, 都對我們一眾港燦無乜影響, 大不了唔睇佢囉, 這個是無記佢地自己的問題嘛, 得唔到觀眾樂愛, 一味迎合大老闆來內定某扒扒出來獻世. 

香港特首普選好唔同喎, 香港觀眾就算唔睇電視, 唔睇報紙娛樂版, 但點都會見到特首, 係佢地面前揚來揚去喎, 都會被特首每一項施政所影響到.

大家有無發現, 近年D港姐3強越來越醜樣, 都唔明白D評審點選? 相反國內D選美佳麗就越來越靚, 再係咁, 有誰會收看無記D劇集?