咪咁戇居, 請留意一下身邊人的感受

話說, 有位在日本長大的年青人, 去到國內山東, 竟然仍舊穿著在日本時著的旭日旗 T-裇, 上寫"大日本帝國海軍", 並聲稱他在日本一向這樣著. 

當然.... 他的下場是可以預計, 不消一會, 就有人來.... 

我覺得這些人都戇居到智障的地步, 佢係香港咁著法, 我們一眾港燦就算心裡不開心, 也不會太粗野, 但一上到山東見到山東大漢, 點會同佢客氣..... ? 哈哈哈....

 

PS: 這個令我想起一些事, 以前我去果間唐人教會, 竟然有香港移民家庭的青少年, 扮動漫人物來攪福音工作, 咁..... 就有些人著左和服出來, 哈哈哈...... 我的想法其實都好中性, 並且樂見其成. 最攪笑的, 反對聲音最強烈的人, 竟然是那班在這裡長大的竹昇. 這一事, 令我想到, 人們在一個自由的教育製度下成長, 未必一定會思想自由開放, 連我這個係香港接受填鴨教育的人, 思想比他們更開放. 

第二個想法, 我先祖是山東人, 好似係靠近梁山泊果頭的, 嘻嘻嘻. 不過, 我實在沒有任何山東漢子的遺風, 最少我不會粗野到動手打人.

第三個想法, 有次我在日本京都的旅遊服務中心, 見到有個西人載上蘇格蘭帽, 去問旅遊資訊, 無人答佢喎, 大佬, 話明旅遊中心, 人家只載蘇格蘭帽, 都未出齊全套蘇格軍服, 都可以無人同佢講野, 可以知道在日本, 日本人自己心裡都有很多避忌的. 

第四個想法,  我家中都有件旭日旗的T, 當然沒有寫著乜乜海軍啦, 只寫上"必勝". 但我咁耐都無諗過著回來香港, 又或著去美加其他地方, 頂多係魁北克這裡著吧!