無國界二五仔

其實, 二五仔通常都被人誤以為只識督背脊, 其實係佢地督人背脊之前, 佢地都要經過資料搜集和分析, 之後才把結論和建議, 賣來賺錢. 所以二五仔其實係一種十分原始的分析師, 用原始的耳傳眼看再加分析來賺錢.

只是現代全球化的社會, 怎可能只靠耳傳眼看呢? 一定要靠上網, 並且不是一個個網站一個個POST來看, 而是靠輿論監測軟體，針對某些突發公共事件或熱門話題，設定關鍵字，監測相關輿論，並進行準確分析及預測， 提供建議.

最近, 國內攪了12班次課程, 來培訓這方面的"人才", 並稱這職業為"網路輿情分析師". 主要培訓對象, 包括各級政府機關, 行政單位，國企, 宣傳部, 新聞辦, 應急辦, 信訪辦, 公安, 法院, 檢察, 建設, 交通, 上市公司, 營銷部, 公共關係, 高校學生管理部門, 思政教學部門.

連香港鄰近的深圳都有得上課(http://www.npst.org.cn/train/490.html), 純課程都只是4千多人仔,  其他食宿洗費另計.... 聽說有自由職業者去上課. 只是我地一眾港燦最好就唔好去上了, 慢下手任何涉及國家機密D野, 我地知道左之後又被爆了出去, 盞令自己一身蟻. 

講真呀, 這些有點像極權鐵幕國家內的偵查活動, 人們互相監管得密不透風.

PS: 其實, 這些都已經不是現在才有的把戲, 十多年前我上香港的財經新聞組, 都已經有人不斷收集D人的資料, 又問長又問短, 又來問我讀D乜科, 做D乜工, 有次更有人來叫我回香港服務祖國, 叫我俾我個人資料佢. 

甚至有人前幾排, 想話我係某某人, 想來迫我登自己幅相, 大有想來起我底的味道, 其實, 網上有些人真是別有用心, 大家要小心D. 

不過, 大家咪以為係自己個BLOG上發表意見無用, 很多公關公司或研究機構, 甚至上邊掌管統戰或文宣的部門, 每天都在收集我們港燦關於香港政改的意見, 只要我們和平理性咁來表達, 越多人關注政改, 香港越有希望和前途.