LI 條友好堅呀, 帶入去未整理過的古漢墓!

大家有無去過香港李鄭屋邨果個博物館, 我JJ雖然係歷史迷, 不過, 覺得果度好陰深恐怖呀!

家陣 LI 條友仔, 實拍佢自己入去古墓度, 仲係果D無王管的古墓, 其實係相當危險的, 因為可以有野獸, 可以有毒蛇虫鼠蟻, 可以有隔世無抗體/無藥可醫的上古病毒, 可以缺氧充滿沼氣漳氣! 

條友仔佢果個YOUTUBE裡頭, 有好多講古墓和歷史文物的視頻, 都係我JJ的致愛呀! 

大家可能會問我, JJ 你做乜眼光只看著過去呀? 咁喜歡抱殘守舊? 

大家睇左我D BLOG文咁耐, 有無發現我JJ段段估左咁多將來的事, 成日都俾我乎碌撞棍咁估中左? 

其實, 估唔估得中, 係跟人對歷史的認識有關咖! 因為鑑古而知今呀! 而且, 我JJ做歷史迷, 讀歷史呢..... 唔係讀古代有幾咁威(當然我唔係大中華主義者), 而係讀人性, 既然了解人性, 就不難估中人們對事情的反應和行為, 就會估到事情發展的脈絡了. 

大家又可能會問, JJ 點解你咁喜歡睇古墓, 莫非我想去盜墓做..... 摸金校尉. 其實, 我JJ係好怕入去古墓咖, 墓裡好陰深, 好危險咖, 一個唔好彩或唔小心, 無左條命仔呀! 

我JJ只是好喜歡去睇古墓的博物館, 睇睇D出土文物, 咁就可以估到當時人的生活, 睇史書時, 就會有個譜, 唔會誤解得太遠太過龍了.