2014年5月2日 星期五

無辜地... 被人發爛渣

我的尋找女友大行動只是開始, 就.... 噢... 平時呢, 如果我JJ被女性來發爛渣, 我都無乜感覺嘛, 話哂男人要就下女性, 今次卻被男人來發我爛渣.... 

事沿於我這朋友, 前排佢常常話要介紹女友給我認識.... 不過, 佢的方法就有點于回曲折喎, 佢先找佢某女性朋友A, 再叫這女性朋友A, 介紹佢地大家都識的另一個女仔B. 

前天, 佢要我SEND 張相俾佢, 好等佢先SEND俾A. 再由A 再SEND俾B. 只是佢好似要我一定成功咁, 我SEND左好多張相俾佢, 佢都話唔得, 又話我笑得唔夠自然, 唔夠可愛, 唔夠靚仔, 好啦, 最後我去沖番個涼, 吹好個頭髮, 剃埋D鬚LU, 再捽D底CREAM上自己塊面度啦, 之後再不斷懶可愛咁笑住來自拍.... 拍左百幾幅相, 揀左最靚果5幅, 佢才話OK. 我心諗, 洗唔洗咁PRO呀?

 今天佢打來同我講, 話個對方好LIKE我幅相, 之後佢就開始發我爛渣.... 又話A同佢講, A唔喜歡中國男人, 又話A週末得閒出來. 

我心諗, 你只要幫我問女仔B個E貓或電話.... 唔係得囉? 洗乜你去約A, A週末唔得閒, 關我乜事喎? 最重要係B得閒俾我約出來, 咁唔係得囉...

俾佢發完我爛渣之後, 佢還介紹了本書給我..... 並叮囑我看完才好去約女仔B出來. 嘩, 洗唔洗咁麻煩, 好似要我一定要追到手咁....

哈哈哈..... 被佢發爛渣破壞左我思緒一陣咁多, 我之後想一想, 我終於明白了.... 佢.... 對A有興趣, 就拿我來過橋, 借口介紹我給B認識, 佢就順便去約A, 但現在A請佢食左個特大號的檸檬喎, 又話唔喜歡中國男人, 又話週末唔得閒出來.... 

好啦.... 好啦.... 等我約左B出來, 相處過之後, 大家認為夾時, 我想想辦法, 幫佢約A出來, 等佢可以有機會啦!

PS: 某些女性對男性說, 她們不喜歡唐人男人, 話中的含意, 大約係指對面前男人無興趣吧! 好難怪佢咁唔開心... 算啦, 算啦, 被佢發次爛渣, 都算係朋友的義氣吧.... 

 查實呢, 我最初SEND俾佢D相呢, 大多都係好COOL好冷的相, 成個電影裡的殺手咁樣, 這個才殺食嘛, 現代女仔係唔會喜歡男仔十熟9頭咁樣啦, 都唔知道佢係咪跟時代脫左節? 一定要我笑住咁來影相. 希望佢唔好俾這次影響佢啦.... 如果唔係, 我真係幫佢唔到了.

好啦... 為到我的尋找女友行動順利進行, 我決定今個週末出去理髮,之後, 影過別一批相, 要影到最靚仔的, 用來..... 嘿.... 嘿.... 嘿.... 嘿.... 嘿....試下殺手型.... 又試下青春笑容型, 又試下懶COOL型....


 

4 則留言:

  1. 影左百幾幅相....都幾有耐性喎

    回覆刪除
    回覆
    1. 其實, 男人最大忌呢.... 並不是沒有女友或老婆, 而是被人誤會我係..... 曲的或不正常的.... 所以朋友話來介紹女友給我, 我點都要出些力, 證明一下自己十分正常嘛.... 而且幾秒影一張相, 半到一小時就影到百幾幅相了.

      刪除
  2. 你們為什麼不一班人出來,不ok都不會不好意思

    回覆刪除
    回覆
    1. 其實, SEND相已經OK, 不OK就不再回囉.....

      你都看到, 我朋友想約中間朋友的A, 佢都約唔到, 怎可能一班人出來呢?

      刪除