2014年8月23日 星期六

老鄧承諾, 咁快就到曲終人散?

當年我地移民時, 有老人家同我地講上海解放後的種種情況, 初時都承諾很多東西: 上海保持不變, 又有別於國內其他地方. 這老人家並叫我地移民後不要老是再想著回流. 

香港回歸前後的二十年裡, 好像老人家說錯了, 香港一直都發展不錯, 尤其民主漸進上, 慢慢讓港人自己當家作主.

只是現在臨到埋門一腳, 竟然撻Q, 都話明係話達到全面普選嘛, 一人一票選特首, 現在卻攪個門檻出來, 要50%的1200人提委會同意, 才俾港人來選, 而港人對提委會的構成和委任, 卻無得出聲或發言. 這個算乜野係達成普選的步驟? 簡直讓人認識到, 香港民主原來一直在原地踏步, 見到的"港人自己當家作主", 只是小部份港人在主宰大部份港人. 

如果上邊以國家安全為由, 來否定沒有篩選的特首和立法局選舉, 就唔該拿過別一個方案出來, 還港人應有的普選權利, 實現鄧老先生對港人的承諾. 

現在發生的一切, 令人覺得十分核突囉, 港人出聲罵和去佔中, 又令人覺得唔俾面阿爺, 唔出聲罵, 又會俾人笑做愚民, 咁都俾人 FOOLING AROUND? 

上邊班大佬你地想點呀? 係咪想擺明當眾侮辱港人? 令港人下唔到台? 又或, 令到阿爺信用掃地? 

現在已經回歸18年了, 有乜回歸過渡都已經塵囂落定, 香港無論政府或政壇內, 要上位的已經係位度坐定, 要下崗的又都已經變成少數反對派, 無聲出. 真唔明白, 香港人咁順灘, 咁睇阿爺枱戲, 上邊班大佬仲話乜乜國家安全. 如果香港真係亂, 都係上左位這班人質素唔夠班, 攪唔掂社會上的問題和矛盾, 反而更激化問題和矛盾出來. 




3 則留言:

  1. 香港有好多令人不滿問題, 都唔易解決呢....

    回覆刪除
    回覆
    1. 最主要係地少人太多, 既得利益者又唔肯讓步. 星斗小市民又無能力向上爬, 這樣社會矛盾怎會少?

      刪除
    2. 老鄧當年沒有把深圳跟香港合併, 這個是一個最大的敗筆.

      刪除