其實照正咁講呢, GE 是原本最先兜兜30的成份股來咖, 也是最後一間仍在成份股名單上的公司, 是二次工業革命名人愛迪生創辦(第一次工業革命當然是發明蒸氣機的瓦特, 至於第三次工業革命頭馬呢? 現在仲未有人敢講係邊個, 我JJ估呢, 再過多20年之後, 就會有人行出來講話係標叔叔或蘋果佬了). 今次GE被 兜兜除名, 正好說出, 二次工業革命差不多淡出當代世界舞台了.
大家會問, 咁, 件事對你JJ有乜沖擊先? 嗱嗱嗱..... 我JJ一向叫人買股好似娶老婆咁, 唔單只要曾經擁有, 更加要天長地久吖嘛! 有朋友就來問我, 大佬你D天長地久理論唔岩喎, 應該係大難臨頭各自飛吖嘛!
哈哈哈...... 咁.... 我會咁答囉: "大哥, 人生一世, 有如草木一春, 莫說間公司D股票會有日跌價或營利大不如前, 老婆或老公都會有天皺皮啦, 身材大變. 不過, 老公老婆這家野, 同對方共渡咁耐的美好時光, 乜都抵番啦!, 點可以話走人就走人咖?"
係咖, 我揸左GE係手咁耐, 淨係收股息都抵啦, 而且, 現在個價雖然跌到7個1皮咁, 我都無蝕錢喎, 點可以講話股票唔可以長揸, 而且, 我仲想襯低吸吸佢喎.
其實, 以GE現在D業務咁計呢, 佢有好多頂尖的產業, 橫跨入去第三次工業革命呢! 只要佢 SPLIT 左其中一D業務出來, 分折成幾間公司, 個股價就會升升升...... 當然股神由佢個倉裡清洒GE出來, 實際理由係美國政府唔會俾GE分析開來, 不過, 一到美國政府改口風俾GE分析, 相信大把人會再入貨.
所以, 價值投資呢, 買股天長地久呢, 仍然係至理明言, 不會錯的, 尤其現在天下大勢風雨飄搖, 總要西瓜靠邊大, 樹大好擋風喎, 而且佢D生意仍然係長有長做長賺錢咖, 有錢賺, 理得佢係咪兜兜成份股, 總不要被世間虛名所誤導.
都係歌裡果D對白講得岩喎..... "那用爭世上浮名, 世事似水去難料!"
凡事都會盛極而衰。
回覆刪除其實, 時代改變, 社會轉型, 常常發生, 只是有些事萬變不離其中, 外表包裝改了, 但內裡的一切沒有改變.
刪除MR JJ,
回覆刪除GE 的息率如何, 是否長期維持在4厘左右?
GE 呢, 在網絡經濟之前, 跟大部分工業股一樣, 回報都有4-5%, 但現在所有工業股只有2-3%, 大藥廠好D 3-4%, 銀行金融股都係3-4%, 而基建能源果D, 因為大投資, 負債高 4-6%. 你等我寫加燦投資策略.
刪除好討厭美國佬,成日搞搞震,搞到股市隨佢動盪。
回覆刪除都無計, 美元係世界財富的標準, 人人都以持有美元, 來持有資產.
刪除