2016年12月7日 星期三

原來人在希望幻滅時, 是會這樣失意的.

我自己並不八掛多事之輩, 只是記憶可能比平常人好一點, 見過的人, 大多在見到時, 一時三克記不起, 但之後就會記起.

昨天去老麥記食包包, 見到一個國內來的中年女性, 一個人坐空枱唔食野, 係度發藕豆, 個藕豆發得令人覺得佢有些好悲傷的事, 佢係有幾分面善, 一時三刻記不起係邊度見過佢.

老實講, 見到人家在老麥記內發愁呢, 而且三九唔識七, 而且又唔記得佢係乜人, 就唔好埋去了, 就算覺得人家需要幫忙, 始終對方是個女性, 就不要走埋去了.

我偷偷地回望佢, 原來佢一直在盯著我. 可能佢係我這裡某團體相片上見過我吧! 不過, 始終我對她來說, 是個陌生人, 我就不會主動去交談. 之後佢喊左出來, 就走了.
  今天我突然想起了她, 她是我這裡唐人街火災後關門那商場內, 在那蘭州拉麵店內工作. 只是老闆旳店關了門, 員工應該還可以去找過另一份工作. 後來我才想起, 很多這裡國內人開的舖頭, 大多都是一群投資移民開的, 內裡很工作人員, 雖然穿著員工制服, 但卻是股東來的. 

我才明白到, 原來這些舖頭這些人的生意, 是一群投資移民家庭的未來希望, 也是他們家庭的生計. 現在商場火災關了門, 生意停頓, 保險賠物業損失而不全賠經營損失, 這中年女人失意了, 百感而生. 

唉..... 見佢仍舊穿著著國內買的衣服, 又遭逢如此挫折, 我真覺得, 這個聖誕節新年, 很多人卻在為生活為家庭而爭扎呢!

2 則留言:

  1. 不單是聖誕新年,係每天都有人為生活為家庭而爭扎!

    回覆刪除
    回覆
    1. 如果關店, 他們損失不菲呀, 很多投資的錢都會無左, 或蝕得很多.,

      刪除