2017年3月11日 星期六

是我幫了他嗎?

每次去油站加油, 總有個西人老頭坐在一旁的草地邊, 有時他會行來問我攞零錢. 

其實, 我自己屬於手頭寬裕的人, 根本就不會吝嗇小小零錢, 但自從這裡有一個西人脫衣舞男, 殘殺並碎屍了一個國內來的同性戀帥哥, 又因為這西人舞男曾幾次在唐人街問過我攞零錢, 所以, 我自從這凶案發生後, 我對施捨別人, 總會十分擔心和有戒心, 擔心再有中國同胞出事.(因為我自己在大庭廣眾, 單純施捨後, 就立刻跟對方保持距離, 不會有問題的). 

前幾天, 天氣實在太冷了, 又見到西人老頭坐在油站旁邊, 我就忍不住, 給了他幾個零錢碎幣, 對方就說我幫了他. 

之後, 我就問自己, 是誰在幫助西人老頭? 絕不是我, 因為幾個碎銀幫不了什麼, 那..... 應該是西人老頭自己幫自己吧! 

同樣道理, 我也只是自己幫助自己, 天氣寒冷, 我又再有情緒低落了, 見到別人有需要, 就給些零錢, 心裡開心了, 情緒低落舒解了. 

杜琪峰電影"大隻佬"裡, 和尚仔問老和尚, 是誰幫了片中, 前生殺孽惡大, 而今生卻心地善良的女主角? 答案是女主角她自己呀. 其實, 很多宗教人仕想不到這一點, 人生就想不開了, 誤以為他們為眾人捨已, 誤以為最後眾人卻負了他們, 誤以為眾人欠了他們, 誤以為別人一定要像他們那樣做. 

我一直在想著, 我如此如此做, 主要是因為我心中不斷有聲音叫我如此如此做, 做了之後, 就心安理得, 繼續每天的生活.

4 則留言:

  1. 你做得對,為善不問結果,自求心安理得。

    回覆刪除
    回覆
    1. 加國這裡其實不是理想的福利國, 很多人也生活得好苦, 唉....

      刪除
  2. 零錢是少事,但香港既乞丐,多是包食住做工咁,由大陸集團安排來港搵錢囉!

    回覆刪除
    回覆
    1. 係咖, 香港乞兒真係要小心佢地.

      刪除