2017年3月30日 星期四

為何有錢人不快樂?

哈哈哈, 各位, 大家咪誤會呀, 我唔係講我自己, 我真係講緊其他人, 因為根據有錢人的國際標準, 我JJ尚未入流啊. 

不過, 我有很多客戶係有錢人, 當然唔排除當中有很多人係舢舨充炮艇, 

哈哈哈, 我綜合他們的想法, 大多數人不快樂的原因, 卻是因為他們發現了, 努力工作賺錢之後, 原來錢並不一定能免去人生的各種煩惱, 反而隨著年紀越大, 人生煩惱越來越多. 

這些人大多都後悔著年青時沒有及時行樂, 沒有像他們朋輩一樣碌爆咭來女仔, 沒有花盡千金來買心頭好, 沒有去花天酒地, 沒有去紙醉今迷, 到最後, 他們跟這些碌爆咭的朋友, 都是同樣有著人生煩惱. 

照我JJ話齋呢嗄, 其實, 佢地同佢地碌爆咭的朋友, 人生是有分別的, 他們沒有咭數煩惱, 他們有自住物業而沒有租金不斷上升的壓力, 他們生活平淡, 而沒有因為嫖賭煙酒帶來的身體受損, 他們精神健康良好, 而沒有酒色財氣而來的精神創傷.

最後, 我一直都不敢說的, 就是.....有錢人有經濟能力, 自由自在, 無拘無束, 仍然能夠去選擇做個好人, 做個忠恕友愛的人, 相反, 其他人天天受財困所限, 總不能對人大方慷慨一點, 總不能對人憐憫一點.

就是某些人過往的人生過錯, 令很多人現在沒能力, 過一個好人的生活, 到了他們覺得受到別人阻礙人生時, 他們用出的手段, 更是令人心寒的, 總不能把自己抽離, 由壞人中變成好人.

孔子論語說"成仁"必備的修養: 修身齊家治國平天下, 但是在現代資本社會裡, "成仁"大多要由財務自由開始, 正所謂, 君子理財, 取之有道.

4 則留言:

  1. 都係哥句..你睇人好...人睇你好je~

    回覆刪除
    回覆
    1. 係咖, 有錢無錢, 做人都有苦惱, 不用羡慕別人了. 只是人有財務自由, 大多都可以揀做個好人.

      刪除
  2. 有無錢都可以唔快樂!但只要知足就可常樂,呢點一d都唔假!

    回覆刪除
    回覆
    1. 係咖, 知足好重要, 容易快樂一D

      刪除