2017年5月2日 星期二

在他們眼中, 我是個孤寒種....

哈哈哈, 各位, 我JJ算唔算孤寒呢嗄? 

我每次出唐人街都係叫D碟頭飯, 其實無他的, 我自己一丁友, 實在沒有興趣叫餸, 尤其係海鮮, 因為我從來都唔相信外邊整海鮮會洗得好乾淨. 

就以龍蝦或皇帝蟹為例, 如果間餐館唔洗洗外殼, 我食完後可能會有過敏. 所以, 我食這些海鮮, 大多都係會自己買回家中, 自己擦乾淨個外殼, 還清走D內臟才去煮. 

最近我這裡所有餐館的生意都唔好, 個個做餐館, 個個都唉聲嘆氣, 好似世界末日咁. 

係的, 我有經濟, 應該叫D貴價餸, 只是我一丁友, 就唔多想叫咁多野, 一來一丁友食, 無咁好胃口, 二來我唔習慣一個人叫到成枱都係餸.

今天俾我見到, 好多人一家大細, 都係叫幾個碟頭咋, 就算我係佢地救星, 我都不一定要叫到成枱野食咖嘛!

 PS: 以前我食完兩球雪糕, 再去食加底三絲炒麵, 之後晚上回家再食三碗飯都無問題, 現在連一碟普通份量的三絲炒麵都食唔哂, 回家後到晚飯, 都要就住就住食一碗..... 嗚嗚....


6 則留言:

  1. 我都是叫幾個碟頭食,一般都不叫小菜。貪簡單嘛!

    回覆刪除
    回覆
    1. 其實,我真係唔想為食飯諗咁多囉

      刪除
  2. 碟頭好啩?豆腐火腩飯,男人的浪漫!

    回覆刪除
    回覆
    1. 為何是男人的浪漫? 火腩豆腐喎, 無菜無纖維,我怕怕呀.

      刪除
  3. 如一丁友, 想食吓其他都食唔晒架!

    回覆刪除
    回覆
    1. 這個好真呀, 想食其他野都唔得.

      刪除