2015年1月3日 星期六

呵呵呵..... 乜咁快收到啦?

我上年年尾返香港, 臨回來加記前, 去買左部摺單車, 呢...... 係旺角通菜街呢, 金魚檔旁邊, 以前單車舖開到成半條街, 但係家陣租金貴, 不敵自由行, 現在全條街得番2-3檔咁大把啦.... 

單車舖個哥哥好好人喎, 知道我買來寄外埠, 幫我攝埋紙箱內的空位, 唔洗咁易係郵寄時撞壞部車. 

拿去寄時, 我原本唔知郵局有電梯上, 以為得自動扶手梯, 又俾我遇著好心大嬸教我搭電梯上去. 

哈..... 到我去到郵局, 櫃台大嫂見我紙箱咁大, 驚死我寄到去打回頭, 就同我度清度楚個箱的SIZE, 仲同我講, 要寫個常在香港親人個名上去, 一下打回頭, 都有親人幫我去領回部車. 

大家話啦, 我JJ係咪一個好有福份的人呢? 去到邊度都有貴人出來相助咖喎..... 

本來箱野要過左聖誕才會收到咖, 因為已經過左聖誕節郵寄個DEADLINE了, 但係又俾係聖誕前平安夜果一日收到..... 嘩哈哈..... 不過, 咁早收到都無用, 冰水雪地, 踩乜鬼單車姐嗄? 現在我去溜冰滑雪就差唔多. 









PS:果日買完, 拖箱野去上海街文具店買郵寄紙/牛皮膠紙/雙頭筆時, 俾我見到股壇長毛 DAVID WXBB, 佢果日有點似C9, 拖住個C9買餸的車仔袋, 係上海街度週圍行, 咁岩我又推住箱野係街上包緊, 可能佢見我著到成個佢D鬼佬同鄉咁, 睇真D才發現我係唐人, 覺得我好過癮, 留意望望我, 我又認得佢, 差D講左佢個名係唇邊出來, 見到佢係唇邊講左粗口喎. 我心諗佢一定又同佢老婆嗌交, 世界上所有男人同佢老婆嗌交之後, 都係好燥火, 好唔好老脾咖啦.尤其, 中西聯婚呢.

其實, 我發覺做人好似佢咁唔得咖, 做人越是咁樣起哂角, 越是唔順意, 好似我遇到乜事都笑笑口, 這樣總會人生有轉機的.


13 則留言:

  1. 香港買+寄仲平過加記買?

    回覆刪除
    回覆
    1. 這部車係美國網上訂, 要$800美金, 再加運費和加國關稅, 無$1100都落唔樓, 我這部係香港買, 港元$2300多少少, 連運費都係$2800, 合$400美元都無, 再加現在$50元關稅(因為我回港離開加國多過7天, 有$800元免稅額, 但我只淨下$200額度不到, 所以仍要俾$50關稅, 現在落樓唔洗$450美元, 係咪抵好多呢?

      刪除
  2. 說得無錯!……〝做人越是咁樣起哂角, 越是唔順意, 好似我遇到乜事都笑笑口, 這樣總會人生有轉機的. 〞

    回覆刪除
  3. 人唔識得放下,怨氣就積聚,就算好運來都會抵消,所以機會要用開心來迎接,有些人天生有樂觀呢份禮物嘅!

    回覆刪除
    回覆
    1. 人生禍福難料, 都係做人笑面迎難, 才是正路啦,

      刪除
  4. 回覆
    1. 哈哈哈..... 現在睇得唔洗得, 冬天冰水雪地, 無得踩出去威呀.

      刪除
  5. Woow! Mr JJ 回港買乜野可以用了600多元免稅額呢?
    我每次回加只帶200元左右新物品回來!

    回覆刪除
    回覆
    1. 哈哈哈...... 我呀..... 買左好多零食(一句平平平), 電子產品(電視機盒平一半有多)和運動用的散汗衫褲(這些香港真係平好多). 其他貴的有眼鏡囉(都係比加拿大平呀)..... 年紀大左, 眼鏡真係好貴呀.

      刪除
    2. Mr JJ,
      眼鏡我都回港配, 但是愈來愈貴, 有時加記某些公司減價, 差不多平過HK, 零食HK平一半有多, 你真識買平野!

      刪除
  6. 哈哈哈...... 我呀..... 買左好多零食(一句平平平), 電子產品(電視機盒平一半有多)和運動用的散汗衫褲(這些香港真係平好多). 其他貴的有眼鏡囉(都係比加拿大平呀)..... 年紀大左, 眼鏡真係好貴呀.

    回覆刪除