2015年1月12日 星期一

為何咁耐都無滿地可直航香港?

作為過氣港燦, 我真是有點洩氣了, 就快有直航來回北京和滿地可, 但就沒有香港直航滿地可, 香港是東南亞的樞紐, 任何由北美飛東南亞的旅客, 都要在香港轉機嘛, 如果有這裡直航香港, 這些東南亞人如賓妹呀, 馬拉妹呀, 坡妹呀, 越南妹呀, 泰婆呀, 全部都可以只轉一程機, 而我JJ呢, 就可以一上機大覺睏, 唔洗理會這班乜妹乜婆, 都無眼睇了, 可以返直飛到香港, 一落機之後, 嘩哈哈, 我就可以四圍去玩, 唔洗再要返親戚度睏到朝早才出去玩嘛. 

快D有直航機回香港, 快D有直航機回香港, 快D有直航機回香港...... 想起都好興奮咖, 現在要轉機, 要兜路浪費時間不單只, 加埋中途等機, 大大話話唔見左3-4小時, 實在有點情緒低落了.

10 則留言:

  1. 哈哈!你已經比我幸運了,我分分鐘唔見廿幾粒鐘呀!

    回覆刪除
    回覆
    1. 你果度返香港, 比我這裡更遠水路呀, 現在我地飛經北極返去(以前飛阿拉斯加), 省下2小時, 你那裡就算有直航, 經唔經北極, 都唔會省時, 不過, 你真係好辛苦下, 要飛美國, 可能第一轉都未上到飛機返香港, 要轉多一轉呀.

      刪除
    2. 以前無花旗簽証,要飛三轉,先去墨西哥城再到多倫多再飛香港,而家肯比多D錢都要飛兩轉,否則一樣是飛三轉在花旗轉兩次,但價錢就平左。

      刪除
    3. 越來越覺得舟車勞頓, 十分辛苦, 以前搭6-7小時飛機去西岸, 覺得濕濕碎, 現在都覺得辛苦.

      刪除
  2. 你一年才回港一轉,冇所為啦

    回覆刪除
    回覆
    1. 唔得唔得, 就係一年才回港一次, 咁難得, 直航唔係好囉.

      刪除
  3. 會唔會係因為條航線無肉食所以一直都無開直航呀...d航空公司係咁架喇

    回覆刪除
    回覆
    1. 其實, 現今的航線最重要係一開就要雙邊一齊做, 即是兩個國家的兩間航空公司一齊飛這條新航線, 這樣, 又唔可以一星期才有1-2班, 很多上班族和商業客都唔得, 如果每週4-5班, 加上兩間公司一齊飛, 就會無肉食, 尤其, 加航知道一定唔夠港龍或國泰搶生意, 所以就開唔成了.

      刪除
  4. 哈, 你提出吓意見囉, 或者聽你講呢....

    回覆刪除
    回覆
    1. 我已經EMAIL左加航, 下個會係游說國泰, 港龍和香港民航局.

      刪除