2014年6月13日 星期五

只許州官放屁....

上邊前幾天發表了《「一國兩制」在香港特別行政區的實踐》白皮書, 內裡講的一切, 全都是由"一國"這個名詞的廣泛含義, 來解讀出來的, 又話香港直轄中央, 又中央授予香港管理權,又中央可以對香港有全面管治權,又香港高度自治是中央給(即是中央隨時可以收回),又中央可以向特首發出命令.

噢, 看來李大狀這些高知港人, 到現在才知道"一國"這個名詞咁大濟, 不過, 更大濟的, 還在後頭. 原來鑽"名詞"的廣泛含意, 只有某部份人可以, 廣大港人是不需要去做的. 

昨天, 大律師公會昨發表聲明, 提出3點反駁"白皮書",並拋出公會前主席、現任律政司長袁國強2008年的聲明以作反駁. 之後, 律政司認為大律師公會錯誤理解他當年的陳述, 又講白皮書所說的是廣義的「政治體制」, 認為公眾不需過分解讀一些字眼,亦不要以「陰謀論」解讀.

嘩.... 這次仲唔大鑊? 原來真係一錘定音式的最終解讀, 只容許州官點火, 不許萬民點燈, 莫說廣大港人連解讀都唔"需要", 現在連持份者中的大律師都被叫唔"需要".

啍.... 我這些人一向的政治立場是十分中性, 不過, 我睇完聽完某些人在我父母鄉土裡這樣撒野, 只會被迫到更極端的角落裡. 

可能有些人以為天下大定, 可以任他們主宰一切. 嘿, 看看吧, 這些乜乜二代, 會否走他們上一代的路吧, 把中國美好河山又來一次..... 

PS: 前排有人講, 如果港人不喜歡香港現況, 大可以移民. 我覺得這些人都幾蠻的, 人家住了係香港幾十年或幾代人, 這些人來到香港就要改這個那個, 仲叫人走. 仲要睇死港人就算有力移民, 都無力在移居地生根. 哈哈哈.... 偏偏我JJ就係唔會俾這些人睇死, 我現在係加拿大發過豬籠入水. 現在香港發生的一切, 都叫我對某些人沒有好感的.


7 則留言:

  1. 係咪唔會番香港架喇你同你家人?

    回覆刪除
    回覆
    1. 哈..... 這個問題呢, 你真是問得好好, 你見到香港現在的問題, 往後一定會更大鑊, 一定社會矛盾白熱化, 這樣, 我家做乜要回流呢? 我家好地地在加拿大, 太太平平, 最少我可以安心, 唔會出街遇到街頭流血衝突, 也不會見到軍人出來用強硬手腕來鎮壓, 更不用擔心政府會實行金融管制, 唔俾我轉走D錢.

      當然回來探下細時D朋友仔, 唔係長住, 都還可以的. 但是要我家把一切搬回香港, 那就真是不會了.

      本會我還記望有天, 回來香港退休咖, 但現在連回港退休這念頭都打消了.

      刪除
    2. 我看..... 好快就會收緊一切, 包括網上發言, 再遲D可能GOOGLE會撤出香港咖. 或者小T現在就要想一想將來了.

      刪除
    3. 五十年不變, 高度自治, 這個承諾, 可能要縮水了,

      刪除
  2. JJ, 唔係人人移民都可似你咁豬籠入水架....

    回覆刪除
    回覆
    1. 就是因為這樣, 很多人移不到民, 又或移民後不適應要回流, 這些人會比我更激進, 香港越來越變壓力煲.

      現在連我這些置身事外的人, 但都忍唔住罵幾句, 其他人就一定會更激氣, 將來我真不敢想像了.

      我剛剛想起以前移民後回流的朋友, 他們那時在加國都已經好火爆, 現在係香港, 我都唔知道佢地會有乜反應.

      刪除
    2. 我這樣說, 無非是想為大家爭番一口氣, 我們港人被人睇死睇貶了, 任何港人聽到那些北官叫港人移民, 都會生氣.

      刪除