2014年6月9日 星期一

情緒低落的原因.

從前自己還年青, 什麼苦都不怕捱, 因為心裡想著, 後生時做人勤力一點, 將來有好日子過. 

現在的日子, 應該比後生時好很多, 買件衫, 去次旅行, 都不用想得太多, 不用擔心錢洗了後, 將來會唔夠錢結婚生子, 又或供屋, 又或維修物業等等. 

但係, 人生仍然有很多不同煩惱, 經濟寬裕後, 人生煩惱仍然沒有離開我, 工作上時時這個那個, 秘撈又時時有些突發事件, 出租物業又時時要修這個那個. 每天的人生, 總是營營役役. 

經過這麼多年的努力, 人生煩惱仍舊帶不走, 覺得自己真有點蠢, 既然人生有咁多煩惱, 為何後生時不讓自己開心D? 見到其他人又窮又蠢又醜, 都要買件衫體體面面, 而自己卻沒有大花筒.

PS: 唯一可以安慰的, 可能我的煩惱比別人少, 最少不用再煩唔夠錢供樓或俾首期, 不用再煩份工作不穩定, 不用再煩份收入唔夠洗, 不用再煩老婆或仔女唔生性, 不用再煩退休後唔夠錢生活. 

還有, 其他人靠件衫來頂起佢, 而我卻是我頂起件衫, 我求其著任何衫褲都會好好睇, 可能我不應該太過情緒低落, 最少, 我情緒低落的情度, 應該比其他人少. 

剛才, 我才去了一個西人的畢業禮, 他們很多人畢業即是失業, 個個都問他們之後做什麼? 但又係度講笑話, 我想, 有時我們中國人太聰明了太過慮了, 我應該學會豁達一點, 放開一點. 

14 則留言:

  1. 不要無病呻吟,你冇病冇痛,身體健康,比好多人幸福,做一些自己喜歡的事,如種植等分散注意力,有記托就不會情緒低落

    回覆刪除
    回覆
    1. 老實說, 我現在都感受到體能開始下降, 以前行百級樓梯, 都不會感到心跳快, 現在開始有了. 只是D煩事仍然纏身, 無力去做自己喜歡的事吧!

      佛祖初為王子時, 他就算有著比平常人更優勝的物質, 他仍然有著人生煩惱, 所以, 我不是在無事呻吟, 而是跟佛祖有同一感受, 任何人都不能逃避人生煩惱.

      刪除
    2. 體能開始下降, 相信每個人都會,有時間去做做運動,保持健康

      刪除
    3. 無法了, 我已經天天做半小時帶氧運動, 做到出哂汗, 體能仍然走下坡, 即是真係年紀大左, 如果現在不去追尋人生夢想, 我怕將來更困難, 但是一追尋人生夢想, 莫說正職和秘撈, 連出租物業都要出售, 實在改變太多了.

      刪除
  2. 活在世上一定有野要解決, 因為如果無野煩, 你會悶死, 而快樂是來之自己內心, 知足常樂:)

    回覆刪除
    回覆
    1. 其實我是個十分知足的人, 不過, 後生時以為比別人勤力, 現在就不用煩, 原來人生都可以很煩的, 無法脫離煩事

      刪除
  3. 你父母未回加嗎? 他們在, 你就無咁得閒了! ^ V ^

    回覆刪除
    回覆
    1. 回來了, 只是人生仍然很煩呀, 其實我並不得閒的.

      刪除
  4. 随遇而安都係中國人智慧呀

    回覆刪除
    回覆
    1. 係呀, 都係我後生時諗得太多, 現在後悔了, 應該隨遇而安, 但如果現在我改變我一向的生活, 又可能唔知好唔好.

      刪除
    2. 如果明日係你生命的最後一天,你滿意你的一生嗎?覺得精彩?或是會有所後悔?

      刪除
    3. 哈..... 我一定十分心有一不甘, 但我又可以怎樣呢?

      刪除
  5. 有時既野唔使諗咁多既~開心左先啦~

    回覆刪除
    回覆
    1. 係呀, 見你咁開心, 我有少少羡慕你.....

      刪除