香港食豆腐花雜記

有次, 我在香港某山頭村落行山, 果度係幾條行山徑的聚腳點, 就有好多行友好似我咁, 喜歡係果度坐坐休息下.

見到有檔豆腐花, 我就走埋去買碗食下, 突然後邊有西人男人聲講英文, 話叫其他人 just buy whatever you want. 

A...... 我回頭一望, 原來係個西人老豆+佢個港女老婆+佢個半唐蕃細女, 三個人來行山, 一定係個港女老婆話要食豆腐花了, 誰知佢地3個人2個食豆腐花, 只有個西人老豆唔食, 而且仲拿埋塊面睇住佢個老婆和女食. 

俾著其他人, 係唔會明白個西人老豆點解會拿埋口面, 看住個老婆和個女食豆腐花, 而佢自己唔食, 但係我就知道點解, 因為西人覺得中國人街邊食物唔乾淨, 還有, 佢個女D口味和生活習慣似足佢老婆, 而唔似佢. 我這個加燦, 係唔加糖落豆腐花度, 因為我嫌太甜了, 但我見佢老婆和佢個女, 每人落左兩匙糖, 就知道佢個女係港女一個.

我心裡就哈哈哈笑了出來, 我知道佢個女第日一定唔會跟佢搬返佢祖家住, 一定會選擇留係香港住, 因為佢個女D生活習慣, 唔似一個鬼妹, 而係一個港女, 跟左佢個港女老母嘛. 

其實呢, 這個是十分正常呀, 都話明"母語", 而唔係講"父語", 第一語言當然係跟阿媽學咖啦, 之後, 生活習慣當然係跟埋阿媽嘛. 所以, 這個老豆永遠係最寂寞最沮喪最孤獨的. 

想起自己以前細時在香港家裡, 每到新年, 阿爸阿媽就大鬥法, 雙方都想著爭取年幼兒子們的過年習慣似自己. 有時我父母更會口角起來, 現在看到這個西人老豆拿埋口面, 都只係小兒科啦.

我以前係香港, 有個混血兒女同學, 佢老媽又係唐人, 佢係香港大, 學校中午時外出吃飯, 佢最喜歡係食叉雞飯和老火例湯. 如果唔睇住佢, 只聽佢講廣東話, 無人會估到佢係半唐蕃來咖.後來, 我係溫哥華撞番佢, 才知道佢嫁左個港仔, 之後移民來加, 生活習慣跟任何港女沒有分別.