從噏揼書店到尊貴的立法局

今日香港最攪笑的笑話, 莫過如立法局金融界別議員吳先生的一番豪語, 佢竟然話有朋友同佢講, 果間噏揼書局d失蹤老闆和員工, 係因為齊齊坐大飛上上邊桂山島和外伶仃島嫖妓, 後來被捕喎. 

嘩...... 這5個人唔同時間失蹤喎, 最早係10月尾已經有人失蹤, 最後一個係1月頭呀, 事隔個半月, 怎會最先果個仲未放咖? 怎會第一梯隊港佬被捕, 第二梯隊仲敢上去做敢死隊?

還有, 其中有2個係深圳住, 怎需要偷渡上去?

香港幾時淪落到咁情況? 個立法局議員的質素和邏輯可以咁好野? 乜香港人幾時俾人解讀為港豬? 

講真果句, 今次事件中, 最攞分數係震英哥和四眼譚, 佢地最能安撫香港人神經緊張的心情, 其次係泛民班議員, 佢地話要查清查楚, 這個最是講出港人心中的希望. 

不過呢, 所有財經人和投資者, 見到吳生如此的能耐, 竟然可以代表佢背後的金融企業和金融界, 看來真係要叫人唔好去買佢代表的那金融企業股票了.

老實講, 香港的繁榮有賴一國兩制的高度落實, 任何捐害一國兩制公信力的行為, 都是等同損害香港的核心利益. 致於吳生, 唔該下次諗清楚才好講野吧! 小則嚇到人家唔敢買佢企業股票, 大則嚇怕人家唔敢再回上邊.